លោកស្រី អ៊ឹង គីមលាង អគ្គនាយិកា និងជាស្ថាបនិក នៃ ប្រេនកាបូប ‘‘FRANANDO’’ បានឱ្យដឹងថា ផលិតផលថ្មីមួយនេះ បង្កើតឡើងដើម្បីសុភាពនារី ពិសេសគឺប្រជាជនកម្ពុជា ដោយផ្ដោតទៅលើគុណភាព និងស្ដង់ដាខ្ពស់ ព្រោះមានការធ្វើតេស្ដចេញពីរោងចក្រផ្ទាល់។

លោកស្រី បន្តថា ‘‘FRANANDO’’ ជាម៉ាកយីហោថ្មីមួយ របស់ក្រុមហ៊ុន ហង្សមាស ដែលរចនាឡើងមក​បានគិតគូរដល់ការពេញនិយមរបស់អតិថិជន ក្នុងយុគសម័យថ្មីនេះ ហើយអ្វីដែលកាន់តែពិសេសទៀតនោះ អ្នកស្រី អគ្គនាយិកា ក៏បានបញ្ជាក់ផងដែរថា៖ «ប្រេនកាបូប Franado នេះ ក្រុមហ៊ុននឹងលក់ជូនដល់អតិថិជនក្នុងតម្លៃពិសេសមិនធ្លាប់មានចាប់ពីពេលផ្សាយដំណឹងនេះតទៅ ក្នុងតម្លៃចាប់ពី៤០ដុល្លារ រហូតដល់ ៨០ដុល្លារ តែប៉ុណ្ណោះ»។

ក្រៅពីក្នុងរយៈពេល ៧២ម៉ោង អតិថិជនអាចធ្វើការកម្មុងទិញតាមរយៈហ្វេសប៊ុកផេករបស់ Franado អតិថិជននឹងកាន់តែចំណេញច្រើន ពីព្រោះក្រុមហ៊ុន បានចុះតម្លៃ៥០% ទៅលើកាបូបទាំងអស់របស់ Franado រួមជាមួយការដឹកជញ្ជូនដល់គេហដ្ឋានផ្ទាល់តែម្ដង។

ជាចុងក្រោយ លោកស្រី អ៊ឹង គីមលាង ក៏សូមថ្លែងអំណរគុណដល់អតិថិជន និងភ្ញៀវកត្ដិយសជាតិ និងអន្តរជាតិ ដែលបានចូលរួមក្នុងកម្មវិធីសម្ពោធជាផ្លូវការ ប្រេន Franado ដែលប្រព្រឹត្តទៅនៅស្ទូឌីយោ ហង្សមាស HDTV ក្នុងផ្សារទំនើប អ៉ីអន ២ (សែនសុខ) រាជធានីភ្នំពេញ កាលពីល្ងាចថ្ងៃសៅរ៍ ទី០៥ ម្សិលមិញនេះ ផងដែរ៕

អត្ថបទពាណិជ្ជកម្ម

The post ក្រុមហ៊ុន ហង្សមាស សម្ពោធផ្លូវការ ប្រេនកាបូប ‘‘FRANANDO’’ នាំមកនូវភាពទាន់សម័យថ្មី appeared first on Kampuchea Thmey Daily.

ក្នុងសន្និសីទសារព័ត៌មានកាលពីព្រឹកថ្ងៃទី១៩ ខែវិច្ឆិកា មានវត្តមាន លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរ, លោក មាស រីទ្ធី អគ្គនាយករង ទូរទស្សន៍ហង្សមាស និងរស្មីហង្សមាស HDTV, លោក គ្រីស តូបភើ តំណាងក្រុមហ៊ុនប៊ូសស្រ្តង, លោក អ៊ា វណ្ណា ប្រធានដឹកនាំផលិតកម្មវិធី នៃទូរទស្សន៍ហង្សមាស និងរស្មីហង្សមាស HDTV និងលោក ណុប ប្រុស អ្នកផ្គូផ្គងកីឡាករនៅទូរទស្សន៍ហង្សមាស និងរស្មីហង្សមាស HDTV។

លោក មាស រីទ្ធី បាននិយាយថា៖«គោលបំណងនៃការបង្កើតឡើងកម្មវីធីដណ្ដើមឡានប៊ូសស្រ្តង មិនសំដៅតែការដណ្ដើមឡានតែមួយមុខទេគឺមានគុណតម្លៃផ្សេងទៀត ដូចជាការផ្សព្វផ្សាយគុនខ្មែរឲ្យទូលំទូលាយ។ អ្វីដែលពិសេសគឺក្រុមហ៊ុនហង្សមាសបានបង្ហាញពីគោលជំហរនៅកំណ្ដាលមិនប្រកាន់បក្សពួកគេ តែងតែផ្ដល់ឳកាសដល់កីឡាករគ្រប់ក្លិប»។

លោក ខូវ ឆាយ បាននិយាយថា៖«នេះមិនមែនជាលើកទី១ទេ ដែលក្រុមហ៊ុនប៊ូសស្រ្តងដាក់រថយន្ដ ឲ្យដណ្ដើមទេ។ ចំពោះការប្រកូតលើកនេះជារថយន្ដទី៧ ដែលបានដាក់ឲ្យកីឡាករគុនខ្មែរដណ្ដើម ហើយខ្ញុំជឿជាក់ថាកីឡាករទាំង៨នាក់ចូលរួមនេះនឹងក្លាយជាកីឡាករលំដាប់ប្រទេសនៅថ្ងៃអនាគត។ ហើយរង្វាន់រថយន្ដពីក្រុមហ៊ុនប៊ូសស្រ្តង ជាការលើកទឹកចិត្តដល់កីឡាករគុនខ្មែរ មានទឹកក្នុងការប្រកួតបន្ដអិភវឌ្ឍក្បាច់គុនខ្មែរបន្ដទៀត»។

ចំពោះរូបមន្ដក្នុងការប្រកួតដណ្ដើមរថយន្ដក្នុងកម្មវិធីប៊ូសស្រ្តង King of Fighters Kun Khmer ហាក់មានភាពខុស​ប្លែក​ពីគេ ដោយសារ​តម្រូវឲ្យធ្វើការប្រកួតវគ្គជម្រុះចំនួន៤ខេត្តផ្សេងគ្នា ដើម្បីស្វែងរកបេក្ខភាព៤រូបចុងក្រោយធ្វើការប្រកួតវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ នៅរាជធានីភ្នំពេញ។ បេក្ខភាពចូលរួមប្រកួតមាន៨រូបហើយចែងចែកចេញជា៤គូ ក្នុងនោះក៏តម្រូវឲ្យចាប់ឆ្នោតដើម្បីភាពសុក្រិត។

ក្រោយលទ្ធផលចាប់ឆ្នោតបញ្ចប់ជាផ្លូវ ការ​ប្រកួតទាំង៤គូនឹង​ប្រកួតជម្រុះម្ដង១គូ តាមទីតាំងដែលកម្មវីធី​រៀបចំ​ ការប្រកួតវគ្គជម្រុះជុំដំបូង។ នៅខេត្តត្បូងឃ្មុំ ​ជា​​ជំនួបរវាងកីឡាករ ធន់​ ម៉េងហុង និង​កីឡាករ​ រិទ្ធី សូសែន។ វគ្គ្គជម្រុះជុំទី២ នៅខេត្តបាត់ដំបង កីឡាករ រិន ដេវីត ប្រកួត​ជាមួយកីឡាករ សន រ៉ាគីម ខណៈវគ្គជម្រុះទី៣ នៅខេត្តសៀមរាប កីឡាករ ទូច ដេវីត ត្រូវប្រកួតជាមួយកីឡាករ សេក គីមសាន និង​វគ្គជម្រុះជុំទី៤ នៅខេត្ដស្វាយរៀង កីឡាករ ពុត សំបូរ ជាមួយកីឡាករ ប៉ែនកាក់ រាជសីហ៍។

ក្រោយបញ្ចប់ការប្រកួតវគ្គជម្រុះជុំទាំង៤រួចរាល់ កីឡាករ​៤​រូប​​ដែល​ទទួល​បាន​ជ័យជម្នះ​​នឹង​បន្ត​ការ​ប្រកួត​​វគ្គពាក់កណ្ដាលនិងផ្ដាច់ព្រ័ត្រ នៅ​រាជ​ធានី​ភ្នំពេញ ដើម្បី​ ស្វែងរក​ម្ចាស់រថយន្ដ​ទី៧ ដែលក្រុមហ៊ុនប៊ូសស្រ្តងបានរៀបចំ។ យ៉ាងណាមិញចំពោះការវិភាគប្រកួតវគ្គជម្រុះតាមបណ្ដាលខេត្តអាចមានការប្រែប្រួល តាមការជាក់ស្ដែងពីអ្នករៀបចំកម្មវីធី៕

ទីតាំងប្រកួតវគ្គជម្រុះទាំង៤៖

-ខេត្តត្បូងឃ្មុំ ធ្វើ​នៅបរិវេណជិតរង្វង់មូលសាលាខេត្ត​
-ខេត្តស្វាយរៀង ធ្វើនៅបរិវេណរង្វង់មូល វិមានឯករាជ្យ
-ខេត្តសៀមរាប ធ្វើ​នៅបរិវេណសួនមាត់ស្ទឹងព្រះអង្គចេក ព្រះអង្គចម
-ខេត្តបាត់ដំបង ធ្វើ​នៅ​តារាងបាល់ទាត់វាលបែកចាន ក្រុងបាត់ដំបង

ការប្រកួតវគ្គ​ពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ៖
-នៅរាជធានីភ្នំពេញ ធ្វើ​នៅបរិវេណដីឡូតិ៍ជាប់ផ្លូវជាតិលេខ៤ ភូមិស្ងួនពេជ្រ ខណ្ឌកំបូល រាជធានីភ្នំពេញ

អត្ថបទ​៖ ផា រតនា

The post ទូរទស្សន៍ ហង្សមាស រៀបចំការប្រកួតគុនខ្មែរដណ្ដើមរថយន្ដជាមួយរូបមន្ដថ្មីមិនធ្លាប់មាន appeared first on Kampuchea Thmey Daily.

​តារាចម្រៀង​ប្រុស​-​ស្រី​ទាំង​៤​រូប​ ដែល​បាត់បង់​សមាជិ​ក​នោះ​រួមមាន៖

១- កំពូល​តារាចម្រៀង ឱក សុគន្ធ​កញ្ញា បាន​ជួប​ទុក្ខ​ដ៏​ក្រៀមក្រំ​ដោយសារ​ជីដូន​របស់​អ្នកនាង ឱក សុគន្ធ​កញ្ញា បាន​ទទួល​មរណភាព​កាលពី​ថ្ងៃទី​២៣ ខែមិថុនា ​ឆ្នាំ​២០២១ ​ដោយសារ​ជរាពាធ​។​

២- តារាចម្រៀង​ប្រុស​លោក ឆន សុវណ្ណ​រាជ ក៏បាន​ជួប​ទុក្ខ​ធំ​ក្នុង​គ្រួសារ​ដូចគ្នា ​ខណៈ​អ្នក​ម្តាយ​ជាទី​ស្រលាញ់​បាន​ទទួល​មរណភាព​កាលពី​ថ្ងៃទី​២៣ ​ខែ​ឧសភា​ ឆ្នាំ​២០២១ ​ដោយសារ​ជំងឺលើសឈាម​និង​គាំង​បេះដូង​។​

៣- តារាចម្រៀង​វ័យក្មេង​កញ្ញា​ វី ឌី​ណែ​ត​ និង​ក្រុម​គ្រួសារ បាន​ជួប​ទុក្ខ​ជា​ទម្ងន់​ដោយសារ​អ្នក​ម្ដាយ​ជាទីស្រឡាញ់ ​បានទទួល​មរណភាព​កាលពី​ថ្ងៃទី​១៩​ ខែ​មីនា ឆ្នាំ​២០២១​ ក្នុង​ជន្មាយុ​៦២​ឆ្នាំ​ដោយសារតែ​ជំងឺកូ​វីដ​-១៩​។​

៤.​តារាចម្រៀង​ចំណូល​ថ្មី​កញ្ញា យូ​រី និង​ក្រុម​គ្រួសារ​ក៏បាន​ជួប​ទុក្ខ​ដ៏​ក្រៀមក្រំ​និង​សោកសៅ​ផងដែរ ​ខណៈអ្នក​ម្តាយ​ជាទី​ស្រលាញ់​បាន​ទទួល​មរណភាព​ទាំង​អាល័យ​កាលពី​ថ្ងៃទី​៣០​ ខែមិថុនា​ ឆ្នាំ​២០២១ ដោយសារ​ជំងឺ​ទឹកនោមផ្អែម​និង​លើសឈាម​។​

​តាមរយៈដំណឹង​នៃ​មរណទុក្ខ​ដ៏​ក្រៀមក្រំ​នេះ​ គេ​ឃើញ​មាន​មិត្តភក្តិ​សិល្ប​ដែល​ជិតស្និទ្ធ​ជាមួយ​តា​រាច​ម្រៀង​និង​សម្តែង​ប្រុស​-​ស្រី​ល្បីៗ​ទាំង​នោះ​ បាន​សម្តែង​ការចូលរួម​រំលែក​ទុក្ខ​ដ៏​សោកសៅ​និង​ក្រៀមក្រំ​នេះ​គ្រប់ៗ​គ្នា​ផង​ដែរ​៕

អត្ថបទ៖ ចាន់​រ៉ា

សូមចុចអាន៖​​ តារាសម្ដែង ចែរ៉ូហ្សា បដិសេធព័ត៌មានថាខ្លួនជាប់ពាក់ព័ន្ធជាមួយ អ្នកឆ្លងកូវីដ១៩

The post ត្រឹមរយៈ​៤​ខែ​ តារា​ហង្ស​មាស​៤​រូប ​បាត់បង់​មនុស្ស​ជាទី​ស្រលាញ់​ដូចគ្នា​ appeared first on Kampuchea Thmey Daily.