សម្រាប់​មនុស្ស​ជាច្រើន ផ្នែក​ដ៏​ល្អ​បំផុត នៃ​ថ្ងៃបុណ្យ​ណូអែល គឺ​ការ​ទទួល​បាន​កាដូ​ពី​មនុស្ស​ជា​ទី​ស្រលាញ់ យ៉ាងណាមិញ​នៅ​អង់គ្លេស ការ​ប្រកួត​បាល់ទាត់​កម្រិត​កំពូល គឺជា​អ្វី​ដែល​អ្នក​និយម​ស្នេហា​វិស័យ​កីឡាបាល់ទាត់​រីករាយ​ក្នុង​ការ​អបអរ។

-តើ​ថ្ងៃ​ណា​ជា​ថ្ងៃ​ប្រកួត Boxing Day?

Boxing Day ត្រូវ​នឹង​ថ្ងៃ​ទី ២៦ ខែ​ធ្នូ ជា​ថ្ងៃ​បន្ទាប់ពី​បុណ្យ​ណូអែល។ វា​ជា​ថ្ងៃ​ឈប់សម្រាក​ជា​សាធារណៈ​នៅ​ក្នុង​ចក្រភព​អង់គ្លេស ហើយ​អ្វី​ដែល​អ្នក​ប្រហែលជា​មិន​ដឹង​នោះ​គឺថា នៅ​ពេល​ដែល​ថ្ងៃ​ទី ២៦ ខែ​ធ្នូ ត្រូវ​នឹង​ថ្ងៃ​សៅរ៍ ថ្ងៃ​ឈប់សម្រាក​របស់ Boxing Day ត្រូវ​បាន​ប្ដូរ​ទៅ​ថ្ងៃ​ច័ន្ទ​បន្ទាប់។ ប្រសិន​បើ​ថ្ងៃ​ទី ២៦ ខែ​ធ្នូ ធ្លាក់​នៅ​ថ្ងៃអាទិត្យ នោះ​ថ្ងៃ​ឈប់សម្រាក​គឺ​នៅ​ថ្ងៃ​អង្គារ​បន្ទាប់ បុណ្យ​ណូអែល នឹង​ជំនួស​ថ្ងៃមុន។

-ហេតុអ្វី​បាន​ជា​គេ​ហៅថា Boxing Day?

ឈ្មោះ​នេះ​កើត​ចេញពី​ប្រពៃណី​របស់​គ្រួសារ​អ្នកមាន​មួយ ដែល​បាន​រៀបចំ​កាដូ និង​ផ្ដល់​អំណោយ​ដល់​អ្នក​បម្រើ​របស់​គេ នៅ​ថ្ងៃ​ទី ២៦ ខែ​ធ្នូ។ Boxing Day ជា​ប្រពៃណី​សម្រាប់​ថ្ងៃ​ឈប់សម្រាក​របស់​អ្នកបម្រើ ជា​ពេល​ដែល​ពួកគេ​នឹង​ទទួល​បាន​ប្រអប់​កាដូ​បុណ្យ​ណូអែល ជាពិសេស​ពី​ចៅហ្វាយនាយ ហើយ​ត្រឡប់​ទៅ​ផ្ទះ​វិញ​ដើម្បី​ផ្ដល់​ប្រអប់​កាដូ​នោះ​ដល់​ក្រុម​គ្រួសារ​របស់​ពួកគេ។

-ហេតុអ្វី​បាន​ជា​ការ​ប្រកួត​បាល់ទាត់​ក្របខណ្ឌ Premier League លេង​នៅ​ថ្ងៃ Boxing Day?

បុណ្យ​ណូអែល​ឥឡូវនេះ បាន​ក្លាយ​ទៅ​ជា​ថ្ងៃ​ដែល​មាន​ការ​ប្រកួត​កីឡា​បាល់ទាត់។ នៅ​ឆ្នាំ ១៩៥៧ ចក្រភព​អង់គ្លេស បាន​ប្រារព្ធ​ការ​ប្រកួត​កីឡាបាល់ទាត់​នៅ​ថ្ងៃបុណ្យ​ណូអែល​ចុងក្រោយ ហើយ​ចាប់ពី​ពេលនោះ​មក Boxing Day បាន​ក្លាយ​ជា​ថ្ងៃ​ប្រពៃណី​សម្រាប់​បាល់ទាត់​ទូទាំង​ប្រទេស។

ខណៈ​ពេល​ប្រទេស​អឺរ៉ុប​ផ្សេង​ទៀត​ភាគច្រើន​កំពុង​រីករាយ​នឹង​ការ​សម្រាក​រដូវ​រងា​របស់​ពួកគេ លីគ​អង់គ្លេស និង​ស្កុ​ត​ឡេ​ន មាន​ការ​ប្រកួត​ដែល​លេង​ក្នុងអំឡុងពេល​ពិធីបុណ្យ។

នៅ​ថ្ងៃនេះ​ផង​ដែរ ក្រុម​ម្ចាស់ផ្ទះ តែងតែ​ទម្លាក់​តម្លៃ​សំបុត្រ​ដើម្បី​ទទួល​បាន​កុមារ​ច្រើន និង​ក្មេង​ជំទង់ ទៅ​មើល​បាល់ទាត់​ដើម្បី​ហេតុផល​ល្អ៕

សម្រាប់​ថ្ងៃនេះ មាន​ការ​ប្រកួត​ដូច​ខាងក្រោម ៖

ប្រភព ៖ en.as.com

អត្ថបទ ៖ មន្នីរ័ត្ន

The post តើការប្រកួតថ្ងៃបើកកាដូ ‘Boxing Day’ នៅក្របខណ្ឌ Premier League មានប្រភពមកពីអ្វី? appeared first on Kampuchea Thmey Daily.