Saka ជាយុវជនថ្នាលរបស់ Arsenal ផ្ទាល់តែម្តង ដោយបានតម្លើងមកកាន់ក្រុមធំជាលើកដំបូងនៅរដូវកាល ២០១៩-២០២០។ កីឡាករមានកិច្ចសន្យាដល់រដូវក្តៅឆ្នាំ ២០២៧ ប៉ុន្តែឥឡូវនេះកីឡាករវ័យ ២៤ ឆ្នាំ បានសម្រេចបន្តកិច្ចសន្យារយៈពេល ៥ ឆ្នាំបន្ថែមទៀតជាមួយក្រុមកាំភ្លើងធំ ពោលគឺដល់ខែ មិថុនា ឆ្នាំ ២០៣១។ ប្រការនេះ បានធ្វើឱ្យរូបគេទទួលបានប្រាក់ពលកម្មរហូតដល់ទៅ ៤០ ម៉ឺនដុល្លារអាមេរិកក្នុងមួយសប្តាហ៍ ដែលជាចំនួនច្រើនជាងគេបំផុតនៅក្លិប និងស្ថិតនៅលំដាប់លេខរៀងទី ៥ ក្នុងលីគកំពូល អង់គ្លេស។

បច្ចុ​​ប្បន្ន Erling Haaland របស់ Manchester City ឈរលេខ ១ ជាកីឡាករមានប្រាក់ពលកម្មថ្លៃបំផុតនៅ អង់គ្លេស ពោលគឺចំនួន ៧០.៦ ម៉ឺនដុល្លារអាមេរិកក្នុងមួយសប្តាហ៍។ ខ្សែប្រយុទ្ធរបស់ Liverpool កីឡាករ Mohamed Salah ឈរលេខ ២ រកបាន ៥៤ ម៉ឺនដុល្លារអាមេរិកក្នុងមួយសប្តាហ៍។ ខ្សែបម្រើ Casemiro របស់ Manchester United ឈរលេខ ៣ រកបាន ៤៧ ម៉ឺនដុល្លារអាមេរិកក្នុងមួយសប្តាហ៍។

ខ្សែការពារ Virgil van Dijk របស់ Liverpool ឈរលេខ ៤ រកបាន ៤៧ ម៉ឺនដុល្លារអាមេរិកក្នុងមួយសប្តាហ៍ដូចគ្នា និងចុងក្រោយ Saka រកបាន ៤០ ម៉ឺនដុល្លារអាមេរិកក្នុងមួយសប្តាហ៍ ដែលស្មើគ្នាជាមួយ Bruno Fernandes ខ្សែបម្រើរបស់ Manchester United ផងដែរ៕

ប្រែសម្រួល៖ សេម កុសល
ប្រភព៖ Daily Mail

The post Saka ឡើងឈរ Top 5 ជាកីឡាករមានប្រាក់ឈ្នួលខ្ពស់បំផុតនៅលីគ អង់គ្លេស ក្រោយបន្តកុងត្រាថ្មី appeared first on Kampuchea Thmey Daily.

ជាការពិតណាស់ ក្រុមកាំភ្លើងធំ Arsenal បានកក់កៅអីឡើងទៅកាន់វគ្គពាក់កណ្តាលផ្តាច់ព្រ័ត្រពាន UCL ហើយ បន្ទាប់ពីបានយកឈ្នះលើក្រុមការពារតំណែងជើងឯក Real Madrid ក្នុងការប្រកួតជើងទី ២ វគ្គ ៨ ក្រុមចុងក្រោយនៅទឹកដី Santiago Bernabeu កាលពីយប់មិញនេះថ្ងៃទី ១៦ ខែ មេសា ក្នុងលទ្ធផល ២-១ និងសរុបលទ្ធផលទាំង ២ ជើង ៥-១។

ក្រោយបញ្ចប់ការប្រកួតភ្លាម Saka បានថ្លែងពីក្រុមរបស់ខ្លួនយ៉ាងដូច្នេះថា៖ «ខ្ញុំជឿជាក់ថា ពួកយើងអាចឈ្នះពានរង្វាន់ Champions League។ ខ្ញុំគិតថា ពួកយើងពិតជាអាចធ្វើបាន»។

សូមបញ្ជាក់ថា នៅវគ្គពាក់កណ្តាលផ្តាច់ព្រ័ត្រ Arsenal នឹងត្រូវជួបជាមួយក្រុមអ្នកមានបារាំង Paris Saint-Germain ដោយការប្រកួតជើងទី ១ នឹងធ្វើឡើងនៅថ្ងៃទី ៣០ ខែ មេសា និងការប្រកួតជើងទី ២ នឹងធ្វើឡើងនៅថ្ងៃទី ៨ ខែ ឧសភា៕

ប្រែសម្រួលអត្ថបទ៖ សេម កុសល
ប្រភព៖ Fabrizio Romano

The post Saka ជឿជាក់មុតមាំថា Arsenal អាចឈ្នះ UCL ក្រោយទម្លាក់ Real Madrid appeared first on Kampuchea Thmey Daily.