កិច្ចសហការនេះនឹងអនុញ្ញាតឱ្យដៃគូអាជីវកម្មរបស់ Grab (Grab Merchant Partners)អាចភ្ជាប់ការកុម៉ង់ម្ហូបអាហាររបស់ GrabFood ដោយផ្ទាល់ទៅកាន់ប្រព័ន្ធ POS របស់ T.O Group ដែលអនុញ្ញាតឱ្យម្ចាស់អាជីវកម្មគ្រប់គ្រងការកុម្មង់តាមអនឡាញ និងការលក់ផ្ទាល់នៅក្នុងហាងតាមរយៈប្រព័ន្ធរួមតែមួយ។

តាមរយៈការរួមបញ្ចូលគ្នានេះ អាជីវករនឹងទទួលបានអត្ថប្រយោជន៍ពីការធ្វើសមកាលកម្មការកុម៉ង់ដោយស្វ័យប្រវត្តិ ការសម្រួលដល់ប្រតិបត្តិការ និងការបង្កើនប្រសិទ្ធភាពក្នុងការគ្រប់គ្រងការកុម៉ង់ ការទូទាត់ និងប្រតិបត្តិការអាជីវកម្មប្រចាំថ្ងៃ។

ចំណុចសំខាន់ៗនៃកិច្ចសហប្រតិបត្តិការ៖
● ការរួមបញ្ចូល GrabFood Order API៖ ក្រុមហ៊ុន T.O Group នឹងបញ្ចូល APIនៃការកុម្មង់និងដឹកជញ្ជូនម្ហូបអាហាររបស់ Grab ទៅក្នុងប្រព័ន្ធ POS របស់ខ្លួន ដែលអនុញ្ញាតឱ្យអាជីវករទទួល និងគ្រប់គ្រងការកុម៉ង់ម្ហូបអាហាររបស់ GrabFood ដោយស្វ័យប្រវត្តិនៅក្នុងប្រព័ន្ធ POS របស់ពួកគេផ្ទាល់។

● ការគាំទ្រដល់បរិវត្តកម្មឌីជីថលសម្រាប់អាជីវករនៅកម្ពុជា៖ កិច្ចសហការនេះមានគោលបំណងគាំទ្រដល់ភោជនីយដ្ឋាន និងអាជីវកម្មនានានៅក្នុងប្រទេសកម្ពុជា ក្នុងការប្រើប្រាស់ឧបករណ៍ឌីជីថលទំនើបៗ ដែលជួយសម្រួលដល់ការគ្រប់គ្រងការបញ្ជាទិញ និងលើកកម្ពស់ប្រសិទ្ធភាពប្រតិបត្តិការ។

● ការពង្រឹងប្រព័ន្ធអេកូឡូស៊ីបច្ចេកវិទ្យាក្នុងស្រុក៖ ភាពជាដៃគូនេះឆ្លុះបញ្ចាំងពីការប្តេជ្ញាចិត្តរួមគ្នារបស់ Grab និង T.O Group ក្នុងការរួមចំណែកដល់ការរីកលូតលាស់នៃសេដ្ឋកិច្ចឌីជីថលរបស់កម្ពុជា តាមរយៈការផ្តល់នូវដំណោះស្រាយបច្ចេកវិទ្យាច្នៃប្រឌិតសម្រាប់អាជីវកម្មក្នុងស្រុក។

លោកស្រី ហេង វត្តី នាយកក្រុមហ៊ុន T.O Group បានមានប្រសាសន៍ថា៖«កិច្ចសហការជាមួយ Grab នេះគឺជាចំណុចរបត់ដ៏សំខាន់សម្រាប់ T.O Group ក្នុងខណៈពេលដែលយើងបន្តអភិវឌ្ឍប្រព័ន្ធ POS កម្រិតខ្ពស់ និងដំណោះស្រាយកម្មវិធីអាជីវកម្មសម្រាប់អាជីវករកម្ពុជា។ តាមរយៈការបញ្ចូលសេវាកម្មកុម៉ង់ម្ហូបនិងដឹកជញ្ជូនម្ហូបអាហាររបស់ Grab ទៅក្នុងប្រព័ន្ធ POS របស់យើង យើងមានគោលបំណងជួយឱ្យអាជីវកម្មនានាគ្រប់គ្រងប្រតិបត្តិការរបស់ពួកគេកាន់តែមានប្រសិទ្ធភាព និងកែលម្អបទពិសោធន៍ទូទៅរបស់អតិថិជន»។

លោក Mike Kang នាយកប្រចាំប្រទេសនៃក្រុមហ៊ុន Grab កម្ពុជានិងមីយ៉ាន់ម៉ា បានមានប្រសាសន៍ថា៖«យើងដឹងហើយថាក្នុងអំឡុងពេលប្រញាប់ខ្លាំងសម្រាប់អាហារថ្ងៃត្រង់ ពេលវេលាគ្រប់វិនាទីគឺសំខាន់ណាស់។ តាមរយៈការរួមបញ្ចូលដោយផ្ទាល់នូវប្រព័ន្ធគ្រប់គ្រងការលក់ (POS) របស់ក្រុមហ៊ុន T.O Group ពុងតែដកការធ្វើការដោយដៃចេញពីដៃគូអាជីវករ។ ដៃគូរបស់យើងមិនចាំបាច់បើកឧបករណ៍ច្រើន ឬបញ្ចូលការបញ្ជាទិញឡើងវិញដោយដៃទៀតទេ។ នេះគឺជាការផ្តល់ពេលវេលាដល់ម្ចាស់អាជីវកម្មត្រឡប់មកវិញ ដើម្បីឱ្យពួកគាត់អាចផ្តោតលើអ្វីដែលពួកគាត់ធ្វើបានល្អបំផុត ដូចជាការរៀបចំអាហារដ៏មានឪជារសឈ្ងុយឆ្ងាញ់ និងបម្រើអតិថិជនរបស់ពួកគាត់»។

អំពីក្រុមហ៊ុន Grab៖
Grab គឺជាក្រុមហ៊ុនបច្ចេកវិទ្យាដែលមានកម្មវិធីស្មាតហ្វូនទំនើបឈានមុខគេនៅតំបន់អាស៊ីអាគ្នេយ៍ ដែលមានប្រតិបត្តិការក្នុងវិស័យការដឹកជញ្ជូន និងសេវាកម្មហិរញ្ញវត្ថុឌីជីថល។ ការធ្វើដំណើរ ដោយមានទីស្នាក់ការកណ្តាលនៅប្រទេសសិង្ហបុរី ក្រុមហ៊ុន Grab បម្រើសេវាកម្មជាង ៨០០ ទីក្រុង នៅបណ្តាប្រទេសក្នុងតំបន់អាស៊ីអាគ្នេយ៍ដូចជា កម្ពុជា ឥណ្ឌូណេស៊ី ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។ Grab អនុញ្ញាតឱ្យមនុស្សរាប់លាននាក់អាចបញ្ជាទិញអាហារ ឬគ្រឿងទេស ធ្វើកញ្ចប់ឥវ៉ាន់ កក់រថយន្ត ឬតាក់ស៊ី ទូទាត់ការទិញទំនិញតាមអ៊ុនធឺណិត ឬចូលប្រើសេវាកម្មដូចជាការខ្ចីប្រាក់ ជារៀងរាល់ថ្ងៃតាមរយៈកម្មវិធីappតែមួយ។ Grab ត្រូវបានបង្កើតឡើងក្នុងឆ្នាំ 2012 និងធានារ៉ាប់រង ដោយមានបេសកកម្មដើម្បី ជំរុញតំបន់អាស៊ីអាគ្នេយ៍ឆ្ពោះទៅមុខ ដោយបង្កើនលទ្ធភាពសេដ្ឋកិច្ចសម្រាប់មនុស្សគ្រប់គ្នា។ Grab ខិតខំបម្រើសេវាកម្ម រផ្តល់ផលហិរញ្ញវត្ថុក្នុងពេលដំណាលគ្នាសម្រាប់មួ ដោយផ្តោតលើគោលការណ៍សំខាន់ៗបីយ៉ាង ក្នុងគោលបំណងផ្តល់ផលហិរញ្ញវត្ថុក្នុងពេលដំណាលគ្នាសម្រាប់ម្ចាស់ភាគហ៊ុន ផ្តល់ផលវិជ្ជមានដល់សង្គម រួមទាំងការពង្រឹងផ្នែកសេដ្ឋកិច្ចសម្រាប់ប្រជាជនរាប់លាននាក់នៅក្នុងតំបន់ និង ការរួមចំណែកជួយកាត់បន្ថយផលប៉ះពាល់បរិស្ថានផងដែរ។

អំពីក្រុមហ៊ុន T.O Group
T.O Group Co., Ltd. គឺជាក្រុមហ៊ុនបច្ចេកវិទ្យាកម្ពុជាដែលមានឯកទេសលើការចែកចាយផ្នែកព័ត៌មានវិទ្យា (IT) ដំណោះស្រាយបច្ចេកវិទ្យា និងការអភិវឌ្ឍកម្មវិធីអាជីវកម្ម។ ចាប់តាំងពីការបង្កើតឡើងក្នុងឆ្នាំ ២០០៥ ក្រុមហ៊ុនបាននិងកំពុងផ្តល់នូវប្រព័ន្ធ POS និងដំណោះស្រាយកម្មវិធីសហគ្រាស ដែលជួយឱ្យអាជីវកម្មនានាកែលម្អប្រសិទ្ធភាពប្រតិបត្តិការ និងគាំទ្រដល់បរិវត្តកម្មឌីជីថល។
ទំនាក់ទំនងផ្នែកសារព័ត៌មាន៖
T.O Group Co., Ltd.
អ៊ីមែល៖ swm@t-ogroup.com
ទូរស័ព្ទ៖ +855 93 999 258

The post ក្រុមហ៊ុន Grab និង T.O Group ចុះហត្ថលេខាលើអនុស្សរណៈនៃការយោគយល់គ្នាជាយុទ្ធសាស្ត្រ ដើម្បីរួមបញ្ចូលការកុម៉ង់និងដឹកជញ្ជូនម្ហូបអាហាររបស់ Grab ទៅក្នុងប្រព័ន្ធគ្រប់គ្រងការលក់ (POS) appeared first on Kampuchea Thmey Daily.

​

លោក រដ្ឋមន្ត្រីបានលើកឡើងនៅ​ក្នុង​ឱកាស​ទទួលជួបតំណាងក្រុមហ៊ុន Grab ដើម្បី​ពិភាក្សា​ការ​គាំទ្រ​សម្រាប់​អ្នក​បើក​បរនៅ​ថ្ងៃ​ទី​០៤ ខែ​មិថុនា ឆ្នាំ​២០២៥។

លោក​រដ្ឋមន្ត្រី​ ហែម វណ្ឌឌី ​បានកោត​សរសើរ​ចំពោះ​ដំណើរ​ការ​អាជីវកម្មរបស់ Grab នៅកម្ពុជា ចាប់តាំងពីឆ្នាំ ២០១៧ មក​ និង​បាន​បង្ហាញ​ការគាំទ្រ​ចំពោះ​ផែនការ​ពង្រីក​ក្រុមហ៊ុន​ជា​បន្តបន្ទាប់។

លោក​រដ្ឋមន្ត្រី បាន​បន្ថែម​ថា៖ «យើងស្វាគមន៍​ការរួមចំណែកនៃថ្នាលបច្ចេវិទ្យានានា នៅក្នុង​ប្រព័ន្ធ​អេកូឡូស៊ី​សម្រាប់​សេដ្ឋកិច្ចក្រៅប្រព័ន្ធ។ ជាមួយនឹងថ្នាលទិន្នន័យរបស់ខ្លួន Grab អាចជួយ​ជំរុញ​បរិវត្តកម្ម​ពាណិជ្ជកម្ម​នៅកម្ពុជា ដោយជួយអ្នកផលិត និងអាជីវករនានា ឱ្យធ្វើប្រតិបត្តិការតាមប្រព័ន្ធអនឡាញ»។

លោក Wee Tang នាយកគ្រប់គ្រងប្រចាំតំបន់របស់ Grab ដែលមាន​ស្នាក់ការ​កណ្តាល​នៅសិង្ហបុរី បាន​លើកឡើងថា ក្នុងរយៈពេលជិតពីរឆ្នាំកន្លងមកនេះ Grab បាន​ពង្រីក​វិសាលភាព​ពីការ​ធ្វើ​ប្រតិបត្តិការ​តែ​ក្នុងទីក្រុងចំនួន ៣ រហូតដល់ ១៩ ខេត្តក្រុងនៅទូទាំងប្រទេសកម្ពុជា។

លោក Wee Tang បានបន្ថែមថា Grab នាំ​មកទាំងបច្ចេកវិទ្យា និងបរិយាបន្នហិរញ្ញវត្ថុ។ មុនពេល​ចូលរួមក្នុង​ប្រព័ន្ធ​របស់យើង ដៃគូជាអ្នកបើកបរជាច្រើនមិនទាន់មានគណនីធនាគារទេ។

Grab ក៏​បានជួយ​ឱ្យដៃគូទាំងនេះ​មាន​គណនីធនាគារ ហើយ​ជា​មួយ​នឹងទិន្នន័យ​ដែល​យើងមាន យើង​អាចជួយ​ឱ្យពួកគាត់​ទទួល​បាន​សេវាហិរញ្ញវត្ថុ។ Grab ក៏ផ្តល់នូវការលើកទឹកចិត្តផ្សេងៗ សម្រាប់អ្នកបើកបរដែលមានលទ្ធផលខ្ពស់ផងដែរ៕

The post រដ្ឋមន្ត្រីឧស្សាហកម្ម ស្នើឱ្យក្រុមហ៊ុន Grab សិក្សាលទ្ធភាព ពង្រីកសេវាកម្មថ្មីនៅកម្ពុជា appeared first on Kampuchea Thmey Daily.

បន្ទាប់ពីទទួលបានការអនុញ្ញាតពីគណៈកម្មការប្រកួតប្រជែងកម្ពុជា ក្រុមហ៊ុនដឹកជញ្ជូន​អាហារតាមអនឡាញក្នុងស្រុក Nham24 និង ក្រុមហ៊ុនដឹកអ្នកដំណើររបស់សិង្ហបុរី Grab Cambodia​ នឹងធ្វើការរួមបញ្ចូលគ្នានាពេលខាងមុខនេះ កោយទទួលបានភាពជោគជ័យលើ ​កិច្ចព្រមព្រៀងនៃការរូមបញ្ចូលគ្នានូវប្រតិបត្តិការអាជីវកម្ម​នៅក្នុងប្រទេសកម្ពុជា​។

យោងតាមសេចក្តីប្រកាសព័ត៌មានរបស់ក្រុមហ៊ុនNham24 ដែលបានចាប់ផ្តើមអាជីវកម្មរបស់ខ្លួនក្នុងឆ្នាំ ២០១៦ មក កាលពីថ្ងៃទី៣០ខែធ្នូកន្លងមកនេះថា កិច្ចព្រមព្រៀងនេះបានរួមបញ្ចូលគ្នានូវជំនាញវិជ្ជាជីវៈ ដ៏សម្បូរបែបនៅក្នុងប្រទេសជាមួយនិង សមត្ថភាពបច្ចេកវិទ្យាឈានមុខគេរបស់ Grab ជាពិសេសបច្ចេកវិទ្យាបញ្ញាសប្បនិម្មិត (AI) ក្នុងគោលបំណងជំរុញ នវានុវត្តន៍​កាន់តែច្រើននៅក្នុងទីផ្សារកម្ពុជា ដែលនឹងផ្តល់អត្ថប្រយោជន៍ដល់អ្នកប្រើប្រាស់ក្នុងស្រុក និងជួយសម្រួល ប្រតិបត្តិការប្រចាំថ្ងៃរបស់សហគ្រិន។

លោក ចាន់ បូរីម៉ា នាយកប្រតិបត្តិ និងជាស្ថាបនិក Nham24 មានប្រសាសន៍ថាឲកិច្ចព្រមព្រៀងនេះគឺជាព្រឹត្តិការណ៍ដ៏សំខាន់ មួយសម្រាប់ក្រុមហ៊ុនដែលបង្កើតឡើងក្នុងស្រុកដូចជា Nham24 ដោយលោកបានរកឃើញដៃគូ ដែលមានការប្តេជ្ញាចិត្តដូចគ្នា ក្នុងការផ្តល់ដំណោះស្រាយដែលធ្វើអោយជីវិតរស់នៅក្នុងសហគមន៍នីមួយៗឱ្យកាន់តែ ប្រសើឡើង។

លោកបានថ្លែងបញ្ជាក់ថា៖«យើងតែងតែជឿថាភាពជោគជ័យរបស់យើង គឺកើតចេញពីការបម្រើតម្រូវការរបស់ប្រជាជនកម្ពុជា តាមរយៈនវានុវត្តន៍ និងសេវាកម្មដ៏ល្អ ហើយការរួមបញ្ចូលគ្នានេះនឹងផ្តល់ឱ្យយើងនូវសមត្ថភាពក្នុងការទាញយក ចំណុចខ្លាំងរបស់ Grab នៅក្នុងផ្នែកបច្ចេកវិទ្យា សមត្ថភាពស្រាវជ្រាវ និងអភិវឌ្ឍ (R&D) ដ៍ជ្រាលជ្រៅដើម្បីឈាន ទៅកាន់កម្រិតខ្ពស់ថ្មីមួយកម្រិតទៀត។ ​ការរូមដៃគ្នា ជាមួយ Grab យើងនឹងខំប្រឹងនាំមកជូននូវបទពិសោធន៍ល្អៗ និងកាន់តែប្រសើរជាងមុនសម្រាប់លោកអ្នក បន្ថែមទៀត»។

លោក កង សុវណ្ណារ៉ូត (Mike) នាយកគ្រប់គ្រង Grab ប្រចាំប្រទេសកម្ពុជា។

 លោក កង សុវណ្ណារ៉ូត ​ នាយកគ្រប់គ្រង Grab ប្រចាំប្រទេសកម្ពុ​ជាបានលើកឡើងផងដែរថា Grab ពិតជាមានសេចក្តីរំភើបក្នុងការបន្ដាក់ទុនវិនិយោគបន្ថែមក្នុងប្រទេសកម្ពុជា ហើយខ្លួនចង់ដើរតួនាទីសំខាន់ ក្នុងការគាំទ្រកំណើនសេដ្ឋកិច្ចឌីជីថល និងជីវភាពរស់នៅប្រកបដោយចីរភាពសម្រាប់ប្រជាជនកម្ពុជា។

លោកថា៖« ភាពជាដៃគូ នេះបង្កើតឡើងដោយឈរលើគុណតម្លៃរួម។ យើងមានការគោរពយ៉ាងជ្រាលជ្រៅចំពោះសមិទ្ធិផលដែល Nham24 សម្រេចបានហើយយើងប្តេជ្ញារថែរក្សា និងកសាងបន្ថែមលើស្តង់ដារគុណភាពខ្ពស់របស់ពួកគេ។ ចំណុច ខ្លាំងរបស់ Grab ដែលជាកម្មវិធី superapp មួយក្នុងតំបន់អាស៊ីអាគ្នេយ៍ គឺមានសមត្ថភាពក្នុងការវិនិយោគលើ បច្ចេកវិទ្យា និងនវានុវត្តន៍ គ្រប់កម្រិត។ ពួកយើងមានបំណងប្រើប្រាស់សមត្ថភាពទាំងនោះ ដើម្បីនាំមកនូវតម្លៃ សមរម្យ និងភាពងាយស្រួលកាន់តែច្រើនដល់អ្នកប្រើប្រាស់​​​ អ្នកបើកបរ និងកំណើនអាជីវកម្មកាន់តែច្រើន»។

ទោះជាយ៉ាងណាសម្រាប់ព័ត៌មានលម្អិតអំពីកាលបរិច្ឆេតនៃការច្របាច់បញ្ជូលជាផ្លូវការនេះ នៅឡើយទេ។

​បើយោងតាមក្រុមហ៊ុនNham24 ដៃគូអាជីវករគ្រប់កម្រិតទាំងអស់នឹងទទួលបានអត្ថប្រយោជន៍ពីការវិនិយោគរបស់ Grab ក្នុងមុខងារជាច្រើនរួមទាំង កម្មវិធី Merchant Portal សម្រាប់ដៃគូអាជីវករដើម្បីគ្រប់គ្រងការលក់ប្រចាំថ្ងៃ មុខងារផ្សាយពាណិជ្ជកម្ម និងដំណោះស្រាយផ្សេងៗទៀត ដែលដំណើរការដោយបញ្ញាសប្បនិម្មិត (AI) ដែលអាចជួយពួកគេឱ្យធ្វើ ប្រតិបត្តិការអាជីវកម្មកាន់តែមានប្រសិទ្ធភាព ផ្សព្វផ្សាយទៅដល់អតិថិជនថ្មីៗ និងពង្រីកអាជីវកម្មរបស់ពួកគេបន្ថែម ទៀតមិនថាតាមអនឡាញ ឬ នៅហាងផ្ទាល់៕

​

The post Grab និង Nham​24 នឹងច្របាច់បញ្ចូលគ្នាពង្រីកប្រតិបត្តិការអាជីវកម្មនៅកម្ពុជា appeared first on Kampuchea Thmey Daily.

ក្នុងសិក្ខាសាលារយៈពេលកន្លះថ្ងៃនេះ អ្នកបើកបរតុកតុកទទួលបានការយល់ដឹងអំពីគ្រោះថ្នាក់ចរាចរណ៍ផ្លូវគោកនៅកម្ពុជា គ្រោះថ្នាក់នៃការបើកបរក្រោមឥទ្ធិពលគ្រឿងស្រវឹង និងអាកប្បកិរិយាបើកបរប្រកបដោយសុវត្ថិភាព។ សិក្ខាសាលានេះបង្កើតឡើងក្នុងគោលបំណងលើកកម្ពស់ការយល់ដឹងរបស់អ្នកបើកបរតុកតុកអំពីសុវត្ថិភាពចរាចរណ៍ និងការអនុវត្តការប្រើប្រាស់ប្រកបដោយការទទួលខុសត្រូវ។

កញ្ញា អ៊ីវ ធួនលក្ខិណា ប្រធានការិយាល័យអប់រំ និងផ្សព្វផ្សាយ បានគាំទ្រកម្មវិធី និងបានចែករំលែកអំពីអាកប្បកិរិយាសុវត្ថិភាពចរាចរណ៍ដោយលោកបានអត្ថាធិប្បាយក្នុងសុន្ទរកថាបើកកម្មវិធីថា៖ «អនុលោមតាមបទប្បញ្ញត្តិផ្លូវគោក និងអាកប្បកិរិយាសុវត្ថិភាពក្នុងចំណោមអ្នកបើកបរគឺជាកត្តាសំខាន់សម្រាប់ការបង្កើនសុវត្ថិភាពចរាចរណ៍។ គ្រោះថ្នាក់​ចរាចរណ៍​អាច​ត្រូវ​បាន​បញ្ចៀស និង​ទប់ស្កាត់​ដោយ​ឥរិយាបថ​ត្រឹមត្រូវ​។ យើងសូមកោតសរសើរចំពោះការងាររបស់ក្រុមហ៊ុន ហ៊ិននីគែន ខេមបូឌា និងក្រុមហ៊ុន Grab ក្នុងការលើកកម្ពស់ការយល់ដឹងដល់អ្នកបើកបរតុកតុក។ យើងរួមគ្នាដើម្បីបង្កើនសុវត្ថិភាពតាមដងផ្លូវសម្រាប់ប្រជាពលរដ្ឋទាំងអស់គ្នា»។

Grab គឺជាកម្មវិធីកក់សេវាធ្វើដំណើរឈានមុខគេក្នុងប្រទេសកម្ពុជាដែលបាននាំយកនូវដៃគូអ្នកបើកតុកតុកចំនួន ២០០ នាក់ ដើម្បីចូលរួមសិក្ខាសាលាបណ្តុះបណ្តាលនេះ។

កិច្ចខិតខំប្រឹងប្រែងនេះបញ្ជាក់ពីការប្តេជ្ញាចិត្តរបស់ក្រុមហ៊ុន Grab ក្នុងការធ្វើឱ្យប្រសើរឡើងនូវសុវត្ថិភាពចរាចរណ៍ និងការផ្តល់សេវាកម្មដែលមានគុណភាពខ្ពស់ដល់អតិថិជនរបស់ខ្លួន។ លោក កង សុវណ្ណារ៉ូត អ្នកគ្រប់គ្រងប្រចាំប្រទេសរបស់ ក្រុមហ៊ុន Grab Cambodia​ អ្នកគ្រប់គ្រងប្រចាំប្រទេសរបស់ ក្រុមហ៊ុន Grab Cambodia បានមានប្រសាសន៍ថា៖ «យើងធានាថា អ្នកបើកបរតុកតុករបស់យើងមានអារម្មណ៍ថាគាត់ត្រូវបានទទួលការផ្តល់តម្លៃ និងលើកទឹកចិត្តក្នុងការបំពេញការងារ។ សិក្ខាសាលានេះមិនត្រឹមតែបង្កើនសមត្ថភាពវិជ្ជាជីវៈរបស់គាត់ប៉ុណ្ណោះទេ ប៉ុន្តែថែមទាំងរួមចំណែកដល់ការបង្កើនបទពិសោធន៍ប្រកបដោយសុវត្ថិភាព និងប្រសើរជាងមុនសម្រាប់អតិថិជនរបស់យើងផងដែរ»។

សិក្ខាសាលានេះក៏បានពង្រឹងសារ «បើពិសាគ្រឿងស្រវឹង សូមកុំបើកបរ» ស្របតាមការប្ដេជ្ញាចិត្តរបស់ ក្រុមហ៊ុន ហ៊ិននីគែន ខេមបូឌា ក្នុងការលើកកម្ពស់លើការប្រើប្រាស់ប្រកបដោយការទទួលខុសត្រូវ។

លោកស្រី Anne De Graaf នាយិកាផ្នែកកិច្ចការសាជីវកម្មរបស់ ក្រុមហ៊ុន ហ៊ិននីគែន ខេមបូឌា បានមានប្រសាសន៍ថា៖ «នៅ ក្រុមហ៊ុន ហ៊ិននីគែន ខេមបូឌា យើងប្តេជ្ញាចិត្តលើកកម្ពស់ការប្រើប្រាស់ប្រកបដោយការទទួលខុសត្រូវដែលជាស្នូលនៃមហិច្ឆតារបស់យើង។ វគ្គបណ្តុះបណ្តាលនេះត្រូវបានរៀបចំឡើងក្នុងគោលបំណងលើកកម្ពស់ការយល់ដឹងអំពីសារៈសំខាន់នៃការពិសាដោយការទទួលខុសត្រូវ និងបង្កើតទម្លាប់ក្នុងការទទួលទានក្នុងកម្រិតសមស្រប និងការទទួលខុសត្រូវ។ តាមរយៈការលើកកម្ពស់វប្បធម៌នៃទំនួលខុសត្រូវ យើងមានគោលបំណងធានាថាផលិតផលរបស់យើងត្រូវបានទទួលទានក្នុងបរិបទមួយដែលមិនប៉ះពាល់ដល់សុវត្ថិភាព ឬសុខភាព ដែលស្របទៅនឹងការប្តេជ្ញាចិត្តរបស់ពួកយើងចំពោះការ «ធ្វើឱ្យប្រទេសកម្ពុជាកាន់តែប្រសើរ»។

អំពីក្រុមហ៊ុន ហ៊ិននីគែន ខេមបូឌា

ក្រុមហ៊ុន ហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅកម្ពុជា ដែលបង្កើតឡើងក្នុងឆ្នាំ១៩៩៤។ ជំរុញដោយគោលបំណងបង្កើតភាពសប្បាយរីករាយរួមគ្នា ក្រុមហ៊ុនបង្កើតបទពិសោធដ៏អស្ចារ្យសម្រាប់អ្នកពិសារ និងអតិថិជន ដែលត្រូវការស្រាបៀរម៉ាកយីហោអន្តរជាតិគុណភាពខ្ពស់ ដូចជាស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown។ ជាមួយនឹងការគ្របដណ្តប់នៅទូទាំងប្រទេស និងដោយមានរោងចក្របច្ចេកវិទ្យាទំនើបស្ថិតនៅរាជធានីភ្នំពេញ ក្រុមហ៊ុនមានបុគ្គលិក ៧០០ នាក់ និងផ្ដល់ការងារដោយប្រយោលជូនប្រជាជនកម្ពុជាចំនួន ៦៦.០០០ នាក់នៅទូទាំងចង្វាក់ផលិតកម្មរបស់ខ្លួន។ ប្តេជ្ញាចំពោះការអភិវឌ្ឍប្រកបដោយនិរន្តរភាពរបស់កម្ពុជា ក្រុមហ៊ុន ហ៊ិននីគែន ខេមបូឌា មានបំណង «ធ្វើឱ្យប្រទេសកម្ពុជាកាន់តែប្រសើរ» ជាមួយនឹងការផ្តោតលើបរិស្ថាន និរន្តរភាពសង្គម និងការពិសាដោយការទទួលខុសត្រូវដែលស្ថិតនៅលើដំណើរឆ្ពោះទៅកាន់ពិភពលោកដែលមានអព្យាក្រិតកាបូន កាន់តែស្មើភាព និងកាន់តែមានសុខភាពល្អ។ ក្រុមហ៊ុន ហ៊ិននីគែន ខេមបូឌា គឺជាផ្នែកមួយនៃក្រុមហ៊ុន ហ៊ិននីគែន ដែលជាក្រុមហ៊ុនផលិតស្រាបៀរលំដាប់ថ្នាក់ពិភពលោក៕

The post ក្រុមហ៊ុន ហ៊ិននីគែន ខេមបូឌា និងក្រុមហ៊ុន Grab ផ្តល់វគ្គបណ្តុះបណ្តាលដល់អ្នកបើកបរតុកតុក ២០០ នាក់អំពីសុវត្ថិភាពលើដងផ្លូវ និងការប្រើប្រាស់ប្រកបដោយការទទួលខុសត្រូវ appeared first on Kampuchea Thmey Daily.

តាមរយៈកិច្ចសហការនេះ ABA និង Grab នឹងផ្តល់នូវវិធីសាស្រ្តទូទាត់ដ៏ពេញនិយម និងសុវត្ថិភាព ជូនអតិថិជន ដើម្បីបង្កើនភាពងាយស្រួលក្នុងការធ្វើប្រតិបត្តិការដោយមិនប្រើប្រាស់សាច់ប្រាក់។

កិច្ចសហការនេះដែរ ក៏បានណែនាំ មុខងារ Account-on-File (AoF) ដែលអនុញ្ញាតឲ្យអតិថិជន ភ្ជាប់គណនី ABA ចូលទៅក្នុងអេប Grab ដោយសុវត្ថិភាព សម្រាប់ការទូទាត់ដោយស្វ័យប្រវត្តិ។ នៅពេលដែលគណនី ABA ត្រូវបានភ្ជាប់រួចរាល់ អតិថិជនអាចទូទាត់ប្រាក់សម្រាប់ការធ្វើដំណើរ និងដឹកជញ្ជូនអាហារដោយរលូន ដោយមិនត្រូវអនុវត្តជំហានបន្ថែមឡើយ។ ការរួមបញ្ចូលនេះ បង្កើនភាពងាយស្រួល និងសុវត្ថិភាពទៅលើប្រតិបត្តិការដោយមិនប្រើប្រាស់សាច់ប្រាក់ ដែលផ្តល់អត្ថប្រយោជន៍ដល់អតិថិជនរាប់លាននាក់ទូទាំងប្រទេសកម្ពុជា។

បន្ថែមពីនេះទៀត ផ្លែតហ្វមទូទាត់ ABA PayWay Plus គាំទ្រដោយដំណោះស្រាយ CyberSource របស់ Visa ត្រូវបានជ្រើសរើសជាច្រកទូទាត់ក្នុងស្រុកថ្មីរបស់ Grab សម្រាប់ដំណើរការរាល់ការទូទាត់តាមកាត នៅក្នុងប្រទេស។ ការផ្លាស់ប្តូរទៅប្រើប្រាស់ច្រកទូទាត់ក្នុងស្រុក បានបង្កើនការគ្រប់គ្រងប្រតិបត្តិការ និងទំនុកចិត្តរបស់ Grab ឲ្យកាន់តែប្រសើរឡើង ខណៈពេលដែលគាំទ្រវិធីសាស្រ្តទូទាត់ផ្សេងៗ ដូចជា Visa Mastercard និងកាត UPI ជាដើម។

លោក កាំង សុវណ្ណារ័ត្ន នាយកប្រចាំប្រទេសនៃក្រុមហ៊ុន Grab មានប្រសាសន៍ថា៖ “Grab តែងតែមានបេសកម្មក្នុងការជម្រុញ អាស៊ីអាគ្នេយ៍ទៅមុខជានិច្ច។ តាមរយៈការសហការជាមួយ ធនាគារ ABA យើងខ្ញុំកំពុងតែបោះជំហានដ៏សំខាន់ ឆ្ពោះទៅរកបទពិសោធន៍ការទូទាត់បែបឌីជីថលដ៏រលូន និងសុវត្ថិភាព ជូនដល់អតិថិជនគ្រប់រូប។ ភាពជាដៃគូនេះ ជាសក្ខីភាពលើការប្រឹងប្រែងរបស់យើងខ្ញុំ ដើម្បីផ្តល់នូវតម្លៃបន្ថែមដល់អតិថិជន។”

ធនាគារ ABA ដែលស្គាល់ជាធនគារនាំមុខក្នុងវិស័យធនាគារឌីជីថល បានបន្តនវានុវត្តដើម្បីបំពេញតម្រូវការអតិថិជនរបស់ខ្លួន។ លោក Zokhir Rasulov នាយកសេវាធនាគារឌីជីថល មានប្រសាសន៍ថា៖ “យើងខ្ញុំ មានសេចក្តីរីករាយដែលបានសហការជាមួយ Grab ដើម្បីនាំយកដំណោះស្រាយការទូទាត់បែបឌីជីថលដ៏រលូន សុវត្ថិភាព និងងាយស្រួលដល់ប្រជាពលរដ្ឋខ្មែរ។ ភាពជាដៃគូនេះ គូសបញ្ជាក់ពីការខិតខំប្រឹងប្រែងរបស់យើងខ្ញុំ ក្នុងការពង្រឹងការទូទាត់ដោយមិនប្រើប្រាស់សាច់ប្រាក់ បង្កើនភាពងាយស្រួលដល់អតិថិជន និងលើកកម្ពស់សេដ្ឋកិច្ចឌីជីថលក្នុងប្រទេស។”

លោកក៏បានបន្ថែមថា៖ “តាមការដាក់ដំណើរការមុខងារ Account-on-File របស់ ABA PayWay ទៅក្នុងអេប Grab យើងខ្ញុំកំពុងតែបង្កើនប្រតិបត្តិការប្រចាំថ្ងៃ ឲ្យកាន់តែរហ័ស និងងាយស្រួលដល់អ្នកប្រើប្រាស់រាប់លាននាក់។ យើងខ្ញុំនឹងបន្តបង្កើតនវានុវត្តជាមួយ Grab ក្នុងថ្ងៃអនាគត ដើម្បីបំពេញតម្រូវការរបស់អតិថិជន និងគាំទ្រដល់ដំណើរការផ្លាស់ប្តូរផ្នែកឌីជីថលរបស់ប្រទេសកម្ពុជា។”

ABA PayWay អនុញ្ញាតឲ្យអាជីវកម្មក្នុងប្រទេសកម្ពុជា ទទួលការទូទាត់តាមអនឡាញ ឬ នៅក្នុងហាងផ្ទាល់ ពីអេបធនាគារផ្សេងៗ និងកាតក្នុងស្រុក ឬកាតអន្តរជាតិ។ អតិថិជនអាចទូទាត់យ៉ាងងាយស្រួល ជាប្រាក់រៀល និងប្រាក់ដុល្លារ តាមរយៈ ABAPAY, KHQR, Visa, Mastercard, UPI, JCB, Alipay និង WeChat។ ជាមួយ ABA PayWay ក្រុមហ៊ុនអាចតាមដានប្រតិបត្តិការតាមពេលវេលាជាក់ស្តែង និងទទួលអត្ថប្រយោជន៍ពីការរួមបញ្ចូលដែលអនុលោមតាមស្តង់ដា PCI DSS យ៉ាងសុវត្ថិភាព។ សម្រាប់ព័ត៌មានបន្ថែម សូមទៅកាន់គេហទំព័រ www.payway.com.kh.

អំពី Grab៖

Grab ជា ស៊ូភើអេប ឈានមុខគេនៅអាស៊ីអាគ្នេយ៍ ដំណើរការសេវាកម្មដឹកជញ្ជូន សេវាកម្មដឹកអ្នកដំណើរ សេវាកម្មក្នុងវិស័យហិរញ្ញវត្ថុឌីជីថល។ បម្រើតម្រូវការក្នុងប្រមាណ 700 ទីក្រុងក្នុង 8 ប្រទេសក្នុងតំបន់អាស៊ីអាគ្នេយ៍– កម្ពុជា ឥណ្ឌូនេស៊ី ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងរៀតណាម–Grab អនុញ្ញាតឲ្យអតិថិជនរាប់លាននាក់ ដាក់ទិញដូរគ្រឿងទេស និងអាហារ ផ្ញើរកញ្ចប់ ហៅតាក់ស៊ី ទូទាត់ការទិញអនឡាញ ឬប្រើប្រាស់សេវាកម្ចី និងធានារាប់រង នៅក្នុងអេបតែមួយ។ សម្រាប់ព័ត៌មានបន្ថែមទៅលើគម្រោងពង្រីករបស់ Grab និងកិច្ចខិតខំប្រឹងប្រែងបន្តបន្ទាប់នៅក្នុងប្រទេសកម្ពុជា សូមទៅកាន់គេហទំព័រ www.grab.com/kh​​  ឬ www.facebook.com/GrabKH 

អំពី ABA៖

ABA គឺជាធនាគារពាណិជ្ជធំជាងគេនៅកម្ពុជា គិតលើទ្រព្យសកម្មសរុប ប្រាក់បញ្ញើ និងប្រាក់កម្ចី យោងតាមរបាយការណ៍ត្រួតពិនិត្យរបស់ធនាគារជាតិនៃកម្ពុជាឆ្នាំ 2021-2023។ ធនាគារ ABA មាន 99 សាខា, ទីតាំងស្វ័យសេវា ABA 24/7 ចំនួន 46កន្លែង, ម៉ាស៊ីនស្វ័យសេវាជាង 1,700 នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប បានធ្វើឲ្យធនាគារ ABA មានអតិថិជនជាង 4 លាននាក់ ដែលកំពុងប្រើប្រាស់សេវាហិរញ្ញវត្ថុដ៏ទំនើបសម្បូរបែបនេះ។ ធនាគារ ABA គឺជា បុត្រ សម្ពន្ធរបស់ធនាគារជាតិ កាណាដា ដែលជាគ្រឹះស្ថានហិរញ្ញវត្ថុមួយ មានទ្រព្យសកម្ម ជាង 321 ប៊ីលាន ដុល្លារ អាមេរិក គិតត្រឹម ថ្ងៃទី 30 ខែមេសា ឆ្នាំ 2024 និងមានបណ្តាញធនាគារឆ្លើយឆ្លងដ៏ធំនៅទូទាំង ពិភពលោក ។

The post ធនាគារ ABA និង ក្រុមហ៊ុន Grab កម្ពុជា ប្រកាសភាពជាដៃគូយុទ្ធសាស្រ្ត ក្នុងការពង្រឹងមធ្យោបាយទូទាត់ប្រាក់ appeared first on Kampuchea Thmey Daily.

ការ​ប្រកាស​ដក​ខ្លួន​នេះ​ ធ្វើ​ឡើង ៦ ឆ្នាំ​ ក្រោយ​ក្រុម​ហ៊ុន Gojek ដែល​ជា​ក្រុមហ៊ុនបុត្រសម្ព័ន្ធ​របស់​​ GoTo ​បាន​ចាប់​ផ្ដើម​​ប្រតិបត្តិការ​​នៅ​​វៀតណាម​ក្នុង​​ឆ្នាំ​ ២០១៨ ដោយ​​សហការ​គ្នា​ជាមួយ​ដៃគូ​ក្នុង​ស្រុក​ ​Go-Viet ។ ​​វា​ជា​​​ការបណ្តាក់ទុននៅ​បរទេស​លើកដំបូងរបស់ GoTo ​ដែល​គេ​រាប់​ថា​ជាការផ្លាស់ប្តូរដ៏កម្រមួយរបស់​ក្រុមហ៊ុនបច្ចេកវិទ្យាឥណ្ឌូណេស៊ីដដែល ដោយសូម្បី​តែ​ប្រធានាធិបតី​ឥណ្ឌូណេស៊ី​ លោក​ ចូកូ​ វីដូដូ​ ក៏​ចូលរួម​ពិធី​បើក​ដំណើរការ​កាល​នោះ​ផង​ដែរ​។

នៅ​វៀតណាម Gojek បានចាប់ផ្តើមដោយ​ដាក់​សេវាកម្មម៉ូតូឌុប​ ក្រោយមកបានពង្រីកទៅការដឹកជញ្ជូនរហ័ស​តាមរថយន្ត និងសេវាកម្មដឹក​ជញ្ជូន​ផ្សេងទៀត ដោយសង្ឃឹមថានឹង​ពង្រឹង​វត្តមាន​របស់​ខ្លួន​ឱ្យ​បាន​រឹង​មាំ​ដូច​នៅ​ឥណ្ឌូណេស៊ី​ដែរ​។ ​យ៉ាង​ណា​មិញ​ ក្រុមហ៊ុន​នៅ​បាន​ជាប់​នៅ​ក្នុង​​ការ​ប្រកួត​ប្រជែង​យ៉ាង​ខ្លាំងក្លា​​ជាមួយ​គូ​ប្រជែងក្នុង​ប្រទេស​ វៀតណាម​។ ក្រុម​ហ៊ុន​ដឹក​ជញ្ជូន​ Grab របស់សិង្ហបុរី ដែលមានវត្តមាន​នៅ​វៀតណាម​រួចទៅហើយនោះ​ ​បាន​ពង្រីកសេវាកម្មដឹកភ្ញៀវ​ និង​ដឹក​ជញ្ជូនផ្សេង​ៗ​របស់ខ្លួនយ៉ាងសកម្ម ខណៈ​ក្រុមហ៊ុន​ក្នុងស្រុកដូចជា Be Group ក៏សកម្មលើ​ទីផ្សារ​ផងដែរ។

​លើ​ការ​ដឹក​ជញ្ជូន​អាហារ​ Gojek បានគ្រប់គ្រងចំណែកទីផ្សារវៀតណាម​ត្រឹមតែ ៣ ភាគរយ ប៉ុណ្ណោះ ខណៈ Grab កាន់​កាប់ទីផ្សារ​ ៤៧ ភាគរយ ហើយ​ ​ShopeeFood ដែល​ជា​ក្រុមហ៊ុន​មាន​ប្រភព​ពី​សិង្ហបុរី​មួយ​ទៀត​ កាន់​កាប់​ទីផ្សារ​ ៤៥ ភាគរយ​។ ​

ក្រៅ​ពី​បញ្ហា​នេះ​ ក្រុមហ៊ុន​​មេ GoTo ​ក៏​បានបន្តរាយការណ៍ពីការខាតបង់សរុប ដោយ​ឈាន​ដល់​ ៥,៨ ប៊ីលាន​ដុល្លារ​។ ទោះ​បី​ការ​ខាត​បង់​ថយ​ចុះ​ច្រើន​ក្ដី​ អ្នក​វិនិយោគនៅតែ​ប្រុងប្រយ័ត្ន ដោយសារបរិយាកាសអត្រាការប្រាក់ខ្ពស់​ក្រោយ​វិបត្តិ​ជំងឺរាត​ត្បាត​កូវីដ១៩ ។ ​ភាគហ៊ុនរបស់​​ក្រុមហ៊ុនដដែល​ បានធ្លាក់ចុះជាង ៨០ ភាគរយ​ ចាប់តាំងពីក្រុមហ៊ុននេះបានបង្ហាញខ្លួនលើ​ទីផ្សារ​ភាគហ៊ុនឥណ្ឌូណេស៊ី​ជាលើកដំបូងនៅឆ្នាំ ២០២២។ ​

តាម​ការ​ប្រកាស​របស់​ក្រុមហ៊ុនកាល​ពី​ថ្ងៃ​ពុធ​ ​ការ​ដក​ខ្លួន​ពី​វៀតណាមនឹងអនុញ្ញាតឱ្យ GoTo «ផ្តោតលើប្រតិបត្តិការដែលអាចផ្តល់នូវឥទ្ធិពល​ទីផ្សារដ៏សំខាន់ក្នុងលក្ខណៈប្រកបដោយនិរន្តរភាព ស្របតាមការប្តេជ្ញាចិត្តរបស់ GoTo ចំពោះកំណើនអាជីវកម្មប្រកបដោយនិរន្តរភាពរយៈពេលវែង»​។

គួរ​រំឭក​ថា​ Gojek ក៏​បានដកខ្លួនចេញពីប្រទេសថៃផង​ដែរ​ក្នុងឆ្នាំ ២០២១។ ​ក្រោយ​​ចេញ​ពី​វៀតណាម ក្រុម​ហ៊ុន​នេះ​មាន​អាជីវកម្ម​នៅ​បរទេស​នៅ​សិង្ហបុរី​តែមួយ​គត់​ ​ដោយ​រង​ការប្រកួតប្រជែងដ៏ខ្លាំង​ក្លា​ពី​ក្រុមហ៊ុន​ម្ចាស់ស្រុក​ Grab ផងដែរ៕

The post ក្រុមហ៊ុនដឹកជញ្ជូនឥណ្ឌូណេស៊ី GoTo ដក​ខ្លួនចេញ​ពី​វៀតណាម​ ដោយ​​ប្រកួត​មិន​ឈ្នះ​គេ​ Grap និង​ Shopee appeared first on Kampuchea Thmey Daily.

​ចាប់ពី​ថ្ងៃទី​ ១០ ខែមករា ឆ្នាំ​ ២០២២ នេះ​ទៅ អ្នកប្រើប្រាស់​កម្មវិធី Grab ទាំងអស់​នឹង ត្រូវបាន​ស្នើ​ឲ្យ​ផ្ទៀងផ្ទាត់ អត្តសញ្ញាណ​តាមរយៈ​ការថតរូប​សែ​ល​ហ្វី ‘Selfie’ ដោយ​ប្រើប្រាស់​កម្មវិធី Grab នៅលើ​ទូរស័ព្ទដៃ ឬ​ការបញ្ចូល​លេខ​គណនី​ប័ណ្ណឥណទាន ឬ ឥណ​ពន្ធ​របស់​ពួកគេ (Credit ឬ Debit Card) ជាការ​ស្រេច​។ គួរបញ្ជាក់​ផង​ដែលថា សម្រាប់​អ្នកប្រើប្រាស់​Grab ដែល​បាន​ភ្ជាប់​ប័ណ្ណឥណទាន ឬ ប័ណ្ណ​ឥណ​ពន្ធ​ធនាគារ ជា​វិធី​បង់ប្រាក់ នៅពេល​កក់​ដំណើរ​ឬ​ការដឹក​ជញ្ជូន នឹងមិន​តម្រូវឱ្យធ្វើ​ការផ្ទៀងផ្ទាត់​ម្តងទៀត​នោះទេ​។ ដោយឡែក គោលបំណង​នៃ​ការដាក់​ដំណើរការ​នូវ​មុខងារ​ផ្ទៀងផ្ទាត់​អត្តសញ្ញាណ​នេះ គឺ​ដើម្បី​ជួយ​រក្សា​សុវត្ថិភាព ជូន​អ្នកដំណើរ និង​ដៃគូ​បើកបរ Grab នៅពេល​មាន​ប្រតិបត្តិ​ការ​ជាមួយ​Grab​។​

​ការតម្រូវ​ឲ្យ​ផ្ទៀងផ្ទាត់​ថ្មី​នេះ នឹងត្រូវ​បាន​ណែនាំ​ជា​ជំហានៗ​ទៅកាន់​អ្នកប្រើប្រាស់​ទាំងអស់ ចាប់ពី​ថ្ងៃទី​ ១០ ខែមករា រហូតដល់​ថ្ងៃទី​ ៣១ ខែមករា ឆ្នាំ​ ២០២២​។ សម្រាប់​អ្នកប្រើប្រាស់​កម្មវិធី Grab ដែលមាន​គណនី​ស្រាប់ នឹងត្រូវ​បានស្នើ​សុំឱ្យ​ផ្ទៀងផ្ទាត់​អត្តសញ្ញាណ នៅពេលដែល​ពួកគេ​ធ្វើការ កក់​ការ​ជិះ​លើកដំបូង បន្ទាប់ពី​ថ្ងៃទី​ ១០ ខែមករា​។ សម្រាប់​អ្នក​មិនទាន់មាន​គណនី​ត្រូវ​តម្រូវឲ្យ ផ្ទៀងផ្ទាត់​អត្តសញ្ញាណ នៅពេល​ពេលដែល​បង្កើត​គណនី Grab តែម្តង​។ បញ្ជាក់​ការផ្ទៀងផ្ទាត់​នេះ​ធ្វើឡើង​តែម្ដង​ប៉ុណ្ណោះ សម្រាប់​អ្នក​ដែលមាន​គណនី​មួយ ហើយការពង្រឹង​មុខងារ​សុវត្ថិភាព​ថ្មី​នេះ ​ក៏​នឹងត្រូវ​អនុវត្ត​ចំពោះ​ដៃគូ​បើកបរ Grab ផងដែរ​។​

​លោក Corentin Rouxel នាយក​គ្រប់គ្រង​ប្រចាំ​កម្ពុជា បាន​ឲ្យ​ដឹងថា “​សុវត្ថិភាព និង​សន្តិសុខ គឺ​តែងតែ​ជា​អាទិភាព​របស់​ក្រុមហ៊ុន Grab​។ តាមរយៈ​ការធ្វើ​បច្ចុប្បន្នភាព​និង​ពង្រឹង​ពិធីការ​សុវត្ថិភាព នេះ យើង​សង្ឃឹមថានឹង​អាច​ធានា​ដល់​អ្នកប្រើប្រាស់​រប​ស់​យើង ក៏ដូចជា​ដៃគូ​បើកបរ និង​ដៃគូ​ដឹកជញ្ជូន ថា​សុវត្ថិភាព និង​សន្តិសុខ​របស់​ពួកគេ គឺជា​កង្វល់​ដ៏​ចម្បង​របស់​យើង​។ ក្នុង​យុគសម័យ​បច្ចេកវិទ្យា «​សម្គាល់​មុខ​» កំពុង​ក្លាយជា​បទដ្ឋាន​ធម្មតា ក្រុមហ៊ុន Grab ក៏​នៅតែ​កំពុង​អនុវត្ត​ស្តង់ដារ​សន្តិសុខ និង​សុវត្ថិភាព​សំខាន់ៗ​ផ្សេងទៀត​សម្រាប់​កម្មវិធី​របស់​យើង​ផងដែរ​”​។​

​កន្លងមក Grab ក៏បាន​ដាក់ចេញ​នូវ​មុខងារ​សុវត្ថិភាព​ជាច្រើនដែល​វា គឺជា​ផ្នែក​មួយ​នៃ​ការបន្ត​ប្តេជ្ញាចិត្ត របស់​ក្រុមហ៊ុន​ចំពោះ​សុវត្ថិភាព​អ្នកប្រើប្រាស់ ក៏ដូចជា​សុវត្ថិភាព ដៃគូ​បើកបរ និង​ដៃគូ​ដឹកជញ្ជូន​ផងដែរ​។ មុខងារ​សុវត្ថិភាព​ទាំងនោះ​មានដូចជា «​មុខងារ​ចែករំលែក ការ​ជិះ​របស់ខ្ញុំ​» ដែល​អនុញ្ញាតឱ្យ​អ្នកប្រើប្រាស់​ចែករំលែក​ព័ត៌មាន​លម្អិត​នៃ​ការធ្វើដំណើរ​របស់ ពួកគេ​ជាមួយ​មនុស្ស​ជាទី​ស្រលាញ់ ការផ្តល់​ធានារ៉ាប់រង​គ្រោះថ្នាក់​ផ្ទាល់ខ្លួន ប៊ូ​តុង​ជំនួយ​ផ្នែក សង្គ្រោះបន្ទាន់ និង​មុខងារ​ត្រួតពិនិត្យ​ការធ្វើដំណើរ ដើម្បី​បង្កើន​សុវត្ថិភាព​ទាំង​ដៃគូ​បើកបរ និង​អ្នកប្រើប្រាស់ ហើយ​និង​ការពារ​ពួកគេ​ពី​ឧប្បត្តិហេតុ​ណាមួយ​។​

​គួរបញ្ជាក់​ឡើងវិញ​ផងដែរ​ថា Grab បាន​ឈាន​ជើង​ចូលក្នុង​ប្រទេស​កម្ពុជា​នៅ​ចុងឆ្នាំ ២០១៧ មក ក្រុមហ៊ុន​បានចាប់ផ្តើម​គម្រោង​ជាច្រើន​ជាមួយ​រាជរដ្ឋាភិបាល​កម្ពុជា ដើម្បី​ផ្តល់ជូន​សេវា​ដឹក អ្នកដំណើរ និង​ដឹកជញ្ជូន​តាម​តម្រូវការ​ប្រកបដោយ​សុវត្ថិភាព ប្រសិទ្ធភាព និង​គួរឱ្យ​ទុកចិត្ត​ខ្ពស់ សម្រាប់​សាធារណជន ខណៈពេល​បង្កើត​ឱកាស​រកប្រាក់​ចំណូល​កាន់តែ​ប្រសើរ​សម្រាប់​ដៃគូ​បើកបរ និង​ដៃគូ​ដឹកជញ្ជូន​របស់​ក្រុមហ៊ុន Grab​។ ការផ្លាស់ប្តូរ​ថ្មី​នេះ គឺជា​កិច្ចខិតខំ​ប្រឹងប្រែង​ចុងក្រោយបង្អស់​របស់​ក្រុមហ៊ុន Grab ក្នុង​ការធ្វើ​ទំនើបកម្ម និង​លើកកម្ពស់​សេវាកម្ម​របស់​ក្រុមហ៊ុន​សម្រាប់​សាធារណជន និង​ដៃគូ​នានា​៕​

The post ក្រុមហ៊ុន Grab ធ្វើទំនើបកម្មលើមុខងារសុវត្ថិភាព ដើម្បីជាអត្ថប្រយោជន៍ដល់អ្នកប្រើប្រាស់កម្មវិធីហ្គ្រេប និងដៃគូបើកបរ appeared first on Kampuchea Thmey Daily.

​ក្រុមហ៊ុន Grab ដែលជា​កម្មវិធី​ដំឡើង​លើ​ទូរស័ព្ទ​ឈានមុខ​គេ​ នៅ​តំបន់​អាស៊ីអាគ្នេយ៍ បាន​កំពុងផ្តល់​កម្មវិធី​ដល់​ដៃគូ​បើកបរ​កម្ពុជា ដែលមាន​ពិការភាព​នូវ​កម្រៃជើងសា​ 0% លើ​ថ្លៃ​ដឹក​អ្នកដំណើរ ដែលជា​ផ្នែក​មួយ​នៃ​កិច្ចខិតខំ​ប្រឹងប្រែង ដើម្បី​ជួយ​ដល់​ដៃគូ​បើកបរ​ដែលមាន​ពិការភាព​។ ក្រុមហ៊ុន Grab កម្ពុជា ក៏​កំពុង​កែលម្អ​សម្ភារៈ​ទំនាក់ទំនង ដើម្បី​ធ្វើឱ្យ​ការគ្រប់គ្រង​តម្លៃ​កាន់តែ​ងាយស្រួល សម្រាប់​ដៃគូ​បើកបរ​របស់​ក្រុមហ៊ុន Grab កម្ពុជា​។ បច្ចុប្បន្ននេះ ក្រុមហ៊ុន Grab កម្ពុជា មាន​ដៃគូ​បើកបរ​ចំនួន ​១៧ នាក់ ដែលមាន​ពិការភាព (​ពិការ​ដៃ ជើង នឹង​គ​ថ្លង់​) ហើយ​ក្រុមហ៊ុន​បានបង្ហាញ​ពី​ការប្តេជ្ញាចិត្ត ​ក្នុងការ​ធ្វើឱ្យ​កម្មវិធី​របស់ខ្លួន​កាន់តែ​ងាយស្រួល ដើម្បី​ធ្វើ​ប្រតិបត្តិការ​ដោយ​អនុញ្ញាត​ឱ្យ​ដៃគូ​របស់​ពួកគេ​អាច​ផ្ញើ​សារ​ដោយ​ស្វ័យប្រវត្តិ​នូវ ទីតាំង​ផ្ទាល់​របស់​ពួកគេ ទៅកាន់​ក្រុមគ្រួសារ មិត្តភក្តិ និង​សូម្បីតែ​ប៉ូលិស​ក៏​អាចទទួលបាន​ នៅក្នុងករណី​មាន​ភាព​អាសន្ន​។​

​លោក ស៊ឹម វ៉ាន​នី ដៃគូ​បើកបរ ដែលជា​មនុស្ស​ថ្លង់​បាន​ឲ្យ​ដឹងថា “​ការ​ក្លាយជា​ដៃគូ​បើកបរ​ជាមួយ ក្រុមហ៊ុន Grab គឺជា​ការសម្រេចចិត្ត​ដ៏​អស្ចារ្យ​។ ខ្ញុំ​មាន​អារម្មណ៍​ថា​មាន​សុវត្ថិភាព និងរីករាយ​ក្នុងការ​បើកបរ​ជូន​អតិថិជន​របស់ខ្ញុំ​។ មិត្ត​រួម​ការងារ​របស់ខ្ញុំ​មាន​ភាព​រួសរាយ​រាក់ទាក់ និង​ជួយ​ខ្ញុំ ដោះស្រាយ​បញ្ហា​ទាំងឡាយណា​ដែល​ខ្ញុំ​មាន​។ សូម​អរគុណ​ក្រុមហ៊ុន Grab សម្រាប់​ការមិន​រើសអើង ជនពិការ និង​ផ្តល់ឱកាស​ឱ្យ​យើង​រកប្រាក់​ចំណូល និង​ផ្គត់ផ្គង់​ដល់​គ្រួសារ​របស់​យើង​”​។​

​លោក Corentin Rouxel នាយក​គ្រប់គ្រង​ប្រចាំ​ប្រទេស​មី​យ៉ាន់​ម៉ា និង​កម្ពុជា​) បាន​ឲ្យ​ដឹងថា “​ក្នុងឱកាស​ប្រារព្ធ​ទិវា​ជន​មាន​ពិការភាព​អន្តរជាតិ ខ្ញុំ​សូម​ថ្លែងអំណរគុណ​ដល់ដៃ​គូ​បើកបរ​ ដែលមាន​ពិការភាព​ទាំងអស់​របស់​យើង ដែល​បាន​ខិតខំ​ប្រឹងប្រែង និង​បាន​ក្លាយជា​សមាជិក​ដ៏សំខាន់​នៃ​សហគមន៍​របស់​យើង​។ ក្រុមហ៊ុន Grab កម្ពុជា បាននិងកំពុង​ប្រឹងប្រែង​អស់ពី​សមត្ថភាព ដើម្បី​ក្លាយជា​ដៃគូ​ក្នុង​ការពង្រីក​ឱកាស និង​រាក់ទាក់​សម្រាប់​ជន​ដែលមាន​ពិការភាព ហើយ​យើង​ខិតខំ ផ្តល់ឱកាស​ស្មើគ្នា​សម្រាប់​ដៃគូ​បើកបរ​ក្រុមហ៊ុន Grab ទាំងអស់​”​។​

​គួរ​រំ​លឹក​ឡើងវិញ​ដែលថា នៅ​ឆ្នាំ​២០១៩ ក្រុមហ៊ុន Grab កម្ពុជា បាន​បើក​ដំណើរការ​កម្មវិធី “Break The Silence” ដែលជា​គំនិត​ផ្តួចផ្តើម ដើម្បី​ធ្វើឱ្យ​កម្ម​វិធី Grab កាន់តែ​ងាយស្រួល​ប្រើប្រាស់ និង​ពង្រីក​ឱកាស ដោយ​បើកឱកាស​រកប្រាក់​ចំណូល​កាន់តែច្រើន​សម្រាប់​អ្នក​គ​ថ្លង់ និង​ជន​មាន​ពិការភាព​ការ​ស្តាប់​។ ក្រុមហ៊ុន​បានធ្វើការ​ជាមួយ​អង្គការ​អភិវឌ្ឍន៍​មនុស្ស​ថ្លង់ (DDP) ដើម្បី​ស្វែងយល់ អនុវត្ត និង​តស៊ូ​មតិ​សម្រាប់​ការពង្រីក​ឱកាស ដើម្បី​គាំទ្រ​មនុស្ស​ថ្លង់ និង​ជន​មាន​ពិការភាព​ការ​ស្តាប់​ឱ្យ​កាន់តែ​ប្រសើរឡើង​។​

​ជាងនេះទៅទៀត ក្នុង​ភាពជា​ដៃគូ​ជាមួយ អង្គការ​ប្រឆាំង​ការជួញដូរ​មនុស្ស​ដូចជា អង្គការ Liberty Shared Cambodia និង អង្គការ​បណ្តាញទូរស័ព្ទ​ជំនួយ​កុមារ​នៅ​កម្ពុជា (Child Helpline Cambodia) Grab បាន​បើក​វគ្គ​បណ្តុះបណ្តាល តាម​ប្រព័ន្ធ​អន​ឡាញ​តាមរយៈ​កម្មវិធី​ដំ​ឡើងលើ​ទូរស័ព្ទ​របស់​អ្នកបើកបរ និង​នៅក្នុង​ថ្នាក់រៀន​ដល់ដៃ​គូ​បើកបរ ដើម្បី​លើកកម្ពស់​ការយល់ដឹង​អំពី​គ្រោះមហន្តរាយ​នៃ​ការជួញដូរ​មនុស្ស និង​ទាសភាព​។

​សូម​បញ្ជាក់​ថា ​ទិវា​ជន​មាន​ពិការភាព​អន្តរជាតិ ក្នុងឆ្នាំនេះ ក្រោម​ប្រធានបទ “​តស៊ូ​ដើម្បី​សិទ្ធិ​ក្នុងសម័យ​ក្រោយ​កូ​វីដ​”​។ សម្រាប់​ព័ត៌មាន​បន្ថែម ​អំពី​ផែនការ​ពង្រីក​កម្មវិធី​នានា​របស់​ក្រុមហ៊ុន Grab និង​ការប្តេជ្ញាចិត្ត​បន្ត​របស់​ក្រុមហ៊ុន​ចំពោះ​ប្រទេស​កម្ពុជា សូម​ចូលទៅ​កាន់​គេហទំព័រ​៖ www.grab.com/kh ឬ www.facebook.com/GrabKH ។ https://www.youtube.com/watch?v=7abFd93sL14៕ ​

The post Grab អបអរទិវាជនមានពិការភាពអន្តរជាតិ តាមរយៈការផ្តល់ជូនដៃគូបើកបរ Grab កម្ពុជា ដែលពិការភាព នូវកញ្ចប់អត្ថប្រយោជន៍ appeared first on Kampuchea Thmey Daily.