កម្មវិធីផ្សព្វផ្សាយការថែទាំបរិស្ថានទន្លេនេះមានការចូលរួមពីសំណាក់អាជ្ញាធរមូលដ្ឋាន សិស្ស យុវជន និងប្រជាពលរដ្ឋ ប្រមាណ ១៥០ នាក់ ក្នុងគោលបំណង បង្កើនចំណេះដឹងពីសារសំខាន់នៃទន្លេ ចំណេះដឹងអំពីការគ្រប់គ្រងកាកសំណល់រឹងតាមផ្ទះ សាលា ភូមិឃុំ ដើម្បីបញ្ជៀសការបំពុលទន្លេ និងចំណេះដឹងពីការលើកកម្ពស់ដើម្បីកាត់បន្ថយសំណល់ (Refuse, reduce, reuse, recycle)។

ក្រៅពីការអប់រំផ្សព្វផ្សាយ អង្គការសម្អាតទន្លេ សមុទ្រក៏បានធ្វើសកម្មភាពសំអាតសំរាមប្លាស្ទិកចេញពីចំណុចស្ពានទល់មុខវត្តពាមសត្ថរាម ដែលមានសំរាមជាច្រើន ដែលអាចនឹងហូរចូលទន្លេសាប នៅរដូវវស្សាដែលនឹងចូលមកដល់ឆាប់ៗនេះ។ ជាក់ស្ដែង អង្គការសំអាតទន្លេ សមុទ្របានសំអាត ២ លើកមកហើយ ដែលប្រមូលបានប្រមាណ ៦ តោន ស្មើនឹង ៤០ភាគរយនៃសំរាមសរុប។

លោក នូ សុវណ្ណ នាយកប្រតិបត្តិ របស់អង្គការសម្អាតទន្លេ សមុទ្រ បានឱ្យដឹងថា ចាប់តាំងពីខែមីនា ឆ្នាំ ២០២២ មកដល់ខែកក្កដា ឆ្នាំ ២០២៤ នេះ អង្គការសម្អាតទន្លេ សមុទ្រ បានប្រមូល និងស្រង់សំរាមប្រមាណ ១ ពាន់ ៨ រយតោន ចេញពីទន្លេសាប ទន្លេមេគង្គ និងទន្លេបាសាក់។

លោក នូ សុវណ្ណបញ្ជាក់ថា ជំហានបន្ទាប់ អង្គការនឹងប្រមូលសំរាមឱ្យអស់ពីក្រោមស្ពាន ដើម្បីធានាថាទន្លេ និងប្រភព​ទឹកទាំងអស់មិនត្រូវបានបំពុលដោយសំណល់ប្លាស្ទិក៕

The post អង្គការសម្អាតទន្លេស្រង់សំរាមជាង ៦ តោន បន្ថែម ទៀត​ ចេញពីទន្លេ appeared first on Kampuchea Thmey Daily.

លោក ហុង គីបូរ៉ា ប្រធានបេសកកម្ម នៃអង្គការសម្អាតទន្លេ សមុទ្រ បានប្រាប់ កម្ពុជាថ្មីថា គិតមកទល់់ពេលនេះ អង្គការរបស់លោកបានបើកដំណើរការបានជាង​៤ឆ្នាំមកហើយ។

លោកបន្តថា ក្នុងរយៈពេលជាង៤ឆ្នាំ មកនេះ អង្គការបានចុះបេសកកម្មសម្អាតផ្ទៃទន្ល និងតំបន់ផ្សេងៗទៀត ក្នុងភូមិសាស្រ្ដរាជធានីភ្នំពេញបានជាង ១.៨៦០ តោន ដែលភាគច្រើននៃសំរាមទាំងនេះ សុទ្ធសឹងតែជាសំណល់ផ្លាស្ទិក និងជ័រ ដែលត្រូវបានអណ្ដែតនៅលើផ្ទៃទន្លេមេគង្គ ទន្លេបាសាក់ និងដងទន្លេសាប ជាដើម។

លោក ហុង គីបូរ៉ា បានបន្ថែមទៀតថា សំរាមដែលប្រមូលបានចេញពីទន្លេ និងតំបន់ផ្សេងទៀត អង្គការបានប្រមូល យកមករក្សាទុក ដោយធ្វើការញែកសំរាមជា២ផ្នែក៖ ទី១. សំរាមកែច្នៃឡើងវិញ ទី២. សំរាមដែលមិនអាចកែច្នៃឡើងវិញ។

លោក ហុង គីបូរ៉ា បានបញ្ជាក់ទៀតថា សំរាមដែលអាចកែច្នៃបាន អង្គការបានធ្វើការជាមួយក្រុមហ៊ុន ដើម្បីកែច្នៃ និងផលិតចេញជាសម្ភារៈប្រើប្រាស់ផ្សេងៗ ចំណែកសំរាមមិនអាចកែច្នៃបាន អង្គការបានបញ្ចូលបន្តទៅកាន់រោងចក្រផលិតស៊ីម៉ងត៍ក្នុងស្រុកមួយ ដើម្បីទុកជាថាមពលបម្លែង ក្នុងការផលិតស៊ីម៉ង់ត៍។

លោក ហុង គីបូរ៉ា បន្តថា សម្រាប់ពេលបច្ចុប្ប​ន្ន អង្គការសម្អាតទន្លេសមុទ្រ មានបុគ្គលិកបម្រើការ ចំនួន២៦នាក់ ចំពោះការប្រមូលសំរាមវិញ ពេលខ្លះត្រូវប្រមូលដោយដៃផ្ទាល់ និងប្រើម៉ាស៊ីនទំនើប២គ្រឿង ដើម្បីចុះប្រមូលសំរាមនៅកន្លែង​ណាដែលមានទឹកជ្រៅ ដែលមិនអាចប្រមូលដោយដៃបាន។

ប្រធានបេសកកម្មរូបនេះ បានប្រាប់ឱ្យដឹងទៀតថា សម្រាប់ជាផែនការបន្តទៀត អង្គការរបស់លោកកំពុងតែសិក្សាបន្ថែមទៀត ដើម្បីធ្វើយ៉ាងណាអាចប្រមូលសំរាមចេញពីបាតទន្លេមេគង្គ និងទន្លេផ្សេងៗទៀត ពីព្រោះតែសំរាមទាំងនេះវាអាច​ប៉ះពាល់យ៉ាងខ្លាំងដល់បរិស្ថាន ពិសេសគឺការបំពុលទឹក៕

អត្ថបទ ៖ សួស សិត

The post អង្គការសម្អាតទន្លេ ប្រមូលសំរាមបានជិត ២ ពាន់តោន appeared first on Kampuchea Thmey Daily.

លោក នូ សុវណ្ណ នាយកប្រតិបត្តិអង្គការសម្អាត​ទន្លេសមុទ្រ បានប្រាប់ឱ្យដឹងថា ​ទូកប្រមូល​សំរាម​ដែលបំពាក់បច្ចេកវិទ្យា​អាល្លឺម៉ង់​មួយគ្រឿង ​និងទូកថ្មីមួយគ្រឿងទៀត ដែលជាទូកកចម្ចាត់​សំរាម ​នឹងដួសសំរាមដាក់លើទូកដើម្បីធ្វើឱ្យទន្លេស្អាតគ្រប់ពេល​ក្នុងឱកាសបុណ្យអុំទូក។

លោក នូ សុវណ្ណថ្លែងថា៖ «យើងអាចធ្វើសកម្មភាព ៣ ទី១ សម្អាតសំរាមក្នុងទឹក ទី២នៅលើច្រាំង និងការអប់រំអ្នកចែវទូក និងអ្នក​ចូលរួម»។

​សំរាមសំណល់គ្រប់ប្រភេទចំនួនជាង ៨០០ តោនជាពិសេសសំណល់ប្លាស្ទិកត្រូវ​បានប្រមូលចេញ​ពីទឹកទន្លេ ដើម្បីកែច្នៃប្រើប្រាស់ឡើងវិញ និងសម្អាតបរិស្ថានក្នុងទន្លេ៕​

The post អង្គការសំអាតទន្លេត្រៀមដាក់ទូក ២ គ្រឿងចូលរួមសម្អាតទន្លេក្នុងថ្ងៃបុណ្យអុំទូកនៅមុខវាំង​ appeared first on Kampuchea Thmey Daily.

ថ្លែង​ក្នុង​ទិវា​សម្អាត​បរិស្ថាន​ពិភពលោក​លើក​ទី ៦ ដែល​រៀបចំឡើង​ដោយ​គណៈកម្មាធិការ​ជាតិ​វាយ​តម្លៃ​ទីក្រុង​ស្អាត ក្រសួងទេសចរណ៍ ក្រសួងបរិស្ថាន រដ្ឋបាល​រាជធានី​ភ្នំពេញ សហភាព​សហព័ន្ធ​យុវជន​កម្ពុជា ក្រុមហ៊ុន ខេ​ម​ប្រ៊ូ​វ (​ស្រា​បៀរ​អង្គរ​) ក្រោម​ប្រធានបទ «​ទន្លេ​គ្មាន​សំរាម​» នៅ​តាម​ច្រាំង​ទន្លេសាប​ត្រើយម្ខាង​នៅ​ខណ្ឌ​ជ្រោយចង្វារ រាជធានី​ភ្នំពេញ កាលពី​ថ្ងៃ​ទី ១៦ កញ្ញា លោក​បាន​បន្ត​ថា អង្គការ​កំពុង​នាំចូល​ទូក​ប្រមូល​សំរាម​នៅ​តាម​ទន្លេ​មួយ​គ្រឿង​ទៀត ដែល​មាន​សមត្ថភាព​ប្រមូល​សំរាម​បន្ថែម ខណៈ​បច្ចុប្បន្ន​អង្គការ​មាន​ទូក​ចំនួន ១ គ្រឿង កំពុង​ដំណើរការ​ហើយ​ស្រាប់ ហើយ​ក៏​មាន​ក្រុមការងារ​ស្ម័គ្រចិត្ត​ចំនួន ១០០ នាក់ បន្ថែម​ទៀត ដើម្បី​ប្រមូល​សំរាម​តាម​ច្រាំងទន្លេ​ជា​រៀងរាល់​ថ្ងៃ។

លោក ហួត ហៃ អភិបាលរង នៃ​គណៈ​អភិបាល​រាជធានី​ភ្នំពេញ បាន​មាន​ប្រសាសន៍​ថា បច្ចុប្បន្ន​រាជធានី​ភ្នំពេញ​មាន​ការ​រីកចម្រើន​កាន់តែ​ឈានឡើង ដូច្នេះ​ធ្វើ​ឲ្យ​ចំនួន​ប្រជាពលរដ្ឋ​កើន​ឡើង​ពី​មួយ​ថ្ងៃ​ទៅ​មួយ​ថ្ងៃ ក្នុង​នោះ​ចំនួន​សំរាម​ចេញពី​ការ​ប្រើប្រាស់​ក៏​មាន​ការ​កើនឡើង​ផង​ដែរ ក្នុង​រង្វង់ ៣៧០០ តោន ក្នុង​មួយថ្ងៃ។

លោក​បាន​បន្ត​ថា ការ​រៀបចំ​ទិវា​សម្អាត​បរិស្ថាន​ពិភពលោក​នេះ ក៏​ជា​ឱកាស​មួយ​ក្នុងការ​ផ្សព្វផ្សាយ និង​ដាស់តឿន​ដល់​ប្រជាពលរដ្ឋ​ឲ្យ​ចូលរួម​ក្នុង​កិច្ច​ការពារ​បរិស្ថាន ក៏ដូចជា​បញ្ជ្រាប​ការ​យល់ដឹង​ជា​សាធារណៈ​ជូន​ពួកគាត់​ឲ្យ​ចេះ​គ្រប់គ្រង​សំរាម។

លោក Vladimir Vava អគ្គនាយក​គ្រប់គ្រង​ក្រុមហ៊ុន ខេ​ម​ប្រ៊ូ​វ (​ស្រា​បៀរ​អង្គរ​) បាន​សម្ដែង​នូវ​ក្ដី​រីក​រាយ និង​សាទរ​ជា​ខ្លាំង ដែល​ក្រុមហ៊ុន​បាន​ក្លាយ​ជា​ចំណែក​មួយ​ក្នុង​ចលនា​នេះ។ លោក​បន្ត​ថា «សកម្មភាព​នៅ​ថ្ងៃនេះ គឺជា​ផ្នែក​មួយ នៃ​ទំនួល​ខុសត្រូវ​សង្គម​របស់​ក្រុមហ៊ុន ខេ​ម​ប្រ៊ូ​វ ក្នុង​ការ​ចូល​រួម​ការពារ​បរិស្ថាន និង​សង្គម ស្របតាម​គោលដៅ​ចីរភាព​របស់​ក្រុមហ៊ុន ‘​អភិវឌ្ឍន៍​ឲ្យ​កាន់តែ​ប្រសើរ​ទាំង​ថ្ងៃនេះ &​ថ្ងៃស្អែក​’។ ចលនា​នេះ នឹង​កាន់តែ​សំខាន់ៗ ទៅ ព្រោះ​ជា​ការ​ផ្តល់​សារ​ស្ដែង​ចេញ​ជា​សកម្មភាព​បំផុស​ស្មារតី​អំពី​ការគ្រប់គ្រង​កាកសំណល់​ប្រចាំថ្ងៃ ក៏ដូចជា​ជួយ​ជំរុញ​ឲ្យ​មាន​ការ​ផ្លាស់ប្ដូរ​ជា​វិជ្ជមាន​នូវ​ទម្លាប់​ទុកដាក់​សំរាម ហើយក៏​ឆ្លុះបញ្ចាំង​ពី​ចក្ខុវិស័យ​រួមគ្នា​របស់​រាជរដ្ឋាភិបាល ឯកជន អង្គការ​សង្គម​ស៊ីវិល និង​ប្រជាជន ក្នុង​ការ​ជំរុញ​ឲ្យ​មាន​ការ​អភិវឌ្ឍ​ប្រកបដោយ​ចីរភាព​»។ លោក​ជឿ​ជាក់​ថា ការចូលរួម​របស់​យើងទាំងអស់គ្នា នឹង​នាំមក​នូវ​ការ​ផ្លាស់ប្ដូរ​ជា​វិជ្ជមាន និង​បង្កើត​អនាគត​រួម​គ្នា​ដ៏​ប្រសើរ​សម្រាប់​យើង​ទាំងអស់គ្នា។

ចំណែក​លោក អាំង សុវណ្ណ​រ័ត្ន អគ្គនាយក​គ្រប់គ្រង​ឧស្សាហកម្ម​ទេសចរណ៍ ក៏បាន​អំពាវនាវ​ឲ្យ​មាន​ការ​ចូលរួម​កាន់តែ​ច្រើន កាន់តែ​សកម្ម​ក្នុង​យុទ្ធនាការ «​កម្ពុជា​ស្អាត កម្ពុជា​បៃតង​» របស់​ក្រសួង​ទេសចរណ៍ ដែល​ជា​សកម្មភាព​ដ៏​សំខាន់​មួយ ក្នុង​ការ​ចូលរួម​ក្នុង​យុទ្ធនាការ​ទីក្រុង​ស្អាត ដើម្បី​លើក​ស្ទួយ​មុខមាត់​ប្រទេស​កម្ពុជា ទាក់ទាញ​ភ្ញៀវ​ទេសចរ​ឲ្យ​ចូល​មក​ទស្សនា​កម្ពុជា​កាន់តែ​ច្រើន។

គួរ​បញ្ជាក់​ថា នៅ​ក្នុង​ទិវា​សម្អាត​ពិភពលោក​លើក​ទី ៦ នេះ ក៏​មាន​ការ​ដាំ​ដើមឈើ​នៅ​សាលា​បឋម​សិក្សា​ជ្រោយចង្វារ ចំនួន ១០០ ដើម និង​ទិវា​អំពើ​ល្អ ដោយ​មាន​ការ​ចែក​សម្ភារៈ​ប្រើប្រាស់​ជូន​ប្រជាពលរដ្ឋ​ខ្វះខាត ក៏ដូចជា​សកម្មភាព​នានា ដើម្បី​បង្កើន​ការ​ចូលរួម​ពី​យុវជន ប្រជាពលរដ្ឋ កាន់តែ​ច្រើន៕

អត្ថបទ ៖ សំអឿន

The post អង្គការសម្អាតទន្លេសមុទ្រ ប្ដេជ្ញាសម្អាតសំរាមចេញពីទន្លេ​នៅរាជធានីភ្នំពេញ ឲ្យអស់ ត្រឹមឆ្នាំ ២០២៨ appeared first on Kampuchea Thmey Daily.