យោង​តាម​សេចក្ដីប្រកាស​របស់​សាលាដំបូង​ខេត្ត​កណ្ដាល បាន​ឲ្យ​ដឹង​ថា ជនជាប់ចោទ ឈ្មោះ ឆេង ស្រីរ័ត្ន ហៅ «Love Riya» ត្រូវ​បាន​តុលាការ​សម្រេច​ឃុំខ្លួន​ក្រោម​បទចោទប្រកាន់​ចំនួន ០២ ដោយ​បទល្មើស ញុះញង់​ឲ្យ​មាន​ការ​រើសអើង និង ធ្វើ​ឲ្យ​ខូច​ទឹកចិត្ត​កងទ័ព ប្រព្រឹត្ត​នៅ​ចំណុច​បុរី ML ស្ថិត​នៅ​ភូមិ​កំពង់​សំណាញ់ ០១ សង្កាត់​កំពង់​សំណាញ់ ក្រុង​តាខ្មៅ ខេត្ត​កណ្តាល កាលពី​ថ្ងៃ​ទី ០៦ និង​ថ្ងៃ​ទី ១៣ ខែ​សីហា ឆ្នាំ ២០២៥ បទល្មើស​ព្រហ្មទណ្ឌ​ដែល​ចែង​ឲ្យ​ផ្ដន្ទាទោស​តាម​មាត្រា ៤៧២ និង​មាត្រា ៤៩៦ នៃ​ក្រមព្រហ្មទណ្ឌ។

គួរ​រំលឹក​ថា កាលពី​ព្រឹក​ថ្ងៃ​ទី ១៤ ខែ​សីហា ឆ្នាំ ២០២៥ កម្លាំង​ជំនាញ នៃ​ស្នងការដ្ឋាន​នគរបាល​ខេត្ត​កណ្ដាល បាន​ចុះ​ទៅ​ឡោមព័ទ្ធ និង​ឃាត់ខ្លួន​ថៅកែ​លក់​ឡេ Love Riya ស្ថិត​នៅ​ភូមិគ្រឹះ​ក្នុង​បុរី ML ក្រុង​តាខ្មៅ ខេត្ត​កណ្ដាល ដើម្បី​សាកសួរ៕

អត្ថបទ ៖ រដ្ឋា

The post សាលាដំបូងខេត្តកណ្ដាល សម្រេចឃុំខ្លួនអ្នកលក់ឡេ Love Riya ក្រោមបទចោទប្រកាន់ «ញុះញង់ឲ្យមានការរើសអើង និងធ្វើឲ្យខូចទឹកចិត្តកងទ័ព» appeared first on Kampuchea Thmey Daily.

តាមការបញ្ជាក់ពីក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តកណ្តាល ករណីបុគ្គលលក់ឡេឈ្មោះ Love Riya កម្លាំងសមត្ថកិច្ចជំនាញកំពុងបន្តនីតិវិធីច្បាប់ ចំពោះវីដេអូ សុំទោសនេះមិនមែនជាករណីដែលសមត្ថកិច្ចជំនាញកំពុងអនុវត្តនោះទេ។

សូមជម្រាបថា នៅព្រឹកថ្ងៃទី១៤ ខែសីហា ឆ្នាំ២០២៥ កម្លាំងជំនាញនៃស្នងការដ្ឋាននគរបាលខេត្តកណ្តាល បានចុះទៅឡោមព័ទ្ធ និងឃាត់ខ្លួនថៅកែលក់ឡេ Love Riya ស្ថិតនៅភូមិគ្រឹះក្នុងបុរី ML ក្រុងតាខ្មៅ ខេត្តកណ្តាល ដើម្បីសាកសួរ។ ទោះបីយ៉ាងណា រហូតមកដល់យប់ថ្ងៃទី១៤សីហា​នេះ នគរបាលនៃស្នងការដ្ឋាននគរបាលខេត្តកណ្ដាលនៅមិនទាន់បញ្ជាក់ពីការឃាត់ខ្លួនអ្នកលក់ឡេល្បីឈ្មោះ Love Riya នេះនៅឡើយទេ៕

The post ស្នងការខេត្តកណ្ដាល ថា វីដេអូសុំទោសរបស់បុគ្គល​​ឈ្មោះ Love Riya ជាវីដេអូចាស់ appeared first on Kampuchea Thmey Daily.

ក្នុងសេចក្ដីប្រកាសព័ត៌មានចុះថ្ងៃទី១៣ ខែមករា ឆ្នាំ២០២៥ លោក អេង ហ៊ី មិនបានបញ្ជាក់ថារថយន្តខេមរភូមិន្ទដែលបើកក្បូនឱ្យឡានអ្នកលក់ឡេនោះស្ថិតក្នុងអង្គភាពណាមួយនៃក្រសួងការពារជាតិទេ តែថាបានប្រគល់ម្ចាស់រថយន្តនោះទៅឱ្យអង្គភាពសាម៉ីមានវិធានការហើយ។

ដោយឡែកអ្នកលក់អនឡាញដែលត្រូវឡាន ខ.ម បើកផ្លូវក្បូនឡានឱ្យនោះត្រូវបានហៅមកអប់រំណែនាំ និងចុះកិច្ចសន្យាកុំឱ្យប្រព្រឹត្តិទង្វើបែបនេះតទៅទៀតផងដែរ។

គួរឱ្យដឹងថាបន្ទាប់ពីមានវីដេអូដែលបានបង្ហោះលើបណ្ដាញសង្គមបង្ហាញអ្នកលក់អនឡាញម្នាក់បានចេញទៅចូលរួមមង្គលការ ដោយមានក្បូនឡានទំនើបជាច្រើនបើកចេញ ព្រមទាំងមានរថយន្តពាក់ស្លាក់លេខខេមរភូមិន្ទលេខ ២-១៨៧១ បើកផ្លូវឱ្យផងដែរនោះ។ មេបញ្ជាការអាវុធហត្ថលើផ្ទៃប្រទេសនាយឧត្តមសេនីយ៍ សៅ សុខា នៅថ្ងៃទី១០ ខែមករា បានបញ្ជាឱ្យ​អាវុធហត្ថធ្វើការជាមួយអគ្គនាយកដ្ឋានបច្ចេកទេសក្រសួងការពារជាតិស្រាវជ្រាវលេខរថយន្តឃាត់ទុកតែម្ដង ដោយថាដើម្បីការពារមុខមាត់កងទ័ពជាតិ។

យោងតាមអនុក្រឹត្យចុះថ្ងៃទី១៦ ខែវិច្ឆិកា ឆ្នាំ២០០៩ អ្នកដែលមានសិទ្ធិអនុញ្ញាតឱ្យប្រើប្រាស់ភ្លើងសញ្ញាពិសេស និងសំឡេងស៊ីរ៉ែនហែរអមក្បួនគឺមានតែក្បូនព្រះទីនាំង ព្រះមហាក្សត្រ ព្រះមហាក្សត្រីយ៍ រថយន្តប្រធានព្រឹទ្ធសភា រថយន្តប្រធានរដ្ឋសភា និងរថយន្តនាយករដ្ឋមន្ត្រីប៉ុណ្ណោះ។

ការប្រើប្រាស់ភ្លើងសញ្ញាពិសេស សូរសព្ទ័ពិសេសនេះ ក៏បានអនុញ្ញាតសម្រាប់ប្រើក្បួនយានយន្តហែរអមគណៈប្រតិភូផ្លូវការអន្តរជាតិ ចាប់ពីថ្នាក់អនុរដ្ឋមន្ត្រីឡើងទៅ និងថ្នាកិប្រហាក់ប្រហែល តាមសំណើរបស់ក្រសួងការបរទេស ព្រមទាំងប្រើចំពោះយានយន្តបំពេញភារកិច្ចពិសេសរបស់កងកម្លាំងនគរបាល កងទ័ព កងរាជអាវុធហត្ថ យានយន្តពន្លត់អគ្គីភ័យ និងយានយន្តសង្គ្រោះរបស់មន្ទីរពេទ្យ៕

អត្ថបទដោយ ហ៊ុន សិរីវឌ្ឍន៍

The post អ្នកនាំពាក្យ៖ ម្ចាស់ឡានខ.មដែលបើកក្បួនឱ្យអ្នកលក់ឡេត្រូវអនុវត្តទណ្ឌកម្មវិន័យ appeared first on Kampuchea Thmey Daily.

លោក អេង ហ៊ី បានប្រាប់កម្ពុជាថ្មីនៅរសៀលថ្ងៃទី១០ ខែមករា ឆ្នាំ២០២៥នេះថា ការស្រាវជ្រាវតាមរយៈស្លាកលេខក្នុងកងរាជអាវុធហត្ថគឺមិនមែនជារថយន្តរបស់អាវុធហត្ថទេ ហើយការគ្រប់គ្រងរបស់អាវុធហត្ថលើឡានស៊ឺរ៉ែនតឹងរឹងបំផុត។

លោកថា៖ «រថយន្តនោះមិនមែនជារបស់កងរាជអាវុធហត្ថទេ! ព្រោះវាជា ខ.ម ០២។ របស់អាវុធហត្ថ ខ.ម ០៩ នេះជាជំហានទី១ហើយយើងឆែកក្នុងបញ្ជីអាវុធហត្ថគឺអត់មានទេ»។

លោកបន្ថែមថាការគ្រប់គ្រង និងផ្ដល់ស្លាកលេខខេមរភូមិន្ទជាសមត្ថកិច្ចរបស់ក្រសួងការពារជាតិ។

គូរឱ្យដឹងថាបន្ទាប់ពីមានវីដេអូដែលបានបង្ហោះលើបណ្ដាញសង្គមបង្ហាញអ្នកលក់អនឡាញម្នាក់បានចេញទៅចូលរួមមង្គលការ ដោយមានក្បូនឡានទំនើបជាច្រើនបើកចេញ ព្រមទាំងមានរថយន្តពាក់ស្លាក់លេខខេមរភូមិន្ទលេខ ២-១៨៧១ បើកផ្លូវឱ្យផងដែរនោះ។ មេបញ្ជាការអាវុធហត្ថលើផ្ទៃប្រទេសនាយឧត្តមសេនីយ៍ សៅ សុខា បានបញ្ជាឱ្យ​អាវុធហត្ថធ្វើការជាមួយអគ្គនាយកដ្ឋានបច្ចេកទេសក្រសួងការពារជាតិស្រាវជ្រាវលេខរថយន្តឃាត់ទុកតែម្ដង ដោយថាដើម្បីការពារមុខមាត់កងទ័ពជាតិ។

យោងតាមអនុក្រឹត្យចុះថ្ងៃទី១៦ ខែវិច្ឆិកា ឆ្នាំ២០០៩ អ្នកដែលមានសិទ្ធិអនុញ្ញាតឱ្យប្រើប្រាស់ភ្លើងសញ្ញាពិសេស និងសំឡេងស៊ីរ៉ែនហែរអមក្បួនគឺមានតែក្បូនព្រះទីនាំង ព្រះមហាក្សត្រ ព្រះមហាក្សត្រីយ៍ រថយន្តប្រធានព្រឹទ្ធសភា រថយន្តប្រធានរដ្ឋសភា និងរថយន្តនាយករដ្ឋមន្ត្រីប៉ុណ្ណោះ។

ការប្រើប្រាស់ភ្លើងសញ្ញាពិសេស សូរសព្ទ័ពិសេសនេះ ក៏បានអនុញ្ញាតសម្រាប់ប្រើក្បួនយានយន្តហែរអមគណៈប្រតិភូផ្លូវការអន្តរជាតិ ចាប់ពីថ្នាក់អនុរដ្ឋមន្ត្រីឡើងទៅ និងថ្នាកិប្រហាក់ប្រហែល តាមសំណើរបស់ក្រសួងការបរទេស ព្រមទាំងប្រើចំពោះយានយន្តបំពេញភារកិច្ចពិសេសរបស់កងកម្លាំងនគរបាល កងទ័ព កងរាជអាវុធហត្ថ យានយន្តពន្លត់អគ្គីភ័យ និងយានយន្តសង្គ្រោះរបស់មន្ទីរពេទ្យ៕

អត្ថបទដោយ ហ៊ុន សិរីវឌ្ឍន៍

The post អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ appeared first on Kampuchea Thmey Daily.

លោក សៅ សុខា បានបញ្ជាឱ្យអាវុធហត្ថធ្វើការជាមួយអគ្គនាយកដ្ឋានបច្ចេកទេសក្រសួងការពារជាតិស្រាវជ្រាវលេខរថយន្តដែលបើកផ្លូវឱ្យអ្នកលក់អនឡាញនេះថាបំពាក់ឱ្យអង្គភាពណាមួយ និងបញ្ជាឱ្យតាមរកឃាត់ទុកតែម្ដង។

លោកថា៖ «របស់អ្នកណាក៏ដោយ! ចាប់យកមកទុកម្ដុំអត់ទាន់ដោះស្រាយទេយកមកទុកសិន។ យកផ្លាកលេខកងទ័ពទៅប្រើអ៊ីចឹងខូចកងទ័ពអស់ហើយ»។

ការបញ្ជារបស់មេបញ្ជាអាវុធហត្ថលើផ្ទៃប្រទេសនេះគឺបន្ទាប់ពីមានវីដេអូដែលបានបង្ហោះកាលពីថ្ងៃទី៦ ខែមករា លើបណ្ដាញសង្គមបានបង្ហាញអ្នកលក់អនឡាញម្នាក់បានចេញទៅចូលរួមមង្គលការ ដោយមានក្បូនឡានទំនើបជាច្រើនបើកចេញធ្វើដំណើរនិងមានរថយន្តពាក់ស្លាក់លេខខេមរភូមិន្ទលេខ ២-១៨៧១ បើកផ្លូវឱ្យផងដែរ។ 

ក្នុងវីដេអូនោះអ្នកថតបាននិយាយថាជាលើកទី១ហើយដែលធ្វើដំណើរមានឡានសារ៉ែនបើកផ្លូវ។

តាមរយៈមតិយោបល់ និងចែករំលែកលើបណ្ដាញសង្គម មហាជនបានរិះគន់ការយកឡានស្ថាប័នប្រដាប់អាវុធដើម្បីបើកផ្លូវឱ្យឯកជននេះជាខ្លាំង ដោយថាការធ្វើបែបនេះធ្វើឱ្យប៉ះពាល់ដល់មុខមាត់ស្ថាប័នជាតិ និងគួរមានវិធានបកស្រាយឱ្យបានច្បាស់លាស់ផងដែរ៕

អត្ថបទដោយ ហ៊ុន សិរីវឌ្ឍន៍

The post នាយឧត្តមសេនីយ៍ សៅ សុខា បញ្ជាឱ្យចាប់ឡានសារ៉ែនដែលបើកផ្លូវឱ្យអ្នកលក់អនឡាញឱ្យបាន appeared first on Kampuchea Thmey Daily.