នៅក្នុងសេចក្តីថ្លែងការណ៍អនឡាញមួយ ក្រសួងការបរទេសបានហៅទណ្ឌកម្មរបស់សហរដ្ឋអាមេរិកថាជា “ការវាយប្រហារបង្ករឿងប្រឆាំងរុស្ស៊ី” ក្រោមហេតុផលមិនសមហេតុផល។

សេចក្តីថ្លែងការណ៍នោះនិយាយថា “ជាប់ទាក់ទងនឹងបញ្ហាផ្ទៃក្នុងរបស់ខ្លួន សេតវិមានកំពុងព្យាយាមបណ្ដុះរូបភាពសត្រូវខាងក្រៅ។ យើងបានធ្វើអត្ថាធិប្បាយម្តងហើយម្តងទៀតលើគោលនយោបាយអាមេរិកនេះ ដែលមិនមានហេតុផលនិងអត្ថន័យទាល់តែសោះ ហើយរឹតតែធ្វើឲ្យទំនាក់ទំនងទ្វេភាគីកាន់តែអាក្រក់ទៅៗ”។

ក្រសួងបាននិយាយថា ប្រទេសរុស្ស៊ីនឹងសងសឹកដោយឈរលើគោលការណ៍បដិភាព និងបន្តការពារផលប្រយោជន៍ជាតិរបស់ខ្លួន។

ស្របពេលជាមួយគ្នានោះ ក្រសួងបានស្នើឲ្យសហរដ្ឋអាមេរិក គោរពកាតព្វកិច្ចរបស់ខ្លួននិងបំផ្លាញអាវុធគីមីដែលរុស្ស៊ីមិនមាន ចាប់តាំងពីឆ្នាំ២០១៧មក។

សេចក្តីថ្លែងការណ៍អះអាងថា សហរដ្ឋអាមេរិកលែងមានឥទ្ធិពលបង្រៀនអ្នកដទៃហើយ ចាប់តាំងពីខ្លួនក្លាយជាអ្នករំលោភបំពានលើសន្ធិសញ្ញានិងកិច្ចព្រមព្រៀងអន្តរជាតិនានា ក្នុងវិស័យត្រួតពិនិត្យអាវុធនិងការមិនរីកសាយភាយអាវុធ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ អាមេរិក​ និងអឺរ៉ុប សម្រេច​ដាក់​ទណ្ឌកម្ម​រុស្ស៊ី​ជុំ​វិញ​ការ​បំពុល និងដាក់​គុក​មេដឹក​នាំ​ប្រឆាំង

ចុចអាន៖ តាមពិត ត្រាំ និងភរិយាចាក់វ៉ាក់សាំងកូវីដតាំងមុនចេញពីសេតវិមាន មកម្ល៉េះ

The post ក្តៅគគុក! រុស្ស៊ី ព្រមានសងសឹកហើយប្រាប់អាមេរិក “កុំប្រលែងជាមួយភ្លើង” appeared first on Kampuchea Thmey Daily.

ក្រសួងការបរទេសរុស្ស៊ីបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា អ្នកការទូត ៣ រូបមកពីប្រទេសប៉ូឡូញ អាល្លឺម៉ង់ និងស៊ុយអែត បានចូលរួមនៅក្នុងការប្រមូលផ្តុំដោយគ្មានការអនុញ្ញាតនៅទីក្រុងម៉ូស្គូ និងទីក្រុង St. Petersburg កាលពីថ្ងៃទី ២៣ ខែមករា ។

សេចក្តីថ្លែងការណ៍បាននិយាយថា ពួកគេត្រូវបានបញ្ជាឲ្យចាកចេញពីប្រទេសរុស្ស៊ីភ្លាមៗ ។

ក្រសួងបាននិយាយថា ខ្លួនក៏បានដាក់ការតវ៉ាជាផ្លូវការជាមួយស្ថានទូតអាល្លឺម៉ង់ ប៉ូឡូញ និងស៊ុយអែតកាលពីថ្ងៃសុក្រ ហើយបានបន្ថែមថា ទីក្រុងម៉ូស្គូរំពឹងថាអ្នកការទូតមកពីប្រទេសសហភាពអឺរ៉ុបទាំង ៣ នឹងអនុវត្តតាមបទដ្ឋានអន្តរជាតិនៃច្បាប់អន្តរជាតិនាពេលអនាគត ។

រឿងរ៉ាវនេះបានកើតឡើងប៉ុន្មានម៉ោងប៉ុណ្ណោះ បន្ទាប់ពីប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បានជួបជាមួយរដ្ឋមន្ត្រីការបរទេសរុស្ស៊ីលោក Sergei Lavrov នៅទីក្រុងម៉ូស្គូដើម្បីពិភាក្សាពីទំនាក់ទំនងរវាងប្លុកមួយនេះ និងរុស្ស៊ី ។

លោក Borrell បានចាត់ទុកការវិវឌ្ឍជុំវិញករណីលោក Navalny ថាជាចំណុចទាបមួយនៅក្នុងទំនាក់ទំនងរវាងសហភាពអឺរ៉ុប និងរុស្ស៊ីដែលលោកបាននិយាយថាពិតជាស្ថិតក្នុងពេលដ៏លំបាកមួយ ។

អ្នកនាំពាក្យរបស់សហភាពអឺរ៉ុបលោក Peter Stano ក៏បាននិយាយដែរថា លោក Borrell បានដឹងអំពីការសម្រេចចិត្តរបស់ទីក្រុងម៉ូស្គូក្នុងការបណ្តេញអ្នកការទូតមកពីប្រទេសទាំងបីចេញពីប្រទេសរុស្ស៊ីនៅក្នុងកិច្ចប្រជុំរបស់លោកជាមួយលោក Lavrov និងបានថ្កោលទោសយ៉ាងខ្លាំងចំពោះការសម្រេចចិត្តនេះ ហើយបានច្រានចោលការចោទប្រកាន់ដែលថាពួកគេបានធ្វើសកម្មភាពដែលមិនស្របនឹងឋានៈរបស់ពួកគេជាអ្នកការទូតបរទេស ។

ជាពិសេសសហភាពអ៊ឺរ៉ុប និងអាល្លឺម៉ង់បានជ្រៀតជ្រែកយ៉ាងបើកចំហនៅក្នុងកិច្ចការផ្ទៃក្នុងរបស់ប្រទេសរុស្ស៊ីចាប់តាំងពីមានការចោទប្រកាន់ដំបូងថា លោក Navalny ត្រូវបានបំពុលដោយភ្នាក់ងារសរសៃប្រសាទ ។

កាលពីពេលកន្លងមកអ្នកការទូតប្រមាណ ២០ នាក់បានចូលរួមក្នុងសវនាការរបស់តុលាការសម្រាប់លោក Navalny ដែលគាត់ត្រូវបានកាត់ទោសឲ្យជាប់ពន្ធនាគារពីបទរំលោភលក្ខខណ្ឌនៃការព្យួរទោស បន្ទាប់ពីត្រូវបានចាប់ខ្លួនក្រោយវិលត្រឡប់មកប្រទេសរុស្ស៊ីវិញនៅថ្ងៃទី ១៧ ខែមករា ខណៈអ្នកការទូតដែលចូលរួមក្នុងតុលាការរួមមានអ្នកមកពីសហរដ្ឋអាមេរិក ប៊ុលហ្គារី ប៉ូឡូញ ឡាតវី អូទ្រីស និងស្វីស ។

ទន្ទឹមនឹងនេះស៊ុយអែតក៏បានប្រតិកម្មចំពោះការបណ្តេញអ្នកការទូតរបស់ខ្លួនដោយនិយាយថា យុត្តិកម្មរបស់រុស្ស៊ីសម្រាប់ការបណ្តេញចេញគឺគ្មានមូលដ្ឋានទេ ។ ក្រសួងការបរទេសស៊ុយអ៊ែតបាននិយាយថា ខ្លួនបានរក្សាសិទ្ធិក្នុងការឆ្លើយតបសមស្របមួយ ។

ចំណែកអធិការបតីអាល្លឺម៉ង់លោកស្រី Angela Merkel ក៏បានពណ៌នាអំពីការបណ្តេញចេញនេះផងដែរថាមិនសមហេតុផល ។ លោកស្រីបានអះអាងថា “យើងជឿជាក់ថា វាគឺជាទិដ្ឋភាពមួយផ្សេងទៀតដែលអាចត្រូវបានគេសង្កេតឃើញនាពេលបច្ចុប្បន្ននេះនៃប្រទេសរុស្ស៊ីដែលស្ថិតនៅឆ្ងាយពីនីតិរដ្ឋ” ។ រដ្ឋមន្រ្តីក្រសួងការបរទេសអាល្លឺម៉ង់លោក Heiko Maas បាននិយាយថា សកម្មភាពនេះនឹងមិនទាន់ត្រូវបានឆ្លើយតបនៅឡើយទេ ។

ដោយឡែកប្រទេសប៉ូឡូញបានព្រមានថា ចំណាត់ការរបស់រុស្ស៊ីអាចនាំឲ្យមានវិបត្តិកាន់តែស៊ីជម្រៅថែមទៀតនៅក្នុងទំនាក់ទំនងទ្វេភាគីរវាងប្រទេសទាំងពីរ ។ ក្រសួងការបរទេសប៉ូឡូញបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា ខ្លួនក៏បានកោះហៅឯកអគ្គរដ្ឋទូតរុស្ស៊ីប្រចាំនៅទីក្រុង Warsaw ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ PressTV

ចុចអាន ៖ ការអំពាវនាវឲ្យអន្តរជាតិដាក់សម្ពាធដើម្បីដោះលែងលោក Navalny ពីពន្ធនាគារ បង្ហាញថា គាត់ជាភ្នាក់ងារបរទេស

ចុចអាន ៖ រុស្ស៊ីប្រាប់ឲ្យ​ អាមេរិកនិងប្រទេសដទៃទៀតផ្តោតលើបញ្ហាក្នុងស្រុកខ្លួនឯងហើយគោរពច្បាប់រុស្ស៊ី មុនថ្កោលទោសរឿងមេបក្សប្រឆាំង

The post រុស្ស៊ីបណ្តេញអ្នកការទូតមកពីប្រទេសសហភាពអឺរ៉ុបចំនួន ៣ ជុំវិញការចូលរួមធ្វើបាតុកម្មគាំទ្រលោក Navalny appeared first on Kampuchea Thmey Daily.

ក្រុមអ្នកគាំទ្រលោក Alexei Navalny បានរៀបចំព្រឹត្តិការណ៍ជាច្រើនដើម្បីទាមទារឲ្យមានការដោះលែងលោកពីពន្ធនាគារ ហើយមនុស្សប្រហែល៥,០០០នាក់ត្រូវបានចាប់ខ្លួនរួចទៅហើយរួមទាំងភរិយារបស់លោក Navalny ឈ្មោះ Yulia ផងដែរ។

កងទ័ពត្រូវបានគេកោះហៅឲ្យមកជួយប៉ូលិសក្នុងទីក្រុង St Petersburg ដែលជាស្រុកកំ​ណើតរបស់លោកប្រធានាធិបតី Putin ខណៈពួកគេកំពុងតស៊ូដើម្បីទប់ទល់នឹងហ្វូងបាតុករ។

ឧស្ម័នបង្ហូរទឹកភ្នែកត្រូវបានប្រើនៅក្នុងភាពចលាចលតាមដងផ្លូវអាក្រក់បំផុតមិនធ្លាប់មាន ចាប់តាំងពីលោក Putin ឡើងកាន់អំណាចក្នុងរយៈពេលជាងពីរទសវត្សរ៍កន្លងមកនេះ។

អំពើឃោរឃៅត្រូវបានថតជាប់ក្នុងវីដេអូ នៅពេលប៉ូលិសព្យាយាមបង្ក្រាបក្រុមបាតុករនៅក្នុងទីក្រុង Moscow, St Petersburg និង Vladivostok។

ការតវ៉ាជាច្រើនទៀតត្រូវបានធ្វើឡើងក្នុងទីក្រុង Yakutsk ដែលជាទីក្រុងត្រជាក់បំផុតនៅលើពិភពលោកជាមួយសីតុណ្ហភាពធ្លាក់ចុះដល់ -៤១អង្សាសេ។

ការប្រមូលផ្តុំគ្នាធំៗក៏ត្រូវបានធ្វើឡើងនៅតាមទីក្រុងនានាដូចជា មូស្គូ ផងដែរនិងបានកើតឡើងបន្ទាប់ពីមនុស្សប្រមាណ៤,០០០នាក់ត្រូវបានចាប់ខ្លួនអំឡុងការប៉ះទង្គិចគ្នាជាមួយប៉ូលិសកាលពីសប្តាហ៍មុន៕

ប្រែសម្រួលដោយ៖ Vann Vann

ប្រភព៖ Mirror

The post ប្រជាជនរុស្ស៊ី ស៊ូទ្រាំនឹងសីតុណ្ហភាពត្រជាក់បំផុតក្នុងពិភពលោកដើម្បីធ្វើបាតុកម្មប្រឆាំងការចាប់ខ្លួនអ្នករិះគន់លោក Putin appeared first on Kampuchea Thmey Daily.

សកម្មជនអាយុ៤៤ឆ្នាំរូបនេះ ត្រូវបានប៉ូលិសនាំខ្លួនទៅនៅឯកន្លែងត្រួតពិនិត្យលិខិតឆ្លងដែន ក្នុងអាកាសយានដ្ឋាន Sheremetyevo។

លោក Navalny បានស្តីបន្ទោសអាជ្ញាធររុស្ស៊ីចំពោះការប៉ុនប៉ង ធ្វើបាបជីវិតរបស់គាត់កាលពីឆ្នាំមុន។ ទោះបីជាយ៉ាងណាក៏ដោយ វិមានក្រឹមឡាំងបានបដិសេធ។

នៅពេលដែលលោក Navalny ត្រូវបានបំពុលកាលពីខែសីហានិងដួល ខណៈត្រៀមឡើងយន្តហោះនៅក្នុងតំបន់ Siberia គាត់ត្រូវបានបញ្ជូនទៅប្រទេសអាល្លឺម៉ង់ដើម្បីទទួលការព្យាបាលបន្ទាន់។ នៅពេលគាត់ជាសះស្បើយ គាត់បាននិយាយថា គាត់មានបំណងវិលត្រឡប់ទៅប្រទេសរុស្ស៊ីវិញ។

កាលពីថ្ងៃអាទិត្យ គាត់បានធ្វើតាមការសន្យា ដោយឡើងជិះជើងហោះហើររបស់ក្រុមហ៊ុនអាកាសចរណ៍ Pobeda Airlines បើទោះបីជាមានការព្រមានថា គាត់ត្រូវប្រឈមមុខនឹងការចាប់ខ្លួននៅពេលទៅដល់ក៏ដោយ។

នៅក្នុងសេចក្តីថ្លែងការណ៍មួយកាលពីល្ងាចថ្ងៃអាទិត្យ សេវាកម្មពន្ធនាគាររបស់ប្រទេសរុស្ស៊ីបាននិយាយថា មេដឹកនាំគណបក្សប្រឆាំងរូបនេះត្រូវគេតាមចាប់ខ្លួនតាំងពីថ្ងៃទី២៩ខែធ្នូឆ្នាំ២០២០មក សម្រាប់ការរំលោភបំពានរយៈពេលនៃការព្យួរទោសម្តងហើយម្តងទៀត។ លិខិតនោះបន្ថែមថា គាត់នឹងស្ថិតក្នុងការឃុំឃាំងរហូតដល់មានសេចក្តីសម្រេចពីតុលាការ។

អាជ្ញាធរបានចោទប្រកាន់គាត់ពីបទរំលោភលើលក្ខខណ្ឌ ដែលបានដាក់បន្ទាប់ពីការផ្តន្ទាទោសពីបទកិបកេងប្រាក់។ លោកតែងតែនិយាយថា ករណីនេះគឺជារឿងនយោបាយ។

ដោយឡែក រដ្ឋអាជ្ញារុស្ស៊ីបានបើកសវនាការរឿងក្តីព្រហ្មទណ្ឌថ្មីប្រឆាំងនឹងលោក Navalny ពីបទឆបោក ពាក់ព័ន្ធនឹងការផ្ទេរប្រាក់ទៅឲ្យអង្គការសប្បុរសធម៌ផ្សេងៗរួមទាំងមូលនិធិប្រឆាំងអំពើពុករលួយរបស់គាត់ជាដើម៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ Putin ៖ វិមានក្រឹមឡាំងដឹងថា បរទេសនឹងជ្រៀតជ្រែកក្នុងការបោះឆ្នោតរុស្ស៊ីឆ្នាំ២០២១

The post មេដឹកនាំគណបក្សប្រឆាំងរុស្ស៊ី ត្រូវចាប់ខ្លួនពេលវិលចូលប្រទេសវិញ appeared first on Kampuchea Thmey Daily.