ព្រះអង្គម្ចាស់ នរោត្តម អម្រិតធីវង្ស ប្រាប់មូលហេតុទិញក្លិបថៃ Police Tero FC

chean virakbot — Tue, 07 Nov 2023 03:26:38 +0000

ព្រះអង្គម្ចាស់ នរោត្តម រ៉ាវីចក្រ និង ព្រះអង្គម្ចាស់ នរោត្តម អម្រិតធីវង្ស បានក្លាយជាម្ចាស់ភាគហ៊ុនធំលើក្លិបបាល់ទាត់លីគកំពូលថៃ Police Tero FC ហើយ។

ក្នុងសន្និសីទសារព័ត៌មានកាលពីថ្ងៃទី៦ ខែវិច្ឆិកា ឆ្នាំ២០២៣ មានរាជវត្តមានព្រះអង្គម្ចាស់ នរោត្តម រ៉ាវីចក្រ និងព្រះអង្គម្ចាស់ នរោត្តម អម្រិតធីវង្ស ខណៈខាងភាគីថៃមានលោក Kongsak Yodmanee ប្រធានអាជ្ញាធរកីឡាថៃ និងលោក Brian Linzze Markar អនុប្រធានក្លិប Police Tero FC។

តាមព័ត៌មានបង្ហាញថា ព្រះអង្គម្ចាស់ដែលជាម្ចាស់ភាគហ៊ុនថ្មីបានបោះទុនចំនួន២០០លានបាត (ប្រហែលជា៥.៦២លានដុល្លារ) ស្មើនឹង៤៩%នៃភាគហ៊ុនរបស់ក្លិប។

ព្រះអង្គម្ចាស់ នរោត្តម អម្រិតធីវង្ស មានបន្ទួលថា ៖«មូលហេតុដែលកាន់កាប់ក្លិប Police Tero ដោយសារក្លិបនេះមានប្រវត្តិយូរអង្វែង។ គោលដៅសំខាន់គឺនាំក្លិបឲ្យបានចំណាត់ថ្នាក់កំពូលទាំង៣ក្នុងលីគថៃដើម្បីបានកៅអីលេងក្នុងពានរង្វាន់ AFC Champions League ជាថ្មី បន្ទាប់ពីធ្លាប់បានជើងឯករងកាលពីឆ្នាំ២០០២។ ខ្ញុំក៏ជាអតីតកីឡាករបាល់ទាត់ម្នាក់ដែរ។ ខ្ញុំស្គាល់កន្លែងនេះ»។

ដើម្បីពង្រឹងក្លិប ព្រះអង្គម្ចាស់នឹងពិភាក្សាជាមួយគ្រូបង្វឹកជាមុនដើម្បីរកកីឡាករមកពង្រឹងក្រុមសម្រាប់ជើងទី២នៃលីគកំពូលថៃ។ ព្រះអង្គនឹងប្រើប្រាស់ទំនាក់ទំនងផ្ទាល់ខ្លួនដើម្បីទាក់ទាញកីឡាករបរទេសមកពង្រឹងក្រុម ព្រមទាំងជំរុញផ្សព្វផ្សាយកីឡាករថៃ និងអាស៊ានទៅកម្រិតអន្តរជាតិបន្ថែមទៀត។

ព្រះអង្គម្ចាស់ធ្លាប់ជាកីឡាករបាល់ទាត់ និងចូលចិត្តបាល់ទាត់យ៉ាងខ្លាំង ហើយត្រូវបានគេរាយការណ៍ថា ទំនងជាពង្រីកភាពជាដៃគូបន្ថែមទៀតដើម្បីជួយវិស័យបាល់ទាត់កម្ពុជាឲ្យរីកចម្រើន។ បើមានឱកាស ព្រះអង្គនឹងនាំកីឡាករបាល់ទាត់កម្ពុជាមកលេងនៅក្លិបថៃដែរ។

តាមព័ត៌មានថៃបានចេញផ្សាយគឺមានព្រះអង្គម្ចាស់៣អង្គគឺ នរោត្តម រ៉ាវីចក្រ, នរោត្តម អម្រិតធីវង្ស និង នរោត្តម ណាឬទ្ធីពង្ស បានរួមគ្នាទិញក្លិប Police Tero ក្លាយជាម្ចាស់ភាគហ៊ុនធំ។

ក្លិបបាល់ទាត់មួយនេះធ្លាប់ឈ្នះជើងឯកលីគកំពូលថៃបាន២ដងគឺឆ្នាំ២០០០ និង២០០១-២ ហើយក៏ធ្លាប់ជាជើងឯករងពានលំដាប់ទី១អាស៊ី AFC Championship កាលពីឆ្នាំ២០០៣-៤៕

អត្ថបទ៖ វីរបុត្រ

The post ព្រះអង្គម្ចាស់ នរោត្តម អម្រិតធីវង្ស ប្រាប់មូលហេតុទិញក្លិបថៃ Police Tero FC appeared first on Kampuchea Thmey Daily.

ផ្លូវការ! ព្រះអង្គម្ចាស់ នរោត្តម រ៉ាវីចក្របោះទុន៥.៦២លានដុល្លារទិញក្លិបថៃ Police Tero

chean virakbot — Tue, 07 Nov 2023 02:31:03 +0000

ព្រះអង្គម្ចាស់ នរោត្តម រ៉ាវីចក្រ និង ព្រះអង្គម្ចាស់ នរោត្តម អម្រិតធីវង្ស បានក្លាយជាម្ចាស់ភាគហ៊ុនធំលើក្លិបបាល់ទាត់លីគកំពូលថៃ Police Tero FC បន្ទាប់ពីបានចុះហត្ថលេខាធិការជាផ្លូវការកាលពីម្សិលមិញ។

វត្តមានក្នុងសន្និសីទសារព័ត៌មានកាលពីថ្ងៃទី៦ ខែវិច្ឆិកា ឆ្នាំ២០២៣ មានក្រុមហ៊ុន Cambodian Capital Group ដឹកនាំដោយព្រះអង្គម្ចាស់ នរោត្តម រ៉ាវីចក្រ និងព្រះអង្គម្ចាស់ នរោត្តម អម្រិតធីវង្ស និងខាងភាគីថៃមានលោក Kongsak Yodmanee ប្រធានអាជ្ញាធរកីឡាថៃ និង Brian Linzze Markar អនុប្រធានក្លិប Police Tero FC។

តាមព័ត៌មានបង្ហាញថា ព្រះអង្គម្ចាស់ដែលជាម្ចាស់ភាគហ៊ុនថ្មីបានបោះទុនចំនួន២០០លានបាត (ប្រហែលជា៥.៦២លានដុល្លារ) ដែលស្មើនឹង៤៩%នៃភាគហ៊ុនរបស់ក្លិប។

គោលដៅចម្បងរបស់ម្ចាស់ភាគហ៊ុនថ្មីគឺនាំក្លិប Police Tero FC ហោចណាស់ឲ្យឈានដល់លំដាប់កំពូលទាំង៣ (Top 3) នៅក្នុងលីគបាល់ទាត់កំពូលថៃនៅរដូវកាលក្រោយ និងយកកៅអីចូលរួមប្រកួតពានរង្វាន់ AFC Championship។

បច្ចុប្បន្ននេះ Police Tero FC កំពុងស្ថិតនៅចំណាត់ថ្នាក់លេខ៩នៃលីគកំពូលថៃដែលមានចំនួន១៦ក្លិប បន្ទាប់ពីឆ្លងកាត់១០ប្រកួតរកបានត្រឹមតែ១២ពិន្ទុប៉ុណ្ណោះ។

ក្លិបបាល់ទាត់មួយនេះធ្លាប់ឈ្នះជើងឯកលីគកំពូលថៃបាន២ដងគឺឆ្នាំ២០០០ និង២០០១-២ ហើយក៏ធ្លាប់ជាជើងឯករងពានលំដាប់ទី១អាស៊ី AFC Championship កាលពីឆ្នាំ២០០៣-៤។

អត្ថបទ៖ វីរបុត្រ

The post ផ្លូវការ! ព្រះអង្គម្ចាស់ នរោត្តម រ៉ាវីចក្របោះទុន៥.៦២លានដុល្លារទិញក្លិបថៃ Police Tero appeared first on Kampuchea Thmey Daily.

Prince Norodom Rawijak Archives - Kampuchea Thmey Daily

ព្រះ​អង្គម្ចាស់ នរោត្តម អម្រិតធីវង្ស ប្រាប់មូលហេតុទិញក្លិបថៃ Police Tero FC

ផ្លូវ​ការ! ព្រះ​អង្គម្ចាស់ នរោត្តម រ៉ាវីចក្របោះទុន៥.៦២លានដុល្លារទិញក្លិបថៃ Police Tero

ព្រះអង្គម្ចាស់ នរោត្តម អម្រិតធីវង្ស ប្រាប់មូលហេតុទិញក្លិបថៃ Police Tero FC

ផ្លូវការ! ព្រះអង្គម្ចាស់ នរោត្តម រ៉ាវីចក្របោះទុន៥.៦២លានដុល្លារទិញក្លិបថៃ Police Tero