Wane Rooney ទទួលបានភាពជោគជ័យខ្លាំង អំឡុងពេលលេងនៅ Man United ក្រោមការដឹកនាំរបស់លោក Alex Ferguson ចន្លោះពីឆ្នាំពី ២០០៤ ដល់ឆ្នាំ ២០១៣។ អំឡុងពេលនោះ រូបគេបានឈ្នះពាន Premier League ចំនួន ៥ លើក, ពាន Champions League ១ លើក និងពានក្នុងស្រុកមួយចំនួនទៀត។

ទោះបីជាយ៉ាងណា Rooney មិនបានជ្រើសរើសយកលោក Alex Ferguson ជាគ្រូបង្វឹក ដែលគាត់ចាត់ទុកល្អបំផុតក្នុងអាជីពរបស់គាត់នៅ Man United ឡើយ។ ផ្ទុយទៅវិញ លោកបានជ្រើសរើសយកគ្រូបង្វឹកសញ្ជាតិ ហូល្លង់ លោក Louis van Gaal ទៅវិញទេ ដែលលោកគិត ថា ជាគ្រូបង្វឹកល្អបំផុតសម្រាប់លោក។

ថ្លែងនៅក្នុងកិច្ចសម្ភាសន៍ជាមួយ BBC លោក Rooney បាននិយាយ ថា៖ «គ្រូបង្វឹកល្អបំផុត ដែលខ្ញុំធ្លាប់បានស្ថិតក្រោមការដឹកនាំ នោះគឺលោក Louis van Gaal។ រឿងនេះប្រហែលជាគ្រប់គ្នាឮហើយចម្លែក។ លោក Alex Ferguson បានដឹងច្បាស់ អំពីអ្វីដែលលោកបានកំពុងធ្វើ ហើយវាពិតជាអស្ចារ្យ ចំពោះអ្វី ដែលគាត់បានធ្វើ។ ប៉ុន្តែបើនិយាយអំពីយុទ្ធសាស្ត្រដឹកនាំ នៅពេលខ្ញុំលេងក្រោមការដឹកនាំរបស់លោក Luis van Gaal  គឺលោកតែងធ្វើជាផ្លូវនាំមុខសម្រាប់នរណាម្នាក់។ អ្វីដែលខ្ញុំកំពុងនិយាយ គឺយុទ្ធសាស្ត្រ។ លោក Alex Ferguson គឺល្អបំផុតនៅក្នុងចំណោមនោះ ប៉ុន្តែអំពីយុទ្ធសាស្ត្រ លោក Louis van Gaal ពិតជាមិនគួរឱ្យជឿ…»។

គួរឱ្យដឹងថា អំឡុងពេលលេងនៅ Man United លោក Rooney ធ្លាប់បានលេងក្រោមការដឹកនាំរបស់គ្រូបង្វឹកចំនួន ៤ នាក់ ដូចជាលោក Sir Alex Ferguson ពីឆ្នាំ ២០០៤ ដល់ ២០១៣, លោក David Moyes ពីឆ្នាំ ២០១៣ ដល់ ២០១៤, លោក Van Gaal ពីឆ្នាំ ២០១៤ ដល់ ២០១៦ និងចុងក្រោយលោក Jose Mourinho ពីឆ្នាំ ២០១៦ ដល់ ២០១៧៕

ប្រែសម្រួល៖ សេម កុសល
ប្រភព៖ Sportbible

The post Rooney មិន​បាន​ចាត់​ទុក​លោក Alex Ferguson​ជាគ្រូបង្វឹកល្អបំផុតរបស់ខ្លួននៅ Man United appeared first on Kampuchea Thmey Daily.

១. លោក Alex Ferguson

លោក Alex Ferguson ត្រូវបានគេចាត់ទុក​ជាគ្រូបង្វឹកម្នាក់​ដែល​​ជោគជ័យខ្លាំងបំផុតក្នុងពិភពបាល់ទាត់ ក្រោយឈ្នះពានរង្វាន់សរុបចំនួន៤៨គ្រឿង បន្ទាប់ពីដឹកនាំក្លិបបាល់ទាត់ចំនួន២គឺក្លិប Aberdeen និង Manchester United។

ពានរង្វាន់ទាំង៤៨ របស់លោក Alex Ferguson បានឈ្នះរួមមាន៖ពានរង្វាន់លីគកំពូលស្កុតឡេន ចំនួន៣លើក, Scottish League Cup ចំនួន១លើក, Scottish Cup ចំនួន៤លើក, UEFA Champions League ចំនួន២លើក, FIFA Club World Cup ចំនួន១លើក, UEFA Super Cup ចំនួន២លើក, លីគកំពូលអង់គ្លេសចំនួន១៣លើក, Europapokal der Pokalsieger Sieger ចំនួន២លើក, FA Cup ចំនួន៥លើក,​ FA Community Shield ចំនួន១០លើក, League Cup ចំនួន៤លើក និង Intercontinental Cup winner ចំនួន១លើក។ លោក Alex Ferguson ក៏ធ្លាប់ឈ្នះពានរង្វាន់គ្រូបង្វឹកឆ្នើមប្រចាំឆ្នាំ២លើក។

២. លោក Pep Guardiola

លោក Pep Guardiola ជាគ្រូបង្វឹកទី២ក្នុងពិភពលោកបាល់ទាត់ ដែល​ទទួល​បាន​ជោគជ័យខ្លាំងបំផុត បន្ទាប់ពីលោក លោក Alex Ferguson។ គិតត្រឹមដើមឆ្នាំ២០២៥ បន្ទាប់ពីដឹកនាំក្លិបបាល់ទាត់អាជីព៣ផ្សេងគ្នា បុរសសញ្ជាតិអេស្ប៉ាញវ័យ៥៣ឆ្នាំម្នាក់នេះបានឈ្នះពានរង្វាន់សរុបចំនួន៣៨គ្រឿងរួមមាន ពានរង្វាន់ UEFA Champions League ចំនួន៣លើក, UEFA Super Cup ចំនួន៤លើក, FIFA Club World Cup ចំនួន៤លើក, លីគកំពូលអង់គ្លេសចំនួន៦លើក, FA Cup ចំនួន២លើក, FA Community Shield ចំនួន២លើក, League Cup អង់គ្លេសចំនួន៤លើក, លីគកំពូលអាល្លឺម៉ង់ចំនួន៣លើក, German cup ចំនួន២លើក, លីគកំពូលអេស្ប៉ាញចំនួន៣លើក, Spanish Cup ចំនួន២លើក និង ពាន Spanish Super Cup ចំនួន៣លើក។ លោក Pep Guardiola ធ្លាប់​បាន​ឈ្នះពានរង្វាន់គ្រូបង្វឹកឆ្នើមប្រចាំឆ្នាំ៣លើក។

៣. Mircea Lucescu

ទោះបីជាមិនបានឈ្នះនៅជើងឯកលីគកំពូលទាំង៥ក្នុងតំបន់អឺរ៉ុបពិតមែន ប៉ុន្តែលោក Mircea Lucescu​ គ្រូបង្វឹកបាល់ទាត់ជនជាតិរ៉ូម៉ានីក៏មានកំណត់ត្រាមិនធម្មតាទេក្នុងការដឹកនាំក្រុមបាល់ទាត់។ បុរសវ័យ៧៩ឆ្នាំរូបនេះបានឈ្នះពានរង្វាន់ចំនួន៣៧គ្រឿងក្នុងនោះរួមមាន​ ពានរង្វាន់ UEFA Super Cup ចំនួន១លើក, UEFA Europa League ចំនួន១លើក, ជើងឯកលីគកំពូលរ៉ូម៉ានី ចំនួន២លើក, Russian Super Cup ចំនួន១លើក, ជើងឯកលីគកំពូលអ៊ុយក្រែនចំនួន៩លើក, Ukrainian Cup ចំនួន៧លើក, Ukrainian Super Cup ចំនួន៨លើក, ជើងឯកលីគកំពូលតួកគីចំនួន២លើក, Italienischer Zweitligameister ចំនួន១លើក, ជើងឯកលីគទី២រ៉ូម៉ានី ចំនួន១លើក, Romanian Cup​ ចំនួន៣លើក និង ពាន​Romanian Super Cup ចំនួន១លើក៕

អត្ថបទ៖ ផា រតនា

The post គ្រូបង្វឹកបាល់ទាត់៣រូបឈ្នះពានរង្វាន់ច្រើនបំផុតក្នុងប្រវត្តិសាស្រ្ដ appeared first on Kampuchea Thmey Daily.

ក្លិប Manchester United មិនបានឈ្នះពាន Premier League ចាប់តាំងពីអតីតអ្នកចាត់ការ លោក Sir Alex Ferguson បានប្រកាសចូលនិវត្តន៍ក្នុងឆ្នាំ២០១៣។ ការ​មកដល់របស់លោក Sir Jim Ratcliffe ផ្លាស់ប្ដូររចនាសម្ព័ន្ធកីឡានៅកីឡដ្ឋាន​ Old Trafford ជាច្រើន ចាប់តាំងពី​លោកបានក្លាយជាម្ចាស់ភាគហ៊ុន​កាល​​ពីខែកុម្ភៈ។

លោក David Beckham បាននិយាយថា ៖«ខ្ញុំពិតជាចូលចិត្ត Jim Ratcliffe។ ខ្ញុំបានជួ​ប​គាត់​ពីរបីដងក្នុងរយៈពេលជាច្រើនឆ្នាំ​កន្លង​ទៅ ហើយខ្ញុំគិតថា គាត់ជាអ្នកគាំទ្ររបស់ក្លិប ហើយច្បាស់ណាស់គាត់ជាអ្នកជំនួញដ៏អស្ចារ្យម្នាក់»។

ក្លិប Manchester United រក​បាន​តែ​​៥គ្រាប់​ប៉ុណ្ណោះ​ក្នុងការប្រកួត៧លើកដំបូងគឺជាការចាប់ផ្តើមដ៏អាក្រក់បំផុតរបស់ក្លិប Manchester United ចាប់តាំងពីរដូវកាលឆ្នាំ ១៩៧៣-៧៤ ក្នុងក្របខណ្ឌ Premier League។ នោះក៏ជាពេលវេលាចុងក្រោយដែលពួកគេបានធ្លាក់ទៅលីគទី២។ Man Utd ជាក្រុមដំបូងគេដែលមិនអាចរកគ្រាប់បាល់ស៊ុតបញ្ចូលទីទល់នឹងក្លិប Aston Villa នៅរដូវកាលនេះ៕

អត្ថបទ៖ ផា រតនា

The post លោក Beckham ជឿថា Jim Ratcliffe នឹងអាចជួយឲ្យ Man Utd ខ្លាំងឡើងវិញ appeared first on Kampuchea Thmey Daily.

លោក Sir Alex Ferguson បាន​បង្ហាញ​ខ្លួន​នៅ​កម្មវិធី​ប្រណាំងសេះ ‘Cheltenham’ កាលពី​ថ្ងៃ​ពុធ ដែល​ជា​កន្លែង​ដែល​លោក​ត្រូវ​បាន​គេ​សួរ​ថា លោក​ចង់​ឲ្យ​ក្រុម​ណា​ឈ្នះ​ពានរង្វាន់ Premier League នៅ​រដូវ​កាល​នេះ រវាង Arsenal និង Manchester City ដែល​កំពុងតែ​ប្រជែង​គ្នា​ដណ្ដើម​យក​តំណែង​កំពូល។

បច្ចុប្បន្ន Arsenal ឈរ​លើ​ក្រុម​របស់​លោក Pep Guardiola ចំនួន ៥ ពិន្ទុ ក្នុង​ការ​ប្រជែង​យក​ពានរង្វាន់ Premier League ដោយ​បាន​ឈ្នះ ២១ លើក ក្នុង​ចំណោម ២៧ ប្រកួត នៅ​រដូវ​កាល​នេះ។

ទោះ​យ៉ាង​ណា​ក៏ដោយ Man City បាន​ឆ្លងកាត់​ការ​ដេញ​តាម​ពីក្រោយ និង​ដឹង​ពី​អ្វី​ដែល​ត្រូវការ​ដើម្បី​តាម​ពីក្រោយ និង​ឈ្នះ ដោយ​បាន​ឈ្នះ​ពានរង្វាន់​ចំនួន ៤ ដង ក្នុង​ចំណោម ៥ លើក​ចុង​ក្រោយ។

គ្មាន​អ្វី​គួរ​ឲ្យ​ភ្ញាក់ផ្អើល​នោះ​ទេ នៅ​ពេល​ដែល​ត្រូវ​បាន​សម្ភាសន៍​ដោយ​ទូរទស្សន៍ ITV តំណាង Manchester United រូប​នេះ មិន​មាន​អារម្មណ៍​ក្នុង​ការ​ជ្រើសរើស​អ្នកឈ្នះ​នោះ​ទេ ខណៈ​លោក​កំពុង​រីករាយ​នឹង​ការ​ប្រណាំងសេះ​នៅ​ថ្ងៃ​នោះ។ សួរ​អំពី​ការ​ជ្រើសរើស​រវាង Man City និង Arsenal សម្រាប់​ពាន លោក Ferguson ដែល​ពីមុន​បាន​ឈ្នះ Premier League ចំនួន ១៣ ដង មុន​ពេល​ចូលនិវត្តន៍​ក្នុង​ឆ្នាំ ២០១៣ បាន​ផ្តល់​ស្នាមញញឹម​ថ្ពាល់ ងក់ក្បាល​ដោយ​ដឹង ហើយ​បាន​និយាយ​ថា “​ខ្ញុំ​មិន​ចាប់​អារម្មណ៍​ទេ​”។

ក្រុម​កាំភ្លើង​ធំ Arsenal អាច​បង្កើន​ការ​នាំ​មុខ ៨ ពិន្ទុ ពីលើ​ក្រុម Man City ជាមួយ​នឹង​ជ័យជម្នះ​លើ​ក្រុម Crystal Palace នៅ​ថ្ងៃអាទិត្យ​នេះ គ្រា​ដែល​ក្រុម​របស់​លោក Guardiola ត្រូវ​ប្រកួត​ក្នុង​ពានរង្វាន់ FA Cup ជំនួស​វិញ​នៅ​ចុង​សប្ដាហ៍​នេះ។

ទន្ទឹម​នឹង​នេះ អតីត​ក្រុម​របស់ លោក Ferguson, បិសាច​ក្រហម Man United ហាក់​បាន​ឃ្លាត​ចេញពី​ការ​ប្រជែង​ដើម្បី​ឈ្នះ​ពានរង្វាន់ Premier League រដូវ​កាល​នេះ បន្ទាប់ពី​ខកខាន​បង្កើន​ពិន្ទុ​ក្នុង​ការ​ប្រកួត ២ លើក​ចុង​ក្រោយ​របស់​ពួកគេ​ជាមួយ​នឹង​ក្រុម Liverpool និង Southampton។ បិសាច​ក្រហម ខ្វះ ១៦ ពិន្ទុ តាម​ពីក្រោយ​ក្រុម​កំពូល​តារាង Arsenal ប៉ុន្តែ​បាន​លេង​តិច​ជាង​ក្រុម​កាំភ្លើង​ធំ ១ ប្រកួត៕

ប្រភព ៖ mirror.co.uk

អត្ថបទ ៖ មន្នីរ័ត្ន

The post Sir Alex Ferguson ឆ្លើយតបដាច់ចង្កេះ ពេលត្រូវបានសួររវាង “Arsenal ឬ Man City” ក្រុមណាលើកពាន appeared first on Kampuchea Thmey Daily.

បន្ទាប់ពីការបណ្តេញលោក Solskjaer កាលពីព្រឹកថ្ងៃអាទិត្យ ពេលនេះ Man Utd កំពុងស្វែងរកអ្នកចាត់ការទីប្រាំ ចាប់តាំងពីលោក Ferguson ចូលនិវត្តន៍។

គ្រូបង្វឹកសញ្ជាតិន័រវេសរូបនេះ ត្រូវបានបញ្ចប់តួនាទី បន្ទាប់ពីបិសាចក្រហមចាញ់ Watford យ៉ាងអាម៉ាស់ក្នុងលទ្ធផល ៤-១។

លោក Ferguson នៅតែមានឥទ្ធិពលនៅ Old Trafford និងជាតួអង្គដ៏សំខាន់ក្នុងការនាំយកខ្សែប្រយុទ្ធ Cristiano Ronaldo ត្រឡប់មកវិញហើយបុរសញ្ជាតិស្កុតឡែនរូបនេះ កំពុងសម្លឹងឃើញអ្នកដែលមានសមត្ថភាពស្រោចស្រង់ Man Utd បាន។

ដោយសារតែបច្ចុប្បន្ន លោក Zinedine Zidane ត្រូវបានគេមើលឃើញថា នឹងចូលរួមជាមួយ PSG, នេះនឹងអនុញ្ញាតឲ្យអតីតគ្រូបង្វឹកក្លិបមាន់ខ្នាយមាស Tottenham លោក Pochettino អាចមកដឹកនាំ Man Utd បាន។

បុរសសញ្ជាតិអាហ្សង់ទីនរូបនេះ ​ស្ថិត​ក្នុង​បញ្ជី​ឈ្មោះ​អ្នកចាត់ការទាំង​ប្រាំ​ដែល​ស្ថិតនៅមុខព្រួញមកកាន់ទឹកដី Old Trafford ដែលក្នុងនោះ​រួម​មាន Ralf Rangnick, Erik ten Hag, Brendan Rodgers និង Zidane។

វីរបុរសរបស់បិសាចក្រហមបានសរសើរលោក Pochettino ជាសាធារណៈកាលពីខែមេសា ឆ្នាំ ២០១៦ ដោយប្រាប់អ្នកសារព័ត៌មានថា “អ្នកចាត់ការរូបនេះ ពិតជាអស្ចារ្យណាស់។ Spurs មានកំណត់ត្រាអ្នកចាត់ការមិនល្អ គ្មានអ្វីគួរឲ្យសង្ស័យទេអំពីរឿងនោះ ប៉ុន្តែក្មេងម្នាក់នេះមានភាពស្ងប់ស្ងាត់។ អ្នកមិនដែលឃើញគាត់ច្របូកច្របល់ទេ ហើយរបៀបលេងជាក្រុមរបស់គាត់គឺបង្ហាញពីការងារដែលគាត់កំពុងធ្វើ”៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ទីបំផុត Man Utd បណ្ដេញលោក Solskjaer ចេញពីតំណែងហើយ

The post គ្រូតា Sir Alex ចង់បានម្នាក់នេះ មកដឹកនាំ Man Utd បន្ទាប់ពី Solskjaer appeared first on Kampuchea Thmey Daily.