Jacky Cheung Archives - Kampuchea Thmey Daily

ស្ដេចចម្រៀងហុងកុង Jacky ថា វ័យគាត់កាន់តែខ្សោយ សុខភាពក៏ទ្រុឌទ្រោមដែរ

សាង ស្រីល័ក្ខ — Mon, 31 Mar 2025 01:37:28 +0000

យោងតាម CNA តារាចម្រៀង Jacky Cheung បានសម្តែងជាលើកដំបូងនៅក្នុងកម្មវិធីបន្តផ្ទាល់នៅទីក្រុង Kaohsiung ប្រទេសតៃវ៉ាន់កាលពីល្ងាចថ្ងៃទី ២៨ ខែមីនា។ គាត់បានច្រៀងចំនួន ១២ បទជាប់ៗគ្នា បន្ទាប់មកបានជជែកជាមួយទស្សនិកជនដោយនិយាយអំពីកាយសម្បទា។ តារាចម្រៀងទទួលស្គាល់ថា ពេលសម្តែងបទដែលត្រូវហួច គឺមិនបានហួចល្អទេ សំឡេងក៏តូចដែរ បើទោះជាធ្លាប់ហាត់ច្រើនពីមុនមកក៏ដោយ។

Jacky Cheung បាននិយាយថា «លើកចុងក្រោយដែលខ្ញុំមកទីនេះគឺកាលពី ៦ ឆ្នាំមុន។ មានរឿងជាច្រើនបានកើតឡើងក្នុងអំឡុងពេលនោះ ហើយរឿងធំបំផុតគឺសុខភាពរបស់ខ្ញុំកាន់តែអាក្រក់ទៅៗ»។

តារាចម្រៀងវ័យរូបនេះបាននិយាយបន្ថែមទៀតថា នៅពេលមនុស្សមានអាយុលើស៦០ឆ្នាំ ការជ្រើសរើសរបស់ពួកគេខុសគ្នា។ អ្នកខ្លះចូលចិត្តស្ទូចត្រី អ្នកខ្លះចូលចិត្តលេងល្បែង ប៉ុន្តែគាត់ជ្រើសរើសច្រៀងទោះជាសុខភាពខ្សោយជាងមុន ប៉ុន្តែនៅតែមានចំណង់ចំណូលចិត្តនៅលើឆាក ហើយជឿជាក់ថា គាត់អាចបន្តអាជីពសម្តែងបាន។ ជាពិសេសគាត់បានណាត់ជួបជាមួយអ្នកគាំទ្រថា បើអាច ជួបគ្នានៅកម្មវិធីផ្សាយផ្ទាល់ពេលលោកមានអាយុ៧០ឆ្នាំឡើង។

កម្មវិធីនេះគឺជាផ្នែកមួយនៃដំណើរទេសចរណ៍ 60+ របស់ Jacky Cheung ដែលចាប់ផ្តើមនៅខែមិថុនា ឆ្នាំ ២០២៣ នៅក្នុងទីក្រុងជាច្រើននៅទូទាំងអាស៊ី។ តារាចម្រៀងធ្លាប់ជួបឧបទ្ទវហេតុធ្លាក់លើឆាកដោយសារវិលមុខក្នុងការប្រគំតន្ត្រីក្នុងប្រទេសម៉ាឡេស៊ី។ នៅខែមីនា ឆ្នាំ ២០២៤ លោកលុបចោលកម្មវិធីចំនួនបីនៅទីក្រុងសៀងហៃ ប្រទេសចិន ដោយសារហេតុផលសុខភាព។ កាលពីខែមីនា អ្នករៀបចំកម្មវិធីបានប្រកាសលុបចោលកម្មវិធីចំនួនបីនៅក្វាងចូវ ក៏ដោយសារតែជំងឺរបស់ Jacky Cheung ផងដែរ។

តារាចម្រៀងរូបនេះបានបញ្ចប់កម្មវិធីចំនួន ២២៣ នៅលើដំណើរកម្សាន្តដោយនាំយកកម្មវិធីផ្ទាល់របស់គាត់ទៅកាន់ជាង ១ពាន់ក្នុងអាជីពរយៈពេល ៤០ ឆ្នាំរបស់គាត់ ហើយបានក្លាយជាតារាចម្រៀងជនជាតិចិនដំបូងគេដែលសម្រេចបាននូវស្នាដៃនេះ។

មិនតែប៉ុណ្ណោះ គាត់បានចូលប្រឡូកក្នុងវិស័យសិល្បៈក្នុងឆ្នាំ ១៩៨៤ ត្រូវបានគេដាក់ឈ្មោះថា «God of Songs » របស់ហុងកុង ហើយជាសិល្បករអាស៊ីដែលលក់អាល់ប៊ុមបានច្រើនជាងគេក្នុងឆ្នាំ ១៩៩៥ និង ១៩៩៦។ កំឡុងឆ្នាំ ២០១០ដល់២០១២ Jacky Cheung បានធ្វើឲ្យមានការចាប់អារម្មណ៍យ៉ាងខ្លាំងនៅពេលដែលគាត់បានទៅទស្សនា Half Century Tour ។ កម្មវិធីផ្សាយផ្ទាល់ចំនួន ១៤៦ ត្រូវបានធ្វើឡើងនៅក្នុងទីក្រុងចំនួន ៧៧ ជុំវិញពិភពលោក ដែលមានអ្នកទស្សនាលើសពី ២.៨ លាននាក់។

ក្រៅពីការច្រៀង លោក Jacky Cheung បានសម្តែងក្នុងខ្សែភាពយន្ត ហើយត្រូវបានទស្សនិកជនជាច្រើនចូលចិត្តតាមរយៈរឿង The Smiling, Proud Wanderer (១៩៩០), Astray, និង If You Love ។ លោកបានរៀបការជាមួយអតីតតារាសម្តែង Law Mei Wei ក្នុងឆ្នាំ ១៩៩៦ និងមានកូនស្រីពីរនាក់។ គ្រួសាររបស់ Jacky Cheung មានអាថ៌កំបាំងអំពីជីវិតឯកជនរបស់ពួកគេ៕

អត្ថបទ៖ សាង ស្រីល័ក្ខ

ចុចអាន៖Nicholas រកចំណូលបានរាប់រយលានដុល្លារ ពីការលក់សាច់ក្រក

The post ស្ដេចចម្រៀងហុងកុង Jacky ថា វ័យគាត់កាន់តែខ្សោយ សុខភាពក៏ទ្រុឌទ្រោមដែរ appeared first on Kampuchea Thmey Daily.

ធ្លាប់ជាប់ងារ «ស្តេចសួគ៌ទាំង៤ប្រចាំទឹកដីហុងកុង» ពេលនេះ Jacky ត្រូវរកលុយទាំងវ័យចាស់ សងបំណុលគេ

សាង ស្រីល័ក្ខ — Sat, 21 Dec 2024 04:01:03 +0000

Andy Lau, Aaron Kwok, Jacky Cheung និង Leon Lai ធ្លាប់ត្រូវបានគេស្គាល់ថាជា ស្តេចសួគ៌ទាំងបួន នៃទីក្រុងហុងកុង ក្នុងទសវត្សរ៍ឆ្នាំ១៩៩០ ពួកគេគឺជាតារាប្រុសដែលមានទេពកោសល្យ និងត្រូវបានមនុស្សជាច្រើនស្រលាញ់ពេញចិត្តយ៉ាងខ្លាំង។

សម័យកាលណោះ Jacky Cheung គឺជាអ្នកចម្រៀងច្រៀងបានល្អបំផុតជាមួយនឹងបទល្បីៗបែបបុរាណជាច្រើនដូចជា៖ Loving You A Little More Each Day, Wo Deng Dao Hua Er Ye Xie Liao, The Goodbye Kiss ជាដើម

ស្តេចសួគ៌ទាំងបួន នៃទីក្រុងហុងកុង ក្នុងទសវត្សរ៍ឆ្នាំ១៩៩០

ក្នុងឆ្នាំ ១៩៩៥ តារាចម្រៀងសំឡេងផ្អែមលាយឡំនឹងស្រទន់រូបនេះ បានបង្កើតឯតទគ្គកម្មនៅពេលដែលគាត់បានក្លាយជាអ្នកចម្រៀងអាស៊ីវ័យក្មេង មានអាល់ប៊ុមលក់ដាច់បំផុតនៅទូទាំងពិភពលោក ដោយជាប់ចំណាត់ថ្នាក់លេខ២ នៅលើពិភពលោកបន្ទាប់ពីស្តេចប៉ុប Michael Jackson ។

ទោះបីជាមានអាជីពដ៏រុងរឿងក៏ដោយ រហូតមកដល់ពេលនេះ Jacky មិនអាចចូលនិវត្តន៍ និងរីករាយនឹងជីវិតបានទេ។ ក្នុងវ័យ ៦៣ ឆ្នាំ សិល្បករប្រុសត្រូវរត់ការសម្ដែងមិនឈប់ឈរ ដោយជំពាក់បំណុលគេរហូតដល់រាប់ម៉ឺនដុល្លារជាមួយភរិយា May Lo។

Jacky បានលង់ស្រលាញ់អតីតតារាសម្ដែងស្រីនាង May Lo ពេលកំពុងថតរឿង Love You Passionately។ នាងក៏លង់ស្នេហ៍តាំងពីឃើញដំបូង នៅពេលដែលបានជួបស្តេចសួគ៌ាដែលល្បីទាំងក្រុងហុងកុងដែរ។ តារាស្រីរូបនេះបានចែករំលែកថា ក្នុងការជួបគ្នាលើកទី១ រាងកាយទាំងមូលរបស់នាងមានអារម្មណ៍ដូចជាមានចរន្តអគ្គិសនីរត់កាត់ខ្លួននាងយ៉ាងដូច្នោះ។

ដោយសារតែស្រលាញ់ តារាស្រីបានសម្រេចចិត្តបោះបង់អាជីពដែលកំពុងឡើងកូដនៅឆ្ងាយពីការចាប់អារម្មណ៍ ដើម្បីក្លាយជាភរិយា និងម្ដាយដ៏ល្អម្នាក់។ ក្រោយពីរៀបការរួច តារាចម្រៀងប្រុសបានទុកភរិយាដូចម្ចាស់ក្សត្រី។ គាត់បានប្រគល់លុយទាំងអស់ដែលរកបានពីអាជីពចម្រៀងនិងសម្ដែងទៅឲ្យប្រពន្ធដើម្បីគ្រប់គ្រង។ គាត់ក៏បានជួលអ្នកបំរើរាប់សិបនាក់ ដើម្បីជួយប្រពន្ធរបស់គាត់ធ្វើម្ហូប និងសម្អាតផ្ទះថែមទៀតផង។

រស់នៅក្នុងភាពប្រណិត និងត្រូវបានស្រឡាញ់ដោយស្វាមី May Lo បានក្លាយទៅជាមនុស្សពិការលែងធ្វើអីដោយខ្លួនបានសឹងតែទាំងអស់។ នាងបានធ្វើតាមដំបូន្មានរបស់មិត្តភ័ក្តិ ហើយប្រញាប់ប្រញាល់ចូលទៅក្នុងការវិនិយោគលើភាគហ៊ុន ដែលនាំឲ្យមានការខាតបង់ជាបន្តបន្ទាប់។ ពីប្រពន្ធដ៏ល្អ សម្រស់នេះធ្វើឲ្យស្វាមីតារាសម្ដែងជួបការលំបាកដោយសារជំពាក់បំណុលគេរាប់ម៉ឺនដុល្លារដោយមិនអាចគេចរួច។

បំណុលដ៏ច្រើននេះបានធ្វើឲ្យរូបនាងស្ថិតក្នុងស្ថានភាពលំបាកដោយសារ នាងគ្រាន់តែជាស្ត្រីមេផ្ទះ ហើយពឹងផ្អែកផ្នែកហិរញ្ញវត្ថុលើស្វាមី។ ដោយក្តីស្រឡាញ់ភរិយា តារាប្រុសវ័យ៦៣ឆ្នាំបានក្រោកឈរឡើងដើម្បីសងបំណុល។ ស្តេចឋានសួគ៌របស់ហុងកុងត្រូវលក់ទ្រព្យសម្បត្តិរបស់គាត់ដែលមានតម្លៃជាង ៤៣០ លានយន់ ដើម្បីសងបំណុលប្រពន្ធរបស់គាត់ ប៉ុន្តែវាមិនគ្រប់គ្រាន់ទេ។

ដើម្បីបន្តសងបំណុលគេ Jacky បានវិលត្រឡប់ទៅថតរឿង និងការសម្តែងវិញដោយមិនឈប់សម្រាក។ គេដឹងថានៅឆ្នាំ២០២៤តែឯងលោកបានប្រគំតន្ត្រីជាង១០០ដង។ ជាមធ្យមរៀងរាល់ ៣ ថ្ងៃម្តងនឹងច្រៀងនៅក្នុងការប្រគំតន្ត្រីមួយ។ភាពញឹកញាប់នៃសកម្មភាពរបស់តារាប្រុសក្នុងបញ្ជី A ធ្វើឲ្យមនុស្សស្រឡាំងកាំង។ ទស្សនិកជនបានសម្តែងការអាណិតអាសូរ ពេលលោកតស៊ូជំពាក់បំណុលគេទោះបីកាលណោះលោកនៅក្មេងក៏ដោយ ។

បន្តដំណើរការសម្តែងបានហត់នឿយពេក កាលពីខែកក្កដាកន្លងទៅ លោកត្រូវបង្ខំចិត្តលុបចោលការសម្ដែងចំនួន ៣ ដោយសារជំងឺរលាកសួត។ ក្រោយមកទៀត លោកក៏ត្រូវលុបចោលការសម្តែងក្នុងខែមីនាដែរ ដោយសារសុខភាពខ្សោយ ដោយពុំអាចទប់ទល់នឹងការងារបានទាំងស្រុង។ ទន្ទឹមគ្នានោះសូម្បីតែភរិយារបស់លោក ក៏កម្របង្ហាញមុខឲ្យក្រុមអ្នកសារព័ត៌មានបានឃើញដែរ។ នាងរស់នៅក្នុងភាពឯកោដោយសារតែបំណុល ហើយត្រូវបានមហាជនរិះគន់ថា ជំពាក់បំណុលគេ ដែលបាននាំទុក្ខដល់ប្តីរបស់នាង៕

អតីតតារាសម្ដែង May Lo ភរិយា Jacky

អត្ថបទ៖ សាង ស្រីល័ក្ខ

ចុចអាន៖មហាជនរិះគន់ថា ការស្លាប់ Lee Sun Kyun ទាំងមូល បែរកាត់ក្ដីឲ្យជនបង្កជាប់គុកត្រឹម ៣ ឬ ៤ឆ្នាំ

The post ធ្លាប់ជាប់ងារ «ស្តេចសួគ៌ទាំង៤ប្រចាំទឹកដីហុងកុង» ពេលនេះ Jacky ត្រូវរកលុយទាំងវ័យចាស់ សងបំណុលគេ appeared first on Kampuchea Thmey Daily.