លោកគ្រូ Koji Gyotoku ថា ស រតនា នៅខ្វះខាតបច្ចេកទេសផ្ទាល់ខ្លួន និងទំនុកចិត្ត

chean virakbot — Mon, 24 Mar 2025 05:24:41 +0000

បន្ទាប់ពីខ្សែប្រយុទ្ធ ស រតនា បានបញ្ចប់ទីមិនសូវមានប្រសិទ្ធភាពក្នុងការប្រកួតអន្តរជាតិជាមួយថៃ និងវៀតណាមកន្លងមក លោក Koji Gyotoku គ្រូបង្វឹកក្រុមបាល់ទាត់ជម្រើសជាតិកម្ពុជាបានលើកចំណុចខ្វះខាតរបស់ខ្សែប្រយុទ្ធរូបនេះ។

ក្នុងសន្និសីទសារព័ត៌មានព្រឹក ថ្ងៃទី២៤ ខែមីនា ឆ្នាំ២០២៥ ត្រៀមការប្រកួតជាមួយជម្រើសជាតិ អារូបា លោកគ្រូ Koji Gyotoku បានឆ្លើយតបទៅនឹងអ្នកសារព័ត៌មានថា កីឡាករ ស រតនា ត្រូវការកែប្រែ និងបង្កើនបច្ចេកទេសបន្ថែមសម្រាប់ការបញ្ចប់ទី។ វាទាក់ទងនឹងបច្ចេកទេសផ្ទាល់ខ្លួន និងទំនុកចិត្តរបស់គាត់ ដូច្នេះគាត់ត្រូវការកែប្រែចំណុចទាំងនេះ។ នៅលីគកំពូលកម្ពុជាមានក្លិបចំនួន១១ ប៉ុន្តែក្លិបទាំងអស់ភាគច្រើនដាក់ប្រយុទ្ធជាកីឡាករបរទេស ហើយសម្រាប់ រតនា មានចំណុចល្អរបស់គាត់ ទើបបានជាលោកជ្រើសរើសចូលជម្រើសជាតិកម្ពុជា។

លោកបានបញ្ជាក់ថា ៖«ស រតនា នៅខ្វះខាតបច្ចេកទេសផ្ទាល់ខ្លួន ពីព្រោះក្រុមជម្រើសជាតិពេលប្រមូលផ្តុំហ្វឹកហាត់ម្តងៗគឺផ្តោតលើបច្ចេកទេសលេងជាក្រុម ដូច្នេះនៅពេលគាត់ត្រឡប់ទៅក្លិបវិញ គាត់ត្រូវតែអភិវឌ្ឍបច្ចេកទេសផ្ទាល់ខ្លួនដោយខ្លួនឯង ពីព្រោះនៅជម្រើសជាតិអត់មានពេលផ្តោតទៅលើបច្ចេកទេសផ្ទាល់ខ្លួនរបស់កីឡាករម្នាក់ៗទេ»។

ជាការពិតណាស់ ស រតនា ទទួលបានឱកាសល្អជាច្រើនលើកក្នុងការប្រកួតជាមួយថៃ ពានរង្វាន់ ASEAN Championship និងប្រកួតមិត្តភាពអន្តរជាតិជាមួយ វៀតណាម ប៉ុន្តែឱកាសល្អៗទាំងនោះរូបគេធ្វើមិនបានល្អទេ។ ពេលខ្លះរូបគេស៊ុតខុសគោលដៅ ហើយពេលខ្លះទាត់មិនត្រូវបាល់ថែមទៀត។ យ៉ាងណា កីឡាកររូបគេមានគុណភាពសម្បត្តិល្អក្នុងការបំលាស់ទីដើម្បីបង្កើតឱកាស៕

អត្ថបទ៖ វីរបុត្រ

The post លោកគ្រូ Koji Gyotoku ថា ស រតនា នៅខ្វះខាតបច្ចេកទេសផ្ទាល់ខ្លួន និងទំនុកចិត្ត appeared first on Kampuchea Thmey Daily.

ស រតនា Archives - Kampuchea Thmey Daily

លោក​គ្រូ Koji Gyotoku ​ថា ស រតនា នៅ​ខ្វះ​ខាត​បច្ចេកទេស​ផ្ទាល់​ខ្លួន និង​ទំនុក​ចិត្ត

លោកគ្រូ Koji Gyotoku ថា ស រតនា នៅខ្វះខាតបច្ចេកទេសផ្ទាល់ខ្លួន និងទំនុកចិត្ត