ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៧១សេ នៅខេត្តត្បូងឃ្មុំ ព្រឹកថ្ងៃទី១២ ខែមេសា ឆ្នាំ២០២៥ សម្ដេចធិបតី ហ៊ុន ម៉ាណែត ថាស្ពានព្រែកប្រសព្វអាចនឹងសម្ពោធដាក់ឱ្យប្រើប្រាស់នៅឆ្នាំ២០២៦ខាងមុខ និងជំរុញការចរចាដើម្បី​មានលទ្ធភាពសាងសង់ផ្លូវ ៦០B បន្តចេញពីស្ពាននេះបន្ថែមទៀត។

សម្ដេចថ្លែងថា៖ «ស្ពានព្រែកប្រសព្វឆ្នាំ២០២៦សម្ពោធ។ អ៉ីចឹងផ្លូវ ៦០B នេះយើងគ្រោងដាក់ក្នុងឆ្នាំ២០២៦-២០២៧នេះដើម្បីរៀបចំចរចារ សង្ឃឹមថាតាមផែនការនិងអាចរៀបចំឆាប់ៗ»។

ស្ពាន​ឆ្លងទន្លេ​មេគង្គ​ព្រែក​ប្រសព្វ​ខេត្តក្រចេះ ត្រូវបាន​បើកការដ្ឋាន​សាងសង់​កាលពីដើមឆ្នាំ២០២៣ ស្ពាន​នេះមានប្រវែង​ប្រមាណជាង​១៧០០ម៉ែត្រ ​​និងគ្រោង​ចំ​ណាយ​​ទឹកប្រាក់​សាង​សង់​អស់​ប្រមាណ ១​១​​៤​លានដុល្លារ​អាមេរិ​ក។ គិតត្រឹមខែមីនា ឆ្នាំ២០២៤នេះស្ពាននេះបានសម្ដេចការសាងសង់បាន៣២ភាគរយហើយ៕

អត្ថបទដោយ ហ៊ុន សិរីវឌ្ឍន៍

The post នាយករដ្ឋមន្រ្តី​កម្ពុជា បញ្ជា​​ឱ្យបើកការ​ចរចា​ឲ្យបាន​ឆាប់ ឈានបើកការដ្ឋាន​​សាងសង់ផ្លូវ​ជាតិ ៦០B ពីក្រចេះទៅកំពង់ធំ appeared first on Kampuchea Thmey Daily.