ការអំពាវនាវនេះ​ធ្វើ​ឡើង​ក្នុង​ពិធីផ្សព្វផ្សាយការ​អនុវត្តនូវ«យុទ្ធនាការ​ប្រយុទ្ធប្រឆាំងព័ត៌មាន​ក្លែងក្លាយ»ជំហ៊ានទី២ នៅវិទ្យាល័យជា ស៊ីម តាកែវ នាព្រឹកថ្ងៃទី១២ ខែមិថុនា ឆ្នាំ២០២៦ ដែលមានការចូលរួមពី លោក​គឹម ហុង អនុរដ្ឋលេខាធិការ ក្រសួង​ព័ត៌មាន​ទទួល​បន្ទុក​ការងារមន្ទីរព័ត៌មានខេត្តតាកែវ លោក ម៉ម កាយ អភិបាលរងខេត្ត តំណាងដ៏ខ្ពង់ខ្ពស់ លោក វ៉ី សំណាង អភិបាលនៃគណៈអភិបាលខេត្តតាកែវ រួមទាំងលោក-លោកស្រីប្រធាន អនុប្រធានមន្ទីរអង្គភាពជំនាញជុំវិញខេត្ត លោកអភិបាល ក្រុងដូនកែវ កងកម្លាំងមានសមត្ថកិច្ចទាំង៣ប្រភេទ លោក-លោកស្រីចៅសង្កាត់ទាំង៣ លោកគ្រូ-អ្នកគ្រូ យុវជនកាយរឹទ្ធិកម្ពុជា យុវជនកាកបាទក្រហមកម្ពុជា យុវជន ស.ស.យ.ក. និងប្អូនៗសិស្សានុសិស្សសរុបប្រមាណជា ២,០០០នាក់។

លោក ទេព អស្នារិទ្ធ បានប្រសាសន៍ថា ព័ត៌មានក្លែងក្លាយ គឺ​ជា​អាវុធលាក់មុខដែលអាច​បំផ្លាញទំនុកចិត្ត សណ្តាប់ធ្នាប់សង្គម និងកិត្តិយសបុគ្គលបានយ៉ាងងាយ។ ដូច្នេះ ប្អូនៗយុវជន និងបងប្អូនប្រជាពលរដ្ឋទាំងអស់ មុននឹងជឿ ឬចែករំលែក (Share) ព័ត៌មានណាមួយ សូមអនុវត្តតាមគោលការណ៍ “អង្កេតមុនជឿ” “ពិចារណាមុនចែករំលែក” ដោយត្រូវផ្ទៀងផ្ទាត់ប្រភពឱ្យបានច្បាស់លាស់ពីស្ថាប័នផ្លូវការ ដើម្បីរួមគ្នាបង្កើតសង្គមឌីជីថលមួយដែលមានសុវត្ថិភាព និងទំនុកចិត្ត។

លោក​អនុរដ្ឋលេខាធិការក្រសួងព័ត៌មានបានណែនាំដល់យុវវ័យ ត្រូវ​ប្រើប្រាស់​បណ្តាញ​សង្គមផ្ទាល់ខ្លួន (Facebook, TikTok, Telegram) ដើម្បីចែករំលែកចំណេះដឹង ការអប់រំ និងវប្បធម៌ល្អៗ ជំនួសឱ្យការចែកចាយព័ត៌មានដែលបង្កការរើសអើង ឬការស្អប់ខ្ពើម។

ជាមួយគ្នានេះ លោក​អ្នកនាំពាក្យ ក៏បានលើកទឹកចិត្តដល់យុវសិស្សត្រូវ ចាត់ទុកឧបករណ៍បច្ចេកវិទ្យាដូចជាស្មាតហ្វូន ជា «កញ្ចក់ឆ្លុះការពិត» និងជា «ខែលសុវត្ថិភាព» ដើម្បីការពារសណ្តាប់ធ្នាប់ និងស្ថិរភាពសង្គមជាតិ ព្រោះថា សុវត្ថិភាពព័ត៌មានក្នុងសហគមន៍ គឺត្រូវចាប់ផ្តើមចេញពីសិស្សម្នាក់ៗ និងពលរដ្ឋគ្រប់រូប។

លោក ម៉ម កាយ អភិបាលរងខេត្តតាកែវ រួមទាំងលោក-លោកស្រីប្រធាន អនុប្រធានមន្ទីរអង្គភាពជំនាញជុំវិញខេត្ត អាជ្ញាធរមូលដ្ឋាន លោកគ្រូ-អ្នកគ្រូ យុវជនកាយរឹទ្ធិកម្ពុជា យុវជនកាកបាទក្រហមកម្ពុជា យុវជន ស.ស.យ.ក និងសិស្សានុសិស្ស បានគាំទ្រចំពោះ«យុទ្ធនាការប្រឆាំងព័ត៌មានក្លែងក្លាយ ជំហានទី២» របស់ក្រសួងព័ត៌មាន ដោយសហការយ៉ាងសកម្មនិងប្តេជ្ញាលុបបំបាត់ព័ត៌មានក្លែងក្លាយតាមរយៈការពង្រឹងស្មារតីត្រិះរិះពិចារណា និងផ្ទៀងផ្ទាត់ឱ្យបានច្បាស់លាស់មុននឹងជឿ ឬចែករំលែក ដើម្បីជៀសវាងហានិភ័យ និងផលវិបាកនានា ដែលបង្កឡើងដោយការផ្សព្វផ្សាយភូតកុហកនៅលើបណ្តាញសង្គម។

យុទ្ធនាការ«និយាយថាទេចំពោះព័ត៌មានក្លែងក្លាយ»ជំហានទី២ក្រោមប្រធានបទ«ពង្រឹងអក្ខរកម្មព័ត៌មាន និង​ប្រព័ន្ធ​ផ្សព្វផ្សាយ​ដើម្បីសុវត្ថិភាពព័ត៌មាន»ត្រូវ​បានប្រកាសដាក់ឱ្យដំណើរការ​ជាផ្លូវការកាលពីថ្ងៃទី១៨ ខែឧសភា ឆ្នាំ២០២៦ នៅវិទ្យាល័យសម្តេចហ៊ុនសែនប៊ុន រ៉ានីវត្តភ្នំក្រោមអធិបតីភាព លោក នេត្រ ភក្ត្រា រដ្ឋមន្ត្រីក្រសួងព័ត៌មាន។

យុទ្ធនាការជំហានទី២នេះ បាន​នឹង​កំពុងធ្វើដំណើរទៅតាមបណ្តាវិទ្យាល័យ អនុវិទ្យាល័យ​ក្នុងរាជធានីភ្នំពេញ ខេត្តព្រះវិហារ ខេត្តតាកែវ និងបន្តទៅខេត្តផ្សេងៗទៀតជាបន្តបន្ទាប់ នៅទូទាំងប្រទេសក្នុងឆ្នាំ២០២៦នេះ៕

The post លោក​ទេព អស្នារិទ្ធ ៖ បើ​ឃើញព័ត៌មានក្លែងក្លាយ សូមបញ្ឈប់ការចែកចាយត្រឹមដៃយើង appeared first on Kampuchea Thmey Daily.

លោក ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មានបានមានប្រសាសន៍ថា ៧០,៤% នៃអ្នកចូលរួមស្ទង់មតិសរុបបានអះអាងថា មិនដែលប្រឈមនឹងការគំរាមកំហែង ការយាយី ឬអំពើហិង្សាក្នុងការបំពេញការងារក្នុងឆ្នាំកន្លងទៅទេ ខណៈដែល៨៤,៦% បានអះអាងថា ពុំធ្លាប់ត្រូវបានប្រជាពលរដ្ឋ ឬអាជ្ញាធរប្តឹងផ្តល់ពាក់ព័ន្ធនឹងការចុះផ្សាយរបស់ខ្លួនឡើយ។ 

លោកបន្តថា ចាប់តាំងពីឆ្នាំ២០២៥ ដល់ ត្រីមាសទី១ ឆ្នាំ២០២៦ក្រសួងព័ត៌មានបានជួយសម្របសម្រួល និងការពារអ្នកសារព័ត៌មានដោយបានជួយអន្តរាគមន៍ឱ្យមានការដោះលែង និងនៅក្រៅឃុំដល់អ្នកសារព័ត៌មានសរុប ១៤ នាក់, ផ្សះផ្សាយវិវាទក្រៅប្រព័ន្ធតុលាការចំនួន ៣៧ ករណី/បណ្តឹង ពាក់ព័ន្ធ៦៩ នាក់ និងបានផ្តល់ការការពារផ្នែកច្បាប់ក្នុងនីតិវិធីតុលាការចំនួន ៧ ករណី ពាក់ព័ន្ធ១៥ នាក់។

លោកបានសង្កត់ធ្ងន់ថា ការរៀបចំសណ្តាប់ធ្នាប់ និងការធ្វើបច្ចុប្បន្នភាពបទប្បញ្ញត្តិច្បាប់ពាក់ព័ន្ធក្នុងវិស័យព័ត៌មាន មិនមែនជាការរឹតត្បិតសេរីភាពនោះទេ ប៉ុន្តែបានជួយការពារអ្នកសារព័ត៌មានអាជីពពីការលួចបន្លំ ឬការវាយប្រហារដោយព័ត៌មានក្លែងក្លាយ ជាពិសេសក្នុងសម័យកាលដែលបញ្ញាសិប្បនិម្មិត (AI) កំពុងមានឥទ្ធិពល។ តាមលទ្ធផលការស្ទង់មតិ៩៦,៣% បានគាំទ្រឱ្យពង្រឹងលក្ខខណ្ឌគុណវុឌ្ឍិ ដើម្បីការពារតម្លៃវិជ្ជាជីវៈ និងកសាងទំនុកចិត្តពីសាធារណជន។  

ជាមួយគ្នានេះ ក្រសួងព័ត៌មាននៅតែបន្តប្តេជ្ញាលើកកម្ពស់សន្តិសុខព័ត៌មាន និងពង្រឹងគុណភាព វិជ្ជាជីវៈ ដោយអំពាវនាវដល់គ្រប់ភាគីពាក់ព័ន្ធឱ្យចូលរួមក្នុងស្មារតីស្ថាបនា ហ៊ានទទួលស្គាល់ការពិត និងរៀនទទួលយកនូវកិច្ចខិតខំប្រឹងប្រែងដែលកម្ពុជាសម្រេចបាន ជាពិសេសការខិតខំរបស់ក្រសួងព័ត៌មានក្នុងការលើកកម្ពស់សិទ្ធិសេរីភាពសារព័ត៌មាន ដើម្បីជាមូលដ្ឋានគ្រឹះនៃសេរីភាពសារព័ត៌មានក្នុងប្រព័ន្ធនីតិរដ្ឋ។

គួររម្លឹកថា អង្គការសារព័ត៌មាន សង្គមស៊ីវិល និងដៃគូអភិវឌ្ឍន៍បានរួមគ្នាប្រារព្ធ ទិវាសេរីភាពសារព័ត៌មានពិភពលោក នៅថ្ងៃទី៣០ ខែមេសា ឆ្នាំ២០២៦ នៅសណ្ឋាគារ ហ៊ីម៉ាវ៉ារី ក្រោមប្រធានបទជាតិ «ការលើកកម្ពស់ប្រព័ន្ធផ្សព្វផ្សាយសេរី និងមានទំនួលខុសត្រូវ ដើម្បីសន្តិភាព និងការអភិវឌ្ឍ» ។

ព្រឹត្តិការណ៍ពេញមួយថ្ងៃនេះ បានពិភាក្សាលើការអនុវត្តច្បាប់ដែលមានស្រាប់ និងបទបញ្ញត្តិថ្មីៗ ដើម្បីពង្រឹងវិជ្ជាជីវៈ និងសុចរិតភាពព័ត៌មាន ដោយធានាការប្រតិបត្តិវិជ្ជាជីវៈត្រឹមត្រូវ គោរពច្បាប់ និងពង្រឹងសមត្ថភាពអ្នកសារព័ត៌មានក្នុងការផ្តល់ព័ត៌មានទាន់ហេតុការណ៍ និងសុវត្ថិភាពក្នុងកំឡុងពេលមានវិបត្តិ  និងការពិភាក្សាអំពីក្រមសីលធម៌ និងតម្លាភាពក្នុងការប្រើប្រាស់បច្ចេកវិទ្យា AI ដើម្បីរក្សាទំនុកចិត្តពីសាធារណជន ។

សន្និសីទនេះ មានការចូលរួមដោយផ្ទាល់ និងតាមរយៈប្រព័ន្ធZoom ពីវាគ្មិនកិត្តិយស តំណាងស្ថាប័នសំខាន់ៗ រួមមាន   ក្រសួងព័ត៌មាន, ក្រសួងបរិស្ថាន តំណាងអង្គការយូណេស្កូ(UNESCO), តំណាងស្ថានទូតបារាំង អូស្រ្តាលី អង់គ្លេស ម៉ាឡេស៊ី, អង្គការ NPA ប្រចាំកម្ពុជា , អង្គការអ្នកសារព័ត៌មានគ្មានព្រំដែន (RSF), អង្គការសង្គមស៊ីវិល មកពី CamboJA, CCIM,  CMPO អ្នកផលិតមាតិកា និងសិស្សនិស្សិត សរុបប្រមាណ ១៥០ នាក់៕

The post លោក ទេព អស្នារិទ្ធ៖ អ្នកសារព័ត៌មានជាង ៧០% បំពេញភារកិច្ចដោយគ្មានការគំរាមកំហែង appeared first on Kampuchea Thmey Daily.

ជុំវិញបញ្ហាព្រំដែនកម្ពុជា-ថៃ លោក វ៉ាង យី បានបញ្ជាក់នូវជំហររបស់ចិន ដែលតែងតែគាំទ្រឱ្យមានការសន្ទនាដោយសន្តិវិធី និងរក្សាជំហរដ៏យុត្តិធម៌ និងមិនលំអៀង ក៏ដូចជាគាំទ្រដល់កិច្ចខិតខំប្រឹងប្រែងសម្របសម្រួលរបស់អាស៊ាន។

តាមរយៈនោះ លោក វ៉ាង យី បានបន្តថា ក្រសួងការបរទេសចិនបានបញ្ជូនបេសកជនពិសេសមួយរូបទទួលបន្ទុកកិច្ចការអាស៊ី ទៅកម្ពុជា និងថៃ សម្រាប់ការចរចាការទូតជាមួយភាគីទាំងសងខាង ដោយចិននឹងបន្តធ្វើជាស្ពាន ដើម្បីសម្រួលដល់ការស្តារសន្តិភាពរវាងប្រទេសទាំង ២ ឡើងវិញ៕

The post អ្នកនាំពាក្យក្រសួងការបរទេសចិន៖ កម្ពុជា និងថៃ បានបង្ហាញពីឆន្ទៈបន្ធូរបន្ថយភាពតានតឹង និងអនុវត្តបទឈប់បាញ់ appeared first on Kampuchea Thmey Daily.

លោក ស៊ុន មេសា អ្នកនាំពាក្យ​ក្រសួង​ការងារ និង​បណ្ដុះបណ្ដាល​វិជ្ជាជីវៈ មាន​ប្រសាសន៍​នៅ​ថ្ងៃ​ទី ៣ ខែ​ធ្នូ នេះ​ថា ប្រជាពលរដ្ឋ មិន​គួរ​ឆ្លងដែន​ដោយ​ខុសច្បាប់ ដើម្បី​ស្វែងរក​ការងារ​ធ្វើ​នៅ​ប្រទេស​ថៃ​នោះ​ទេ ពួកគាត់​គួរតែ​ស្វែងរក​ឱកាស​ការងារ​ក្នុងស្រុក​វិញ ដែល​មិន​ត្រឹម​តែ​មាន​ប្រាក់​ឈ្នួល​សមរម្យ​នោះ​ទេ ថែមទាំង​មាន​ការ​ការពារ​ពី​របប​សន្តិសុខ​សង្គម​ផង​ដែរ។

អ្នកនាំពាក្យ​រូប​នេះ លើក​ឡើង​ថា «​ខ្ញុំ​សូម​អំពាវនាវ​ដោយ​ទទូច សូម​បងប្អូន​ប្រជាពលរដ្ឋ​កុំ​ឆ្លងដែន​ដោយ​ខុសច្បាប់​ទៅ​ប្រទេស​ថៃ ដែល​អាច​ប្រឈម​នឹង​បញ្ហា​នានា នាំ​ឲ្យ​ខាត​ពេល និង​ថវិកា ហើយ​គួរតែ​ស្វែងរក​ការងារ​ក្នុងស្រុក​វិញ​ល្អ​ជាង ព្រោះ​បច្ចុប្បន្ន​នេះ នៅ​កម្ពុជា​មាន​ឱកាស​ការងារ​ដ៏​ច្រើន​សម្បូរ​បែប មាន​លក្ខខណ្ឌ​ការងារ​ល្អ​ប្រសើរ និង​ទទួល​បាន​ប្រាក់​ឈ្នួល​សមរម្យ រួម​ទាំង​អត្ថ​ប្រយោជន៍​បេឡា​ជាតិ​សន្តិសុខ​សង្គម​ផ្សេងៗ ទៀត​ផង​ដែរ ខណៈ​ដែល​ការ​ចំណាយ​ប្រចាំថ្ងៃ​តិច​ជាង​នៅ​ប្រទេស​ថៃ ដែល​ជួយ​យ៉ាង​ច្រើន​លើ​ការ​សន្សំសំចៃ​របស់​បងប្អូន​ប្រជាពលរដ្ឋ​»។

បន្ថែម​ពី​នេះ លោក​បាន​រំលឹក​ផង​ដែរ​ថា នៅ​ថ្ងៃ​ទី ៦ និង​ថ្ងៃ​ទី ៧ ខែ​ធ្នូ ខាងមុខនេះ ក្រសួង​ការងារ នឹង​រៀបចំ​ពិព័រណ៍​ការងារ សន្តិសុខ​សង្គម និង​បណ្ដុះបណ្ដាល​វិជ្ជាជីវៈ នៅ​ស្រុក​ចំនួន​ពីរ ក្នុង​ខេត្ត​សៀមរាប ដូចជា ស្រុក​សូទ្រនិគម និង​ស្រុក​ពួក ដើម្បី​ផ្តល់​ឱកាស​ការងារ​ដល់​ពលរដ្ឋ​ខ្មែរ ជា​ពិសេស​អតីត​ពលករ​ដែល​ត្រឡប់​មកពី​ប្រទេស​ថៃ​ឲ្យ​បាន​ការងារ​ធ្វើ​គ្រប់ៗ គ្នា។

ជាមួយ​គ្នា​នេះ លោក ស៊ុន មេសា បាន​អំពាវនាវ​ដល់​ប្រជាពលរដ្ឋ ជាពិសេស​អតីត​ពលករ​ខ្មែរ​ត្រឡប់​មកពី​ប្រទេស​ថៃ មាន​បំណង​ចង់​ស្វែងរក​ការងារ​ធ្វើ សូម​ទាក់ទង​ទៅកាន់​លេខ ១២៩៧ ដែល​មន្ត្រី​ក្រសួង​រង់ចាំ​ទទួល​ទូរសព្ទ ៧ ថ្ងៃ ក្នុង​មួយ​សប្ដាហ៍។ ក្នុង​នោះ ពលរដ្ឋ ក៏​មាន​ឱកាស​ទទួល​បាន​នូវ​ការ​បណ្ដុះបណ្ដាល​ជំនាញ​បច្ចេកទេស​ដោយ​ឥតគិតថ្លៃ​ផង​ដែរ៕

The post អ្នកនាំពាក្យក្រសួងការងារ បន្តអំពាវនាវយ៉ាងទទូចឲ្យពលរដ្ឋតាមបន្ទាត់ព្រំដែន ពិចារណាការងារក្នុងស្រុក ខណៈឱកាសការងារនៅកម្ពុជាមានរាប់ម៉ឺនកន្លែង appeared first on Kampuchea Thmey Daily.

លោក​ថ្លែង​ថា «​ខ្ញុំ​សូម​អំពាវនាវ​ដល់​ប្រធាន​រដ្ឋបាល ប្រធាន​ផ្នែក ប្រធាន​ក្រុម​កាត់ដេរ និង​ជំនួយការ​នៅ​តាម​សហគ្រាស ក្រុមហ៊ុន រោងចក្រ​ទាំងអស់ មេត្តា​ប្រើ​ពាក្យ​សម្តី​ឱ្យ​បាន​ទន់ភ្លន់​ក្នុងការ​បំពេញ​ការងារ​ជាមួយ​កម្មករ-និយោជិត ជាពិសេស​បងប្អូន​អតីត​ពលករ​ខ្មែរ​ត្រឡប់​មកពី​ប្រទេស​ថៃ សូម​កុំ​មាន​ការ​ជេរប្រមាថ ហើយ​បងប្អូន​កម្មករ ឬ និយោជិត​ទាំងអស់ អាច​ប្តឹង​មក​ក្រសួង មក​អ្នកនាំពាក្យ ឬ បណ្តឹង​អនាមិក​របស់​ក្រសួង​»។

ការ​អំពាវនាវ​របស់​អ្នកនាំពាក្យ​ក្រសួង​ការងារ និង​បណ្តុះបណ្តាល​វិជ្ជាជីវៈ គឺជា​ការ​ជំរុញ​ការ​យក​ចិត្ត​ទុក​ដាក់ និង​ផ្តល់​ភាព​កក់ក្តៅ​ជូន​អតីត​ពលករ​ខ្មែរ ដែល​ត្រឡប់​មកពី​ប្រទេស​ថៃ ទាំង​ពេល​ទំនាក់​ទំនង​ផ្តល់​ឱកាស​ការងារ និង​ពេល​បំពេញការងារ ត្រូវ​មាន​ភាព​ទន់ភ្លន់ យកចិត្តទុកដាក់​ឱ្យ​ដូចដែល​រាជរដ្ឋាភិបាល ក្រសួង រដ្ឋបាល​ខេត្ត អាជ្ញាធរ​មាន​សមត្ថកិច្ច​នៅតាម​ច្រកព្រំដែន យុវជន​ស្ម័គ្រចិត្ត នៃ​សហភាព​សហព័ន្ធ​យុវជន​កម្ពុជា និង​យុវជន​ស្ម័គ្រចិត្ត​កាកបាទក្រហម ខិតខំ​ផ្ដល់​ជូន​ពេល​ពលករ​ឈាន​ជើង​ដំបូង​ចូល​មក​ដល់​បូរណភាព​ទឹកដី​កម្ពុជា។

សម្រាប់​បណ្តឹង កម្មករ-និយោជិត អាច​ប្តឹង​មក​បណ្ដាញ​សង្គម​ក្រសួង បណ្ដាញ​សង្គម​រដ្ឋមន្ត្រី អ្នកនាំពាក្យ និង​ QRCode បណ្តឹង​អនាមិក​ ដែល​អាច​ទាក់ទង​បាន​គ្រប់​ពេល។ លេខ​ទំនាក់ទំនង​អ្នកនាំពាក្យ​ ៖ ០៩៧ ២៥៦ ៤៤៤៧/ ០៧៧ ៤៦៥ ២៨៩/ ០១៥ ៤៦៥ ២៨៩។ នេះ​បើ​តាម​អ្នកនាំពាក្យ​លោក ស៊ុន មេសា ដដែល៕

​

The post អ្នកនាំពាក្យក្រសួងការងារ អំពាវនាវកម្មករប្ដឹងមកក្រសួង ប្រសិនបើមានការ​ប្រើប្រាស់ពាក្យសម្ដីមិនសមរម្យនៅកន្លែងការងារ appeared first on Kampuchea Thmey Daily.

លោកបានបន្តថាតាមទិន្នន័យបឋមខេត្តសៀមរាបជំនន់ទឹកភ្លៀងជន់លិច១១ស្រុកស្មើនឹង៤១ឃុំសង្កាត់ប៉ះពាល់ប្រជាពលរដ្ឋ៦១៤២គ្រួសារស្មើនឹងផ្ទះ៦១៤២ខ្នងសាលារៀន៤៦វត្ត៦មន្ទីរពេទ្យនិងមណ្ឌលសុខភាព៥ស្រូវ៣៩៦៣ហិកតា ដំណាំរួមផ្សំ១៤៥ហិកតា ប៉ះពាល់ផ្លូវជាតិ១៤២៩៣ម៉ែត្រ ផ្លូវជនបទ៥៧១៧០ម៉ែត្រ។ បន្ទាប់មកខេត្តក្រចេះប៉ះពាល់៦ស្រុកស្មើនឹង២៥ឃុំសង្កាត់ ប៉ះពាល់ប្រជាពលរដ្ឋ៤៣១៥គ្រួសារជម្លៀសប្រជាពលរដ្ឋទៅរកទីទួលសុវត្តិភាពចំនួន២២២គ្រួសារផ្ទះ៦១៤២ខ្នងសាលារៀន១៦វត្ត៩មន្ទីរពេទ្យនិងមណ្ឌលសុខភាព៨ជម្លៀសសត្វពាហនៈ៧៩២ក្បាលស្រូវ១០៥៩ហិកតាដំណាំរួមផ្សំ២៨ហិកតាប៉ះពាលផ្លូវជាតិ៥២៣ម៉ែត្រ ផ្លូវជនបទ៦៧៥៥៩ម៉ែត្រ។ ខេត្តស្ទឹងត្រែងប៉ះពាល់៥ស្រុកស្មើនឹង២៥ឃុំសង្កាត់ប៉ះពាល់ប្រជាពលរដ្ឋ២៧៧១គ្រួសារជម្លៀសប្រជាពលរដ្ឋ៣គ្រួសារផ្ទះ១២១០ខ្នងសាលារៀន៨វត្ត២ ស្រូវ២៣០៤ហិកតាខូចខាត៥៨ហិកតាដំណាំរួមផ្សំ២៥២៥ហិកតាខូចខាត៨២ហិកតាប៉ះពាលផ្លូវជាតិ៥៤០ម៉ែត្រនិងផ្លូវជនបទ៣៣៤៤៥ម៉ែត្រ។

ខេត្តព្រៃវែងប៉ះពាល់៤ស្រុកស្មើនឹង១១ឃុំសង្កាត់ប៉ះពាល់ប្រជាពលរដ្ឋ៣៦៥គ្រួសារជម្លៀស៣៣គ្រួសារ ផ្ទះ១៣៥ខ្នង ស្រូវ៣៨៨ហិកតាខូចខាត២៦ហិកតា ផ្លូវជនបទ២៤២៦៤ម៉ែត្រ ទំនប់១៥០០ម៉ែត្រនិងបាក់ច្រាំងទន្លេ៨៦៥ម៉ែត្រ។ ខេត្តកំពង់ធំប៉ះពាល់៤ស្រុកស្មើនឹង១៥ឃុំ ប៉ះពាល់ប្រជាពលរដ្ឋ១៦៦៥គ្រួសារជម្លៀសប្រជាពលរដ្ឋ១៥គ្រួសារផ្ទះ១៦៦៥ខ្នងសាលារៀន១៦វត្ត១មន្ទីរពេទ្យ២ស្រូវ១១៣៦ហិកតាខូចខាត៣៨ហិកតា ផ្លូវជាតិ១២០ម៉ែត្រនិងផ្លូវជនបទ៤០៥២៣ម៉ែត្រ។ ខេត្តបន្ទាយមានជ័យប៉ះពាល់៣ស្រុកស្មើនឹង១៤ឃុំប៉ះពាល់ស្រូវ១៤៣២ហិកតាខូចខាត៧០ហិកតា។ ខេត្តមណ្ឌលគីរីប៉ះពាល់១ស្រុកស្មើនឹង៦ឃុំប៉ះពាល់ប្រជាពលរដ្ឋ៧៩១គ្រួសារស្មើនឹងផ្ទះ៧៩១ខ្នងស្រូវ៨៥ហិកតាខូចខាត៧៥ហិកតាដំណាំរួមផកសំ៧០ហិកតាខូចខាត៤០ហិកតានិងផ្លូវជនបទ១៩៦៤០ម៉ែត្រនិងខេត្តត្បូងឃ្មុំប៉ះពាល់១ស្រុកស្មើនឹង២ឃុំប៉ះពាល់ប្រជាពលរដ្ឋ៨៦៧គ្រួសារនិងជម្លៀស៥៥២គ្រួសារ។

បើតាមលោក សុទ្ធ គឹមកុលមុនី គិតចាប់ពីថ្ងៃទី២៦ដល់ថ្ងៃទី២៨ ខែកញ្ញា ឆ្នាំ២០២៥ ជំនន់ទឹកភ្លៀងដែលប៉ះពាល់ស្រុកចំនួន៤០នៃខេត្តចំនួន៩បានប៉ះពាល់ប្រជាពលរដ្ឋចំនួន២១,៣៥៧ គ្រួសារ ផ្ទះប៉ះពាល់ចំនួន១៧,៣៤៨ ខ្នង ជម្លៀសប្រជាពលរដ្ឋទៅរកទីទួលសុវត្តិភាពចំនួន១,០៣៧ គ្រួសារ ស្រូវប៉ះពាល់ចំនួន១២,៧៩១ ហិកតាកើន ២,០៦១ ហតក្នុងនោះស្រូវខូចខាតចំនួន២៦៧ ហិកតាកើន ៣៨ ហិកតា។

លោកបានបន្តថា ក្នុងការអន្តរាគមន៍ទឹកជំនន់នេះដែរគណៈកម្មាធិការគ្រប់គ្រងគ្រោះមហន្តរាយ រាជធានី ខេត្តបានបើកកិច្ចប្រជុំដើម្បីពិនិត្យធនធាន សម្ភារៈ និងមធ្យោបាយ ដែលបានត្រៀមក្នុងផែនការត្រៀមបម្រុងគ្រោះមហន្តរាយដោយទឹកជំនន់ និងចុះពិនិត្យស្ថានភាពលិចលង់ និងការរស់នៅរបស់ប្រជាពលរដ្ឋជាប់ជាប្រចាំនិងបន្ត តាមដានជាប់ជាប្រចាំការវិវត្តន៍ស្ថានភាពគ្រោះទឹកជំនន់ដើម្បីជួយសង្គ្រោះប្រជាពលរដ្ឋរងគ្រោះនិងស្តារដំណាំស្រូវក៏ដូចជាហេដ្ឋារចនាសម្ព័ន្ធរងការខូចខាតឱ្យបានទាន់ពេលវេលា៕

The post អ្នកនាំពាក្យ ៖ ខេត្តសៀមរាបរងគ្រោះធ្ងន់ធ្ងរជាងគេដោយជំនន់ទឹកភ្លៀងក្នុងចំណោមខេត្តទាំង៩ appeared first on Kampuchea Thmey Daily.

លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍ថា បន្ទាប់ពីពិធីបុណ្យភ្ជុំបិណ្ឌបានបញ្ចប់ សម្រាប់បងប្អូនអតីតពលករខ្មែរត្រឡប់មកពីប្រទេសថៃវិញ ដែលមិនទាន់មានការងារធ្វើ អាចទាក់ទងលេខ១២៩៧ របស់ក្រសួងការងារ និងបណ្ដុះបណ្ដាលវិជ្ជាជីវៈ ដើម្បីទទួលបានឱកាសការងារធ្វើ។

លោក​បាន​ឱ្យ​ដឹង​ថា «បច្ចុប្បន្នយើងនៅសល់ឱកាសការងារចំនួន ៨៤ ៧៦៧កន្លែងទៀត នៅរង់ចាំបងប្អូនអតីតពលករត្រឡប់មកពីប្រទេសថៃ ដែលកំពុងស្វែងរកការងារធ្វើ ហើយឱកាសការងារទាំងនោះ ស្ថិតក្នុងវិស័យកសិកម្ម ឧស្សាហកម្ម និងសេវាកម្ម»។

អ្នក​នាំ​ពាក្យ​ដដែល បានអំពាវនាវជាថ្មីឱ្យបងប្អូនអតីតពលករ គួរស្វែងរកការងារនៅក្នុងស្រុក ជាជាងប្រថុយប្រថានទៅធ្វើការងារដោយខុសច្បាប់នៅប្រទេសថៃ ដែលអាចខាតបង់ថវិកា ពេលវេលា ក៏ដូចជាអាចប្រឈមនឹងចាប់ខ្លួនពីអាជ្ញាធរមានសមត្ថកិច្ចរបស់ប្រទេសថៃ ថែមទៀត។

សារជាថ្មី​ទៀត លោក ស៊ុន មេសា បានអំពាវនាវឱ្យអង្គការក្រៅរដ្ឋាភិបាល និងសមាគម ព្រមទាំងអ្នកពាក់ព័ន្ធផ្សេងទៀត សហការផ្ដល់ព័ត៌មានចំពោះបងប្អូនអតីតពលករខ្មែររូបណា ដែលមិនទាន់មានការងារធ្វើ ដើម្បីអាចឱ្យក្រសួងជួយសម្របសម្រួលរកការងារជូនពួកគាត់ធ្វើ៕

The post ក្រោយភ្ជុំបិណ្ឌ! អ្នកនាំពាក្យក្រសួងការងារ អំពាវនាវបងប្អូនអតីតពលករមិនទាន់មានការងារធ្វើ ទាក់ទងលេខ១២៩៧ appeared first on Kampuchea Thmey Daily.

បើតាម​ លោក​ ស៊ុន ​មេសា កិច្ចប្រជុំ​ក្រុមប្រឹក្សា​ជាតិ​ប្រាក់​ឈ្នួល​អប្បបរមា​នេះ​ នឹង​ប្រព្រឹត្តិ​ទៅ​ក្រោម​អធិបតីភាព លោក ហេង​ សួរ ប្រធាន​ក្រុម​ប្រឹក្សាជាតិ​ប្រាក់​ឈ្នួល​អប្បបរមា ​និង​ជា​រដ្ឋមន្ត្រី​ក្រសួង​ការងារ​ និង​បណ្ដុះបណ្ដាល​វិជ្ជាជីវៈ​ នៅ​ទីស្តីការក្រសួង​ ដោយមាន​ការចូលរួម​ពី​សមាជិក​ក្រុម​ប្រឹក្សា​ជាតិ​ប្រាក់​ឈ្នួល​អប្បបរមា សរុប​ចំនួន ៥១ រូប ដែលមាន​សមាសភាព​ស្មើៗ គ្នា​ មកពី​តំណាង​ភាគី​រាជរដ្ឋាភិបាល តំណាង​ភាគី​កម្មករ​-​និយោជិត និង​តំណាង​ភាគី​និយោជក។

លោក​បាន​បន្តទៀតថា នៅក្នុង​កិច្ចប្រជុំ​ត្រីភាគី​ នឹងត្រូវ​ពិភាក្សា​លើ​បម្រែបម្រួល នៃ​លក្ខណវិនិច្ឆ័យ​បែប​សង្គម (​ស្ថានភាព​គ្រួសារ អត្រា​អតិផរណា និង​ការចំណាយ​ក្នុង​ការ​រស់នៅ​) និង​លក្ខណវិនិច្ឆ័យ​បែប​សេដ្ឋកិច្ច (​ផលិតភាព ភាព​ប្រកួតប្រជែង​របស់​ប្រទេស ស្ថានភាព​ទីផ្សារ​ការងារ និង​កម្រិត​ចំណេញ​របស់​វិស័យ​) ដោយ​ប្រើប្រាស់​មូលដ្ឋាន​ទិន្នន័យ​ផ្លូវការ​ស្របច្បាប់ និង​ការស្រាវជ្រាវ​បែប​វិទ្យាសាស្ត្រ ដូច​មានកំណត់​ក្នុង​មាត្រា ៥ នៃ​ច្បាប់ ស្ដីពី​ប្រាក់​ឈ្នួល​អប្បបរមា។

អ្នកនាំពាក្យ​ក្រសួង​ការងារ ​រំពឹងថា កិច្ចប្រជុំ​ចរចា​កំណត់​ប្រាក់​ឈ្នួល​អប្បបរមា ផ្នែក​វាយ​ន​ភណ្ឌ កាត់ដេរ ផលិត ស្បែកជើង និង​ផលិត​ផលិតផល​ធ្វើដំណើរ និង​កាបូប សម្រាប់​ឆ្នាំ ២០២៦ នៅ​ឆ្នាំនេះ នឹង​ប្រព្រឹត្តិ​ទៅដោយ​រលូន ដោយ​គ្រប់ភាគី​ពាក់ព័ន្ធ​មានការ​យោគយល់​គ្នា និង​ឆន្ទៈ​រួមគ្នា ដើម្បី​ប្រយោជន៍​កម្មករ​នឹង​អាច​ទទួលយកបាន​ទាំងអស់គ្នា​។​ការដាក់​ក្តី​រំពឹង​នេះ ដោយសារតែ​កិច្ចប្រជុំ​ចរចា​ប្រាក់​ឈ្នួល​អប្បបរមា​នេះ​ធ្លាប់​ឆ្លងកាត់​បទពិសោធ​ជាច្រើន​ឆ្នាំ​មកហើយ ភាគី​ទាំងអស់​បាន​យល់ដឹង​ពី​នីតិវិធី ការចរចា និង​លក្ខខណ្ឌ​ដូច​មានចែង​ក្នុង​ច្បាប់​ស្ដីពី​ប្រាក់​ឈ្នួល​អប្បបរមា​រួមមាន ស្ថានភាព​គ្រួសារ អត្រា​អតិផរណា ការចំណាយ​ក្នុងការ​រស់នៅ ផលិតភាព ភាព​ប្រកួតប្រជែង​របស់​ប្រទេស ស្ថានភាព​ទីផ្សារការងា​រ និង​កម្រិត​ចំណេញ​របស់​វិស័យ​។

គួរ​បញ្ជាក់ថា កិច្ចប្រជុំ​ចរចា​កំណត់​ប្រាក់​ឈ្នួល​អប្បបរមា​ផ្នែក​វាយ​ន​ភណ្ឌ កាត់ដេរ ផលិត​ស្បែកជើង និង​ផលិត​ផលិតផល​ធ្វើដំណើរ និង​កាបូប​សម្រាប់​ឆ្នាំ​ ២០២៦​ នេះ ​នឹង​សម្រេច​លទ្ធផល​ដោយមាន​តួលេខ​ថ្មី​ នៃ​ប្រាក់​ឈ្នួល​អប្បបរមា​ជូន​កម្មករ-និយោជិត​នៅមុន​ពិធីបុណ្យ​ភ្ជុំបិណ្ឌ​ខាងមុខនេះ​ ខណៈ​ឆ្នាំ ២០២៥ នេះ ​រាជរដ្ឋាភិបាល ​បាន​ដំឡើង​ប្រាក់​ឈ្នួល​អប្បបរមា​ចំនួន ២០៨ ដុល្លារ ក្នុង​មួយ​ខែ កើន​ឡើង ៤ ដុល្លារ ក្នុងនោះ​ ត្រីភាគី​ដែលមាន​ភាគី​សហជីព ភាគី​និយោជក និង​ភាគី​រាជរដ្ឋាភិបាល បាន​ឯកភាព​ដំឡើង ២ ដុល្លារ និង សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បន្ថែម ២ ដុល្លារ ពីលើ​ប្រាក់​ឈ្នួល​បច្ចុប្បន្ន ២០៤ ដុល្លារ ក្នុង ១ ខែ។ ប្រសិន​បើ​បូក​នឹង​ប្រាក់​អត្ថប្រយោជន៍​ផ្សេងៗ បន្ថែម កម្មករ​-​និយោជិត ម្នាក់ អាច​ទទួលបាន​ប្រាក់​ឈ្នួល ចន្លោះ​ពី ២២៥ ទៅ ២៣៦ ដុល្លារ ដោយ​មិនទាន់​ពី​គិតពី​អត្ថប្រយោជន៍​ផ្សេងទៀត ដែល​ទទួលបាន​ពី ប​.​ស​.​ស នោះទេ៕

អត្ថបទ ៖ សំអឿន

The post អ្នកនាំពាក្យ ៖ ក្រសួងការងារ នឹងរៀបចំកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា​សម្រាប់ឆ្នាំ ២០២៦ នៅរសៀលថ្ងៃស្អែក appeared first on Kampuchea Thmey Daily.