AFC Champions League Elite Archives - Kampuchea Thmey Daily

ពានអាស៊ី AFC3 គ្មានក្រុមអាស៊ីខាងកើត ស្ថិតនៅវគ្គចែកពូលដោយស្វ័យប្រវត្តិ

chean virakbot — Mon, 27 Apr 2026 02:54:37 +0000

សហព័ន្ធកីឡាបាល់ទាត់ទ្វីបអាស៊ី (AFC) បានចេញអំពីប្រទេសអាស៊ីខាងកើតទទួលបានកៅអី ដើម្បីចូលរួមប្រកួតពានរង្វាន់ក្លិបអាស៊ីទាំង ៣ កម្រិតគឺ AFC Champions League Elite, AFC Champions League Two និង AFC Challenge League។

ប្រទេសចំនួន ១០ ទទួលបានកៅប្រកួតពានលំដាប់ទី២ AFC Champions League Two រដូវកាល ២០២៦-២៧ កម្ពុជា ទទួលបាន ១ កៅអីកន្លះ គឺ ១កៅអី វគ្គចែកពូល បានទៅ ព្រះខ័នរាជស្វាយរៀង ក្នុងនាមជាម្ចាស់ជើងឯកលីគកំពូលកម្ពុជា និងកន្លះកៅអីទៀត វគ្គជម្រុះ។ វៀតណាម ទទួលបាន ១កៅអី វគ្គក្នុងពូល ហើយ សិង្ហបុរី និង ហុងកុង ទទួលបាន ១ កៅអីកន្លះកៅអី ដូចកម្ពុជាដែរ។ ចំណែក ឥណ្ឌូណេស៊ី និង ហ្វីលីពីន ទទួលបានកន្លះកៅអី សម្រាប់វគ្គជម្រុះពានកម្រិតទី២។ ប្រទេសអាស៊ីខាងកើតផ្សេងទៀតគឺនៅវគ្គចែកពូលមាន ជប៉ុន ១ កៅអី កូរ៉េខាងត្បូង ១ កៅអី ថៃ ១ កៅអី ចិន ១ កៅអី អូស្ត្រាលី ១ កៅអី ម៉ាឡេស៊ី ១ កៅអី សម្រាប់ពាន AFC Champions League Two។

អ្វីដែលគួរឲ្យកត់សំគាល់ ពានរង្វាន់កម្រិតទី៣ AFC Challenge League មិនទាន់មានក្រុមស្ថិតនៅក្នុងវគ្គចែកពូលដោយស្វ័យប្រវត្តិឡើយ។ ក្រុមរបស់ កម្ពុជា សិង្ហបុរី ហុងកុង ឥណ្ឌូណេស៊ី និង ហ្វីលីពីន ដែលជម្រុះពាន AFC Champions League Two គឺក្រុមឈ្នះឡើងទៅវគ្គចែកពូល ប៉ុន្តែក្រុមចាញ់គឺមានតែ ក្រុមរបស់ កម្ពុជា សិង្ហបុរី និងហុងកុង ត្រូវធ្លាក់ទៅវគ្គចែកពូលពានកម្រិតទី៣។ ជាមួយគ្នានេះ ចំនួន ១២ ប្រទេស សុទ្ធតែទទួលបានកន្លះកៅអីសម្រាប់វគ្គជម្រុះទាំងអស់គឺ ឥណ្ឌូណេស៊ី ហ្វីលីពីន មីយ៉ាន់ម៉ា ឆាយនីសតៃប៉ិ កូរ៉េខាងជើង ម៉ុងហ្គោលី ម៉ាកាវ ឡាវ ព្រុយណេ ទីម័រខាងកើត ហ្គាំ និងកោះម៉ារីណា។

សូមបញ្ជាក់ថា វគ្គចែកពូលពាន AFC Challenge League ត្រូវជ្រើសរើសយកចំនួន ៨ ក្រុម គឺ ២ ក្រុម មកពីជម្រុះពានកម្រិតទី២ រវាង សិង្ហបុរី ហុងកុង កម្ពុជា និងក្រុមរងជើងឯក AFC Challenge League រដូវកាលនេះ ខណៈ ៦ ក្រុម ទៀតមកពីជម្រុះពានAFC Challenge League រវាង ឥណ្ឌូណេស៊ី ហ្វីលីពីន មីយ៉ាន់ម៉ា ឆាយនីសតៃប៉ិ កូរ៉េខាងជើង ម៉ុងហ្គោលី ម៉ាកាវ ឡាវ ព្រុយណេ ទីម័រខាងកើត ហ្គាំ និងកោះម៉ារីណា។

ចំណែកនៅអាស៊ីខាងលិច មាន ៣ ក្រុមស្ថិតនៅវគ្គចែកពូលដោយស្វ័យប្រវត្តិគឺ តួកមេនីស្ថាន គុយវ៉ែត និង លីបង់។

សូមបញ្ជាក់ថា ក្រុមលេខ ២ នៃលីគបាល់ទាត់កំពូលកម្ពុជា រដូវកាលនេះ គឺត្រូវប្រកួតជម្រុះពានរង្វាន់ AFC Champions League Two។ ប្រសិនបើឈ្នះការប្រកួតជម្រុះ នោះកម្ពុជា នឹងបានឡើងវគ្គចែកពូល ២ ក្រុម ដោយមិនមានក្រុមលេងពានកម្រិតទី ៣ ទេ។ ផ្ទុយទៅវិញ ប្រសិនបើមិនជោគជ័យវគ្គជម្រុះ នោះកម្ពុជា នឹងធ្លាក់ទៅវគ្គចែកពូលពានកម្រិតទី ៣ ៕

អត្ថបទ៖ វិរបុត្រ

The post ពានអាស៊ី AFC3 គ្មានក្រុមអាស៊ីខាងកើត ស្ថិតនៅវគ្គចែកពូលដោយស្វ័យប្រវត្តិ appeared first on Kampuchea Thmey Daily.

Kwame ស្ថិតក្នុងកីឡាករកំពូល ៣ នាក់ រកបានគ្រាប់បាល់ច្រើនជាងគេ ពានអាស៊ីទាំង ៣

chean virakbot — Thu, 23 Apr 2026 01:19:12 +0000

កីឡាករដែលរកបានគ្រាប់បាល់ច្រើនគ្រាប់ជាងគេ (Top Scorer) នៃពានរង្វាន់ក្លិបអាស៊ីទាំង ៣ សុទ្ធតែរកបាន ៨ គ្រាប់ដូចគ្នា ហើយសុទ្ធតែមានភាគរយខ្ពស់ក្នុងការឈ្នះពានស្បែកជើងមាសដូចគ្នា។

ពាន AFC Challenge League

ពានរង្វាន់ក្លិបអាស៊ីលំដាប់ទី៣ AFC Challenge League រដូវកាល ២០២៥-២៦ រកឃើញក្រុមជួបគ្នាក្នុងដល់វគ្គផ្តាច់ព្រ័ត្រហើយ គឺ ព្រះខ័នរាជស្វាយរៀង ប៉ះក្រុម Al Kuwait របស់គុយវែត។

បើនិយាយពីបេក្ខភាពដណ្តើមពានស្បែកជើងមាសក្នុងនាមជាកីឡាកររកបានគ្រាប់បាល់ច្រើនជាងគេវិញគឺ កីឡាករ Kwame Peprah របស់ក្លិបព្រះខ័នរាជស្វាយរៀង។ កីឡាករ រកបាន ៨ គ្រាប់ គឺ រកបាន ៣ គ្រាប់នៅវគ្គសន្សំពិន្ទុក្នុងពូល រកបាន ៣ គ្រាប់ក្នុងវគ្គ ៨ ក្រុមចុងក្រោយ និង ២ គ្រាប់ ក្នុងវគ្គ ពាក់កណ្តាលផ្តាច់ព្រ័ត្រ។ រហូតដល់ពេលនេះ ស្ទើរតែគ្មានកីឡាករអាចប្រជែងពានស្បែកជើងមាសជាមួយខ្សែប្រយុទ្ធសញ្ជាតិហ្គាណា ឡើយ ដោយសារកីឡាករដែលមានគ្រាប់ចន្លោះពី ៤ ទៅ ៧ គ្រាប់គឺក្រុមរបស់ពួកគេធ្លាក់អស់ហើយ។

ពាន AFC Champions League Two

ពានរង្វាន់ក្លិបអាស៊ីលំដាប់ទី២ AFC Champions League Two រដូវកាលនេះក៏រកឃើញក្រុមជួបគ្នាក្នុង វគ្គផ្តាច់ព្រ័ត្រហើយគឺក្រុម Gamba Osaka របស់ជប៉ុន ប៉ះ ក្រុម Al Nassr របស់អារ៉ាប៊ីសាអ៊ូឌីត។

ចំណែកម្ចាស់គ្រាប់បាល់ច្រើនជាងគេវិញ កំពុងកាន់កាប់កំពូលតារាងដោយកីឡាករ Trent Buhagiar របស់ក្រុម Tampines Rover។ រូបគេរកបាន ៨ គ្រាប់ គឺរកបាន ៥ គ្រាប់ក្នុងវគ្គសន្សំពិន្ទុក្នុងពូល រកបាន១ គ្រាប់រកបានវគ្គ ១៦ និង ២ គ្រាប់រកបាន វគ្គ ៨ ក្រុមចុងក្រោយ។ ថ្វីបើក្រុមរបស់សិង្ហបុរី បានធ្លាក់ត្រឹមវគ្គ ៨ ក្រុមចុងក្រោយហើយក្តី ប៉ុន្តែរូបគេនៅមានឱកាសឈ្នះពានស្បែកជើងមាស ខណៈគូប្រជែងគឺកីឡាករ Kingsley Coman របស់ក្រុម Al Nassr រកបាន ៦ គ្រាប់ ដែលក្រុមរបស់គេឈានដល់វគ្គផ្តាច់ព្រ័ត្រ។

ពាន AFC Champions League Elite

ពានលំដាប់កំពូលរបស់អាស៊ី AFC Champions League Elite បានរកឃើញក្រុមជួបគ្នាក្នុងវគ្គផ្តាច់ព្រ័ត្រហើយ គឺ Al Ahli របស់ប្រទេសអារ៉ាប៊ីសាអ៊ូឌីត ប៉ះ ក្រុម Machida Zelvia របស់ជប៉ុន។

ចំពោះបេក្ខភាពដណ្តើមពានស្បែកជើងមាស កំពុងនាំមុខដោយកីឡាករ Rafa Mujica របស់ក្រុម Al Sadd។ រូបគេរកបាន ៨ គ្រាប់ គឺរកបាន ៥ គ្រាប់ នៅវគ្គសន្សំពិន្ទុក្នុងពូល រកបាន ១គ្រាប់ នៅវគ្គ ១៦ ក្រុមចុងក្រោយ និងរកបាន ២ គ្រាប់នៅវគ្គ ៨ ក្រុមចុងក្រោយ។ ទោះបីជា ក្រុមរបស់កាតា Al Sadd បានធ្លាក់ត្រឹមវគ្គ ៨ ក្រុមចុងក្រោយហើយក្តី ប៉ុន្តែរូបគេនៅតែមានឱកឈ្នះពានស្បែកជើងមាស ដោយសារកីឡាករផ្សេងៗទៀតទើបរកបាន ៤ គ្រាប់៕

អត្ថបទ៖ វិរបុត្រ

The post Kwame ស្ថិតក្នុងកីឡាករកំពូល ៣ នាក់ រកបានគ្រាប់បាល់ច្រើនជាងគេ ពានអាស៊ីទាំង ៣ appeared first on Kampuchea Thmey Daily.

ផ្លូវការ! កម្ពុជា ស្ថិតក្នុងចំណោម ១០ ប្រទេស ទទួលបានកៅអី ពាន AFC 2

chean virakbot — Tue, 21 Apr 2026 02:21:56 +0000

សហព័ន្ធកីឡាបាល់ទាត់ទ្វីបអាស៊ី (AFC) បានចេញជាផ្លូវការហើយអំពីប្រទេសអាស៊ីខាងកើតទទួលបានកៅអី ដើម្បីចូលរួមប្រកួតពានរង្វាន់ក្លិបអាស៊ីទាំង ៣ កម្រិតគឺ AFC Champions League Elite, AFC Champions League Two និង AFC Challenge League។

ប្រទេសចំនួន ៦ ទទួលបានកៅអី ប្រកួតពានលំដាប់ទី១ ខណៈមានប្រទេសចំនួន ១០ ទទួលបានកៅប្រកួតពានលំដាប់ទី២ ក្នុងនោះ កម្ពុជា ផងដែរសម្រាប់រដូវកាលថ្មី ២០២៦-២៧។ កម្ពុជា ទទួលបាន ១ កៅអីកន្លះ គឺ ១កៅអី វគ្គចែកពូល ដែលបានទៅ ព្រះខ័នរាជស្វាយរៀង ក្នុងនាមជាម្ចាស់ជើងឯកលីគកំពូលកម្ពុជា រដូវកាល ២០២៥-២៦ និងកន្លះកៅអីទៀត វគ្គជម្រុះ។

ប្រទេស ៩ ផ្សេងទៀតដែលទទួលបានកៅអីប្រកួតពាន AFC Champions League Two គឺនៅវគ្គចែកពូលមាន ជប៉ុន ១ កៅអី កូរ៉េខាងត្បូង ១ កៅអី ថៃ ១ កៅអី ចិន ១ កៅអី អូស្ត្រាលី ១ កៅអី ម៉ាឡេស៊ី ១ កៅអី វៀតណាម ប៉ុន្តែនៅពានកម្រិតទី១ ជប៉ុន ទទួលបាន ៣ កៅអី កូរ៉េខាងត្បូង ទទួលបាន ២ កៅអីកន្លះ ថៃ ទទួលបាន ២ កៅអីកន្លះ ចិន ទទួលបាន ១ កៅអីកន្លះ អូស្ត្រាលី ទទួលបាន ១ កៅអី និងម៉ាឡេស៊ី ទទួលបាន ១ កៅអី។

ចំណែក វៀតណាម សិង្ហបុរី និង ហុងកុង ទទួលបាន ១ កៅអីកន្លះកៅអី ក្នុងពាន AFC Champions League Two ដូច កម្ពុជា ដែរ ខណៈ ឥណ្ឌូណេស៊ី និង ហ្វីលីពីន ទទួលបានកន្លះកៅអី សម្រាប់វគ្គជម្រុះ។

ចំពោះប្រទេសដែលត្រូវប្រកួតពានរង្វាន់កម្រិតទី៣ AFC Challenge League គឺមានចំនួន ១២ ប្រទេស ដែលសុទ្ធតែទទួលបានកន្លះកៅអីសម្រាប់វគ្គជម្រុះទាំងអស់គឺ ឥណ្ឌូណេស៊ី ហ្វីលីពីន មីយ៉ាន់ម៉ា ឆាយនីសតៃប៉ិ កូរ៉េខាងជើង ម៉ុងហ្គោលី ម៉ាកាវ ឡាវ ព្រុយណេ ទីម័រខាងកើត ហ្គាំ និងកោះម៉ារីណា ត្រូវប្រកួតជម្រុះ។

រហូតដល់ពេលនេះ ពានរង្វាន់ AFC Challenge League មិនទាន់មានក្រុមស្ថិតនៅវគ្គចែកពូលដោយស្វ័យប្រវត្តិឡើយ។ ក្រុមរបស់ វៀតណាម សិង្ហបុរី ហុងកុង និង កម្ពុជា ដែលជម្រុះពានកម្រិតទី២ គឺក្រុមឈ្នះឡើងទៅវគ្គចែកពូល ខណៈក្រុមចាញ់ ត្រូវធ្លាក់ទៅវគ្គចែកពូលពានកម្រិតទី៣។

អត្ថបទ៖ វិរបុត្រ

The post ផ្លូវការ! កម្ពុជា ស្ថិតក្នុងចំណោម ១០ ប្រទេស ទទួលបានកៅអី ពាន AFC 2 appeared first on Kampuchea Thmey Daily.

ប្រទេសកាន់តែច្រើន នឹងមានឱកាសលេងពានក្លិបលំដាប់ទី១ បន្ទាប់ពី AFC ពិចារណាបង្កើនដល់ ៣២ ក្រុម

Kosal Sem — Mon, 26 Jan 2026 08:55:02 +0000

សហព័ន្ធកីឡាបាល់ទាត់ អាស៊ី (AFC) កំពុងពិចារណា បង្កើនក្រុមចូលរួមប្រកួតក្នុងពានក្លិបលំដាប់ទី ១ AFC Champions League Elite ពី ២៤ ក្រុមទៅ ៣២ ក្រុម។

រូបភាពកិច្ចប្រជុំរបស់ AFC

កាលពីថ្ងៃទី ២៤ ខែ មករា គណៈកម្មការរៀបចំការប្រកួតរបស់សហព័ន្ធបាល់ទាត់អាស៊ី បានបើកកិច្ចប្រជុំមួយ ដើម្បីពិភាក្សា និងអនុម័តលើបញ្ហាសំខាន់ៗជាច្រើន ទាក់ទងនឹងប្រព័ន្ធនៃការប្រកួតរបស់ក្លិប និងក្រុមជម្រើសជាតិ នៅរដូវកាលខាងមុខ។

នៅក្នុងកិច្ចប្រជុំនេះ គណៈកម្មការរៀបចំការប្រកួតរបស់ AFC បានអនុម័តបទបញ្ជាការប្រកួតផ្សេងៗក្នុងពាន AFC Champions League Elite, AFC Champions League Two និង AFC Challenge League
សម្រាប់រដូវកាល ២០២៦-២០២៧។ ចំណុចគួរឱ្យកត់សម្គាល់ គឺពាន AFC Champions League Elite កំពុងស្ថិតក្នុងការពិចារណា ដើម្បីពង្រីកចំនួនក្រុមចូលរួមពី ២៤ ទៅ ៣២ ក្រុម។

ពានរង្វាន់ AFC Champions League Elite

ប្រសិនបើផែនការនេះត្រូវបានអនុម័ត នឹងធ្វើឱ្យបាល់ទាត់ក្នុងទ្វីប អាស៊ី កាន់តែមានការប្រកួតប្រជែងគ្នាខ្លាំង ហើយប្រទេសនានា រួមទាំងកម្ពុជា ដែលមិនដែលបានចូលលេងពានកម្រិតទី ១ នេះ ក៏អាចមានឱកាសច្រើន ដើម្បីចូលលេងពាននេះនៅពេលអនាគតផងដែរ៕

ប្រែសម្រួល៖ សេម កុសល
ប្រភព៖ VN Express

The post ប្រទេសកាន់តែច្រើន នឹងមានឱកាសលេងពានក្លិបលំដាប់ទី១ បន្ទាប់ពី AFC ពិចារណាបង្កើនដល់ ៣២ ក្រុម appeared first on Kampuchea Thmey Daily.

AFC Champions League Elite Archives - Kampuchea Thmey Daily

ពាន​អាស៊ី​ AFC3 គ្មានក្រុម​អាស៊ី​ខាង​កើត ស្ថិត​នៅ​វគ្គ​ចែក​ពូល​ដោយ​ស្វ័យប្រវត្តិ

Kwame ស្ថិតក្នុងកីឡាករកំពូល​ ៣ នាក់ រក​បាន​គ្រាប់​បាល់​ច្រើន​ជាង​គេ ពានអាស៊ី​ទាំង​ ៣

ផ្លូវ​ការ! កម្ពុជា ស្ថិត​ក្នុង​ចំណោម ១០ ប្រទេស ទទួល​បាន​កៅអី​​ ពាន AFC 2

ប្រទេស​​កាន់​តែ​ច្រើន នឹង​​មាន​ឱកាស​លេង​ពានក្លិប​លំដាប់​ទី១ បន្ទាប់​ពី​ AFC ពិចារណា​បង្កើន​ដល់ ៣២ ក្រុម

ពានអាស៊ី AFC3 គ្មានក្រុមអាស៊ីខាងកើត ស្ថិតនៅវគ្គចែកពូលដោយស្វ័យប្រវត្តិ

Kwame ស្ថិតក្នុងកីឡាករកំពូល ៣ នាក់ រកបានគ្រាប់បាល់ច្រើនជាងគេ ពានអាស៊ីទាំង ៣

ផ្លូវការ! កម្ពុជា ស្ថិតក្នុងចំណោម ១០ ប្រទេស ទទួលបានកៅអី ពាន AFC 2

ប្រទេសកាន់តែច្រើន នឹងមានឱកាសលេងពានក្លិបលំដាប់ទី១ បន្ទាប់ពី AFC ពិចារណាបង្កើនដល់ ៣២ ក្រុម