Pey Pey Dy Archives - Kampuchea Thmey Daily

ពែកមី គាំទ្រ ប៉ីប៉ីឌី កែច្នៃផ្លែស្វាយលក់លើទីផ្សារលើកស្ទួយកសិផលក្នុងស្រុក

Sous Sith — Wed, 21 Feb 2024 04:05:45 +0000

តារាកំប្លែងល្បីឈ្មោះ លោក ចែម ចាន់រ៉ា ហៅ ពែកមី បានបង្ហាញឆន្ទ:គាំទ្រយ៉ាងពេញទំហឹងចំពោះគំនិតដ៏ល្អរបស់តារាសម្តែងភេទទី៣ PeyPey Dy ក្នុងការកែច្នៃផ្លែស្វាយលក់លើទីផ្សារ ដើម្បីលើកស្ទួយកសិផលក្នុងស្រុកឱ្យកាន់តែមានភាពល្អប្រសើរ។

ទោះបីយ៉ាងណា PeyPey Dy កន្លងមកក៏ត្រូវបានបុគ្គលមួយចំនួនរិះគន់ផងដែរបន្ទាប់ពីលោកចង់ជួយលើកស្ទួយកសិផលក្នុងស្រុកតាមរយ:ការយកផ្លែស្វាយទុំ មកច្នៃជាភេសជ្ជៈ ផ្សេងៗ ដើម្បីលក់នៅលើទីផ្សារ និងបានចូលរួមជួយកសិករខ្មែរដោយភ្ជាប់ជាមួយពាក្យ «រួមគ្នាបង្កើនទីផ្សារផ្លៃឈើក្នុងស្រុក» ប៉ុន្តែក៏ស្រាប់តែមានអ្នករិះគន់ថាលោកយកមុខលក់ចង់បានលុយខ្លួនឯងសោះតែធ្វើដូចខ្លួនឯងអស្ចារ្យទៅវិញ។

ដោយឡែកចាប់អារម្មណ៍តារាកំប្លែងមានដើមកំណើតពីខេត្តស្វាយរៀយ នាយ ពែកមី បានចេញមកលើក ទឹកចិត្តនិងគាំទ្រដល់ ប៉ីប៉ី ឌី ចំពោះការច្នៃផ្លែស្វាយចេញជាទឹកស្វាយក្រឡុក។ នាយ ពែកមី បានលើកឡើងជាកំលាំងចិត្តថា «ខ្ញុំសូមគាំទ្រប្អូន PeyPey Dy ដែលប្អូនបានកែច្នៃ ផ្លែស្វាយរបស់ខ្មែរយកមកលក់ ដើម្បីអោយកាន់តែមានទីផ្សារ» ។

ជាមួយគ្នានេះដែរ មានមតិគាំទ្រពីមហាជន និងអ្នកប្រើប្រាស់បណ្តាញសង្គមហ្វេសប៊ុកជាច្រើនដែរថា «អរគុណបងសម្រាប់ការលើកស្ទួយកសិផលស្វាយកែវរមៀតរបស់ខ្មែរយើងបង រីឯខ្លះទៀតថាប្រទេសជាតិមួយអាចរីកចម្រើនទៅមុខបានដោយសារធនធានមនុស្សមានចំណេះដឹងហើយចេះយោគយល់នឹងរិះគន់គ្នាក្នុងន័យស្ថាបនាដើម្បីអភិវឌ្ឍនៅក្នុងគោលដៅតែមួយ»។

គូសបញ្ជាក់ដែរថា តារា Tiktok ប៉ីប៉ីឌី ស្ទើរតែបាក់ទឹកចិត្តបន្ទាប់មានការរិះគន់ក្រោយពេលលោកប្រកាសពីគំនិតច្នៃផ្លៃស្វាយដើម្បីលក់នៅលើទីផ្សារ ខណៈពេលនោះ តារាភេទទី៣រូបនេះ បានលើកឡើងថា «ខ្ញុំត្រៀមធ្វើស្វាយទុំទាំងខ្ញុំចាញ់ក្លិនស្វាយទុំ អ្នកស្គាល់ខ្ញុំដឹងហើយថាខ្ញុំចាញ់ក្លិនធុរេន និងស្វាយទុំហ្នឹងណាស់ តែខ្ញុំនៅ តែធ្វើសង្ឃឹមថាអាចជាចំណែកមួយជួយដល់ទីផ្សារស្វាយរបស់កសិករខ្មែរជៀសមិនផុតពីការមើលងាយដដែល»៕

អត្ថបទ ៖ ចាន់រ៉ា

The post ពែកមី គាំទ្រ ប៉ីប៉ីឌី កែច្នៃផ្លែស្វាយលក់លើទីផ្សារលើកស្ទួយកសិផលក្នុងស្រុក appeared first on Kampuchea Thmey Daily.

ម៉ា ដូណា លើកទឹកចិត្ត PeyPey Dy ខណៈបុគ្គលមួយមើលមិនឃើញពីគុណសម្បត្តិ

Din Thary — Tue, 20 Feb 2024 08:56:03 +0000

តារារៀមច្បងភេទទី៣ ដូចគ្នាលោក ម៉ា ដូណា បានចេញមកលើកទឹកចិត្តតារាសម្តែងភេទទី៣ PeyPey Dy បន្ទាប់ពីជួបរឿងមិនសប្បាយចិត្តត្រូវគេរិះគន់មិនឲ្យតម្លៃទោះបីលោកព្យាយាមតម្រូវចិត្តមនុស្សនៅជុំវិញខ្លួនយ៉ាងណាក្តី ប៉ុន្តែលទ្ធផលនៅតែទទួលបានការស្តីបន្ទោសទៅវិញ។

បើតាមសម្តីរបស់ PeyPey Dyបានឲ្យដឹងថា ដើមហេតុកើតគឺដោយសារលោកចង់ជួយលើកស្ទួយដល់កសិផលក្នុងស្រុកតាមរយៈការយកផ្លែស្វាយទុំច្នៃលក់នៅលើទីផ្សាដើម្បីជួយកសិករខ្មែរដោយភ្ជាប់ជាមួយពាក្យ “រួមគ្នាបង្កើនទីផ្សារផ្លៃឈើក្នុងស្រុក” ស្រាប់តែមានអ្នកថាលោកយកមុខលក់ចង់បានលុយខ្លួនឯងសោះតែធ្វើដូចខ្លួនឯងអស្ចារ្យទៅវិញ។

តារាភេទទី៣ PeyPey Dy បានលើកឡើងថា ខ្ញុំធ្វើ Passionថាខ្ញុំយករបស់យួនមកលក់ខ្ញុំធ្វើ Straw berryថាខ្ញុំយករបស់ថៃមកលក់ថាខ្ញុំអត់ជួយខ្មែរ អត់ប្រើរបស់ខ្មែរដែលមានស្រាប់ផ្លែឈើក្នុងស្រុកម៉េចមិនច្នៃ ដល់ឥឡូវខ្ញុំត្រៀមធ្វើស្វាយទុំទាំងខ្ញុំចាញ់ក្លិនស្វាយទុំ (អ្នកស្គាល់ខ្ញុំដឹងហើយថាខ្ញុំចាញ់ក្លិនធុរេន និងស្វាយទុំហ្នឹងណាស់)តែខ្ញុំនៅតែធ្វើ សង្ឃឹមថាអាចជាចំណែកមួយជួយដល់ទីផ្សារស្វាយរបស់កសិករខ្មែរ តែចៀសមិនផុតពីការមើលងាយដដែល។

PeyPey Dy បញ្ជាក់ថា “ខ្ញុំផុសរូបស្វាយដោយភ្ជាប់ជាមួយពាក្យថា “រួមគ្នាបង្កើនទីផ្សារផ្លៃឈើក្នុងស្រុកមានអ្នកថាខ្ញុំយកមុខ លក់ចង់បានលុយសោះតែធ្វើដូចខ្លួនឯងអស្ចារ្យខ្ញុំខុសរហូតរាល់ថ្ងៃខ្ញុំលក់ដាច់ធ្វើ មិនទាន់ភ្ញៀវកម៉្មង់ផង ភ្ញៀវចាំរាប់ម៉ោងប៉ុណ្ណឹងក៏ល្មមនឹងបានលុយតើខ្ញុំប្រឹងបន្ថែមស្វាយទុំនេះឲ្យកាន់តែរវល់ធ្វើអី?ច្រើនឆ្នាំហើយដែលគេស្គាល់ខ្ញុំ ច្រើនឆ្នាំហើយដែលខ្ញុំជាខ្ទើយសម្តីមិនល្អដៀលខ្ញុំបំពុលសង្គមក៏មានទាំងដែលកន្លងមកខ្ញុំក៏បានជួយការងារសង្គម”។

PeyPey Dy បានបន្ថែមថា ទោះបីជាមិនបានមើល ឃើញចំណុចល្អរបស់ខ្លួន តើពេលនេះអាចឲ្យលោកចង់ធ្វើរឿងល្អដើម្បីបងប្អូនខ្មែរខ្លះបានអត់?ទោះក្នុងរូបភាពណាមួយក៏ដោយតើលោកពិតជានៅតែជាប់ឈ្មោះជាមនុស្សមិនល្អក្នុងក្រសែភ្នែកមនុស្សមួយចំនួនដដែលមែនទេ?។ ដោយឃើញបែបនេះ ម៉ា ដូណា បានលើកទឹកចិត្តថាត្រូវចាំ Peypey Dy យើងម្នាក់មិនអាចតម្រូវចិត្តមនុស្ស ៧នាក់បានទេ យកជីវិតការងាររកស៊ីខ្លួនយើងទៅរីករាយជាមួយក្រុមការងារយើងវិញកុំដាក់អារម្មណ៍នឹងពពួកដែលមានសេចក្តីច្រណែន៕

អត្ថបទ៖ ចាន់រ៉ា

The post ម៉ា ដូណា លើកទឹកចិត្ត PeyPey Dy ខណៈបុគ្គលមួយមើលមិនឃើញពីគុណសម្បត្តិ appeared first on Kampuchea Thmey Daily.

រំលងផុត ៧ ឆ្នាំ អ្នកគាំទ្ររង់ចាំមើលថា Pey Pey Dy និងAlex Rayuth អាចប៉ះគ្នាម្ដងទៀត ផ្ទុះយ៉ាងណា?

អ៊ិន ពិសី — Mon, 28 Nov 2022 07:02:08 +0000

មហាជន និងអ្នកគាំទ្រប្រហែលនៅចាំហើយថា កន្លងមករវាងតារាប្រុសល្បីឈ្មោះលើបណ្ដាញសង្គមហ្វេសប៊ុក ២ រូប គឺលោក Pey Pey Dy និង Alex Rayuth ធ្លាប់ផ្ទុះសង្គ្រាមពាក្យសម្ដីជាមួយគ្នាម្តងមកហើយ ដែលគិតមកទល់ពេលនេះមានរយៈពេលប្រមាណ ៧-៨ ឆ្នាំមកហើយ។

យ៉ាងណាមិញ ក្រោយពេលបញ្ហានោះបានស្ងប់ស្ងាត់មួយសន្ទុះធំមក ស្រាប់តែពេលនេះគេឃើញមានការស៊ែចែករំលែក នៃការបង្ហោះពាក្យពេចន៍មួយចំនួនរបស់តារាហ្វេសប៊ុក Alex Rayuth ដែលគេស្គាល់ថា ជាដៃគូជម្លោះ Pey Pey Dy ,ហាក់មានចេតនាផ្លែផ្កាឌឺដងទៅលើតារាសម្ដែងលោក Pey Pey Dy បង្កការចាប់អារម្មណ៍ និងភ្ញាក់ផ្អើលដល់អ្នកគាំទ្រជាថ្មី។ ត្រង់ចំណុចនេះ ក៏មានការលើក ឡើងថា យឺ !តារាល្បីៗស៊េរីមុនប៉ះគ្នាសាហាវ ល្បី ៧-៨ ឆ្នាំហើយ នៅមិនភ្លេចគ្នាទេ ប៉ះម្ដងនេះសុំឲ្យខ្លាំងជាងមុនណា PPD @ARY។

ចំណែកនៅលើទំព័រហ្វេសប៊ុកឈ្មោះ ជាង ទូរស័ព្ទ ចន្ទ្រា លក្ខិណា បានលើកឡើងដែរថា ប្រសិនបើសង្គ្រាមលោកលើកទី ២ ផ្ទុះម្ដងទៀត តើមានអ្វីនឹងកើតឡើង រវាងតារាFacebook Alex Rayuth និង PeyPey Dy តោះបងប្អូនរង់ចាំទស្សនាទាំងអស់គ្នា។ ហ្វេសប៊ុកឈ្មោះ Sa Sa លើកឡើងដែរថា មានរឿងអ្វីចេះ ដៃគូចាស់ប៉ះគ្នា សង្ស័យល្បីជាង ៧-៨ ឆ្នាំមុនណា,ចាំតាមដានទាំងអស់គ្នា វគ្គនេះដឹងតែផ្អើលហើយ ព្រោះកាល Alex Rayuth ស្លូតពេក តែឡូវឃើញដូចខ្លាំងសាហាវ ចាំមើលវាយ៉ាងម៉េច។

រីឯខ្លះទៀតបាននិយាយដែរថា សាហាវណាស់លោក Alex Rayuth និយាយដូចចង់មានបញ្ហាជាមួយPey Pey Dy(បើដៃគូចាស់ប៉ះគ្នាដឹងល្អមើលម៉េចទេ ព្រោះថាកាលពី ៧ ឆ្នាំមុន ពួកគាត់ទាំង ២ ល្បី មិនសូវមានអ្នកលេង Facebook ច្រើន ចង់ដឹងណាស់ តើពួកគាត់ប៉ះគ្នាវិញអត់ ខ្ញុំចាំមើល ព្រោះឥឡូវឃើញAlex Rayuth រៀងខ្លាំងណាស់ ម្ដងនេះបើប៉ះមែនរឿងផ្ទុះជាងគេ។

ដោយឡែកបើងាកទៅចាប់អារម្មណ៍នៅលើគណនីហ្វេសប៊ុកតារាហ្វេសប៊ុកឈ្មោះ Alex Rayuth ដែលជាអ្នកលក់អនឡាញល្បីនៅថៃគេឃើញបង្ហោះសារភ្ជាប់នឹងរឿងរ៉ាវមួយចំនួននិយាយបញ្ឆិតបញ្ឆៀងតទៅPey Pey Dy។ យោងតាមខ្លឹមសារ នៃសំណេរទាំងនោះបានលើកឡើងជាបន្តបន្ទាប់ថា សុំទោសមិនដែលនិយាយអីប៉ះពាល់គ្នាទេ តាំងពីឆ្នាំ ២០១៥ មក ព្រោះរឿងមុន។ បញ្ជាក់ ខ្លាំងបានតែខ្មែរគ្នាឯង បើថៃយកទៅប្រើវិញ ឬអ្នកផ្សេងយកទៅគ្មានមាត់អីទេ មើលទៅខ្លាំងបានតែខ្មែរគ្នាឯង ហត់ណាស់ វាជ្រុលពេក។ សម្រាប់គាត់ គឺតថានេះជារបស់ខ្មែរបានខំយកមកបង្ហាញ គ្រាន់តែអ៊ីចឹងសោះ បែកអូហូរស្ទឹងម្ល៉េះ សំខាន់មនុស្សមួយចំនួនតែស្ករណាស់(បញ្ជាក់ខ្ញុំមិនចង់ល្បីអីមួយគាត់ទៀតទេ គ្រាន់តែនិយាយអារម្មណ៍ពិត ខ្ញុំក៏មិនចង់ឈ្លោះគ្នាអីជាមួយម្នាក់នឹងទៀតដែរ។

Alex Rayuth បានបន្តថា តាំងពី ៧ ឆ្នាំមុនមកដល់ឥឡូវ និយាយត្រង់ មិនចង់និយាយអ្វីប៉ះពាល់នឹងតារាFacebook អីទេ ព្រោះដឹងចរិត(ណាមួយយើងមិនចេះសម្ដែង) ហត់ ឥឡូវដូចចង់ប្រឡូកវិញ ធុញពេក។ ផ្ដាំទៅតារាFacebook ជើងចាស់ដែលធ្លាប់ប៉ះខ្ញុំកាល ៧ ឆ្នាំមុនផង ប៉ះអ្នកណាប៉ះចុះ តែកុំនិយាយអីប៉ះបងអញRith Thea(អញមិនចង់យករឿងកាល ៧ ឆ្នាំមុនមកនិយាយទេ តែកុំចាំព្រួតខាំបងអញ( ម្ដងនេះអញមិនចាញ់អ្នកឯងទេ កាលមុនfan ច្រើន អ្នកឈ្នះខ្ញុំ តែម្ដងនេះខ្ញុំមិនសុខចិត្តចាញ់ទេ(PPD)យល់។

តារាហ្វេសប៊ុក Alex Rayuth បាននិយាយទៀតថា សូមកុំយករូបខ្ញុំទៅភ្ជាប់ជាមួយបុគ្គលនឹង ខ្ញុំគ្មានfan ណាទៅកាន់ជើងដូចបុគ្គលល្បីទេ តែកុំប៉ះពាល់បងខ្ញុំ តែប៉ះ ខ្ញុំលូកដៃអ៊ីចឹង(ចង់ជាន់បងខ្ញុំមែន សុំទោសកំដរបានតើ)។ ខ្ញុំមិនបាននិយាយប៉ះពាល់គាត់ទេ តែគាត់និយាយប៉ះពាល់បងខ្ញុំមុន គ្រាន់តែរឿងបន្តិចសោះ ព្រួត និងខាំបងខ្ញុំមិនលែង អាងមាន Fan ច្រើនមែន កំដរបានតើ ទោះខ្ញុំគ្មានfan ក៏ដោយ យល់ bye។ រឿង ៧-៨ ឆ្នាំហើយ គួរណាមកកើតឡើងម្ដងទៀតទេ មូលហេតុកុំឲ្យពូកែខាងខាំ និងfan គេព្រួតខាំបងខ្ញុំ គិតថាខ្ញុំទុកមែន សុំទោស មិនមែនស៊េរី ៧ ឆ្នាំមុនទេណាអូន កំដរបាន ទោះរវល់រកស៊ីម៉េចក៏ដោយ welcome 24h។

បន្ថែមពីនេះលោក Alex Rayuth បានលើកឡើងថា អត់ចង់ទេ អ្នកផុសចង់ឲ្យឮដល់ម្នាក់នឹងមែន ឲ្យស្ពី។ ផុសគ្រប់គ្នាមក ក្រែងបានផ្ទុះជាងនេះ។

ទាក់ទងនឹងរឿងរ៉ាវនេះដែរ គេមិនទាន់ឃើញមានប្រតិកម្មណាមួយពីលោក Pey Pey Dy នៅឡើយទេ ខណៈ កម្ពុជាថ្មី ក៏មិនទាន់អាចទំនាក់ទំនងដើម្បីសុំការសួរនាំពីតារាហ្វេសប៊ុករូបនេះបាននៅឡើយ៕

អត្ថបទ ៖ ចាន់រ៉ា

The post រំលងផុត ៧ ឆ្នាំ អ្នកគាំទ្ររង់ចាំមើលថា Pey Pey Dy និងAlex Rayuth អាចប៉ះគ្នាម្ដងទៀត ផ្ទុះយ៉ាងណា? appeared first on Kampuchea Thmey Daily.