កីឡាករ Marco Reus និង Mats Hummels ជាកីឡាករដំបូងបង្អស់ ក្នុងប្រវត្តិសាស្រ្ដក្លិប Borussia Dortmund ដែល​បានជួយឲ្យក្រុមឡើងទៅវគ្គផ្ដាច់ព្រ័ត្រ២លើក។ ពួក​គេ​បាន​ជួយ​ក្រុម​ឡើងវគ្គផ្ដាច់ព្រ័ត្រ UEFA Champions League កាល​ពី​ឆ្នាំ២០១៣ ប៉ុន្តែពួក​គេ​បានត្រឹមជើងឯករងក្រោយចាញ់ក្រុម Bayern Munich។ រយៈ​ពេល​​១១ឆ្នាំក្រោយមក សមាជិកក្រុម​កាល​ពី​ពេល​នោះ សល់​តែ​​២​រូប​ប៉ុណ្ណោះ​គឺ​ Marco Reus និង Mats Hummels ដែល​បន្ត​បន្ត​នៅ​ជា​មួយ​ Dortmund ​ ហើយ​បាន​ជួយ​ក្រុម​ឡើង​វគ្គ​ផ្តាច់​ព្រ័ត្រ UEFA Champions League ម្តង​ទៀត។

បើនិយាយពីប្រវត្តិក្នុងការឡើងទៅវគ្គផ្ដាច់ព្រ័ត្រ​ UEFA Champions League របស់ក្រុម Dortmund ធ្លាប់ឡើង​៣​ដង​គឺ​​ឆ្នាំ១៩៩៧​, ២០១៣ និងឆ្នាំ២០២៤។ នៅ​ឆ្នាំ​ដែល​បាន​ឡើង​វគ្គ​ផ្តាច់​ព្រ័ត្រ​ជា​លើក​ដំបូង ពួក​គេ​បាន​ឈ្នះ​ជើង​ឯក បន្ទាប់​ពី​បាន​យក​ឈ្នះក្រុម​ខ្លាំង​អ៉ីតាលី Juventus ដោយ​លទ្ធផល ៣-១។

រឿងដែលមិនគួរឲ្យជឿសម្រាប់កីឡាករ Marco Reus និង Mats Hummels មួយ​ទៀត​នោះ​គឺ​ពួក​គេ​នឹងត្រូវលេងវគ្គ​ផ្តាច់​ព្រ័ត្រ​នៅកីឡដ្ឋាន Wembley ប្រទេសអង់គ្លេស ជា​កន្លែង​ដែល​ពួក​គេ​បាន​ចាញ់ Bayern Munich ដោយ​លទ្ធផល ១-២​ កាល​ពី​ឆ្នាំ​២០១៣។

ប្រែសម្រួល៖ ផា រតនា

The post Reus និង Hummels ជាកីឡាករដំបូងជួយ Dortmund ឡើងវគ្គផ្ដាច់ព្រ័ត្រ UCL ២លើក appeared first on Kampuchea Thmey Daily.

អនាគតរបស់កីឡាករ Jadon Sancho មិនទាន់អាចកំណត់បាននៅឡើយ ប៉ុន្តែ​រូបគេកំពុងរីករាយក្នុងការលេងឲ្យក្លិបចាស់ Borussia Dortmund។ ជាពិសេស​ បន្ទាប់​ពី​រូប​គេ​បាន​ជួយក្រុមយកឈ្នះ Paris Saint-Germain ១-០ ការប្រកួតជើងទី១ វគ្គពាក់កណ្ដាលផ្ដាច់ព្រ័ត្រពានរង្វាន់ UEFA Champions League។

កីឡាករ Sancho បាននិយាយថា ៖«ខ្ញុំពិតជាមិនដឹងថាតើខ្ញុំនឹងបន្តស្នាក់នៅ Dortmund ឬ​ត្រឡប់​ទៅ Man United វិញទេ។ ខ្ញុំកំពុង​ផ្ដោត​​​លើការប្រកួត​ពេលបច្ចុប្បន្ន​។ ខ្ញុំមានអារម្មណ៍ពិសេសជាមួយ Dortmund ពី​ព្រោះខ្ញុំមកទីនេះនៅតាំងពីអាយុ១៧ឆ្នាំ។ ក្លិបនេះបានជួយខ្ញុំឲ្យមានអនាគត។ ខ្ញុំតែងតែផ្តល់អ្វីដែលល្អបំផុត​សម្រាប់ក្លិបនិងអ្នកគាំទ្រនៅទីនេះ»។

កីឡាករ Jadon Sancho បាន​ត្រឡប់​​ទៅ Borussia Dortmund នៅថ្ងៃទី១១ ខែមករា ឆ្នាំ២០២៤ ក្នុងលក្ខខ័ណ្ឌខ្ចីជើងរហូតដល់​ចប់រដូវកាល។ កីឡាករ​ចង់ចាកចេញពី Manchester United ក្រោយ​ត្រូវ​បាន​ដកឈ្មោះចេញពីក្រុមក្រោមការដឹកនាំរបស់លោក Erik ten Hag ក្រោមហេតុផលការដាក់ពិន័យ

ប្រែសម្រួល៖ ផា រតនា

The post Sancho លែងខ្វល់ពីអនាគត ខណៈកំពុងរីករាយនៅ Dortmund appeared first on Kampuchea Thmey Daily.

ក្លិប Dortmund ទទួលបានឱកាស​ចូលរួមក្នុងព្រឹត្តិការណ៍ពានរង្វាន់ FIFA Club World Cup ២០២៥ បន្ទាប់ពីក្លិបអាល្លឺម៉ង់ RB Leipzig បានធ្លាក់ចេញពីពានរង្វាន់ UEFA Champions League ២០២៤ ត្រឹមវគ្គ១៦ក្រុមចុង​ក្រោយ។ Leipzig ដើម្បីមានកៅអី​ឡើង​ទៅ​លេង​ FIFA Club World Cup បានលុះត្រាតែពួកអាចឈានដល់វគ្គផ្តាច់ព្រ័ត្រពានរង្វាន់ UEFA Champion League។

គិតមកទល់ពេលនេះក្លិប Dortmund ក្លាយជាក្លិបមួយក្នុងចំណោមក្លិបក្នុងទ្វីបអឺរ៉ុបចំនួន១២ ដែល​ទទួល​បាន​កៅអី​ចូលរួមប្រកួត FIFA Club World Cup មាន៣២​ក្រុម​ដែល​គ្រោង​ធ្វើ​​នៅសហរដ្ឋអាមេរិក ពី​ថ្ងៃទី១៥ ខែមិថុនា ដល់ថ្ងៃទី១៣ ខែកក្កដា ឆ្នាំ២០២៥។ Dortmund ទទួលបានកៅអី​​ពានរង្វាន់ FIFA Club World Cup ២០២៥ ក្នុង​នាម​ជា​​ក្រុម​ជើងឯករង Bundesliga រដូវកាលមុន ហើយពួកគេក៏ធ្លាប់ឈ្នះ Champions League ឆ្នាំ១៩៩៧ និង​ជើង​ឯក Intercontinental Cup។

ក្លិបដែល​មាន​កៅអី​​ចូលរួម​ប្រកួត​ពានរង្វាន់ FIFA Club World Cup ២០២៥៖

• ទ្វីបអឺរ៉ុប៖ Bayern, Dortmund, Real Madrid, Manchester City, Chelsea, Inter Milan, Paris Saint-Germain, Benfica, Porto
• ទ្វីបអាមេរិកខាងត្បូង៖ Palmeiras, Flamengo, Fluminense
• ទ្វីបអូសេអានី៖ Auckland City
• ទ្វីបអាហ្រិ្វក៖ Al Ahly, Wydad Casablanca
• ទ្វីបអាស៊ី៖ Al-Hilal, Urawa Red Diamonds
• ទ្វីបអាមេរិកខាងជើង៖ Monterrey, Seattle Sounders, Léon

ប្រែសម្រួល៖ ផា រតនា
ប្រភព៖ Bundesliga

The post Dortmund ទទួលបានកៅអីពាន​រង្វាន់ FIFA Club World Cup ២០២៥ appeared first on Kampuchea Thmey Daily.

កីឡាករ Adeyemi វ័យ២១ ឆ្នាំកំពុងស្ថិតនៅក្នុងទីក្រុង Ibadan ដើម្បីមើល​ផែន​ការ​របស់ខ្លួនកំពុងអនុវត្ត​ដោយ​មាន​គោលដៅក្នុងការលុបបំបាត់ភាពក្រីក្រ និងបញ្ចប់វិសមភាព ហើយជួយដល់យុវជនក្នុងស្រុកតាមរយៈការអប់រំ ការផ្តល់សិទ្ធិអំណាច និងការអភិវឌ្ឍបាល់ទាត់។ មូលនិធិនេះមានគោលបំណងផ្តល់ការអប់រំដល់សិស្សចំនូន១០០០នាក់ នៅឆ្នាំ២០៣០ នៅរដ្ឋ Oyo ដែលមានចំនួនកុមារក្រៅសាលាច្រើនជាងគេនៅភាគនិរតី​ប្រទេសនីហ្សេរីយ៉ា។ មូលនិធិនេះក៏ដំណើរការក្លិបបាល់ទាត់ Adeyemi ដែល​មាន​គោលដៅ​បណ្តុះបណ្តាលកីឡាករបាល់ទាត់អាជីពចំនួន៥០០០នាក់នៅឆ្នាំ២០៣០។

កីឡាកររបស់ Dortmund បានមើលការហ្វឹកហាត់​របស់​ក្មេងៗនៅកីឡដ្ឋាន Olubadan និងការប្រកួតបាល់ទាត់តាមដងផ្លូវក្នុងទីក្រុង Odo Osun ខណៈពេល​រូបគេក៏បានចូលរួម​សកម្មភាព​ក្នុងសហគមន៍ផងដែរ។ មូលនិធិបានបញ្ចប់ការរៀបចំផែនការ ការផ្តល់ហិរញ្ញប្បទាន ការសាងសង់ និងការដាក់ឱ្យដំណើរការរោងចក្រប្រព្រឹត្តិកម្មទឹកស្អាតសម្រាប់មនុស្ស ២០ ០០០នាក់នៅក្នុងសហគមន៍ Odo Osun។

កីឡាករវ័យ២១ឆ្នាំរូបនេះបាន​ធ្វើ​ទស្សនកិច្ច​ទៅកាន់ Ibadan ដោយបាន​ជួប​ព្រះមហាក្សត្រនៃ Ibadanland។ Adeyemi កើតនៅទីក្រុង Munich ដែលមានឪពុកជនជាតិនីហ្សេរីយ៉ា និងម្តាយជនជាតិរ៉ូម៉ានី។

ការបង្ហោះលើ Instagram កីឡាករ Karim Adeyemi បានសរសេរថា ៖«នៅអាយុ​១០​ឆ្នាំ ខ្ញុំបានទៅលេងស្រុកកំណើតរបស់ឪពុកខ្ញុំគឺ Ibadan ប្រទេសនីហ្សេរីយ៉ាជាលើកដំបូង។ ការតភ្ជាប់​រវាងប្រទេស និងវប្បធម៌​រស់រវើក ហើយការចងចាំដ៏ពេញចិត្តបំផុតមួយរបស់ខ្ញុំគឺការចំណាយពេលជាមួយក្រុមគ្រួសារ​ដោយរីករាយ។ ខ្ញុំ​បាន​សន្យាជាមួយឪពុក​ថា ​ខ្ញុំចង់រួមចំណែក​ជួយ​ប្រជាជននីហ្សេរីយ៉ា»។

Adeyemi ក៏បានទៅលេងរដ្ឋ Lagos និងកីឡដ្ឋាន Maracana ក្នុងទីក្រុង Ajegunle ជាកន្លែងដែល​រូប​គេ​ និងកីឡាករអន្តរជាតិនីហ្សេរីយ៉ា Wilfred Ndidi បានបរិច្ចាគអគារលំនៅដ្ឋានដល់កីឡដ្ឋាន​ដើម្បីកែលម្អ៕

ប្រែសម្រួល៖ ផា រតនា
ប្រភព៖ Bundesliga

The post វ័យទើប២១ឆ្នាំ Adeyemi ធ្វើសកម្មភាពសប្បុរសធម៌ជាច្រើននៅនីហ្សេរីយ៉ា appeared first on Kampuchea Thmey Daily.