ហ្វីលីព កៅ Archives - Kampuchea Thmey Daily

គិតត្រឹមខែកក្កដា ខេត្តសៀមរាបមានសណ្ឋាគារតូចធំប្រមាណ ១៩០ កន្លែង បើកផ្តល់សេវាស្នាក់នៅដល់ភ្ញៀវទេសចរ

Dy Bunnara — Mon, 25 Aug 2025 02:52:38 +0000

សណ្ឋាគារតូចធំប្រមាណ ១៩០ កន្លែង កំពុងបើកដំណើរការអាជីវកម្មផ្តល់សេវាកម្មស្នាក់នៅដល់ភ្ញៀវទេសចរមកកម្សាន្តក្នុងខេត្តសៀមរាប។ នេះបើតាមលោក ធិម សេរីវុឌ្ឍ ប្រធានស្តីទីនៃមន្ទីរទេសចរណ៍ខេត្តសៀមរាប។

លោក ធិម សេរីវុឌ្ឍ ប្រធានស្តីទីនៃមន្ទីរទេសចរណ៍ខេត្តសៀមរាបបានឲ្យកម្ពុជាថ្មីដឹងថា ខេត្តសៀមរាបមានសណ្ឋាគារសរុបចំនួន ២៣២ កន្លែង ប៉ុន្តែសណ្ឋាគារដែលកំពុងធ្វើប្រតិបត្តិការអាជីវកម្មមានចំនួន ១៩១ កន្លែង ខណៈសណ្ឋាគារចំនួន ១៩ កន្លែងបានផ្អាកអាជីវកម្ម និងសណ្ឋាគារដែលបានបិទមានចំនួន ២២ កន្លែង។

ប្រធានស្តីទីមន្ទីរទេសចរណ៍ខេត្តសៀមរាបបានឲ្យដឹងបន្តថា សម្រាប់រយៈពេល ០៧ ខែ ឆ្នាំ ២០២៥ ខេត្តសៀមរាបទទួលបានភ្ញៀវទេសចរសរុបប្រមាណ ៣ ០០៦ ៦០៦ នាក់ កើនឡើង ៤៨.៥ ៤% បើប្រៀបធៀបនឹងរយៈពេលដូចគ្នាឆ្នាំ២០២៤ ក្នុងនោះភ្ញៀវទេសចរជាតិមានចំនួន ២ ៣៨៧ ៨៣៥ នាក់ និងភ្ញៀវទេសចរអន្តរជាតិមានចំនួន ៦១៨ ៧៧១ នាក់។

សារព័ត៌មានដ៏ធំមួយមានមូលដ្ឋាននៅអាមេរិក New York Times ធ្លាប់បានចុះផ្សាយ ខេត្តសៀមរាបជាគោលដៅទេសចរណ៍ដ៏ទាក់ទាញសម្រាប់ទេសចរដើរកម្សាន្តនៅរដូវកាលបៃតង។

លោក ហ្វីលីព កៅ ប្រធានសមាគមក្លិបទេសចរណ៍ខេត្តសៀមរាបបានឲ្យកម្ពុជាថ្មីដឹងថា នៅរដូវកាលបៃតងនេះរមណីយដ្ឋានអង្គរនៅក្នុងខេត្តសៀមរាបមានភាពទាក់ទាញដោយសារជារដូវមានភ្លៀងធ្លាក់ជោគជាំ ដែលនាំឲ្យតំបន់រមណីយដ្ឋានអង្គរបានរំលេចសម្រស់ធម្មជាតិស្រស់បំព្រង ដែលបង្កើតផ្ទាំងទស្សនីយភាពដ៏ទាក់ទាញសម្រាប់ទេសចរដើរកម្សាន្ត។

ខណៈតំបន់ប្រាសាទបុរាណជាផលិតផលទេសចរណ៍ដ៏សំខាន់ ដែលទាក់ទាញទេសចរជាតិនិងអន្តរជាតិមកកម្សាន្តក្នុងខេត្តសៀមរាប ប្រធានសមាគមក្លិបទេសចរណ៍ខេត្តសៀមរាប ស្នើឲ្យអាជ្ញាធរខេត្តយកចិត្តទុកដាក់រៀបចំតំបន់សក្តានុពលផ្សេងទៀត ដើម្បីទាក់ទាញទេសចរមកដើរកម្សាន្តនិងស្នាក់នៅខេត្តសៀមរាបកាន់តែយូរ។

លោក ហ្វីលីព កៅ បានលើកឡើងពីសក្តានុពលតំបន់ទេសចរណ៍ភ្នំគូលែន និងកំពង់ភ្លុក។ ប្រធានសមាគមក្លិបទេសចរណ៍ខេត្តសៀមរាបរូបនេះបានអះអាងថា សក្ដានុពលទេសចរណ៍នៅតំបន់ភ្នំគូលែន និងកំពង់ភ្លុកដែលនៅជាប់មាត់បឹងទន្លេសាប បើសិនមានការរៀបចំកែលម្អបន្ថែម នឹងក្លាយជាគោលដៅទេសចរដ៍ទាក់ទាញក្រៅពីតំបន់រមណីយដ្ឋានអង្គរ ខណៈដែលលោកមើលឃើញថាបច្ចុប្បន្ននៅមិនទាន់រៀបចំបានល្អប្រសើរនៅឡើយទេ។

ទេសចរបរទេសដែលមកកម្សាន្តខេត្តសៀមរាបជាធម្មតាស្នាក់នៅជាមធ្យមត្រឹម ២ ទៅ ៣ ថ្ងៃប៉ុណ្ណោះ។ នេះបើតាមលោក ហ្វីលីព កៅ។

បើសិនទីតាំងគោលដៅទេសចរណ៍ទាំងពីរត្រូវបានអាជ្ញាធរយកចិត្តទុកដាក់រៀបចំកែលម្អថែមទៀត នឹងអាចជំរុញឲ្យទេសចរអាចស្នាក់នៅខេត្តសៀមរាបកាន់តែយូរ ដែលនឹងនាំឲ្យអាជីវកម្មក្នុងខេត្តរីកចម្រើន បង្កើនប្រភពចំណូលដល់ពលរដ្ឋក្នុងមូលដ្ឋាន។ លោក ហ្វីលីព កៅ បញ្ជាក់បន្ថែម។

បើតាមមន្រ្តីអាជ្ញាធរអប្សរា សម្រាប់រយៈពេល ០៧ ខែ ឆ្នាំ២០២៥ ចំណូលទទួលបានពីការលក់បណ្ណចូលទស្សនារមណីយដ្ឋានអង្គរមានចំនួន ២៨ ៦៤៣ ៤០៧ ដុល្លារ ធៀបនឹងរយៈពេលដូចគ្នា ឆ្នាំ២០២៤ មានការកើនឡើង ៥.៣៩%៕

The post គិតត្រឹមខែកក្កដា ខេត្តសៀមរាបមានសណ្ឋាគារតូចធំប្រមាណ ១៩០ កន្លែង បើកផ្តល់សេវាស្នាក់នៅដល់ភ្ញៀវទេសចរ appeared first on Kampuchea Thmey Daily.

កាសែត New York Times ចុះផ្សាយរមណីយដ្ឋានអង្គរជាគោលដៅដ៏ទាក់ទាញ រដូវកាលបៃតង

Dy Bunnara — Wed, 04 Jun 2025 05:45:00 +0000

បើតាមលោក ហ្វីលីព កៅ ប្រធានសមាគមក្លិបទេសចរណ៍ខេត្តសៀមរាបបានលើកឡើង យោងតាមការចុះផ្សាយរបស់សារព័ត៌មាន New York Times រមណីយដ្ឋានអង្គរជាគោលដៅទេសចរណ៍ដ៏ទាក់ទាញ សម្រាប់ទេសចរដើរកម្សាន្តនៅរដូវកាលបៃតង។

ថ្លែងផ្តល់បទសម្ភាសន៍ដល់ក្រុមអ្នកសារព័ត៌មាន ដែលចុះទៅទស្សនកិច្ចតំបន់បេតិកភណ្ឌក្នុងខេត្តសៀមរាបកាលពីពេលថ្មីៗនេះ លោក ហ្វីលីព កៅ បានឲ្យដឹងថា នៅរដូវកាលបៃតងនេះ រមណីយដ្ឋានអង្គរមានភាពទាក់ទាញដោយសារជារដូវមានភ្លៀងធ្លាក់ជោគជាំ នាំឲ្យតំបន់រមណីយដ្ឋានអង្គរបានរំលេចធម្មជាតិស្រស់បំព្រង ដែលបង្កើតផ្ទាំងទស្សនីយភាពដ៏ទាក់ទាញសម្រាប់ទេសចរដើរកម្សាន្ត។

លោក ហ្វីលីព កៅ បានរំលឹកកាលពីឆ្នាំ ២០២៣ សារព័ត៌មាន New York Times ដែលមានមូលដ្ឋាននៅអាមេរិក បានចាត់ទុកទិសដៅខេត្តសៀមរាបនៅរដូវកាលបៃតងជាគោលដៅដ៏គួរឲ្យចាប់អារម្មណ៍ ស្របពេលធម្មជាតិប្រែមានភាពស្រស់បំព្រង បរិស្ថានមានភាពស្រស់ស្អាត ខណៈរដូវភ្លៀងមិនបង្កការរំខានដល់ដំណើរទស្សនារបស់ភ្ញៀវទេសចរនោះទេ៕

The post កាសែត New York Times ចុះផ្សាយរមណីយដ្ឋានអង្គរជាគោលដៅដ៏ទាក់ទាញ រដូវកាលបៃតង appeared first on Kampuchea Thmey Daily.

ភ្នំគូលែន និងកំពង់ភ្លុក បើមានការកែច្នៃបន្ថែម មានសក្តានុពលទាក់ទាញទេសចរ ស្នាក់នៅខេត្តសៀមរាបកាន់តែយូរ

Dy Bunnara — Thu, 29 May 2025 00:16:20 +0000

តំបន់ទេសចរណ៍ភ្នំគូលែន និងកំពង់ភ្លុក បើសិនមានការរៀបចំកែលម្អឲ្យល្អប្រសើរថែមទៀត នឹងអាចទាក់ទាញទេសចរអាចស្នាក់នៅខេត្តសៀមរាបកាន់តែយូរថ្ងៃថែមទៀត។ នេះបើតាមលោក កៅ ហ្វីលីព ប្រធានសមាគមក្លិបទេសចរណ៍ខេត្តសៀមរាប។

ប្រធានសមាគមក្លិបទេសចរណ៍ខេត្តសៀមរាប បានមើលឃើញពីសក្ដានុពលទេសចរណ៍នៅតំបន់ភ្នំគូលែន និងកំពង់ភ្លុកដែលនៅជាប់មាត់បឹងទន្លេសាបគឺជាគោលដៅទេសចរដ៍ទាក់ទាញបំផុត ប៉ុន្តែបច្ចុប្បន្ននៅមិនទាន់រៀបចំបានល្អនៅឡើយទេ។

បើតាមប្រធានសមាគមក្លិបទេសចរណ៍ខេត្តសៀមរាប ទេសចរបរទេសដែលមកទស្សនាខេត្តសៀមរាបជាធម្មតាស្នាក់នៅជាមធ្យមត្រឹម ២ ទៅ ៣ ថ្ងៃប៉ុណ្ណោះ ហើយបើសិនទីតាំងទេសចរណ៍ទាំងពីររៀបចំកែច្នៃបន្ថែមទៀត នឹងក្លាយជាគោលដៅដ៏ទាក់ទាញ ដែលអាចជំរុញឲ្យភ្ញៀវទេសចរបន្តស្នាក់នៅ និងដើរកម្សាន្តក្នុងខេត្តសៀមរាបជាច្រើនថ្ងៃបន្ថែមទៀត៕

The post ភ្នំគូលែន និងកំពង់ភ្លុក បើមានការកែច្នៃបន្ថែម មានសក្តានុពលទាក់ទាញទេសចរ ស្នាក់នៅខេត្តសៀមរាបកាន់តែយូរ appeared first on Kampuchea Thmey Daily.

ប្រតិបត្តិករទេសចរណ៏ខេត្តសៀមរាប ចង់ឲ្យគម្រោងសាងសង់ពង្រីកផ្លូវពីព្រលានសៀមរាបមកក្រុងសៀមបើកការដ្ឋានឲ្យបានឆាប់

Dy Bunnara — Thu, 29 May 2025 00:02:23 +0000

ប្រតិបត្តិករទេសចរណ៏នៅខេត្តសៀមរាប ចង់ឲ្យគម្រោងសាងសង់ពង្រីកផ្លូវពីព្រលានយន្តហោះខេត្តសៀមរាបមកក្រុងសៀមរាបឈានទៅបើកការដ្ឋានសាងសង់ឲ្យបានឆាប់ ដើម្បីសម្រួលកាត់បន្ថយថ្លៃដឹកជញ្ជូនសម្រាប់ការធ្វើដំណើររបស់ភ្ញៀវទេសចរ។

លោក ហ្វីលីប កៅ ប្រធានក្លិបទេសចរណ៍ក្នុងខេត្តសៀមរាបបានគូសបញ្ជាក់ថា រដ្ឋាភិបាលបានសិក្សាសាងសង់ផ្លូវរថភ្លើងធុនស្រាល រួមទាំងគម្រោងពង្រីកផ្លូវជាតិលេខ ៦ តភ្ជាប់ពីព្រលានយន្តហោះថ្មីមកក្រុងសៀមរាបដែលមានចម្ងាយជាង ២០ គីឡូម៉ែត្រ។

លោកថា កំណាត់ផ្លូវដែលគ្រោងពង្រីកនេះមានសារសំខាន់ណាស់ សម្រាប់សម្រួលលំហូរភ្ញៀវទេសចរធ្វើដំណើរឆ្លងកាត់មកខេត្តសៀមរាប។ ដោយមើលឃើញពីផលចំណេញពីផ្លូវដ៏មានសក្តានុពលនេះ លោកជំរុញឲ្យរដ្ឋាភិបាលពន្លឿនឈានទៅបើកការដ្ឋានសាងសង់ឲ្យបានឆាប់ ដោយសារបើសិនផ្លូវតភ្ជាប់នេះសាងសង់រួចរាល់ នឹងសម្រួលដល់ការធ្វើដំណើររបស់ភ្ញៀវទេសចរ រួមទាំងនឹងអាចកាត់បន្ថយថ្លៃដឹកជញ្ជូនបានមួយចំណែកផងដែរ៕

The post ប្រតិបត្តិករទេសចរណ៏ខេត្តសៀមរាប ចង់ឲ្យគម្រោងសាងសង់ពង្រីកផ្លូវពីព្រលានសៀមរាបមកក្រុងសៀមបើកការដ្ឋានឲ្យបានឆាប់ appeared first on Kampuchea Thmey Daily.

ហ្វីលីព កៅ Archives - Kampuchea Thmey Daily

កាសែត New York Times ចុះផ្សាយ​រមណីយដ្ឋាន​អង្គរ​ជា​គោលដៅ​ដ៏​ទាក់ទាញ រដូវកាល​បៃតង

កាសែត New York Times ចុះផ្សាយរមណីយដ្ឋានអង្គរជាគោលដៅដ៏ទាក់ទាញ រដូវកាលបៃតង