ប្រធានលេខាធិការខុទ្ទកាល័យលោក Katsunobu Kato បានប្រាប់សន្និសីទសារព័ត៌មានមួយនៅរាជធានីតូក្យូថា “យើងត្រូវការតែងតាំងនាយករដ្ឋមន្រ្តីបន្ទាប់ ក្រោយការបោះឆ្នោត ដូច្នេះយើងនឹងកោះប្រជុំពិសេសមួយ”។

ទន្ទឹមនោះ គណបក្សប្រជាធិបតេយ្យសេរីនិយម (LDP) ដែលកំពុងកាន់អំណាច នឹងរៀបចំការបោះឆ្នោតដោយខ្លួនឯង ដើម្បីជ្រើសរើសអ្នកស្នងតំណែងរបស់លោក Suga នៅថ្ងៃទី២៩ខែកញ្ញា។

កាលពីដើមខែនេះ លោក Suga បាននិយាយថា លោកនឹងមិនឈរឈ្មោះសម្រាប់ការបោះឆ្នោតជាប្រធានគណបក្សម្តងទៀតទេ ដែលនេះជាសញ្ញានៃការបញ្ចប់អាណត្តិរបស់គាត់។ លោកត្រូវបានតែងតាំងឲ្យឡើងកាន់តួនាទីនេះកាលពីមួយឆ្នាំមុន បន្ទាប់ពីការលាលែងពីតំណែងរបស់លោក Shinzo Abe។

ការសម្រេចចិត្តនេះបានធ្វើឡើង ចំពេលអត្រាគាំទ្ររបស់គាត់ បានធ្លាក់ចុះដល់កម្រិតទាប ដោយសារតែការរីករាលដាលនៃជំងឺកូវីដ-១៩៕

ប្រែសម្រួល៖ Vann Vann

ប្រភព៖ Anadolu

ចុចអាន​៖ ឡើងកាន់តំណែងមិនទាន់បាន១ឆ្នាំផង ពេលនេះនាយករដ្ឋមន្រ្តីជប៉ុន គ្រោងលាលែងវិញ

The post ជប៉ុន កំណត់ថ្ងៃជ្រើសរើស អ្នកស្នងតំណែងលោក Suga appeared first on Kampuchea Thmey Daily.

ព័ត៌មាននេះបានកើតឡើងមិនដល់មួយឆ្នាំផង បន្ទាប់ពីលោក Suga ចូលកាន់តំណែង និងចំពេលគណបក្សប្រជាធិបតេយ្យសេរីនិយម (LDP) ដែលកំពុងកាន់អំណាចរបស់លោក រៀបចំការបោះឆ្នោតជ្រើសរើសប្រធាននៅថ្ងៃទី២៩ខែកញ្ញា។ 

មន្ត្រីបក្សនិយាយថា លោក Suga​ នឹងមិនឈរឈ្មោះទេ។ ប្រភពដដែលបន្តថា លោក Suga ក៏បានច្រានចោលផែនការរុះរើនាយកប្រតិបត្តិ LDP ផងដែរ។

ការប្រកួតប្រជែងនេះ បានកើតឡើងមុនការបោះឆ្នោតសកល ខណៈអាណត្តិសមាជិកសភាតំណាងរាស្ត្រ នឹងផុតនៅថ្ងៃទី២១ខែតុលា។

អតីតរដ្ឋមន្រ្តីក្រសួងការបរទេសលោក Fumio Kishida និងលោក Sanae Takaichi អតីតរដ្ឋមន្ត្រីក្រសួងកិច្ចការផ្ទៃក្នុងនិងគមនាគមន៍ សុទ្ធតែជាបុគ្គលដែលមានប្រជាប្រិយភាព៕

ប្រែសម្រួល៖ Vann Vann

ប្រភព៖ Kyodo

ចុចអាន៖ អ្នកនាំពាក្យនាយករដ្ឋមន្ត្រីជប៉ុន លាលែងតំណែងដោយសារអាហារពេលល្ងាចមួយពេល

The post ឡើងកាន់តំណែងមិនទាន់បាន១ឆ្នាំផង ពេលនេះនាយករដ្ឋមន្រ្តីជប៉ុន គ្រោងលាលែងវិញ appeared first on Kampuchea Thmey Daily.

អ្នកនាំពាក្យរដ្ឋាភិបាលជប៉ុន ប្រធានលេខាធិការខុទ្ទកាល័យលោក Katsunobu Kato បានប្រាប់អ្នកយកព័ត៌មានថា “លោកស្រី Yamada បានលាលែងពីតំណែងនៅថ្ងៃចន្ទទី១ខែមីនានេះ”។

រដ្ឋបាលរបស់លោក Suga រួមទាំងលោកស្រី Yamada អាយុ៦០ឆ្នាំផងដែរ បានប្រឈមមុខនឹងការខឹងសម្បាជាសាធារណៈ បន្ទាប់ពីទស្សនាវដ្តីប្រចាំសប្តាហ៍ Shukan Bunshun បានរាយការណ៍កាលពីខែមុនថា កូនប្រុសច្បងរបស់លោក Suga ឈ្មោះ Seigo Suga ដែលជានាយកប្រតិបត្តិនៅក្រុមហ៊ុនខ្សែភាពយន្តមួយ បានចំណាយប្រាក់សម្រាប់អាហារពេលល្ងាចថ្លៃៗ ដល់ក្រុមមន្ត្រីជាន់ខ្ពស់។

ច្បាប់ក្រមសីលធម៌មន្ត្រីរាជការស៊ីវិលជាតិរបស់ប្រទេសជប៉ុន បានហាមឃាត់បុគ្គលិករដ្ឋាភិបាលមិនឲ្យទទួលអំណោយ ឬការកម្សាន្តពីក្រុមហ៊ុនឬបុគ្គលដែលអាចត្រូវបានគេមើលឃើញថាជាការសូកប៉ាន់៕

ប្រែសម្រួលដោយ៖ Vann Vann

ប្រភព៖ CNA

The post អ្នកនាំពាក្យនាយករដ្ឋមន្ត្រីជប៉ុន លាលែងតំណែងដោយសារអាហារពេលល្ងាចមួយពេល appeared first on Kampuchea Thmey Daily.

ប្រទេសជប៉ុនបានរកឃើញនូវករណីឆ្លងថ្មីជាកំណត់ត្រាចំនួន ៤,៥២០ ករណីកាលពីថ្ងៃទី ៣១ ខែធ្នូ ក្នុងរលកនៃការឆ្លងថ្មីៗដែលជំរុញឲ្យរដ្ឋធានីតូក្យូ និងខេត្តជិតខាងចំនួន ៣ ស្វែងរកការប្រកាសអាសន្នពីរដ្ឋាភិបាលជាតិ ។ តំបន់ទាំងនេះមានចំនួនជាងពាក់កណ្តាលនៃករណីឆ្លងទូទាំងប្រទេសកាលពីថ្ងៃអាទិត្យ ។

ប៉ុន្តែលោកនាយករដ្ឋមន្រ្តី Yoshihide Suga បានប្រឆាំងនឹងការអំពាវនាវទាំងនោះដោយគិតអំពីការខូចខាតដែលអាចកើតមានចំពោះសេដ្ឋកិច្ច ។

ជាវិធានការបណ្តោះអាសន្ន ភោជនីយដ្ឋាន និងហាងខារ៉ាអូខេនៅក្នុងតំបន់ក្រុងតូក្យូកំពុងត្រូវបានស្នើឲ្យបិទទ្វារនៅម៉ោង ៨ យប់ពោលគឺលឿនជាងមុនដែលបិទនៅម៉ោង ១០ យប់ ខណៈអាជីវកម្មដែលបម្រើស្រាគួរតែបិទនៅម៉ោង ៧ យប់ ។

លោក Suga បាននិយាយនៅក្នុងសន្និសីទកាសែតដើម្បីចាប់ផ្តើមនៃឆ្នាំ ២០២១ ថា “ក្នុងអំឡុងពេល ៣ ថ្ងៃនៃថ្ងៃឈប់សម្រាកបុណ្យចូលឆ្នាំថ្មី ករណីឆ្លងនានាមិនបានធ្លាក់ចុះទេនៅក្នុងតំបន់ក្រុងតូក្យូ” ។

លោកបានកត់សម្គាល់ថា ការបន្ថយរយៈពេលម៉ោងធ្វើការសម្រាប់ភោជនីយដ្ឋានបានជួយទប់ស្កាត់ការកើនឡើងនៃការឆ្លងនៅក្នុងតំបន់មួយចំនួនរួមមានក្រុងអូសាកា និងក្រុងហុកកាដូ ។

ប្រសិនបើត្រូវបានអនុម័ត វានឹងក្លាយជាការប្រកាសអាន្នលើកទីពីររបស់ប្រទេសជប៉ុនជុំវិញបញ្ហាជំងឺរាតត្បាតកូវីដ ១៩ ខណៈលើកដំបូងបានធ្វើឡើងរយៈពេលជាងមួយខែកាលពីនិទាឃរដូវឆ្នាំមុន ហើយសាលារៀន និងអាជីវកម្មដែលមិនចាំបាច់ត្រូវបានស្នើសុំឲ្យបិទ ។

គួរបញ្ជាក់ថា គិតត្រឹមពេលនេះប្រទេសជប៉ុនមានករណីឆ្លងជំងឺកូវីដ ១៩ ចំនួន ២៤០,៩៥៤ ករណី និងមានអ្នកស្លាប់ចំនួន ៣,៥៤៨ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ជប៉ុនរកឃើញករណីឆ្លងជំងឺកូវីដក្លាយពូជប្រភេទថ្មី បន្ថែម

ចុចអាន ៖ ជប៉ុនរកឃើញអ្នកឆ្លងវីរុសកូរ៉ូណាក្លាយពូជប្រភេទថ្មី ៥ករណី

The post ជប៉ុនត្រៀមដាក់ក្រុងតូក្យូក្នុងស្ថានភាពអាសន្ន ក្រោយរកឃើញកូវីដបម្លែងខ្លួនថ្មី និងករណីឆ្លងកូវីដ ១៩ កើនឡើង appeared first on Kampuchea Thmey Daily.