លោក សេង ជ័យវុទ្ធ នាយករដ្ឋបាលសាលាខេត្តបានឲ្យដឹងថា ការសាងសង់រូបសំណាករូបហ្លួងស្តេចកនគង្គលើសេះនេះ គឺធ្វើអំពីស្ពាន់សុទ្ធតែម្តង មានទម្ងន់ជិត១០តោន។ លោកប្រថាប់លើខ្នងសេះបែរព្រះភ័ក្ត្រទៅទិសខាងលិច ក្នុងយុទ្ធសាស្ត្រស្ទាត់ជំនាញខាងប្រើធ្នូ បញ្ជាគ្រាប់ព្រួញបំផ្លាញសត្រូវ។ បើគិតពីកម្ពស់សេះផ្នែកជើងក្រោយ ដល់គ្រាប់ព្រួញមានកម្ពស់ជាង៨ម៉ែត្រ បើគិតប្រវែងសេះពីកន្ទុយរហូតក្បាលមានប្រវែងជិត១២ម៉ែត្រ។ រូបសំណាកស្តេចគង្គលើខ្នងសេះស្ថិតលើរង្វង់មូលផ្លូវជាតិលេខ៧ និងផ្លូវបត់ចូលខេត្តត្បូងឃ្មុំ ដែលជាខេត្តកូនពៅរបស់យើងតែម្តង។

លោកនាយករដ្ឋបាលបានឲ្យដឹងបន្ថែមទៀតថា ការសាងសង់យើងប្រើរយៈពេល៤ខែ គឺធ្វើឲ្យរូចក្នុងដើមខែមេសាខាងមុខនេះ គឺបញ្ចប់មុនពិធីបុណ្យចូលឆ្នាំខ្មែរនាពេលខាងមុខនេះ។ រូបសំណាកធ្វើឡើងក្រោមការផ្តួចផ្តើមពីលោកបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ ទុកជាប្រវត្តិសាស្ត្រ សម្រាប់បងប្អូនប្រជាពលរដ្ឋក្នុងខេត្ត និងប្រជាពលរដ្ឋទូទាំងប្រទេសបានដឹង និងអភិរក្សបន្តដល់កូនចៅជំនាន់ក្រោយ។ ចំពោះថវិកាសាងសង់ គឺរដ្ឋបាលខេត្តជាអ្នកចេញ៕

អត្ថបទ៖ សាន វិឡែម

The post រូបសំណាកហ្លួងស្ដេចកន ទម្ងន់ ១០ តោន គ្រោងដាក់សម្ពោធជាផ្លូវការនៅដើមខែមេសាខាងមុខ appeared first on Kampuchea Thmey Daily.