ក្នុងឱកាសថ្ងៃរំលឹកកំណើតគម្រប់វ័យ ៨២ឆ្នាំ ត្រូវនឹងថ្ងៃទី៧ ខែឧសភា ឆ្នាំ២០២៦ នេះ អ្នកស្រី ឌី សាវ៉េត បានទទួលសារជូនពរយ៉ាងច្រើនពីអ្នកគាំទ្រ សិល្បករ និងសាធារណជនទូទៅ។ សារជូនពរជាច្រើនត្រូវបានចែករំលែកលើបណ្តាញសង្គម ដោយសរសើរចំពោះការរួមចំណែកដ៏ធំធេងរបស់អ្នកស្រី ក្នុងការលើកស្ទួយវិស័យភាពយន្តខ្មែរកន្លងមក។

ជាក់ស្តែង មួយក្នុងចំណោមសារជូនពរទាំងនោះ បានលើកឡើងថា អ្នកស្រីគឺជាតារាដែលមានតម្លៃសិល្បៈខ្ពស់ និងបានចូលរួមយ៉ាងសកម្មក្នុងការអភិវឌ្ឍវិស័យភាពយន្តខ្មែរ ចាប់តាំងពីយុគមាសមុនឆ្នាំ១៩៧៥ រហូតដល់សម័យសន្តិភាពបច្ចុប្បន្ន។ ការខិតខំប្រឹងប្រែង និងទេពកោសល្យរបស់លោកស្រី បាននាំឱ្យវិស័យសិល្បៈជាតិទទួលបានការស្គាល់ និងកោតសរសើរយ៉ាងទូលំទូលាយ។

គួរបញ្ជាក់ថា អ្នកស្រី ឌី សាវ៉េត គឺជាតារាភាពយន្តដ៏ល្បីល្បាញក្នុងអំឡុងទសវត្សរ៍ទី៦០ និងដើមទសវត្សរ៍ទី៧០ ដែលបានសម្តែងក្នុងភាពយន្តជាច្រើន និងបន្សល់ទុកស្នាដៃអមតៈសម្រាប់ជំនាន់ក្រោយ។ ទោះបីពេលវេលាបានកន្លងផុតទៅយូរហើយក៏ដោយ កេរ្តិ៍ឈ្មោះ និងស្នាដៃរបស់លោកស្រី នៅតែមានឥទ្ធិពល និងតម្លៃខ្ពស់ក្នុងវិស័យសិល្បៈខ្មែរ។

ដោយសារតែការរួមចំណែកដ៏អស្ចារ្យនេះ ឌី សាវ៉េត ត្រូវបានគេចាត់ទុកថាជារូបតំណាងសំខាន់មួយនៃវិស័យភាពយន្តខ្មែរ ដែលមិនត្រឹមតែបង្កើតកេរ្តិ៍ឈ្មោះឲ្យខ្លួនឯងប៉ុណ្ណោះទេ ប៉ុន្តែថែមទាំងនាំមកនូវកិត្តិយសជូនជាតិផងដែរ៕ ដោយ៖ ចាន់រ៉ា

The post កំពូលតារាភាពយន្តខ្មែរ ឌី សាវ៉េត ទទួលបានការជូនពរយ៉ាងកក់ក្ដៅ ក្នុងថ្ងៃរំលឹកកំណើតគម្រប់វ័យ ៨២ឆ្នាំ appeared first on Kampuchea Thmey Daily.

អ្នកស្រី​ ឌី​ សាវ៉េត ត្រូវបានទស្សនិកជនដឹងថា ជា​​​តារា​​ភាព​​យន្តដ៏ល្បីរន្ទឺរបស់ខ្មែរកាល​​ពី​​អំឡុង​​ទស​វត្ស​រ៍​​ទី​​៦០ ​​​និងដើមទសវត្សរ៍ទី៧០។ដោយឡែកងាកចាប់ អារម្មណ៍ទៅលើកូនស្រីពៅរបស់អ្នកស្រី ឌីសាវ៉េត ដែលមានឈ្មោះថា ឌី ហ្សូលី ឯណ្ណោះវិញ ក៏ត្រូវបានទស្សនិកជនសង្កេតឃើញថានាងក៏មានជំនាញ និងឆន្ទៈខ្ពស់លើវិស័យសិល្បៈផងដែរ។

ជាមួយគ្នានេះមានការបង្ហើបឲ្យដឹងដែរថាអ្នកស្រី​ ឌី​ សាវ៉េត​ ដែលជាកំពូលតារាភាពយន្តខ្មែរ​ បើទោះដល់វ័យ ៨០ ជាងក៏ដោយ អ្នកស្រីនៅតែបន្តជំរុញលើកទឹកចិត្តដល់កូនស្រីពៅរបស់អ្នកស្រី ​ក្នុងវិស័យសិល្បៈវប្បធម៌ជាតិ។ ត្រង់ចំណុចនេះហើយ ទើបត្រូវបានគេយល់ថា ពិតជាស្លឹកឈើជ្រុសមិនឆ្ងាយពីគល់មែន ។

ប្រាកដណាស់កញ្ញា ឌី ហ្សូលី ក្រៅតែមានដុងផ្នែកសម្តែងភាពយន្តគឺបច្ចុប្បន្ន​នាងមាន​ក្រុម​សិល្បៈ​របាំ​បុរាណ​មួយ​ក្រុម ហើយ​តែង​តែ​​ឧស្សាហ៍​ចេញ​ច្រៀង​ញឹក​ញាប់តាម​កម្មវិធី​​ជា​ច្រើន ​​ដូច​ជាតាម​មហោស្រព​សិល្បៈ និង​ការ​ឡើង​សម្ដែង​តាម​​កកម្មវិធីសិល្ប:ធំ ៗរបស់​បណ្ដា​ទូរទស្សន៍​មួយ​ចំនួន។

ចំណែកខ្សែភាពយន្តដែលនាងធ្លាប់សម្តែងមានរឿង “ស្នាមសាក់លើស្មា” និងរឿង “ញើសក្រហម” ជាដើម។ សូមបញ្ជាក់ថាទស្សនិកជន និងអ្នកគាំទ្រ ពិតជាបានស្គាល់នូវកេរ្តិ៍ឈ្មោះដ៏ល្បីល្បាញរបស់តារាជើងចាស់អ្នកស្រី ឌី សាវ៉េត ដែលគ្រប់គ្នាចាត់ទុកថាជាវីរសិល្បករដ៏ឆ្នើម និងបានសាងស្នាដៃសិល្ប:ជាច្រើនសម្រាប់ជាគំរូដល់អ្នកសិល្បៈជំនាន់ក្រោយ៕ អត្ថបទ៖ ចាន់រ៉ា

The post កំពូលតារាភាពយន្តខ្មែរអ្នកស្រី ឌី​ សាវ៉េត ជំរុញទឹកចិត្តកូនស្រីពៅ បន្តឆន្ទៈលើកស្ទួយសិល្បៈវប្បធម៌ជាតិ appeared first on Kampuchea Thmey Daily.

ជាការពិតមហាជនខ្មែរគ្រប់មជ្ឈដ្ឋាននិងទូទាំងប្រទេសបានជ្រាបច្បាស់ហើយ នៅភាពល្បីល្បាញរបស់តារាសិល្ប:ជើងចាស់អ្នកស្រី ឌី សាវ៉េត ដែលលោកស្រីតែងទទួលបានការគាំទ្រខ្ពស់ ថែមទាំងទទួលបានការសរសើរពីសមត្ថភាពនិងទេពកោសល្យនានា នៅក្នុងអាជីពមួយនេះរហូលមកទល់ពេលបច្ចុប្បន្ន។

ផលិតករភាពយន្តលោក ហ៊ុយ យ៉ាឡេង បានលើកឡើងថា លោកមិនដឹងថា មរតកមនុស្សរស់ត្រូវមានលក្ខខណ្ឌបែបណាទេ តែលោកយល់ថា ចំពោះអ្នកគ្រូឌីសាវ៉េត គឺជាតារាជើងចាស់មួយដួងដែលល្បីទូទាំងអាស៊ី ដែលស័ក្តិសមជាមរតកមនុស្សរស់សម្រាប់ជាតិផងដែរ។

សូមជម្រាបដែរថា វីរ:សិល្បករ លោកស្រី ឌី សាវ៉េត ទោះបីពេលនេះមានវ័យច្រើនឆ្នាំហើយក៏ពិតមែន តែរហូតមកទល់បច្ចុប្បន្នលោកកស្រីក៏នៅតែទទួលបានការគាំទ្រយ៉ាងខ្លាំងពីសំណាក់មហាជនគ្រប់មជ្ឈដ្ឋាន ទាំងក្នុងនិងក្រៅប្រទេស។អ្នកស្រីគឺជា​​​តារា​​ភាព​​យន្តដ៏ល្បីរន្ទឺរបស់ខ្មែរ កាល​​ពី​​អំឡុង​​ទស​វត្ស​រ៍​​ទី​​៦០ ​​​និងដើមទសវត្សរ៍ទី៧០៕ អត្ថបទ៖ ចាន់រ៉ា

The post លោក ហ៊ុយ យ៉ាឡេង ថា អ្នកគ្រូ ឌី សាវ៉េត ស័ក្តិសមជាមរតកមនុស្សរស់សម្រាប់ជាតិ appeared first on Kampuchea Thmey Daily.

ដោយឡែកបើងាកចាប់អារម្មណ៍ទៅលើកូនស្រីពៅ របស់អ្នកស្រី ឌីសាវ៉េត ដែលមានឈ្មោះថា ឌី ហ្សូលី ឯណ្ណោះវិញ ក៏ត្រូវបានទស្សនិកជនសង្កេតឃើញថា នាងក៏មានជំនាញ និងឆន្ទៈខ្ពស់លើវិស័យសិល្បៈផងដែរ។ ត្រង់ចំណុចនេះហើយទើបត្រូវបានគេយល់ថា ពិតជាស្លឹកឈើជ្រុសមិនឆ្ងាយពីគល់មែន។

ជាក់ស្តែងកញ្ញា ឌី ហ្សូលី កន្លងមកត្រូវបានគេកត់សម្គាល់ថា ក្រៅតែមានដុងផ្នែកសម្តែងភាពយន្ត នាងក៏មានក្រុមសិល្បៈរបាំបុរាណ១ក្រុមដែលភាគច្រើនចេញសម្តែងនៅតាមកម្មវិធីធំៗជាដើម។ ចំណែកខ្សែភាពយន្តដែលនាងធ្លាប់ស ម្តែងមានរឿង ស្មាមសាក់លើស្មា និង ញើសក្រហមជាដើម។

សូមជម្រាបដែរថា វីរសិល្ប អ្នកស្រី ឌី សាវ៉េត ទោះបីពេលនេះមានវ័យច្រើនឆ្នាំក៏ពិតមែន តែរហូតមកទល់បច្ចុប្បន្ន អ្នកស្រីក៏នៅតែទទួលបានការគាំទ្រយ៉ាងខ្លាំងពីសំណាក់មហាជនគ្រប់មជ្ឈដ្ឋានទាំងក្នុង និងក្រៅប្រទេស។ អ្នកស្រីគឺជា​​​តារា​​ភាព​​យន្តដ៏ល្បីរន្ទឺរបស់ខ្មែរកាល​​ពី​​អំឡុង​​ទស​វត្ស​រ៍​​ទី​​៦០ ​​​និងដងដើមទសវត្សរ៍ទី៧០៕

អត្ថបទ៖ ចាន់រ៉ា

The post មកដឹងជំនាញសិល្បៈកូនស្រីពៅ អ្នកស្រី ឌី សាវ៉េត ពិតជាមិនចាញ់ម្តាយឡើយ appeared first on Kampuchea Thmey Daily.