Johnson & Johnson Archives - Kampuchea Thmey Daily

ជនជាតិដើមភាគតិចសួយ ក្នុងសហគមន៍កោដូនតី ស្រុកឱរ៉ាល់ ទទួលបានវ៉ាក់សាំងការពារកូវីដ

Sorn Phanith — Thu, 16 Sep 2021 08:47:33 +0000

បងប្អូនប្រជាពលរដ្ឋ ជនជាតិដើមភាគតិច សួយ ដែលរស់នៅក្នុងសហគមន៍កោដូនតី ជាត្រពាំងជោ ស្រុកឱរ៉ាល់ ខេត្តកំពង់ស្ពឺ បានទទួលវ៉ាក់សាំងការពារវីរុសកូវីដ១៩ ប្រភេទ johnson & johnson ដែលជាជំនួសរបស់សហរដ្ឋអាមេរិក។

យុទ្ធនាការចាក់វ៉ាក់សាំង ប្រភេទ johnson & johnson នេះចាប់ផ្តើមចាក់ នៅថ្ងៃទី១៦ ខែកញ្ញា ឆ្នាំ២០២១ ដោយក្រុមគ្រូពេទ្យ នៃមន្ទីរសុខាភិបាលខេត្តកំពង់ស្ពឺ រួមទាំងអាជ្ញាធរដែនដីផងដែរ។

លោក វ៉ី សំណាង អភិបាលខេត្តកំពង់ស្ពឺ បានដឹកនាំក្រុមគ្រូពេទ្យ និងថ្នាក់ដឹកនាំខេត្ត ស្រុកនាំយកវ៉ាក់សាំង johnson & johnson ចាក់ជូនបងប្អូនប្រជាពលរដ្ឋ ជនជាតិដើមភាគតិច សួយ នៅសហគមជនជាតិដើម កោដូនតី ក្នុងឃុំត្រពាំងជោ ស្រុកឱរ៉ាល់។ ប្រជាពលរដ្ឋ ជនជាតិដើម “សួយ” មានការសប្បាយចិត្តយ៉ាងខ្លាំង និងបាននាំគ្នាមកទទួលវ៉ាក់សាំងការពារជំងឺកូវីដ-១៩ គ្រប់គ្នា និងបានថ្លែងអំណរគុណយ៉ាងជ្រាលជ្រៅថ្នាក់នាំខេត្តស្រុក ជាពិសេសសម្ដេចតេជោ ហ៊ុន សែន ដែលសម្តេចបានខិតខំរិះរកគ្រប់មធ្យោបាយ ដើម្បីស្វែងរកវ៉ាក់សាំងចាក់ជួនប្រជាជនដោយមិនគិតថ្លៃ។

លោក វ៉ី សំណាង អភិបាលខេត្តកំពង់ស្ពឺ បានធ្វើការសំណេះសំណាលសាកសួរសុខទុក្ខ អំពីជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋជនជាតិដើមភាគតិច សួយ ក្នុងសហគមន៍កោដូនតី និងបានផ្ដាំផ្ញើដល់ពុកម៉ែមាមីងបងប្អូនទាំងអស់ មេត្តាកុំភ្លេចវិធានការសុខាភិបាល ៣កុំ ៣ការពារ ឱ្យសោះបើទោះបីជាយើងមានវ៉ាក់សាំងរួចហើយក៏ដោយនោះ៕

អត្ថបទ៖ ភួង រដ្ឋា

The post ជនជាតិដើមភាគតិចសួយ ក្នុងសហគមន៍កោដូនតី ស្រុកឱរ៉ាល់ ទទួលបានវ៉ាក់សាំងការពារកូវីដ appeared first on Kampuchea Thmey Daily.

អាមេរិក ផ្តល់ជំនួយបន្ថែម ៤លានដុល្លារដល់កម្ពុជា សម្រាប់ប្រឆាំងជំងឺកូវីដ-១៩

KC Virak — Mon, 09 Aug 2021 04:59:22 +0000

(ភ្នំពេញ)៖ សហរដ្ឋអាមេរិក នៅថ្ងៃទី០៩ ខែសីហា ឆ្នាំ២០២១នេះ បានប្រកាសផ្ដល់ជំនួយបន្ថែមចំនួន ៤ លានដុល្លារ ជាជំនួយបន្ទាន់ទាក់ទងនឹងការប្រយុទ្ធ ប្រឆាំងនឹងជំងឺកូវី-១៩ សម្រាប់ប្រទេសកម្ពុជា តាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)។

ជំនួយនេះ នឹងផ្ដល់ការគាំទ្រទាន់ពេលវេលា ពិសេស ដោយយោងលើអំណោយនាពេលថ្មីៗនេះរបស់សហរដ្ឋអាមេរិក ជាវ៉ាក់សាំង Johnson & Johnson ចំនួន ១,០៦០,១០០ ដូស ដែលត្រូវបានផ្ដល់តាមរយៈយន្តការកូវ៉ា។

ក្នុងការបង្កើននូវភាពត្រៀមជាស្រេចរបស់ ប្រទេសកម្ពុជា ក្នុងការធ្វើការចាក់វ៉ាក់សាំងកូដ-១៩ ជំរុញការចាក់វ៉ាក់សាំងក្នុងចំណោមប្រជាជនដែលត្រូវ ចាក់ធ្វើអន្តរាគមន៍ផ្នែកសុខភាពសាធារណៈ ដើម្បីគ្រប់គ្រងជំងឺកូវីដ-១៩ និងពង្រឹងផ្នែកមន្ទីរពិសោធន៍ ដើម្បី លើកកម្ពស់សមត្ថភាពក្នុងការធ្វើតេស្ត។

លោកឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា W. Patrick Murthy បានមានប្រសាសន៍ ថា៖ “ការលើកកម្ពស់សន្តិសុខផ្នែកសុខភាពសាកល និងការត្រៀមទប់ទល់នឹងការផ្ទុះឡើងនៃជំងឺ មាន សារសំខាន់ណាស់ មិនត្រឹមតែដើម្បីការពារសុខភាព និងសុវត្ថិភាពតែប៉ុណ្ណោះទេ តែថែមទាំងដើម្បីធានាវិបុល ភាពនៃសេដ្ឋកិច្ច និងការពារសន្តិសុខរបស់ប្រទេសយើងផងដែរ។យើងមានមោទនភាពក្នុងការផ្ដល់ការគាំទ នេះ ដែលនឹងជួយប្រជាជនកម្ពុជា ក្នុងការការពារខ្លួនគេ អ្នកជិតខាង និងអនាគតនៃសេដ្ឋកិច្ចរបស់គេ”៕

The post អាមេរិក ផ្តល់ជំនួយបន្ថែម ៤លានដុល្លារដល់កម្ពុជា សម្រាប់ប្រឆាំងជំងឺកូវីដ-១៩ appeared first on Kampuchea Thmey Daily.

អភិបាលខេត្តកំពង់ធំ បើកយុទ្ធនាការចាក់វ៉ាក់សាំងការពារជំងឺកូវីដ នៅស្រុកស្ទោងនិងស្រុកកំពង់ស្វាយ

Sorn Phanith — Mon, 02 Aug 2021 08:56:57 +0000

ឯកឧត្តមសុខ លូ អភិបាលខេត្តកំពង់ធំ បានអញ្ជើញជាអធិបតីក្នុង យុទ្ធនាការចាក់វ៉ាក់សាំងការពារជំងឺកូវីដ១៩ ប្រភេទ(Johnson & Johnson) ជូនបងប្អូនប្រជាពលរដ្ឋនៅស្រុកស្ទោងនិងស្រុកកំពង់ស្វាយ ដោយស្ម័គ្រចិត្ត នៅព្រឹកថ្ងៃទី២ ខែសីហា ឆ្នាំ២០២១។

ឯកឧត្តម សុខ លូ បានមានប្រសាសន៍ថា វ៉ាក់សាំងកូវីដ១៩ Johnson & Johnson ដែលជាជំនួយរបស់រដ្ឋាភិបាល និងប្រជាពលរដ្ឋអាមេរិក ចំនួន៦០៩,៦០០ដូសបន្ថែមទៀត តាមរយៈមជ្ឈមណ្ឌលកូវ៉ាក់ បានដឹកមកដល់ប្រទេសកម្ពុជាហើយ នៅយប់ ០០:៤០នាទីអធ្រាត្រចូលថ្ងៃទី២ ខែសីហា ឆ្នាំ២០២១ ដែលចំនួននេះជាជំហានទី២ នៃជំនួយសរុប១លានដូសមកកាន់កម្ពុជា។

ឯកឧត្តម សុខ លូ បានពន្យល់អំពីអត្ថប្រយោជន៍នៃការចាក់វ៉ាក់សាំងកូវីដ១៩ និងវិធានការ ៣ ការពារ ៣កុំ របស់រាជរដ្ឋាភិបាលកម្ពុជា ព្រមទាំងគោរពតាមវិធានការណែនាំរបស់ក្រសួងសុខាភិបាល សូមអនុវត្តឲ្យបានខ្ជាប់ខ្ជួនដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។

សព្វថ្ងៃនេះជំងឺកូវីដ១៩ កំពុងតែរីករាលដាលយ៉ាងធ្ងន់ធ្ងរទូទាំងសកលលោករួមទាំងប្រទេសកម្ពុជាយើងផងដែរ ដែលបានឆ្លងចូលក្នុងសហគមន៍ ដែលជាក្តីព្រួយបារម្ភបំផុត ដូច្នេះសូមពុកម៉ែបងប្អូនទាំងអស់ អញ្ជើញមកចូលរួមចាក់វ៉ាក់សាំងការពារជំងឺកូវីដ១៩ ឲ្យបានគ្រប់ៗគ្នា ដោយឥតគិតថ្លៃ ទៅតាមការជូនដំណឹងរបស់អាជ្ញាធរមូលដ្ឋាន។

ឯកឧត្តមអភិបាលខេត្ត បាន ក្រើនរំលឹកប្រជាពលរដ្ឋអស់ត្រូវចូលរួមអនុវត្តឱ្យបានខ្ជាប់ខ្ជួននូវវិធានការណ៍សុវត្ថិភាពរបស់ក្រសួងសុខាភិបាល និងការណែនាំ ៣.ការពារ និង៣.កុំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ពិសេសការរក្សាគម្លាតសុវត្ថិភាព និងគម្លាតសង្គម ដើម្បីរួមគ្នាកាត់បន្ថយ ទប់ស្កាត់កុំឱ្យឆ្លងជំងឺកូវីដ១៩៕

អត្ថបទ៖ ប៊ុន រដ្ឋា

The post អភិបាលខេត្តកំពង់ធំ បើកយុទ្ធនាការចាក់វ៉ាក់សាំងការពារជំងឺកូវីដ នៅស្រុកស្ទោងនិងស្រុកកំពង់ស្វាយ appeared first on Kampuchea Thmey Daily.

វ៉ាក់សាំង Johnson & Johnson ត្រូវបញ្ជូនទៅចាក់ឱ្យប្រជាពលរដ្ឋជនជាតិដើមភាគតិច

deth leng — Sun, 01 Aug 2021 04:18:15 +0000

សម្ដេចតេជោ ហ៊ុន សែន នាយករដ្ឋមន្ត្រីបានសម្រេចបញ្ជូនវ៉ាក់សាំងប្រភេទ Johnson & Johnson ទៅចាក់ជូនដល់បងប្អូនប្រជាពលរដ្ឋដែលរស់នៅតំបន់ជនជាតិភាគតិច។

សម្ដេចតេជោ ហ៊ុន សែន ថ្លែងថា “សម្ដេចបានផ្ដល់យោបល់ទៅលោកជំទាវ ឱ វណ្ណឌីន ឱ្យបញ្ជូនវ៉ាក់សាំង Johnson & Johnson ដែលជាជំនួយរបស់រដ្ឋាភិបាលអាមេរិក ទៅចាក់ជូនប្រជាពលរដ្ឋជនជាតិដើមភាគតិចនៅតំបន់ភាគឦសាននៃប្រទេសកម្ពុជា ដូចជា ខេត្តរតនគិរី មណ្ឌលគិរី ក្រចេះ ស្ទឹងត្រែង និងព្រះវិហារ”៕

The post វ៉ាក់សាំង Johnson & Johnson ត្រូវបញ្ជូនទៅចាក់ឱ្យប្រជាពលរដ្ឋជនជាតិដើមភាគតិច appeared first on Kampuchea Thmey Daily.

វ៉ាក់សាំងជំនួយរបស់សហរដ្ឋអាមេរិកចំនួន៥០ ម៉ឺនដូសនឹងមកដល់កម្ពុជានៅថ្ងៃសុក្រសប្តាហ៍នេះ

deth leng — Wed, 28 Jul 2021 10:52:15 +0000

វ៉ាក់សាំងប្រភេទ Johnson & Johnson ដែលជាជំនួយរបស់សហរដ្ឋអាមេរិក ចំនួន ៥០ ម៉ឺនដូស ក្នុងចំណោមជំនួយ១ លានដូស នឹងដឹកមកដល់កម្ពុជា នៅវេលាម៉ោង ៧ ព្រឹកថ្ងៃទី ៣០ ខែកក្កដា ឆ្នាំ២០២១។

សេចក្តីប្រកាសព័ត៌មាន របស់ស្ថានទូតអាមេរិកប្រចាំកម្ពុជា លើកឡើងថា អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅក្នុងតំបន់ ក្នុងពេលដែលគេកំពុងតែប្រឹងប្រែងងើបចេញពីជំងឺរាតត្បាតយ៉ាងធ្ងន់ធ្ងរ។

បើតាមស្ថានទូតអាមេរិក វ៉ាក់សាំងចំនួនពាក់កណ្ដាលដែលនឹងដឹកមកដល់នៅម៉ោង ០៧៖១៥ នាទីព្រឹកថ្ងៃទី ៣០ ខែកក្កដា នៅអាកាសយានដ្ឋានអន្តរជាតិភ្នំពេញ ហើយអាចនឹងមកដល់នៅថ្ងៃច័ន្ទទី២ ខែសីហាជាងពាក់កណ្ដាលទៀត៕

The post វ៉ាក់សាំងជំនួយរបស់សហរដ្ឋអាមេរិកចំនួន៥០ ម៉ឺនដូសនឹងមកដល់កម្ពុជានៅថ្ងៃសុក្រសប្តាហ៍នេះ appeared first on Kampuchea Thmey Daily.

វ៉ាក់សាំងកូវីដចាក់តែមួយដូស ទទួលបានភ្លើងខៀវសម្រាប់ការប្រើប្រាស់ជាបន្ទាន់ពី WHO

Sok Sovann — Sat, 13 Mar 2021 02:06:45 +0000

កាលពីថ្ងៃសុក្រ អង្គការសុខភាពពិភពលោកបានអនុម័តការចុះបញ្ជីឲ្យប្រើប្រាស់ជាបន្ទាន់ នូវវ៉ាក់សាំងប្រឆាំងជំងឺកូវីដ១៩របស់ក្រុមហ៊ុន Johnson & Johnson ដែលការយល់ព្រមនេះ គឺដើម្បីពន្លឿនការប្រើប្រាស់ជាពិសេស នៅក្នុងប្រទេសដែលមានភ្នាក់ងារបទប្បញ្ញត្តិទន់ខ្សោយ។

នេះគឺជាវ៉ាក់សាំងកូវីដទីបីបន្ទាប់ពីវ៉ាក់សាំងចាក់២ដូសគឺ Pfizer / BioNTech និង AstraZeneca ទទួលការគាំទ្រពី WHO ប៉ុន្តែ Johnson & Johnson ជាវ៉ាក់សាំងចាក់តែ១ដូស។

ការចុះបញ្ជីនេះ គឺគ្របដណ្តប់លើការប្រើប្រាស់នៅគ្រប់ប្រទេសទាំងអស់ ហើយអនុវត្តតាមសេចក្តីប្រកាសអនុញ្ញាតរបស់ទីភ្នាក់ងារឱសថអឺរ៉ុប (EMA) កាលពីថ្ងៃព្រហស្បតិ៍។

អគ្គនាយក WHO លោក Tedros Adhanom Ghebreyesus បាននិយាយនៅក្នុងសេចក្តីថ្លែងការណ៍មួយថា “រាល់ឧបករណ៍ថ្មីដែលមានសុវត្ថិភាពនិងប្រសិទ្ធភាពប្រឆាំងជំងឺកូវីដ១៩ គឺជាជំហានថ្មីមួយទៀតខិតកាន់តែជិត ដើម្បីគ្រប់គ្រងរោគរាតត្បាតជាសកលមួយនេះ”។

លោកបានប្រាប់សន្និសីទសារព័ត៌មានថា “ការចុះបញ្ជីប្រើប្រាស់ជាបន្ទាន់នេះ គឺជាភ្លើងខៀវសម្រាប់វ៉ាក់សាំងដែលត្រូវបានធ្វើលទ្ធកម្ម និងដាក់ឲ្យប្រើប្រាស់ដោយ COVAX”។

លោកបានបន្ថែមថា WHO នឹងកោះប្រជុំក្រុមប្រឹក្សាជំនាញខាងវ៉ាក់សាំងរបស់ខ្លួននៅសប្តាហ៍ក្រោយ ដើម្បីទាញយកអនុសាសន៍ស្តីពីការប្រើប្រាស់ថ្នាំបង្ការនេះ។

ទីប្រឹក្សាជាន់ខ្ពស់របស់ WHO លោក Bruce Aylward បាននិយាយថា វ៉ាក់សាំង Johnson & Johnson មិនត្រូវការស្តុកទុកនៅកន្លែងត្រជាក់ខ្លាំងនោះទេ ហើយវាកាន់តែល្អប្រសើរសម្រាប់បណ្តាប្រទេសមួយចំនួន ដែលរងគ្រោះធ្ងន់ធ្ងរបំផុតដោយជំងឺរាតត្បាត”។

លោក Aylward លើកឡើងថា COVAX ដែលសហការជាមួយសម្ព័ន្ធវ៉ាក់សាំង Gavi មានកិច្ចព្រមព្រៀងសម្រាប់វ៉ាក់សាំង Johnson & Johnson ជាង៥០០លានដូស។

ស្របពេលជាមួយគ្នានោះ ប្រធានអ្នកវិទ្យាសាស្រ្តរបស់ Johnson & Johnson លោក Paul Stoffels បានប្រាប់ Reuters កាលពីថ្ងៃព្រហស្បតិ៍ថា ក្រុមហ៊ុនរំពឹងថានឹងផលិតវ៉ាក់សាំងបានរហូតដល់ទៅ៣ពាន់លានដូសនៅឆ្នាំក្រោយ បន្ទាប់ពីសន្យាថានឹងផ្តល់១ពាន់លានដូសទូទាំងពិភពលោកនៅត្រឹមចុងឆ្នាំ២០២១នេះ៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ វ៉ាក់សាំងកូវីដចាក់តែមួយដូស មានសុវត្ថិភាពនិងប្រសិទ្ធភាព

ចុចអាន៖ ប្រទេសដំបូងបំផុត ទទួលបានវ៉ាក់សាំងកូវីដពីកម្មវិធី Covax

The post វ៉ាក់សាំងកូវីដចាក់តែមួយដូស ទទួលបានភ្លើងខៀវសម្រាប់ការប្រើប្រាស់ជាបន្ទាន់ពី WHO appeared first on Kampuchea Thmey Daily.

វ៉ាក់សាំងកូវីដចាក់តែមួយដូស មានសុវត្ថិភាពនិងប្រសិទ្ធភាព

Sok Sovann — Thu, 25 Feb 2021 00:25:53 +0000

ការពិនិត្យឡើងវិញដោយនិយតករអាមេរិក លើវ៉ាក់សាំងកូវីដចាក់តែមួយដូស Johnson & Johnson បានរកឃើញថា វ៉ាក់សាំងនេះមានសុវត្ថិភាពនិងប្រសិទ្ធភាព។

ការរកឃើញនេះ បានត្រួសត្រាយផ្លូវឲ្យ Johnson & Johnson ក្លាយជាវ៉ាក់សាំងកូវីដទី៣ ដែលត្រូវបានអនុញ្ញាតនៅសហរដ្ឋអាមេរិក ប្រហែលជាក្នុងរយៈពេលប៉ុន្មានថ្ងៃទៀត។

វ៉ាក់សាំងនេះ អាចជាជម្រើសមួយដែលមានប្រសិទ្ធិភាពក្រៅពីវ៉ាក់សាំង Pfizer និង Moderna ហើយអាចត្រូវបានរក្សាទុកនៅក្នុងទូទឹកកកធម្មតាបាន។

លទ្ធផលពីការសាកល្បង ត្រូវបានចេញផ្សាយដោយសាជីវកម្ម Johnson & Johnson កាលពីខែមុន។

ក្រុមហ៊ុនបែលហ្ស៊ិក Janssen ដែលជាកម្មសិទ្ធិរបស់ក្រុមហ៊ុនឱសថយក្សមួយនេះបាននិយាយថា ទិន្នន័យរបស់ខ្លួនបានបង្ហាញថា ផលិតផលនេះមានប្រសិទ្ធភាពខ្ពស់ប្រឆាំងនឹងជំងឺធ្ងន់ធ្ងរ។

ឯកសារសង្ខេបដែលចេញផ្សាយដោយរដ្ឋបាលចំណីអាហារនិងឪសថអាមេរិក (FDA) បានផ្តល់ព័ត៌មានលម្អិតបន្ថែមទៀត លើទិន្នន័យដែលបានបញ្ជូនដោយក្រុមហ៊ុន Janssen ទៅឲ្យនិយតករ។ FDA បានសន្និដ្ឋានថា វ៉ាក់សាំង Johnson & Johnson មានអត្ថប្រយោជន៍ ក្នុងការកាត់បន្ថយទាំងរោគសញ្ញានិងជំងឺធ្ងន់ធ្ងរ។

ទិន្នន័យបានបង្ហាញថា វ៉ាក់សាំងនេះមានប្រសិទ្ធភាពជាង៨៥ភាគរយ ក្នុងការការពារជំងឺធ្ងន់ធ្ងរប៉ុន្តែមានប្រសិទ្ធិភាពតែ៦៦ភាគរយប៉ុណ្ណោះ នៅពេលដែលករណីកម្រិតមធ្យមត្រូវបានរាប់បញ្ចូល។

គួរកត់សម្គាល់ថា មិនមានអ្នកស្លាប់ទេក្នុងចំណោមអ្នកចូលរួមដែលបានទទួលវ៉ាក់សាំង ហើយគ្មានការចូលព្យាបាលក្នុងមន្ទីរពេទ្យឡើយ បន្ទាប់ពីការចាក់វ៉ាក់សាំង រយៈពេល២៨ថ្ងៃ៕

ប្រែសម្រួលដោយ៖ Vann Vann

ប្រភព៖ BBC

The post វ៉ាក់សាំងកូវីដចាក់តែមួយដូស មានសុវត្ថិភាពនិងប្រសិទ្ធភាព appeared first on Kampuchea Thmey Daily.