តួម្ដាយរឿង “កំហឹងព្រះនាង” ទទួលពានសម្ដែងឆ្នើម តែមហាជនចាប់អារម្មណ៍លើការស្លៀកពាក់

សាង ស្រីល័ក្ខ — Thu, 15 Jun 2023 02:30:00 +0000

អាយុគ្រាន់តែជាតួលេខប៉ុណ្ណោះ នេះគឺជារឿងពិតរបស់តារាសម្ដែងស្រីជើងចាស់ Tai Penpak Sirikul បន្ទាប់ពីគាត់បង្ហាញខ្លួនទទួលពានរង្វានឆ្នើម ហើយក៏ធ្វើឲ្យមហាជនចាប់អារម្មណ៍យ៉ាងខ្លាំងលើឈុតនិងការតុបតែងមុខពិតជាស្រស់ស្អាតខ្លាំង។

ត្បិតថាថាឈានដល់វ័យ៦២ឆ្នាំក្ដី ប៉ុន្តែតួម្ដាយក្នុងរឿង “កំហឹងព្រះនាង” នៅតែមានរាងកាយរឹងមាំមិនប្រែប្រួល ជាពិសេស ឲ្យតែពេលបង្ហាញខ្លួនម្ដងៗ ទស្សនិកជនតែងកោតសរសើរពីសម្រស់មិនចេះចាស់ និងស្ទាយស្លៀកពាក់បែបយុវវ័យរបស់នាងគាត់ថាប្លែកខុសគេមករហូត។

ដោយឡែកកាលពីពេលថ្មីៗនេះ តារាសម្ដែង Tai Penpak បានធ្វើឲ្យមនុស្សជាច្រើនមានភ្ញាក់ផ្អើលយ៉ាងខ្លាំងម្ដងទៀត បន្ទាប់ពីគាត់បង្ហាញខ្លួនទទួលទានពានពីកម្មវិធីពានរង្វាន់ទូរទស្សន៍មាសលើកទី៣៧ ក្នុងនាមជាតារាសម្ដែងឆ្នើមក្នុងរឿង ”You are my Heartbeat” ដែលមានការចូលរួមសម្ដែងដោយ Mai Davika និង Push Puttichai Kasetsin។

នៅក្នុងព្រឹត្តិការណ៍នេះដែរ នាងបានបង្ហាញខ្លួនជាមួយនឹងរូបរាងដ៏ស្រស់ស្អាត ឡូយឆាយ ម៉ូដសក់ខ្លីពណ៌ផ្សែងបារី អមនឹងឈុតពណ៌ខ្មៅបង្ហាញភាពជឿជាក់ខ្លាំងដូចកាលនៅវ័យ២៥ឆ្នាំយ៉ាងដូច្នោះ។ យ៉ាងណាមិញមិនចរង់ចាំយូរទស្សនិកជនច្រើនសម្រុកចូលទៅអបអរដល់តារាសម្ដែងឆ្នើមរូបនេះ ហើយក្នុងនោះម្នាក់ៗបានស្នើសុំវិធីថែរក្សាសម្រស់របស់គាត់ថែមទៀតផង៕

ប្រែសម្រួល៖ សាង ស្រីល័ក្ខ

ចុចអាន៖បែកមិត្តប្រុសភ្លាមតួឯកស្រីរឿង “បេះដូងអ្នកសង្គ្រោះ” ស្លៀកពាក់បញ្ចេញដើមទ្រូងសិចស៊ីរឹតតែខ្លាំង

The post តួម្ដាយរឿង “កំហឹងព្រះនាង” ទទួលពានសម្ដែងឆ្នើម តែមហាជនចាប់អារម្មណ៍លើការស្លៀកពាក់ appeared first on Kampuchea Thmey Daily.

ប្រឡូកសិល្បៈអស់រយៈពេល ៤៧ ឆ្នាំ រៀមច្បង Tai ទម្លាយថា មិនគិតចង់ក្លាយជាតារាទេ

សាង ស្រីល័ក្ខ — Thu, 06 Apr 2023 06:00:00 +0000

ត្បិតថាតារាជើងចាស់ Tai Penpak Sirikul ចូលប្រឡូកក្នុងវិស័យសិល្បៈអស់រយៈពេល ៤៧ ឆ្នាំ ហើយក្ដី ប៉ុន្តែគាត់មិនមានគោលបំណងចង់ក្លាយជាតារាឡើយ ហើយថាក្ដីសុបិនពិតគឺចង់ក្លាយជាមន្ត្រីប៉ូលិសទៅវិញទេ។

បន្ទាប់ពីប្រារព្ធខួបខួបកំណើតក្នុងវ័យ ៦២ តារាជើងចាស់រូបនេះទម្លាយអារម្មណ៍ពិតក្នុងកិច្ចសម្ភាសន៍មួយថា តាមពិតទៅគាត់មិនមែនជាតារាម៉ូដែលនិងសម្ដែងពីមុនមកនោះទេ។ ប៉ុន្តែវាបានចាប់ផ្ដើមដោយការប្រកួតសម្រស់ ដោយកាលណោះមានកម្មវិធីស្វែងរកតារាស្រីដើម្បីចូលក្នុងវិស័យនេះ ហើយគាត់ទទួលបានតំណែងនេះដោយសម្ដែងរឿងដំបូង “DOG SA NOW BAN SHOW”។

រៀមច្បង Tai បាននិយាយបន្ថែមទៀតថា “ប៉ុន្តែក្ដីស្រមៃកាលខ្ញុំនៅក្មេងចង់ធ្វើប៉ូលិស ចង់ធ្វើទាហាន មិនធ្លាប់គិតថាពីវិស័យសិល្បៈទាល់តែសោះ។ ម្តាយរបស់ខ្ញុំជាអ្នកដែលយកខ្ញុំទៅប្រលង ដូច្នេះខ្ញុំត្រូវធ្វើតាម។ ក្រោយប្រលងជាប់ ក៏ចាប់ផ្ដើមលេងកុន ចាប់ផ្តើមថតរូប ដើរម៉ូដ សម្តែងក្នុងរឿងភាគជាបន្តបន្ទាប់”។

គួរបញ្ជាក់ដែរថា តារាសម្ដែង Tai Penpak Sirikul មានភាពល្បីល្បាញខ្លាំងមកទល់សព្វថ្ងៃនេះ គឺមិនមែនជារឿងងាយស្រួលទេ។ ទោះបីជាមិនមានបំណងចង់ក្លាយជាតារាក្ដី ប៉ុន្តែនៅពេលដែលប្រលងជាប់គាត់បានបង្ហាញពីការប្ដេជ្ញាចិត្តក្នុងវិស័យនេះយ៉ាងខ្លាំងក្លា រហូតទទួលមានទស្សនិកជនស្គាល់ច្រើន។ យ៉ាងណាមិញ ភាគច្រើនមហាជនដឹងថា គាត់តែងសម្ដែងជាតួម្ដាយ ជាពិសេសគេស្គាល់ច្រើនតាមរយៈរឿង”ព្រះនាងក្នុងភ្លើងគំនុំ”សម្ដែងជាតួម្ដាយ Mai Davika តែម្ដង៕

ប្រែសម្រួល៖ សាង ស្រីល័ក្ខ

ចុចអាន៖Pancake ត្រូវមហាជនលើកទ័ពសរសើរថា ស្លៀកឈុតណាក៏សមជាកលស្ត្រី

The post ប្រឡូកសិល្បៈអស់រយៈពេល ៤៧ ឆ្នាំ រៀមច្បង Tai ទម្លាយថា មិនគិតចង់ក្លាយជាតារាទេ appeared first on Kampuchea Thmey Daily.

Tai Penpak Sirikul Archives - Kampuchea Thmey Daily

តួម្ដាយរឿង “កំហឹងព្រះនាង” ទទួលពានសម្ដែងឆ្នើម តែមហាជនចាប់អារម្មណ៍លើការស្លៀកពាក់

ប្រឡូកសិល្បៈអស់រយៈពេល ៤៧ ឆ្នាំ រៀមច្បង Tai ទម្លាយថា មិនគិតចង់ក្លាយជាតារាទេ