ការស្រាវជ្រាវ៖ ចូលចិត្តញ៉ាំអាហារខ្លោច កើតជំងឺរវើរវាយ

Sonya — Thu, 09 Sep 2021 04:21:57 +0000

ក្រុមអ្នកស្រាវជ្រាវវិទ្យាសាស្រ្ត នៃវិទ្យាស្ថានជាតិសុខភាពសហរដ្ឋអាមេរិក បានកត់សម្គាល់ឃើញនូវសមាសធាតុមួយដែលអាចវិវត្តទៅជាជំងឺរវើរវាយ នៅពេលចំណីអាហារចម្អិនដល់ខ្លោច។

សារធាតុនេះ គេឲ្យឈ្មោះថា Advanced Glycation End-Products (AGEs) នឹងកើតមានឡើង នៅគ្រប់ពេលដែល ចំណីអាហារចម្អិនឡើងដល់ពណ៌ត្នោត ឬឡើងឆេះរោល ដែលនេះជាបម្រែបម្រួលសមាសធាតុគីមីក្នុងអាហាររវាងជាតិស្ករ និងអាមីណូអាស៊ីដ។

ក្រុមអ្នកស្រាវជ្រាវបានបង្ហាញ តាមរយៈការពិសោធទៅលើសត្វកណ្តុរ ដែលបានស៊ីចំណីមានផ្ទុកសារធាតុ AGEs បង្កឱ្យមានជាតិ Amyloid ច្រើននៅក្នុងខួរក្បាល វិវត្តទៅជារោគសញ្ញារវើរវាយ ។ ចំណែកសត្វកណ្តុរមាន សារធាតុ AGEs តិចតួចក្នុងរបបអាហារ ពុំមានបញ្ហានោះទេ។

បន្ថែមពីនោះ ការស្រាវជ្រាវដដែល បានពិសោធលើមនុស្សចាស់ ៩៣នាក់ តាមរយៈការពិនិត្យកម្រិតសារធាតុ AGEs នៅក្នុងឈាម។ លទ្ធផលបានបង្ហាញថា អ្នកមាន សារធាតុ AGEs ច្រើន បានជួបបញ្ហាបាត់បង់កម្រិតយល់ដឹង (រវើរវាយ) ច្រើនជាងអ្នកមាន សារធាតុ AGEs តិចតួច៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ថ្លើមសាច់សត្វមានប្រយោជន៍ដល់សុខភាពច្រើនអនេក អ្នកមិនដែលហូបអាចនឹងភ្ញាក់ផ្អើលមិនខាន

ចុចអាន៖ កុំចេះតែពឺត ញ៉ាំគ្រឿងផ្អាប់ ពិសេសជ្រក់ អាចកើតមហារីកខ្ពស់បំផុត

The post ការស្រាវជ្រាវ៖ ចូលចិត្តញ៉ាំអាហារខ្លោច កើតជំងឺរវើរវាយ appeared first on Kampuchea Thmey Daily.

អាហារខ្លោច Archives - Kampuchea Thmey Daily

ការ​ស្រាវ​ជ្រាវ​៖ ចូលចិត្ត​ញ៉ាំអាហារខ្លោច កើតជំងឺ​រវើរ​វាយ

ការស្រាវជ្រាវ៖ ចូលចិត្តញ៉ាំអាហារខ្លោច កើតជំងឺរវើរវាយ