តុលាការកំពូលក្នុងប្រទេស អេស្ប៉ាញ បានប្រកាសកាលពីថ្ងៃ ពុធ ទី ១៤ កន្លងទៅថា មានកីឡាករបាល់ទាត់ចំនួន ៤ នាក់ ដែលក្នុងនោះត្រូវគេសង្ស័យថាជាអតីតយុវជន និងកីឡាករ Real Madrid បច្ចុប្បន្នដូចជា Raul Asencio, Andres Garcia, Ferran Ruiz និង Juan Rodriguez បានជាប់ពាក់ព័ន្ធលើករណីចែកចាយរូបភាពអាសអាភាសខុសច្បាប់ ហើយក្នុងចំណោមរូបភាពរបស់នារីទាំងនោះ មានម្នាក់ជាអនីតិជនអាយុក្រោម ១៦ ឆ្នាំទៀតផង។

រឿងរ៉ាវ ដែលកំពុងស្ថិតក្នុងការសង្ស័យនេះបានកើតឡើងតាំងពីខែ មិថុនា ឆ្នាំ ២០២៣ មកម្ល៉េះ នៅពេលដែលកីឡាករទាំង ៤ បានទៅលេងនៅក្លិបកំសាន្តមួយកន្លែង ដែលមានទីតាំងស្ថិតនៅឆ្នេរខ្សាច់ Gran Canaria។

យ៉ាងណា Raul Asencio ធ្លាប់បានទទួលបណ្តឹងឧទ្ធរណ៍រួចម្តងហើយ ប៉ុន្តែសំណុំរឿងនេះត្រូវបានច្រានចោលដោយតុលាការកាលពីខែកុម្ភៈ ខណៈឥឡូវនេះ ករណីនេះកំពុងត្រូវបានគេសើររើឡើងវិញ ដើម្បីជំនុំជំរះជាថ្មី៕

ប្រែសម្រួល៖ សេម កុសល
ប្រភព៖ talkSPORT

The post តារាកំពុងរះរបស់ R. Madrid ម្នាក់ ជាប់សង្ស័យពីបទចែកចាយរូបភាពអាសអាភាស appeared first on Kampuchea Thmey Daily.

លោក Luis de la Fuente បានចាត់ទុកខ្សែការពារវ័យ ២១ ឆ្នាំរូបនេះ ថាជាកីឡាករ ដែលមានទេពកោសល្យ បន្ទាប់ពីរូបគេបង្ហាញសមត្ថភាពយ៉ាងអស្ចារ្យជាមួយក្រុម អធិរាជស នៅរដូវកាលនេះ ទាំងនៅក្នុងពាន La Liga និង Champions League។ ដូច្នេះហើយទើបលោកចង់ផ្តល់ឱកាសឱ្យគេ និងជ្រើសរើសគេមកចូលរួមជាមួយក្រុមឈុតធំ អេស្ប៉ាញ។

ទាក់ទងនឹងរឿងខាងលើ បុរសសញ្ជាតិ អេស្ប៉ាញ វ័យ ៦៣ ឆ្នាំបានលើកឡើងពី Raul Asencio ថា៖ «Raul គឺកំពុងមានរដូវកាលដ៏អស្ចារ្យ។ គាត់មិនធ្លាប់ជាប់ជម្រើសជាតិអាយុក្រោម ២១ ពីមុនមកទេ ប៉ុន្តែគាត់បានក្លាយជាកីឡាករម្នាក់ ដែលបានរីកចម្រើនយ៉ាងលឿន។ ខ្ញុំតែងតែផ្តល់ឱកាសឱ្យកីឡាករវ័យក្មេង និងកីឡាករ ដែលមានទេពកោសល្យ។ ពួកគេអាចទាញយកផលប្រយោជន៍ពីឱកាសទាំងនេះ ហើយមានកន្លែងឈរជើងនៅក្នុងអាជីពបាល់ទាត់។ ពួកយើងរីករាយ ដែលគាត់បានមកចូលរួមជាមួយគ្រួសារនេះ…»។

សូមជម្រាបថា ក្រុមគោជល់ អេស្ប៉ាញ បានប្រកាសបញ្ជីឈ្មោះកីឡាករត្រៀមការប្រកួតវគ្គ ៨ ក្រុមពាន Nations League រួចរាល់ហើយ ខណៈខាងក្រោមនេះ គឺជាឈ្មោះកីឡាករទាំង ២៦ នាក់ ដែលជាប់នៅក្នុងបញ្ជីរបស់លោក De la Fuente៖

ប្រែសម្រួលអត្ថបទ៖ សេម កុសល
ប្រភព៖ Grada3

The post គ្រូធំ អេស្ប៉ាញ បង្ហើបហេតុផល ដែលធ្វើឱ្យលោកកោះហៅ Raul Asencio មកកាន់ជម្រើសជាតិ appeared first on Kampuchea Thmey Daily.