Dean Huijsen ដែលបច្ចុប្បន្នមានវ័យ ២០ ឆ្នាំ ធ្លាប់បានបង្ហើបពីបំណងរបស់ខ្លួនជាយូរមកហើយ ថាគេ គឺមានក្តីស្រមៃចង់មកលេងជាមួយ Real Madrid។ យ៉ាងណា រូបគេរង់ចាំតែការសម្រេចរវាងក្លិប និងក្លិបប៉ុណ្ណោះ។

ដោយឡែកថ្មីៗនេះ អ្នកកាសែត អ៊ីតាលី លោក Fabrizio Romano បានចុះផ្សាយថា Real Madrid និង Bournemouth បានឈានដល់កិច្ចព្រមព្រៀងរវាងក្លិប និងក្លិប ដើម្បីចុះកុងត្រាយក Dean Huijsen នៅរដូវក្តៅនេះ។

ប្រភពដដែលបានបន្ថែមថា កិច្ចព្រមព្រៀងនៃការផ្ទេរនេះ គឺមានតម្លៃ ៦៦ លានដុល្លារអាមេរិក ខណៈ Real Madrid នឹងបង់ផ្តាច់ចំពោះតម្លៃនេះនៅចុងឆ្នាំ ២០២៦។ យ៉ាងណាមិញ ដំណើការនៃការផ្ទេររវាងក្លិប និងក្លិប កំពុងតែបន្ត មុនពេលអ្វីៗត្រូវសម្រេចជាស្ថាពរ ខណៈកាលពីម្សិលមិញ Real Madrid ក៏បានបញ្ជូនសំណើទៅកាន់សាមីកីឡាករផ្ទាល់រួចរាល់ផងដែរ។

គួរដឹងថា Dean Huijsen គឺជាខ្សែការពារវ័យក្មេងដ៏មានសក្តានុពលម្នាក់ ហើយរូបគេក៏ទើបតែត្រូវបានលោក Luis de la Fuente ផ្តល់សេចក្តីទុកចិត្ត កោះហៅចូលក្នុងក្រុមជម្រើសជាតិ អេស្ប៉ាញ ឈុតធំកាលពីខែ មីនា កន្លងទៅផងដែរ៕

អត្ថបទ៖ សេម កុសល

The post ក្តៅៗ! R.Madrid បានឈានដល់កិច្ចព្រមព្រៀងផ្ទេរយកខ្សែការពារឆ្នើមពីលីគ អង់គ្លេស ម្នាក់ appeared first on Kampuchea Thmey Daily.