នៅក្នុងរូបថតនោះ Jung Joon Young ត្រូវបានគេប្រទះឃើញមានសក់វែង និងសក់មុខ ថែមទាំងញញឹមទៀតផង។ អ្នកលេងអ៊ីនធឺណិតដែលបានបង្ហោះរូបថតនោះបានរៀបរាប់ថា “គាត់នៅបារមួយកន្លែងព្យាយាមចែចង់ស្រីៗ សុំគណនី Instagram របស់ពួកគេ ហើយនិយាយថា គាត់មានគម្រោងបើកភោជនីយដ្ឋានកូរ៉េនៅទីក្រុងលីយ៉ុង ហើយថែមទាំងណែនាំខ្លួនកាលពីខែមិថុនា ដោយអះអាងថា ជាតារាចម្រៀងល្បីមកពីកូរ៉េ។

បន្ទាប់ពីរបាយការណ៍ដំបូងនេះ វីដេអូបានលេចចេញបង្ហាញពី Jung Joon Young មានភាពស្និទ្ធស្នាលជាមួយនារីៗនៅក្នុងក្លឹប។ ទន្ទឹមនឹងនេះដែរ តារាចម្រៀងប្រុសរូបនេះធ្លាប់បានព្យាយាមបើកភោជនីយដ្ឋាននៅទីក្រុងប៉ារីសក្នុងឆ្នាំ ២០១៨ ប៉ុន្តែផែនការបានធ្លាក់ចុះចំពេលមានរឿងអាស្រូវ Burning Sun ។ បន្ទាប់ពីការដោះលែងពីពន្ធនាគារ មានរបាយការណ៍ និងពាក្យចចាមអារ៉ាមថា លោកគ្រោងនឹងធ្វើចំណាកស្រុកទៅកាន់ប្រទេសមួយផ្សេងទៀត។

ទោះបីជាយ៉ាងណាក៏ដោយ អ្នក​លេង​អ៊ីនធឺណិត​កូរ៉េ​មាន​ការ​ងឿង​ឆ្ងល់​បន្ទាប់​ពី​បាន​ឃើញ​កន្លែង​លាក់​ខ្លួន​របស់ Jung Joon Young និង​សកម្មភាព​បច្ចុប្បន្ន​នៅ​ប្រទេស​បារាំង។ មនុស្សជាច្រើនបានចង្អុលបង្ហាញថា មនុស្សមិនអាចផ្លាស់ប្តូរទម្លាប់ចាស់បានទេ។ ក្នុងនោះផងដែរ ម្នាក់ៗបានបញ្ចេញមតិថា នេះគឺជាជំងឺចេញពីក្នុងខ្លួនការដាក់គុកលើមនុស្សប្រភេទនេះមិនអាចធ្វើអី្វលើគេបានទេ។ អ្វីដែលសំខាន់បំផុតនោះគឺថា ការកាត់​ទោស​គាត់​គឺ​ស្រាល​ពេក ​សម្រាប់​អ្វី​ដែល​គាត់​បាន​ធ្វើកន្លងមក។

លើសពីនេះទៀតដែរ ក៏មានមហាជនមួយចំនួនធំបានបញ្ចេញមតិស្របគ្នាថា​ មានរឿងអីដែលជនល្មើសផ្លូវភេទរត់ទៅប្រទេសផ្សេងភ្លាមៗ​​ បន្ទាប់ពីត្រូវបានដោះលែងពីពន្ធនាគារ ហើយថែមទាំងនិយាយកុហកកុហកគេទៀត តើសមដែរឬទេ?

ទោះបីជាយ៉ាងណា អតីតតារាចម្រៀងប្រុសវ័យ៣៥ឆ្នាំរូបនេះ ត្រូវបានតុលាការសម្រេចកាត់ទោសឲ្យជាប់គុក ៦ ឆ្នាំនៅក្នុងការកាត់ក្តីលើកដំបូង។ ​ក្រោយមកទើបតុលាការយល់ព្រមកាត់បន្ថយមកត្រឹម ៥ឆ្នាំវិញ ហើយត្រូវបានដោះលែងពីពន្ធនាគារ Mokpo ក្នុងទីក្រុង Jeollanam-do នៅព្រឹកថ្ងៃទី ១៩ ខែមីនា ឆ្នាំ២០២៤៕

អត្ថបទ៖ សាង ស្រីល័ក្ខ

ចុចអាន៖Jennie ចេញលិខិតសុំទោស ​ក្រោយជក់បារីអេឡិចត្រូនិចផ្លុំផ្សែងលើបុគ្គលិក

The post មហាជនកូរ៉េថា ពន្ធនាគារមិនអាចប្រែចរិត Jung Joon Young បានទេ appeared first on Kampuchea Thmey Daily.

ប្រព័ន្ធ​ផ្សព្វផ្សាយ​កម្សាន្ត​កូរ៉េ​ល្បី​ allkpop បាន​រាយការណ៍​ពី​ស្ដានភាពរបស់អតីតតារាចម្រៀង Jung Joon Young ដែលត្រូវបានគេដោះលែងភ្លាមៗ គាត់ដើរចេញ​ពី​គុក​ដោយ​ពាក់​ម៉ាស​ខ្មៅ និង​មួក ដោយ​លាក់​មុខ​មាត់ពី​ការ​មើល​ជា​សាធារណជននិងប្រព័ន្ធផ្សព្វផ្សាយផ្សេងៗ។

Jung Joon Young រួមជាមួយនឹងអតីតតារាចម្រៀង FT Island Choi Jong Hoon ត្រូវបានចាប់ខ្លួន និងចោទប្រកាន់ក្នុងខែមីនា ឆ្នាំ ២០១៩ សម្រាប់ការជាប់ពាក់ព័ន្ធក្នុងការរំលោភបូកលើស្ត្រីនៅ Hongcheon, Gangwon-do និង Daegu ក្នុងខែមករា និងខែមីនា ឆ្នាំ ២០១៦ ផ្សេងគ្នា។

លើសពីនេះ Jung Joon Young ត្រូវបានចោទប្រកាន់ពីបទចែកចាយវីដេអូផ្លូវភេទខុសច្បាប់ ពាក់ព័ន្ធនឹងស្ត្រីនៅក្នុងការជជែកជាក្រុម KakaoTalk ដែលរួមមានតារាល្បីជាច្រើនរួមទាំង Seungri ក្នុងឆ្នាំ២០១៥។ គាត់ត្រូវបានតុលាការកំពូលកាត់ទោសឲ្យជាប់ពន្ធនាគាររយៈពេល ៥ ឆ្នាំក្នុងខែកញ្ញា ឆ្នាំ ២០២០។ ទោះបីជាមានការបណ្តេញចេញក៏ដោយ តាមការស្នើសុំរបស់ព្រះរាជអាជ្ញាសម្រាប់ការកាត់ទោស Jung Joon Young ត្រូវបានរួចផុតពីការបង្ហាញព័ត៌មានផ្ទាល់ខ្លួនផ្សេងៗ។

ក្នុងអំឡុងពេលសេចក្តីថ្លែងការណ៍ចុងក្រោយរបស់គាត់ នៅក្នុងការកាត់ក្តីលើកទីពីរ Jung Joon Young បានសម្តែងនូវវិប្បដិសារី ដោយទទួលស្គាល់អាកប្បកិរិយាមិនសមរម្យរបស់គាត់។ គាត់បាននិយាយថា “ខ្ញុំសោកស្តាយយ៉ាងខ្លាំងចំពោះទង្វើអសីលធម៌ និងគ្មានការទទួលខុសត្រូវរបស់ខ្ញុំចំពោះជនរងគ្រោះ ហើយខ្ញុំនឹងចំណាយពេលពេញមួយជីវិតរបស់ខ្ញុំ ដើម្បីឆ្លុះបញ្ចាំងពីកំហុសរបស់ខ្ញុំកាលពីអតីតកាល” ៕

អត្ថបទ៖ សាង ស្រីល័ក្ខ

ចុចអាន៖Jun Yeol និង So Hee គេចមុខពីសាធារណជន ក្រោយរងការចោទប្រកាន់ស្នេហាត្រីកោណ

The post Jung Joon Young ដែលធ្លាប់កាត់ទោសក្នុងរឿងអាស្រូវវីដេអូសិច ពេលនេះចេញពីពន្ធនាគារហើយ appeared first on Kampuchea Thmey Daily.

ឧក្រិដ្ឋកម្មផ្លូវភេទរបស់ Joon Young ត្រូវបានបង្ហាញកំឡុងពេលប៉ូលិសស៊ើបអង្កេតលើករណី Burning Sun Gate របស់អតីតសមាជិកក្រុម BIGBANG ។ ក្នុងអំឡុងពេលស៊ើបអង្កេតប៉ូលិសបានរកឃើញថា ទូរស័ព្ទដៃរបស់ Seungri មានផ្ទុកសារជជែកសម្ងាត់។ បន្ទប់ជជែកជាក្រុមរបស់ Jung Joon Young នៅក្នុងបន្ទប់ជជែកគ្នានេះ វីដេអូឃ្លិបរបស់ Joon Young លួចថតនារីម្នាក់ ដែលត្រូវបានបោកបញ្ឆោតឲ្យរួមភេទជាមួយគាត់ ត្រូវបានចែករំលែកឲ្យសមាជិកក្រុមបានឃើញ។

សូមបញ្ចាក់ដែរថា ក្នុងឆ្នាំ ២០១៦ Jung Joon Young ត្រូវបានកាត់ទោសឲ្យជាប់គុក ៦ ឆ្នាំនៅក្នុងការកាត់ក្តីលើកដំបូងរបស់គាត់។ ​ក្រោយមកទើបតុលាការយល់ព្រមកាត់បន្ថយមកត្រឹម ៥ឆ្នាំវិញ។ បន្ទាប់ពីការកាត់ក្តីជាបន្តបន្ទាប់ តុលាការកំពូលបានបញ្ជាក់ថាអ្នកទោស Jung Joon Young នឹងត្រូវបានដោះលែងនៅថ្ងៃទី ២០ ខែមីនា ឆ្នាំ ២០២៤ ខណៈដែលមិត្តរបស់គាត់ដែលបានទទួលការកាត់ទោសដាក់ពន្ធនាគារត្រឹមតែ១ឆ្នាំ៦ខែ ពីបទពេស្យាចារ និងបទចោទប្រកាន់ពាក់ព័ន្ធប៉ុណ្ណោះ៕

ប្រែសម្រួល៖ សាង ស្រីល័ក្ខ

ប្រភព៖allkpop

ចុចអាន៖មេក្រុម BTS សរសេរសំបុត្រលាអ្នកគាំទ្រ​ទាំងរំជួល​ចិត្ត​ មុនទៅបំពេញ​កាតព្វកិច្ច​យោធា

The post ជាប់ពន្ធនាគារ ​៥ ឆ្នាំ តារាចម្រៀង Jung Joon Young នឹងមានសេរីភាពវិញនៅឆ្នាំ ២០២៤ appeared first on Kampuchea Thmey Daily.