កីឡា

តើការប្រកួតថ្ងៃបើកកាដូ ‘Boxing Day’ នៅក្របខណ្ឌ Premier League មានប្រភពមកពីអ្វី?

បានផុស

៤ ខែ មុន

នៅ

ថ្ងៃចន្ទ ២៦ ធ្នូ ២០២២

ដោយ

អ្នកគាំទ្រជាសកលរបស់ក្លិបល្បីៗដូចជា Arsenal, Liverpool, Man City, Man Utd, Chelsea និងក្រុមដទៃទៀត អាចនឹងមានរឿងត្រូវធ្វើ គឺការគាំទ្រក្រុមសំណព្វចិត្តរបស់ខ្លួនប្រកួតចំថ្ងៃបើកកាដូ ឬភាសាអង់គ្លេសហៅថា ‘Boxing Day’ នៃពិធីបុណ្យណូអែល។ តើហេតុអ្វី?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់មនុស្សជាច្រើន ផ្នែកដ៏ល្អបំផុត នៃថ្ងៃបុណ្យណូអែល គឺការទទួលបានកាដូពីមនុស្សជាទីស្រលាញ់ យ៉ាងណាមិញនៅអង់គ្លេស ការប្រកួតបាល់ទាត់កម្រិតកំពូល គឺជាអ្វីដែលអ្នកនិយមស្នេហាវិស័យកីឡាបាល់ទាត់រីករាយក្នុងការអបអរ។

-តើថ្ងៃណាជាថ្ងៃប្រកួត Boxing Day?

Boxing Day ត្រូវនឹងថ្ងៃទី ២៦ ខែធ្នូ ជាថ្ងៃបន្ទាប់ពីបុណ្យណូអែល។ វាជាថ្ងៃឈប់សម្រាកជាសាធារណៈនៅក្នុងចក្រភពអង់គ្លេស ហើយអ្វីដែលអ្នកប្រហែលជាមិនដឹងនោះគឺថា នៅពេលដែលថ្ងៃទី ២៦ ខែធ្នូ ត្រូវនឹងថ្ងៃសៅរ៍ ថ្ងៃឈប់សម្រាករបស់ Boxing Day ត្រូវបានប្ដូរទៅថ្ងៃច័ន្ទបន្ទាប់។ ប្រសិនបើថ្ងៃទី ២៦ ខែធ្នូ ធ្លាក់នៅថ្ងៃអាទិត្យ នោះថ្ងៃឈប់សម្រាកគឺនៅថ្ងៃអង្គារបន្ទាប់ បុណ្យណូអែល នឹងជំនួសថ្ងៃមុន។

-ហេតុអ្វីបានជាគេហៅថា Boxing Day?

ឈ្មោះនេះកើតចេញពីប្រពៃណីរបស់គ្រួសារអ្នកមានមួយ ដែលបានរៀបចំកាដូ និងផ្ដល់អំណោយដល់អ្នកបម្រើរបស់គេ នៅថ្ងៃទី ២៦ ខែធ្នូ។ Boxing Day ជាប្រពៃណីសម្រាប់ថ្ងៃឈប់សម្រាករបស់អ្នកបម្រើ ជាពេលដែលពួកគេនឹងទទួលបានប្រអប់កាដូបុណ្យណូអែល ជាពិសេសពីចៅហ្វាយនាយ ហើយត្រឡប់ទៅផ្ទះវិញដើម្បីផ្ដល់ប្រអប់កាដូនោះដល់ក្រុមគ្រួសាររបស់ពួកគេ។

-ហេតុអ្វីបានជាការប្រកួតបាល់ទាត់ក្របខណ្ឌ Premier League លេងនៅថ្ងៃ Boxing Day?

បុណ្យណូអែលឥឡូវនេះ បានក្លាយទៅជាថ្ងៃដែលមានការប្រកួតកីឡាបាល់ទាត់។ នៅឆ្នាំ ១៩៥៧ ចក្រភពអង់គ្លេស បានប្រារព្ធការប្រកួតកីឡាបាល់ទាត់នៅថ្ងៃបុណ្យណូអែលចុងក្រោយ ហើយចាប់ពីពេលនោះមក Boxing Day បានក្លាយជាថ្ងៃប្រពៃណីសម្រាប់បាល់ទាត់ទូទាំងប្រទេស។

ខណៈពេលប្រទេសអឺរ៉ុបផ្សេងទៀតភាគច្រើនកំពុងរីករាយនឹងការសម្រាករដូវរងារបស់ពួកគេ លីគអង់គ្លេស និងស្កុតឡេន មានការប្រកួតដែលលេងក្នុងអំឡុងពេលពិធីបុណ្យ។

នៅថ្ងៃនេះផងដែរ ក្រុមម្ចាស់ផ្ទះ តែងតែទម្លាក់តម្លៃសំបុត្រដើម្បីទទួលបានកុមារច្រើន និងក្មេងជំទង់ ទៅមើលបាល់ទាត់ដើម្បីហេតុផលល្អ៕

សម្រាប់ថ្ងៃនេះ មានការប្រកួតដូចខាងក្រោម ៖