កូនរបស់ Beckham ផ្ទេរពីក្លិបនៅ អាមេរិក មកចូលរួមជាមួយក្លិប Brentford នៃចក្រភពអង់គ្លេស

អ៊ិន ពិសី — Sun, 08 Jan 2023 01:05:00 +0000

ក្លិប Brentford បានបញ្ចប់ការចុះហត្ថលេខាខ្ចីជើងកូនប្រុសរបស់ David Beckham កីឡាករ Romeo រហូតដល់ចប់រដូវកាល។ ខ្សែបម្រើស្ដាំ នឹងតំណាងឲ្យក្រុម B របស់ក្លិបដែលគេបានហ្វឹកហាត់ជាមួយចាប់តាំងពីចុងបញ្ចប់ នៃរដូវកាលលីគកំពូលអាមេរិក MLS ឆ្នាំ ២០២២។

កីឡាករវ័យ ២០ ឆ្នាំ ដែលជាកូនប្រុសទី ២ របស់អតីតប្រធានក្រុមអង់គ្លេស នឹងលេងតំណាងឲ្យក្រុម B របស់ក្លិប បន្ទាប់ពីការហ្វឹកហាត់ជាមួយក្រុមបម្រុងរបស់ក្រុមនេះ បន្ទាប់ពីបញ្ចប់រដូវកាល ២០២២ លីគកំពូលអាមេរិក (Major League Soccer)។

ខ្សែបម្រើស្លាបស្តាំដែលដូចជាឪពុករបស់គេ Beckham បានចូលរួមជាមួយ Fort Lauderdale CF ក្នុងឆ្នាំ ២០២១ មុនពេលវាត្រូវបានប្ដូរឈ្មោះទៅជា Inter Miami II។ ឪពុករបស់ Romeo គឺលោក David បានប្រកាសចាប់ផ្ដើមក្លិប Inter Miami ដែលលោកជាអ្នកវិនិយោគផ្ទាល់ នៅដើមរដូវកាល MLS ឆ្នាំ ២០២០។

ខ្សែបម្រើរូបនេះលេងបាន ៦ នាទី សម្រាប់ក្រុមដំបូងរបស់ Inter Miami ក្នុងការប្រកួតមិត្តភាពមុនបើករដូវកាលជាមួយ Barcelona កាលពីខែកក្កដាឆ្នាំមុន។

មុនពេលលេងបាល់ទាត់នៅសហរដ្ឋអាមេរិក Romeo Beckham គឺជាផ្នែកមួយ នៃយុវជនថ្នាលរបស់ Arsenal ក្នុងឆ្នាំ ២០១៤ មុនពេលចាកចេញពីក្រុម បន្ទាប់ពីចំណាយពេលមួយឆ្នាំ៕

ប្រភព ៖ skysports.com

អត្ថបទ ៖ មន្នីរ័ត្ន

The post កូនរបស់ Beckham ផ្ទេរពីក្លិបនៅ អាមេរិក មកចូលរួមជាមួយក្លិប Brentford នៃចក្រភពអង់គ្លេស appeared first on Kampuchea Thmey Daily.

កូនប្រុស Beckham កំពុងមានស្នេហាជាមួយកីឡាការិនីកាណាដា អតីតមិត្តស្រីរបស់ Alphonso

Sorn Phanith — Thu, 25 Aug 2022 09:46:53 +0000

មិនយូរប៉ុន្មានបន្ទាប់ពីបែកគ្នាជាមួយ Mia Regan កូនប្រុសរបស់វីរបុរសអង់គ្លេស David Beckham ក៏ត្រូវបានគេដឹងថា មានទំនាក់ទំនងស្នេហាជាមួយកីឡាការិនី Jordyn Huitema។

យោងតាមទស្សនាវដ្ដី Hello បានឱ្យដឹងថា Romeo Beckham ទើបតែបានដើរលេងជាមួយកីឡាការិនី Jordyn Huitema នៅ Disneyland ក្នុងរដ្ឋ Florida (សហរដ្ឋអាមេរិក)។

ទោះជាគូស្នេហ៍វ័យក្មេងមួយគូនេះ មិនបានបង្ហោះរូបថតជាមួយគ្នាក៏ដោយ ក៏អ្នកទាំងពីរនៅតែមានមន្ទិលទាក់ទងនឹងគូស្នេហ៍។ គណនីបណ្តាញជាច្រើនបានរកឃើញថា Romeo Beckham តែងតែចុចចូលចិត្តរូបរបស់កីឡាការិនីរូបនេះនៅលើបណ្តាញសង្គម។

ដំណឹងដែលថា Romeo មានមិត្តស្រីថ្មីបានផ្ទុះឡើងមិនយូរប៉ុន្មានក្រោយបែកគ្នាជាមួយស្រីស្អាត Mia Regan។ ប្រភពស្និទ្ធនឹងគូស្នេហ៍បានបង្ហើបថាអ្នកទាំងពីរបានបែកគ្នាដោយសន្តិវិធី។ ទោះបីជាខូចចិត្តក៏ដោយ Romeo និង Regan នៅតែគាំទ្រគ្នាទៅវិញទៅមក។ ថ្មីៗនេះ តារាម៉ូដែលរូបនេះបានផ្ញើសារអបអរសាទរពេល Romeo ស៊ុតបញ្ចូលទីឲ្យក្លិបរបស់ខ្លួន។

Romeo (វ័យ១៩ឆ្នាំ) បច្ចុប្បន្នដើរតួជាខ្សែប្រយុទ្ធសម្រាប់ក្លិប Inter Miami II ដែលមានមូលដ្ឋាននៅរដ្ឋផ្លរីដា ជាក្លិបដែលឪពុករបស់គេផ្ទាល់។ កូនប្រុសទីពីររ បស់ David Beckham ទំនងជាត្រូវបានដំឡើងមកលេងក្រុមធំ និងលេងនៅលីគកំពូលអាមេរិក (MLS) នាពេលខាងមុខនេះ។

ដោយឡែកកីឡាការិនី Jordyn Huitema (វ័យ២១ឆ្នាំ) ទើបតែបញ្ចប់ស្នេហារយៈពេល ៥ ឆ្នាំជាមួយកីឡាករ Alphonso Davies របស់ក្លិប Bayern Munich ។ នាងបានចាកចេញពីក្លឹប PSG កាលពីរដូវក្តៅមុន ហើយឥឡូវនេះលេងឱ្យក្លិប OL Reign (លីគនារីអាមេរិក)។ កីឡាការិនីរូបនេះមានរូបរាងសិចស៊ី និងមានទេពកោសល្យជាមួយបាល់ទាត់ផងដែរ៕

អត្ថបទ៖ មន្នីរ័ត្ន

The post កូនប្រុស Beckham កំពុងមានស្នេហាជាមួយកីឡាការិនីកាណាដា អតីតមិត្តស្រីរបស់ Alphonso appeared first on Kampuchea Thmey Daily.

Romeo Beckham Archives - Kampuchea Thmey Daily

កូនរបស់ Beckham ផ្ទេរពីក្លិបនៅ អាមេរិក មកចូលរួមជាមួយក្លិប Brentford នៃចក្រភពអង់គ្លេស

កូនប្រុស Beckham កំពុងមានស្នេហាជាមួយកីឡាការិនីកាណាដា អតីតមិត្តស្រីរបស់ Alphonso