កាសែតដដែល​បាន​ចុះ​ផ្សាយ​ថា​ អំបិលហិមាល័យកំពុង​ពេញ​និយម និង​ត្រូវ​បាន​គេ​យកទៅ​ប្រើ​ដើម្បី​បង់ក្នុង​ម្ហូប​អាហារសម្រាប់​ឱកាស​ផ្សេង​ៗ រាប់តាំង​ពី​ការបោះជំរុំ​ ​ការ​អាំងសាច់​សម្រាប់​ជប់លៀង​ និងការ​អាំងសាច់​នៅផ្ទះសម្រាប់​ជា​លក្ខណៈ​គ្រួសារ​។ វាមិន​ត្រឹម​តែ​ប្រើ​សម្រាប់​បង្កើន​រសជាតិ​ប៉ុណ្ណោះ​ទេ​ ប៉ុន្តែ​វា​ក៏​សម្រាប់​គោលបំណង​តុប​តែង​ផង​ដែរ​។ ​

លោក​ Bai Shun ​​​នាយកប្រតិបត្តិ និង​ជា​ស្ថាបនិក​នៃ​ក្រុមហ៊ុន Anthela Foods Co Ltd ដែល​ជា​ក្រុមហ៊ុន​កែច្នៃ​ និង​លក់រាយ​អំបិល​ហិមាល័យ បាន​ថ្លែង​ថា​៖ «​ដើម​ឡើយ អ្នកប្រើប្រាស់ជនជាតិចិនវ័យកណ្តាលដែលមានប្រាក់ចំណូលខ្ពស់ៗ គឺ​ជា​អ្នក​ទិញ​ប្រភេទ​អំបិល​នេះ​សំខាន់។ ប៉ុន្តែ​ក្រោយ​មក​ អ្នកប្រើ​ប្រាស់​​វ័យក្មេង​ៗ​ក៏ទិញ​វា​ផង​ដែរ​ ដោយសារ​តែ​ពួកគេ​កាន់តែច្រើន​ ចង់ប្រតិបត្តិនូវ​​របៀបរស់នៅប្រកបដោយសុខភាពល្អ និងគុណភាព»។

អំបិលហិមាល័យ ភាគច្រើនត្រូវ​បាន​គេ​ទាញ​យក​មកពីអណ្តូងរ៉ែអំបិល Warcha ក្នុងប្រទេសប៉ាគីស្ថាន ដែល​ជា​អណ្តូងរ៉ែអំបិលក្រោមដីធំជាងគេទី២នៅលើពិភពលោក ប៉ុន្ទាប់​ពី​អណ្ដូងរ៉ែអំបិល Sifto នៃប្រទេស​កាណាដា​។ អំបិលហិមាល័យ បាន​កកើត​ឡើង​ជាង ២០០ លានឆ្នាំមុន ​ចេញពីគ្រីស្តាល់ទឹកមហាសមុទ្របុរាណ។

​គេ​មើលឃើញ​ថា​ ​អំបិលហិមាល័យត្រូវ​បាន​គេ​ចាត់​ទុក​ថា​ជា​អំបិល​លំដាប់ខ្ពស់​បំផុត​នៅសហរដ្ឋអាមេរិក និងអឺរ៉ុប ខណៈ​មាន​សេចក្ដីរាយការណ៍​ខ្លះ​ថា​ វា​ថ្លៃ​ជាង​អំបិល​ទឹក​ប្រៃ​ធម្មតា​រហូតដល់​ទៅ​ ២០ ដង​ ខណៈ​ខ្លះ​អះអាង​ថា​ វា​សម្បូរជាតិរ៉ែ និងមាន​គុណភាព​ល្អ​សម្រាប់​សុខភាព​៕

The post អំបិលផ្កាឈូក ឬ​អំបិលហិមាល័យ កើន​តម្រូវការខ្ពស់​នៅ​ចិន​ appeared first on Kampuchea Thmey Daily.