លោក សុះ ម៉ាច បានរៀបរាប់ឲ្យដឹងទៀតថា ចាភរិយាវីរ:កវីនិ ពន្ធលោក ស្វាយ សំអឿ គឺលោកយាយ ដុំ សុផានី ដែលកំសត់ទុគ៌តគ្មានកូនចៅផ្ញើខ្លួននិងក្មួយឥឡូវកំពុងតែដង្ហោយហៅខ្ញុំសូ មជំនួយដើម្បីបន្តព្យាបាលជំងឺនិងបន្តជីវិតរហូតថ្ងៃរលត់សង្ខា។កាលពីខ្ញុំជាប្រធានសមាគមសិល្បករខ្មែរខ្ញុំបានទៅសួរសុខទុក្ខលោកយាយនៅឯស្រុកកងមាសខេត្តកំពង់ចាមរួមជាអំណោយមួយចំនួនទៅតាមលទ្ធភាពសមាគមនិងសប្បុរសជនជូនលោកយាយផងដែរ។

ស្នាដៃរបស់កវីនិពន្ធ ស្វាយ សំអឿ ដែលជាស្វាមីលោកយាយគឺលោក ស្វាយ សំអឿ មានច្រើនអនេករាប់មិនអស់តាំងពីទសវត្សន៍ ៦០ ភាគច្រើនបទចម្រៀងក្នុងខ្សែភាពយន្តបទមនោសញ្ចេតនា បទប្រជាប្រិយខ្មែរមានដូចជា សំណព្វចិត្ត, កងកម្មកងកែវ, ស្ទឹងកែវ,កណ្តាលដួងចិត្ត ,ស្ម័គ្របងដែរឬអូនស្រីជាដើម។

លោក សុះ ម៉ាច បានអំពាវនាវបន្ថែមថាខ្ញុំក៏បានបរិច្ចារថវិកា ១០មុឺនរៀលជូនលោកយាយប្រសិនបើលោកអ្នកមានសេចក្តីអាណិតមេត្តាជួយតាមសទ្ធាខ្ញុំនឹងយកទៅជូនលោកយាយផ្ទាល់ ទុកជាការធ្វើបុណ្យជាមួយមនុស្យចាស់ជរាទុគ៌តម្នាក់ផងចុះ។

លេខទូរស័ព្ទខ្ញុំ,099867699, 017480177, 0966766 7 6 9, ABA..000176497..Sosmach។សូមទោសផងដែលខ្ញុំផុសសូមជំនួយដល់លោកយាយ ដោយសារតែខ្ញុំអនិច្ចារពេក ចំពោះលោកយាយនិងព្រលឹងវីរ:កវីលោក ស្វាយ សំអឿ៕

អត្ថបទ៖ ចាន់រ៉ា

The post ភរិយាវីរ:កវីនិពន្ធ លោក ស្វាយ សំអឿ ម្ចាស់បទ កងកម្មកងកែវ ធ្លាក់ខ្លួនឈឺ appeared first on Kampuchea Thmey Daily.

ស្ទើរពេញមួយជីវិតទៅហើយ ព្រឹទ្ធាចារ្យសាឡាត់ បានប្រើប្រាស់ជំនាញសិល្បៈបុរាណអាយ៉ៃ បម្រើអារម្មណ៍មហាជន និងសាងកេរ្តិ៍ឈ្មោះជាសិល្បករអាយ៉ៃដ៏ល្បីសុសសាយ។

ព្រឹទ្ធាចារ្យ សាឡាត់ នាមដើមឈ្មោះ ម៉ាក កាណេន មានស្រុកកំណើតនៅខេត្តព្រៃវែង។ លោក​​បានបំរេីវិស័យសិល្បៈតាំងពីវ័យ២៦ឆ្នាំ ជាអ្នកចម្រៀង​អា​យ៉ៃល្បី​ឈ្មោះ​តាំង​ពីសម័យ​សង្គម​រាស្រ្ត​និយម​ រហូតមកដល់បច្ចុប្បន្ន។

ស្នាដៃដែលមហាជនទទួលការចាប់អារម្មណ៍ជាងគេ គឺអាយ៉ៃរឿង រឿង “តាភោគ” ដែលបានចាក់ផ្សាយតាមរយៈទូរទស្សន៍ជាតិកម្ពុជា ទសវត្សឆ្នាំ៩០ ក្នុងសម័យរដ្ឋកម្ពុជា។ អាយ៉ៃកំប្លែងនោះនិយាយពី បុរសចំណាស់អ្នកមានតែកំណាញ់ម៉ៅស្វិតម្នាក់ តែចាញ់អន្ទាក់សម្រស់នារីវ័យក្មេង។

ដូចពាក្យចាស់លោកពោលថា “ទូកទៅ កំពង់នៅ” ក្នុងនាមជាព្រឹទ្ធាចារ្យសិល្បៈ កាលនៅរស់រានមានជីវិត លោកតាសាឡាត់ បានបន្សល់គតិណែនាំមួយចំនួនសម្រាប់អ្នកសិល្បៈអាយ៉ៃជំនាន់ក្រោយ ដើម្បីមានភាពប្រសើរឡើងក្នុងអាជីព។ លោកបានបង្ហាញថា ការ​ហាត់​ច្រៀង​អា​យ៉ៃ​​​ត្រូវ​ចំណាយ​ពេល​យូរ​ ហើយអ្នក​ចេះ​ច្រៀង​​ត្រូវ​មាន​ចំណេះដឹង​ទូទៅ​ច្រើន​ ជា​ពិសេស​កំណាព្យ​ចុង​ចួន​ ត្រូវ​តែ​រវៀសរវៃ​។ ព្រឹទ្ធាចារ្យបានផ្ដាំផ្ញើថា ដើម្បី​ទាក់​ទាញ​ និងកុំឱ្យអ្នកទស្សនា​​ធុញ​ អ្នក​សម្ដែង​ត្រូវ​បង្កប់​ទាំង​ការអប់រំ​ កម្សាន្ត​។

សិល្បករជើងចាសរូបនេះបានលើកឡើងថា មនុស្សសម័យថ្មីមិនសូវចូលចិត្តចាប់អាជីពសិល្បៈបុរាណ តែតាមពិតគេយល់ច្រឡំ ព្រោះបើចេះជំនាញសិល្បៈបុរាណ គឺសម្បូរទីផ្សាររកលុយចិញ្ចឹមជីវិត។ លោកបានបកស្រាយថា ចំពោះសិល្បករបើអត់រៀនសូត្រជ្រៅជ្រះ មិនស្គាល់ពីពុទ្ធចក្រ អាណាចក្រ ឬភូមិសាស្ត្រជាដើមនោះ នឹងសម្ដែងមិនបានល្អ មិនច្បាស់ អាចនាំឱ្យក្មេងខូចដោយសារពាក្យសម្ដី និង​អាកប្បកិរិយាមិនសមគប្បី។
ព្រឹទ្ធាចារ្យ សាឡាត់ បានផ្ដាំផ្ញើអ្នកដែលចង់រៀនជំនាញសិល្បៈ ឬចម្រៀងអាយ៉ៃនេះ ត្រូវមានគ្រូ ឬហាត់នៅសាលាជំនាញ ឱ្យបានត្រឹមត្រូវ ដើម្បីមានក្បួនខ្នាត ចៀសវាងប្រើពាក្យពេចន៍ខុស ឬអាសអាភាសពេក និងត្រូវចេះក្លែមពាក្យណាដែលស្តាប់ទៅមហាជនទទួលយកបាន។

ព្រឹទ្ធាសាឡាត់ អត់មានកូនចៅបន្តមរតកសិល្បៈអាយ៉ៃពីលោកទេ។ ពីមុនកូនរបស់លោកចង់បន្តវេនដែរ ប៉ុន្តែពេលរៀនសូត្រ និងចេញទៅធ្វើការបានប្រាក់ខែច្រើន កូនរបស់លោកក៏បោះបង់គំនិតចង់ស្នងសិល្បៈពីរូបលោក៕

អត្ថបទ៖ ច័ន្ទ វីរៈ

The post ប្រវត្តិសង្ខេប និង​បណ្ដាំចុងក្រោយមុនព្រឹទ្ធាចារ្យអាយ៉ៃ សាឡាត់ មុនចែកឋាន appeared first on Kampuchea Thmey Daily.

ចំពោះ​អ្នកសិល្ប​:​ទាំង​៣​រូប​ដែល​ទទួលបាន​អំ​ណោយ​នោះ​រួម​មាន,១.​តារា​កំប្លែង​ជើងចាស់​នាយ​ក្តិ​ប ដែល​បច្ចុប្បន្ន​កំពុងមាន​ជំងឺ​ស្លាប់​មួយ​ចំហៀង​ខ្លួន​ និង​ជីវភាព​ខ្វះខាត​។​ ២.​កវីនិពន្ធ​ជើងចាស់​លោក​តា សុម ម៉ាត់ ខណ​:ដែល​បច្ចុប្បន្ន​ក៏មាន​ជំងឺលើសឈាម​និង​ជីវភាព​ខ្វះខាត​ផងដែរ​។ ​៣.​តារា​កំប្លែង​ជើងចាស់​លោកតា ចេក ដែល​បច្ចុប្បន្ន​មាន​ជំងឺ​ប្រចាំកាយ​និង​ជីវភាព​ខ្វះខាត​ដូចគ្នា​។​

លោក ហេង ឡុង បាន​បញ្ជាក់ថា​ សមាគម​មិត្ត​សិល្បៈ​ស្ម័គ្រចិត្ត​ជួយ​សង្គម​សូម​គោរព​ថ្លែង​អំណរ​គុណ​ដល់​សប្បុរសជន​ទាំងអស់​ដែល​បាន​ជួយ​ឧ​ប​ត្ថម្ភ​ដល់​«​មូលនិធិ​សិល្បករ​ចាស់ជរា​»​ជាពិសេស​សូម​គោរព​ថ្លែងអំណរគុណ​ដល់​សម្តេច​តេ​ជោ ហ៊ុន សែន​និង​សម្តេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុនសែន​ ដែល​បាន​ឧបត្ថម្ភ​ថវិកា​៥​ម៉ឺន​ដុល្លារ​ក្នុង​១​ឆ្នាំ​រយ​:​ពេល៥​ឆ្នាំ​៕

អត្ថបទ ៖ ចាន់​រ៉ា​

The post អ្នកសិល្ប​:​ជើងចាស់​៣​រូប​ទទួល​ការឧបត្ថម្ភ​ពី​មូល​និ​ធិ​សិល្បករ​ចាស់ជរា​អំឡុង​វិបត្តិ​កូ​វីដ​ appeared first on Kampuchea Thmey Daily.

តារា​សិល្បៈទាំង​៤​រូប​នេះ​រួមមាន​, ១.​តារា​សម្តែង​ជើង​ចាស់​លោកតា មិន សារិន ដែល​មាន​ជំងឺ​ប្រចាំកាយ​និង​ជីវភាព​ខ្វះខាត​។ ២.​តារា​សម្តែង​ជើងចាស់​លោកតា ចៅ ចាន់ណា​រី ដែល​មាន​ជំងឺ​បេះដូង និង​ជីវភាព​ខ្វះខាត​។ ​៣.​តារា​កំប្លែង​ជើងចាស់​លោកតា សង់ ស៊ី​ស ដែល​មាន​ជំងឺ​រឹង​ថ្គាម​ពិបាក​និយាយ និង​៤.​តារា​កំប្លែង​ជើងចាស់​លោកតា គ្រៀវ ដែល​មាន​ជំងឺលើសឈាម និង​ដើរ​មិន​រួច។

ប្រភព​បាន​បន្ត​ដែរ​ថា ​សមាគម​មិត្ត​សិល្បៈ​ស្ម័គ្រចិត្ត​ជួ យ​សង្គម​សូម​គោរព​ថ្លែងអំណរគុណ​ដល់​សប្បុរសជន​ទាំងអស់​ដែល​បាន​ជួយឧបត្ថម្ភ​ដល់ «​មូល​និធិ​សិល្បករ​ចាស់ជរា​»​ជាពិសេស​សូម​គោរព​ថ្លែង​អំណរ​គុណ​ដល់​សម្តេច​តេ​ជោ ហ៊ុន សែន និង​ស​ម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ដែល​បាន​ឧបត្ថម្ភ​ថវិកា ៥​ម៉ឺន​ដុល្លារ​ក្នុង​១​ឆ្នាំ​ក្នុង​រយៈពេល​៥​ឆ្នាំ​៕

ដោយ ៖ ចាន់​រ៉ា

The post អ្នក​សិល្បៈ​ជើងចាស់​៤​រូប​ ទទួល​អំណោយ​ពី​សមាគម appeared first on Kampuchea Thmey Daily.