ស្ថានទូតសិង្ហបុរីប្រចាំកម្ពុជា Archives - Kampuchea Thmey Daily

ទូតសិង្ហបុរី កោតសរសើររាជធានីភ្នំពេញ ២០ឆ្នាំចុងក្រោយនេះរីកចម្រើនខ្លាំង

Sophal Tuon — Thu, 12 May 2022 10:23:52 +0000

ភ្នំពេញ៖ ឯកអគ្គរដ្ឋទូតសិង្ហបុរីប្រចាំនៅព្រះរាជាណាចក្រកម្ពុជាលោកស្រី ទាវ ឡាយចេង បានសម្តែងការកោតសរសើរយ៉ាងខ្លាំង ចំពោះការអភិវឌ្ឍន៍រីកចំរើនរបស់រាជធានីភ្នំពេញ នារយៈពេល២០ឆ្នាំចុងក្រោយនេះ ដោយមានទាំងអាគារខ្ពស់ៗ និងបន្សល់ទុកនូវអគារវ័យចំណាស់ ដែលទាក់ទាញភ្ញៀវអន្តរជាតិយ៉ាងច្រើនឱ្យមកដើរលេងកម្សាន្តនៅរាជធានីភ្នំពេញ។ អ្វីដែលពិសេសទៀតនោះ គឺរាជធានីភ្នំពេញ មានអភិបាលកិច្ចល្អ ដែលធ្វើឱ្យអ្នកវិនិយោគិននានា មានជំនឿទុកចិត្ត ដាក់វិនិយោគទុន នៅប្រទេសកម្ពុជា។

លោកស្រីទូតសិង្ហបុរី ថ្លែងបែបនេះ នៅក្នុងជំនួបសម្តែងការគួរសមជាមួយអភិបាលរាជធានីភ្នំពេញ លោក ឃួង ស្រេង នារសៀលថ្ងៃទី ១២ ខែឧសភា ឆ្នាំ២០២២ នៅសាលារាជធានីភ្នំពេញ។

លោកស្រីទាវ ឡាយចេង បានមានប្រសាសន៍ថា ក្នុងរយៈពេល២០ឆ្នាំចុងក្រោយនេះភ្នំពេញ ពិតជាបង្ហាញពីភាពរីកចម្រើនយ៉ាងខ្លាំងក្លាដោយមានអគារខ្ពស់ៗជាច្រើន ចំណែកអគារចំណាស់ក៏មានច្រើន។ ជាក់ស្តែង អគាររដ្ឋបាលរាជធានីភ្នំពេញ ដែលលោកស្រីបានជួបសម្តែងការគួរសមជាមួយលោកអភិបាលរាជធានីនេះ គឺជាអគារដែលមានវ័យចំណាស់ជាង១០០ឆ្នាំហើយ។ បន្ថែមលើនេះ រាជធានីភ្នំពេញ ក៏មានគម្រោងសាងសង់ផ្លូវល្បឿនលឿន ពីរាជធានីភ្នំពេញទៅកាន់ក្រុងព្រះសីហនុថែមទៀត។

ជាមួយគ្នានេះ លោកស្រី ក៏បានបញ្ជាក់ផងដែរថា ក្រុមហ៊ុននៅសិង្ហបុរី បានបណ្ដាក់ទុនរកស៊ីនៅព្រះរាជាណាចក្រកម្ពុជាច្រើន ទាំងការវិនិយោគលើវិស័យពាណិជ្ជកម្ម , វិស័យដឹកជញ្ជូននិងការបំពាក់សូឡានៅតាមអាគារផ្សេងៗជាដើម។ ក្រៅពីនេះ ក៏មានក្រុមហ៊ុនប្រមូលសំរាម គ្រប់គ្រងសំណល់រឹង មួយរបស់សាំងហ្គាពួរ បានមកបណ្ដាក់ទុននៅរាជធានីភ្នំពេញផងដែរ។ ជាងនេះទៅទៀតលោកស្រីក៏បានអបអរសាទរនិងកោតសរសើរចំពោះរាជរដ្ឋាភិបាលកម្ពុជាក្រោមការដឹកនាំរបស់សម្ដេចតេជោហ៊ុនសែន និងរដ្ឋបាលរាជធានីភ្នំពេញ ដែលបានទប់ស្កាត់ជំងឺកូវីដ-១៩ ទទួលជោគជ័យ និងបានបើកប្រទេសឲ្យដំណើរការ ជាប្រក្រតីឡើងវិញ។

លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានលើកឡើងថា ក្នុងរយៈពេល២០ ឆ្នាំចុងក្រោយនេះរាជធានីភ្នំពេញ មានការអភិវឌ្ឍន៍រីកចំរើនគួរឲ្យកត់សម្គាល់ ធ្វើឲ្យកំណើនប្រជាពលរដ្ឋចេះតែកើនឡើង ដោយមកដល់ពេលនេះ ទាំងអ្នកស្នាក់នៅអចិន្ត្រៃយ៍និងអ្នកមកប្រកបមុខរបរកទទួលទាន មានចំនួនប្រមាណជា ៣លាននាក់ ដែលធ្វើឱ្យមានការ កកស្ទះចរាចរណ៍យ៉ាងខ្លាំង ។ ប៉ុន្តែបញ្ហានេះ រដ្ឋបាលរាជធានីភ្នំពេញបាននិងកំពុងធ្វើការដោះស្រាយឱ្យប្រសើរឡើងវិញ។

លោក ឃួង ស្រេង បានបញ្ជាក់ផងដែរថា ការទប់ស្កាត់នូវការរីករាលដាលជំងឺកូវីដ-១៩ ទៅតាមអនុសាសន៍ណែនាំរបស់ សម្ដេចតេជោ ហ៊ុន សែន រដ្ឋបាលរាជធានីភ្នំពេញបានគ្រប់គ្រង បានយ៉ាងល្អ រហូតមកដល់ពេលនេះ យើងបានបើកឲ្យដំណើរការប្រទេសឡើងវិញ ជាមួយនឹងការមិនពាក់ម៉ាកសម្រាប់នៅតាមទីសាធារណៈផងដែរ៕ ស្រីរ័ត្ន

The post ទូតសិង្ហបុរី កោតសរសើររាជធានីភ្នំពេញ ២០ឆ្នាំចុងក្រោយនេះរីកចម្រើនខ្លាំង appeared first on Kampuchea Thmey Daily.

ទូតសិង្ហបុរី សម្តែងការកោតសរសើរពីការរីកចំរើន របស់រាជធានីភ្នំពេញ ជាមួយនឹងអភិបាលកិច្ចល្អ ធ្វើឲ្យអ្នកវិនិយោគទុនមានជំនឿទុកចិត្ត ចង់មកវិនិយោគទុន

Kang Tola — Thu, 12 May 2022 10:11:43 +0000

ភ្នំពេញ ៖ ឯកអគ្គរដ្ឋទូតសិង្ហបុរីប្រចាំនៅព្រះរាជាណាចក្រកម្ពុជាលោកស្រី ទាវ ឡាយចេង បានសម្តែងនូវការកោតសរសើរយ៉ាងខ្លាំង ចំពោះការអភិវឌ្ឍន៍រីកចំរើនរបស់រាជធានីភ្នំពេញ នារយៈពេល២០ឆ្នាំ ចុងក្រោយនេះ ដោយមានទាំងអគារខ្ពស់ៗជាមួយនឹងអគារវ័យចំណាស់ ដែលជាការទាក់ទាញភ្ញៀវ អន្តរជាតិយ៉ាងច្រើនមកដើរលេងកម្សាន្តនៅរាជធានីភ្នំពេញ ហើយអ្វីដែលពិសេសថែមទៀតនោះ គឺរាជធានីភ្នំពេញ មានអភិបាលកិច្ចល្អដែលធ្វើឱ្យអ្នកវិនិយោគទុននានា មានជំនឿទុកចិត្ត ចង់មកវិនិយោគទុន នៅប្រទេសកម្ពុជាជាពិសេស នៅរាជធានីភ្នំពេញ។

ការសំដែងនូវការកោតសរសើរពីសំណាក់លោកស្រី ឯកអគ្គរដ្ឋទូតខាងលើនេះ បានធ្វើឡើង ខណៈដែលលោកស្រីបានចូលជួបសំដែងការគួរសមជាមួយលោកឃួង ស្រេងអភិបាលនៃគណៈអភិបាលរាជធានីភ្នំពេញ នារសៀលថ្ងៃទី១២ ខែឧសភា ឆ្នាំ២០២២នេះ នៅសាលារាជធានីភ្នំពេញ។

លោកស្រីទាវ ឡាយចេង បានមានប្រសាសន៍លើកឡើងថា ក្នុងរយៈពេល២០ឆ្នាំចុងក្រោយនេះភ្នំពេញ ពិតជាបង្ហាញពីភាពរីកចម្រើនយ៉ាងខ្លាំងក្លាដោយមានអគារខ្ពស់ ជាច្រើន ហើយអគារវ័យចំណាស់ ក៏មានច្រើនគួរឲ្យកត់សំគាល់ផងដែរ។ នេះជាការទាក់ទាញ ភ្ញៀវឲ្យមកដើរលេងកំសាន្តនៅរាជធានីភ្នំពេញ។

ជាក់ស្តែងអគាររដ្ឋបាលរាជធានីភ្នំពេញ ដែលលោកស្រីបានជួបសម្តែងការគួរសមជាមួយលោកអភិបាលរាជធានីនេះ គឺជាអគារដែលមានអគារវ័យចំណាស់ជាង១០០ឆ្នាំហើយ។ បន្ថែមពីនេះ រាជធានីភ្នំពេញ ក៏មានគម្រោងសាងសង់ផ្លូវល្បឿនលឿន ពីរាជធានីភ្នំពេញទៅកាន់ក្រុងព្រះសីហនុថែមទៀត ដែលពីមុនយើងប្រើពេលវេលាប្រមាណ៦ម៉ោង តែក្រោយពីដាក់ឲ្យដំណើរការផ្លូវល្បឿនយើងនឹងប្រើប្រាស់ត្រឹមតែ ២ម៉ោងប៉ុណ្ណោះ។ ការបង្កើតឲ្យមានអាកាសយានដ្ឋានថ្មី ,ការបង្កើតឱ្យមានបណ្ដាញផ្លូវធំថ្មីៗ កាត់ខ្វែងជាច្រើនកន្លែងទៀត ធ្វើឲ្យរាជធានីភ្នំពេញកាន់តែមានការអភិវឌ្ឍរីកចម្រើនខ្លាំងឡើង។ ប៉ុន្តែអ្វីដែលសំខាន់មួយទៀតនោះ គឺរដ្ឋបាលរាជធានីភ្នំពេញ មានអភិបាលរកិច្ចល្អ ដែលធ្វើឱ្យអតិថិជនក្រុមហ៊ុនឯកជននានា មានការជឿទុកចិត្ត ចង់មកបណ្ដាក់ទុនរកស៊ីនៅក្នុងរាជធានីភ្នំពេញ។

លោកស្រីក៏បានបញ្ជាក់ផងដែរថា ក្រុមហ៊ុននៅសិង្ហបុរី បានបណ្ដាក់ទុនរកស៊ីនៅព្រះរាជាណាចក្រកម្ពុជាច្រើន ទាំងការវិនិយោគលើវិស័យពាណិជ្ជកម្ម , វិស័យដឹកជញ្ជូននិងការបំពាក់សូឡានៅតាមអគារផ្សេងៗជាដើម។ ក្រៅពីនេះ ក៏មានក្រុមហ៊ុនប្រមូលសំរាម គ្រប់គ្រងសំណល់រឹង មួយរបស់សាំងហ្គាពួរ ក៏បានមកបណ្ដាក់ទុននៅរាជធានីភ្នំពេញផងដែរ។ ជាងនេះទៅទៀតលោកស្រីក៏បានអបអរសាទរនិងកោតសរសើរចំពោះរាជរដ្ឋាភិបាលកម្ពុជាក្រោមការដឹកនាំរបស់សម្ដេចតេជោហ៊ុនសែននិងរដ្ឋបាលរាជធានីភ្នំពេញដែលបានទប់ស្កាត់ជម្ងឺកូវីដ-១៩ ទទួលជោគជ័យនិងបានបើកប្រទេសឲ្យដំណើរការ ជាប្រក្រតីឡើងវិញ។

លោកឃួង ស្រេងអភិបាលនៃគណៈអភិបាលរាជធានីភ្នំពេញ ក្នុងឱកាសនោះក៏បានមានប្រសាសន៍លើកឡើងពីស្ថានភាពរបស់រាជធានីភ្នំពេញដែល មានការអភិវឌ្ឍពីដំណាក់កាលមួយទៅដំណាក់កាលមួយ ពិសេស ក្នុងរយៈពេល២០ ឆ្នាំចុងក្រោយនេះរាជធានីភ្នំពេញ មានការអភិវឌ្ឍន៍រីកចំរើនគួរឲ្យកត់សម្គាល់ ធ្វើឲ្យកំណើនប្រជាពលរដ្ឋចេះតែកើនឡើងដោយមកដល់ពេលនេះ ទាំងអ្នកស្នាក់នៅអចិន្ត្រៃយ៍និងអ្នកមកប្រកបមុខរបរកទទួលទាន នៅរាជធានីភ្នំពេញមានចំនួនប្រមាណជា ៣លាននាក់ ដែលធ្វើឱ្យមានការ កកស្ទះចរាចរណ៍យ៉ាងខ្លាំង ។ប៉ុន្តែបញ្ហានេះរដ្ឋបាលរាជធានីភ្នំពេញបាននិងកំពុងធ្វើការដោះស្រាយឱ្យប្រសើរឡើងវិញ។

លោកឃួង ស្រេងក៏បានបញ្ជាក់ផងដែរថា ការទប់ស្កាត់នូវការរីករាលដាលជំងឺកូវីដ-១៩ ទៅតាមអនុសាសន៍ណែនាំរបស់ សម្ដេចតេជោ ហ៊ុន សែន រដ្ឋបាលរាជធានីភ្នំពេញបានគ្រប់គ្រងជំងឺកូវីដ-១៩ បានយ៉ាងល្អ រហូតមកដល់ពេលនេះ យើងបានបើកឲ្យដំណើរការប្រទេសឡើងវិញ ជាមួយនឹងការមិនពាក់ម៉ាកសម្រាប់នៅតាមទីសាធារណៈផងដែរ។

ជាងនេះទៅទៀត សម្ដេចតេជោហ៊ុនសែនបានណែនាំឲ្យរដ្ឋបាលរាជធានីភ្នំពេញធ្វើការសាងសង់មន្ទីរពេទ្យថ្មីមួយថែមទៀតផងដែរ ដើម្បីព្យាបាលជំងឺឆ្លងផ្សេងៗទៀត។ ក្នុងដំណាក់កាលការរីករាលដាលជំងឺកូវីដ-១៩ កម្ពុជាទទួលការចាក់វ៉ាក់សាំងការពារជំងឺកូវីដ-១៩ និងព្យាបាលជំងឺកូវីដ-១៩ ជូនប្រជាពលរដ្ឋខ្មែរនិងជនបរទេសដែលស្នាក់នៅកម្ពុជាដោយមិនគិតថ្លៃថែមទៀតផង៕

ដោយ ៖ ស្រីរ័ត្ន

The post ទូតសិង្ហបុរី សម្តែងការកោតសរសើរពីការរីកចំរើន របស់រាជធានីភ្នំពេញ ជាមួយនឹងអភិបាលកិច្ចល្អ ធ្វើឲ្យអ្នកវិនិយោគទុនមានជំនឿទុកចិត្ត ចង់មកវិនិយោគទុន appeared first on Kampuchea Thmey Daily.

ក្រសួងការបរទេសកម្ពុជា និងសិង្ហបុរី នឹងរៀបចំវគ្គបណ្តុះបណ្តាលស្តីពី ការទូតសេដ្ឋកិច្ច

Sorn Phanith — Tue, 19 Oct 2021 09:24:10 +0000

ក្រសួងការបរទេស និងសហប្រតិបត្តិការអន្តរជាតិ បានសហការជាមួយនឹងរដ្ឋាភិបាលសិង្ហបុរី តាមរយៈស្ថានទូតសិង្ហបុរីប្រចាំព្រះរាជាណាចក្រកម្ពុជា រៀបចំវគ្គបណ្តុះបណ្តាលស្តីពី ការទូតសេដ្ឋកិច្ច៖ ការបង្កើតយុទ្ធសាស្ត្រគោលនយោបាយពាណិជ្ជកម្ម និងពាណិជ្ជកម្ម (Economic Diplomacy: The making of economic and trade policy strategies) សម្រាប់មន្ត្រីកម្ពុជាចំនួន៣០នាក់មកពីស្ថាប័នផ្សេងៗ។

កម្មវិធីនេះ បានប្រព្រឹត្តិទៅកាលពីព្រឹកថ្ងៃទី១៨ ខែតុលា ឆ្នាំ២០២១ ក្រោមអធិបតីភាពរបស់លោកបណ្ឌិត ញឹម ខេមរា រដ្ឋលេខាធិការ និងជាប្រធានក្រុមការងារសម្របសម្រួលការទូតសេដ្ឋកិច្ច នៃក្រសួងការបរទេស និងសហប្រតិបត្តិការអន្តរជាតិ ជាតំណាងដ៏ខ្ពង់ខ្ពស់របស់លោកឧបនាយករដ្ឋមន្ត្រី ប្រាក់ សុខុន និងដោយមានការចូលរួមពីមន្ត្រីស្ថានទូតសិង្ហបុរី គ្រូបណ្តុះបណ្តាលនៃក្រសួងការបរទេសសិង្ហបុរី និងមន្ត្រីកម្ពុជាសរុបប្រមាណជាង៤០នាក់។

វគ្គបណ្តុះបណ្តាលនេះ មានគោលបំណងលើកកម្ពស់ការយល់ដឹងពីគោលនយោបាយពាណិជ្ជកម្ម ប្រព័ន្ធពាណិជ្ជកម្មពហុភាគីក្រោមអង្គការពាណិជ្ជកម្មពិភពលោក (WTO) ការប្រើប្រាស់សេរីភាវូបនីយកម្មក្រោមសហគមន៍សេដ្ឋកិច្ចអាស៊ាន ដើម្បីប្រកួតប្រជែង និងធ្វើសមាហរណកម្មនៅក្នុងប្រព័ន្ធពាណិជ្ជកម្មពិភពលោក និងការប្រើប្រាស់បច្ចេកទេសនៃការចរចាសេដ្ឋកិច្ច ដើម្បីរួមចំណែកដល់ការអភិវឌ្ឍន៍ធនធានមនុស្ស និងសេដ្ឋកិច្ចកម្ពុជា។

ថ្លែងក្នុងវគ្គបណ្តុះបណ្តាលនោះ លោកបណ្ឌិត ញឹម ខេមរា បានលើកឡើងថា ការអភិវឌ្ឍធនធានមនុស្ស ត្រូវបានកំណត់ជាវិស័យអាទិភាពរបស់រាជរដ្ឋាភិបាលកម្ពុជា ជាពិសេសរបស់ក្រសួងការបរទេស និងសហប្រតិបត្តិការអន្តរជាតិ ដើម្បីបណ្តុះបណ្តាលធនធានមនុស្សក្នុងវិស័យការទូត និងកិច្ចការការបរទេស តាមរយៈវិទ្យាស្ថានជាតិការទូត និងទំនាក់ទំនងអន្តរជាតិ ដែលដើរតួនាទីយ៉ាងសំខាន់ក្នុងការអភិវឌ្ឍសមត្ថភាពជាមួយនឹងចំណេះដឹង និងជំនាញថ្មីៗ ជាពិសេសពាក់ព័ន្ធនឹងវិស័យការទូតសេដ្ឋកិច្ច ដូចមានចែងនៅក្នុង “យុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣” ដែលទើបត្រូវបានប្រកាសដាក់ឱ្យអនុវត្តដោយក្រសួងការបរទេស និងសហប្រតិបត្តិការអន្តរជាតិកាលពីដើមឆ្នាំ២០២១នេះ៕

អត្ថបទ៖ កោះកែវ

The post ក្រសួងការបរទេសកម្ពុជា និងសិង្ហបុរី នឹងរៀបចំវគ្គបណ្តុះបណ្តាលស្តីពី ការទូតសេដ្ឋកិច្ច appeared first on Kampuchea Thmey Daily.