ជីវិតកម្សាន្ដ

ប្រឡូកសិល្បៈអស់រយៈពេល ៤៧ ឆ្នាំ រៀមច្បង Tai ទម្លាយថា មិនគិតចង់ក្លាយជាតារាទេ

បានផុស

២ years មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

ត្បិតថាតារាជើងចាស់ Tai Penpak Sirikul ចូលប្រឡូកក្នុងវិស័យសិល្បៈអស់រយៈពេល ៤៧ ឆ្នាំ ហើយក្ដី ប៉ុន្តែគាត់មិនមានគោលបំណងចង់ក្លាយជាតារាឡើយ ហើយថាក្ដីសុបិនពិតគឺចង់ក្លាយជាមន្ត្រីប៉ូលិសទៅវិញទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីប្រារព្ធខួបខួបកំណើតក្នុងវ័យ ៦២ តារាជើងចាស់រូបនេះទម្លាយអារម្មណ៍ពិតក្នុងកិច្ចសម្ភាសន៍មួយថា តាមពិតទៅគាត់មិនមែនជាតារាម៉ូដែលនិងសម្ដែងពីមុនមកនោះទេ។ ប៉ុន្តែវាបានចាប់ផ្ដើមដោយការប្រកួតសម្រស់ ដោយកាលណោះមានកម្មវិធីស្វែងរកតារាស្រីដើម្បីចូលក្នុងវិស័យនេះ ហើយគាត់ទទួលបានតំណែងនេះដោយសម្ដែងរឿងដំបូង “DOG SA NOW BAN SHOW”។

រៀមច្បង Tai បាននិយាយបន្ថែមទៀតថា “ប៉ុន្តែក្ដីស្រមៃកាលខ្ញុំនៅក្មេងចង់ធ្វើប៉ូលិស ចង់ធ្វើទាហាន មិនធ្លាប់គិតថាពីវិស័យសិល្បៈទាល់តែសោះ។ ម្តាយរបស់ខ្ញុំជាអ្នកដែលយកខ្ញុំទៅប្រលង ដូច្នេះខ្ញុំត្រូវធ្វើតាម។ ក្រោយប្រលងជាប់ ក៏ចាប់ផ្ដើមលេងកុន ចាប់ផ្តើមថតរូប ដើរម៉ូដ សម្តែងក្នុងរឿងភាគជាបន្តបន្ទាប់”។

គួរបញ្ជាក់ដែរថា តារាសម្ដែង Tai Penpak Sirikul មានភាពល្បីល្បាញខ្លាំងមកទល់សព្វថ្ងៃនេះ គឺមិនមែនជារឿងងាយស្រួលទេ។ ទោះបីជាមិនមានបំណងចង់ក្លាយជាតារាក្ដី ប៉ុន្តែនៅពេលដែលប្រលងជាប់គាត់បានបង្ហាញពីការប្ដេជ្ញាចិត្តក្នុងវិស័យនេះយ៉ាងខ្លាំងក្លា រហូតទទួលមានទស្សនិកជនស្គាល់ច្រើន។ យ៉ាងណាមិញ ភាគច្រើនមហាជនដឹងថា គាត់តែងសម្ដែងជាតួម្ដាយ ជាពិសេសគេស្គាល់ច្រើនតាមរយៈរឿង”ព្រះនាងក្នុងភ្លើងគំនុំ”សម្ដែងជាតួម្ដាយ Mai Davika តែម្ដង៕