បើតាមការៀបរាប់ឱ្យដឹងពីតារាចម្រៀងលោក សុះ ម៉ាច ដែលបានចុះទៅសួរសុខទុក្ខដោយផ្ទាល់កាលពីថ្មីៗនេះ បានរៀបរាប់ថា ត្រឡប់ពីច្រៀងក្នុងពិធីមង្គលការនៅខេត្តរតនគិរីវិញ ក៏ឆ្លៀតចូលសួរសុខទុក្ខលោកយាយ ដុំ សុផានី ភរិយាវីរ:កវី ស្វាយ សំអឿ ដោយយកថវិកាផ្ទាល់ខ្លួនរបស់លោក ២០មុឺនរៀល ជូនលោកយាយសម្រាប់ដោះស្រាយជីវភាព។

លោក សុះ ម៉ាចបញ្ជាក់ទៀតថា “ក្នុងជីវិតដ៏កម្សត់ទុរគតម្នាក់ឯងលោកយាយរៀបរាប់ទាំងទឹកភ្នែកនូវចរិតមនុស្សមួយចំនួន ឆ្លៀតកេងប្រវ័ញ្ចមកលើលោកយាយចំពោះថវិកាសប្បុរសជនដែលផ្តល់ជូនលោកយាយនៅពេលលោកយាយកំពុងឈឺដេកដួលតែលោកយាយក៏មិនភ្លេចអរគុណសប្បុរសជនទាំងឡាយណាដែលមានទឹកចិត្តអាណិតអាសូរចំពោះលោកយាយកន្លងមកផងដែរ”។

តារាចម្រៀងលោក សុះ ម៉ាច បន្ថែមថា “សូមគិតពីបាបបុណ្យខ្លះផងលុយចាយបានត្រឹមតែមួយរយៈពេលខ្លីនោះទេតែបាបវាជាប់នឹងខ្លួនរហូតថ្ងៃស្លាប់ឯណោះ ។ កាលពីថ្មីៗភរិយា​របស់​វី​រកវីនិពន្ធ​បទ​ចម្រៀង​ដ៏​ល្បី​កាលពី​ជំនាន់​ដើម​លោក ស្វាយ សំ​អឿ​នគឺអ្នកស្រី ដុំ សុ​ផា​នី បាន​ដាច់​ចិត្ត​ដ​ង្ហើ​យ​ររកជំនួយពីសប្បុរសជនដើម្បីព្យាបាល​ជំងឺ​ និង អាហារក្នុង​ដង្ហើម​ជីវិត​ចុង​ក្រោយ​ដែលសព្វថ្ងៃកំពុងជួបជីវភាពខ្វះខាតខ្លាំង។

គួរ​បញ្ជា ក់​ថាស្នាដៃរបស់កវីនិពន្ធ ស្វាយ សំអឿ មានច្រើនរាប់មិនអស់ តាំងពីទសវត្សន៍៦០ ភាគច្រើន បទចម្រៀងក្នុ ងខ្សែភាពយន្តបទមនោសញ្ចេតនាបទប្រជាប្រិយខ្មែរមានដូចជា ,សំណព្វចិត្ត, កងកម្មកងកែវ, ស្ទឹងកែវ,កណ្តាលដួងចិត្ត ,ស្ម័គ្របងដែរ ឬអូនស្រីជាដើម៕ អត្ថបទ៖ ចាន់រ៉ា

The post ភរិយាកវី ស្វាយ សំអឿ រៀបរាប់ទាំងទឹកភ្នែក ខណៈមានជនឆ្លៀតឱកាសកេងថវិកាសប្បុរសជន ផ្តល់ជូនខ្លួន appeared first on Kampuchea Thmey Daily.