សុះ ស៊ូហាណា Archives - Kampuchea Thmey Daily

វិសាល, គ្រីយ៉ា និង ស៊ូហាណា ជារៀមច្បងជាប់ជម្រើសជាតិយូរជាងគេ

chean virakbot — Thu, 13 Mar 2025 00:00:00 +0000

សហព័ន្ធកីឡាបាល់ទាត់កម្ពុជាបានកោះហៅសមាជិកណាហ្គាវើលដ៍ សុះ ស៊ូហាណា ដើម្បីជំនួសកីឡាករវ័យក្មេង ជូ ស៊ីនទិ ដែលមានបញ្ហារបួសដើម្បីប្រមូលផ្តុំហ្វឹកហាត់សម្រាប់ការប្រកួត២លើកនាពេលខាងមុខនេះ។

ក្នុងចំណោមបញ្ជីឈ្មោះចំនួន២៣នាក់ក្រោមការដឹកនាំរបស់លោកគ្រូបង្វឹកសញ្ជាតិជប៉ុន Koji Gyotoku មានកីឡាកររៀមច្បង៣រូបដែលនៅតែបន្តជាប់ឈ្មោះក្នុងក្រុមជម្រើសជាតិកម្ពុជា ខណៈកីឡាករសម័យកាលជាមួយគ្នានៅមានតិចតូចដែលបន្តលេងឲ្យក្លិបក្នុងលីគ។ ក្រៅពីនោះ ភាគច្រើនជាកីឡាករស្រករក្រោយដែលត្រូវបានកោះហៅចូលជម្រើសជាតិកម្ពុជា។

សុះ ស៊ូហាណា

ខ្សែបម្រើ សុះ ស៊ូហាណា ដែលត្រូវបានអ្នកគាំទ្រដាក់រហស្សនាម«ផ្ការីកគ្រប់រដូវ»ជាកីឡាករបានជាប់ជម្រើសជាតិកម្ពុជាយូរជាងគេ និងអាយុច្រើនជាងគេ ក្នុងចំណោមកីឡាករ២៣នាក់ដែលត្រូវបានចេញបញ្ជីឈ្មោះកាលពីថ្ងៃទី១១ ខែធ្នូ ឆ្នាំ២០២៥។ រូបគេបានជាប់ជម្រើសជាតិកម្ពុជាតាំងពីឆ្នាំ២០១២ដោយបានបង្ហាញខ្លួនបានចំនួន៧៧ប្រកួត និងរកបាន៤គ្រាប់។

សឿយ វិសាល

ខ្សែការពារ សឿយ វិសាល អាយុ២៩ឆ្នាំត្រូវបានកោះហៅចូលជម្រើសជាតិកម្ពុជាជម្រើសទី១តាំងពីឆ្នាំ២០១៤។ រូបគេជាបានបង្ហាញខ្លួនក្នុងនាមជាខ្សែការពារបានចំនួន៨៣ប្រកួត ក្នុងនោះរកបាន៥គ្រាប់។

សារ៉េត គ្រីយ៉ា

ខ្សែការពាររបស់ព្រះខ័នរាជស្វាយរៀងរូបនេះស្ថិតនៅចំណាត់ថ្នាក់លេខ៣ដែលបានជាប់ជម្រើសជាតិកម្ពុជាក្នុងចំណោមកីឡាករ២៣នាក់ចុងក្រោយនេះ។ គ្រីយ៉ា ត្រូវបានកោះហៅចូលជម្រើសជាតិកម្ពុជាតាំងពីឆ្នាំ២០១៧ ដោយបានបង្ហាញខ្លួនបានចំនួន៣៦ប្រកួត និងរកបាន១គ្រាប់៕

អត្ថបទ៖ វីរបុត្រ

The post វិសាល, គ្រីយ៉ា និង ស៊ូហាណា ជារៀមច្បងជាប់ជម្រើសជាតិយូរជាងគេ appeared first on Kampuchea Thmey Daily.

ផ្ការីកគ្រប់រដូវ សុះ ស៊ូហាណា ជាប់ជម្រើសជាតិយូរជាងគេក្នុងបញ្ជីលើកនេះ

chean virakbot — Wed, 12 Mar 2025 03:30:56 +0000

ខ្សែបម្រើ សុះ ស៊ូហាណា ដែលត្រូវបានអ្នកគាំទ្រដាក់រហស្សនាម«ផ្ការីកគ្រប់រដូវ»ជាកីឡាករបានជាប់ជម្រើសជាតិកម្ពុជាយូរជាងគេក្នុងចំណោមកីឡាករ២៣នាក់ដែលត្រូវបានកោះហៅចូលជម្រើសជាតិសម្រាប់ការប្រកួតមិត្តភាពអន្តរជាតិថ្ងៃ FIFA Days ជាមួយជម្រើសជាតិ វៀតណាម និង អារូបា នាពេលខាងមុខ។

មិនត្រឹមតែបានជាប់ជម្រើសជាតិយូរជាងគេប៉ុណ្ណោះទេ ប៉ុន្តែជាកីឡាករដែលមានអាយុច្រើនជាងគេថែមទៀតក្នុងបញ្ជីឈ្មោះលើកនេះ។ សុះ ស៊ូហាណា កើតនៅទី៤ ខែមេសា ឆ្នាំ១៩៩២ ដែលរហូតដល់ពេលនេះអាយុ៣២ឆ្នាំ។ ចំណែកប្រធាន កាន់ ម៉ូ ក៏អាយុ៣២ឆ្នាំដែរ ប៉ុន្តែកើតនៅថ្ងៃទី២៤ ខែកញ្ញា ឆ្នាំ១៩៩២ ដែលអាយុតិចជាង ស៊ូហាណា ប្រមាណ៤ខែ។

ខ្សែបម្រើកណ្តាល សុះ ស៊ូហាណា បានជាប់ជម្រើសជាតិកម្ពុជាតាំងពីឆ្នាំ២០១២ដោយបានបង្ហាញខ្លួនបានចំនួន៧៧ប្រកួត និងរកបាន៤គ្រាប់។

កីឡាករសម័យដំណាលគ្នានឹង សុះ ស៊ូហាណា មានមិនច្រើនទេដែលនៅបន្តលេងលក្ខណៈអាជីពឲ្យក្លិបក្នុងលីគ ហើយរឹតតែមានមិនច្រើនទៀតដែលត្រូវបានកោះហៅចូលជម្រើសជាតិ។

សុះ ស៊ូហាណា ជាកីឡាករបាល់ទាត់អាជីពម្នាក់ដែលមានភាពស្ងប់ស្ងាត់នៅលើបណ្តាញទំនាក់ទំនងសង្គម ហើយក៏ជាកីឡាករម្នាក់មិនសូវមានកេរ្តិ៍ឈ្មោះបោះសំឡេងខ្ទរខ្ទារខ្លាំង ប៉ុន្តែរក្សាបាននូវកម្រិតសមត្ថភាពមិនថមថយឡើយក្នុងរយៈពេលប្រមាណជាង១០ឆ្នាំចុងក្រោយ៕

អត្ថបទ៖ វីរបុត្រ

The post ផ្ការីកគ្រប់រដូវ សុះ ស៊ូហាណា ជាប់ជម្រើសជាតិយូរជាងគេក្នុងបញ្ជីលើកនេះ appeared first on Kampuchea Thmey Daily.

សុះ ស៊ូហាណា Archives - Kampuchea Thmey Daily

វិសាល, គ្រីយ៉ា និង ស៊ូហាណា ជា​រៀម​ច្បង​ជាប់​ជម្រើស​ជាតិ​យូរ​ជាង​គេ

ផ្ការីកគ្រប់​រដូវ សុះ ស៊ូហាណា ជាប់​ជម្រើស​ជាតិ​យូរ​ជាង​គេក្នុង​បញ្ជី​លើក​នេះ

វិសាល, គ្រីយ៉ា និង ស៊ូហាណា ជារៀមច្បងជាប់ជម្រើសជាតិយូរជាងគេ

ផ្ការីកគ្រប់រដូវ សុះ ស៊ូហាណា ជាប់ជម្រើសជាតិយូរជាងគេក្នុងបញ្ជីលើកនេះ