១. តើនឹងមានអ្វីកើតឡើង បើសិនជាមិនធ្វើកំណែថ្មីលើប្រព័ន្ធប្រតិបត្តិការទូរសព្ទ?
Operating System ឫ​ហៅ​ជា​ភាសា​ខ្មែរ​ថា​ “ប្រព័ន្ធ​ប្រតិបត្តិការ”​ ជា​កម្មវិធី (Software) សំខាន់​បំផុត​ ដែល​ដំណើរការ​លើ​កុំព្យូទ័រ និងទូរសព្ទដៃ។ ប្រព័ន្ធប្រតិបត្តិការនេះ មានមុខងារក្ដោបក្ដាប់ ​និង​គ្រប់គ្រង​អង្គ​ចងចាំ​ ក៏ដូចជាមុខងារសំខាន់ៗ ដែលមានបន្ថែម​ទាំង​កម្មវិធី​ផ្សេងៗ ​រួមនឹងផ្នែកនៃ Hardware ទាំង​មូល ហើយ​អាចឆ្លើយ​តបរាល់​តម្រូវ​ការ​ដែល​ចាំ​បាច់​ពី​ផ្នែក​នីមួយៗ។​

ជាទូទៅ ក្រុមហ៊ុនApple និង Google ក៏ដូចជាក្រុមហ៊ុនផលិតទូរសព្ទ រួមទាំង Samsung តែងបញ្ចេញការអាប់ដេត កម្មវិធី ដើម្បីជួសជុលបញ្ហាសុវត្ថិភាព និងកំហុសប្រព័ន្ធប្រតិបត្តិការផ្សេងទៀត ដែលមាននៅក្នុងកូដ iOS និង Android ។ ប្រការនេះ ទាមទារឱ្យយើងធ្វើការអាប់ដេតតាមជាប់ជានិច្ច ព្រោះដើម្បីបំពេញចំណុចខ្វះខាតនៃកំណែចាស់ ហើយអាច ជួយធានាបន្ថែម ពីការលួចព័ត៌មានផ្ទាល់ខ្លួន តាមរយៈប្រព័ន្ធអ៉ីនធើណិត។

២. គួរអាប់ដេតតែលើប្រព័ន្ធប្រតិបត្តិការទូរសព្ទ​ ឬអាប់ដេតលើ Mobile App ?
ចំពោះការធ្វើកំណែចុងក្រោយ ត្រូវអាប់ដេតទាំងអស់ មិនថាលើប្រព័ន្ធប្រតិបត្តិការ ឬកម្មវិធីក្នុងប្រព័ន្ធទូរ័សព្ទនោះទេ។ ជាធម្មតា កម្មវិធីដែលយើងប្រើជាញឹកញាប់ដូចជា តេឡេក្រាម ហ្វេសប៊ុក ឬកម្មវិធីធនាគារតាមប្រព័ន្ធអនឡាញជាដើម តែងទាមទារឱ្យមានការធ្វើបច្ចុប្បន្នភាពជាច្រើនលើក មិនត្រឹមតែដើម្បីដោះស្រាយបញ្ហាកំហុស និងកែលម្អដំណើរការ ឱ្យកាន់តែប្រសើរជាងមុនប៉ុណ្ណោះទេ អ្វីដែលសំខាន់ គឺបន្ថែមមុខងារសុវត្ថិភាពថ្មីសម្រាប់ការប្រើប្រាស់។

ហេតុនេះ ត្រូវប្រាកដថា ទូរស័ព្ទដែលលោកអ្នកកំពុងប្រើប្រាស់ ទាំងប្រព័ន្ធប្រតិបត្តិការ កម្មវិធីរុករកតាមអ៉ីនធឺណិត និងកម្មវិធីផ្សេងទៀត ត្រូវបានធ្វើបច្ចុប្បន្នភាពជាប្រចាំ។ ការអាប់ដេតជាញឹកញាប់ អាចពង្រឹងលើសុវត្ថិភាពនៃការប្រាស់ មិនអាចឱ្យពួក Hacker ប៉ះពាល់ដល់ទិន្នន័យ ឬចូលមកគ្រប់គ្រងទូរស័ព្ទដៃរបស់យើងបាន៕

The post ប្រព័ន្ធប្រតិបត្តិការកម្មវិធីទូរសព្ទដៃ ចេះតែទាមទារឱ្យ Update ជាញឹកញាប់ គួរធ្វើតាមឬអត់? appeared first on Kampuchea Thmey Daily.