Connect with us

ព័ត៌មានអន្ដរជាតិ

ជប៉ុនរកឃើញករណីឆ្លងជំងឺកូវីដក្លាយពូជប្រភេទថ្មី បន្ថែម

បានផុស

នៅ

ក្រសួងសុខាភិបាលជប៉ុនបាននិយាយថា ខ្លួនបានរកឃើញករណីឆ្លងជំងឺកូវីដក្លាយពូជប្រភេទថ្មីទី ៨ ក្នុងប្រទេស ។ ក្រសួងនិយាយថា អ្នករស់នៅទីក្រុងតូក្យូអាយុ ៥០ ឆ្នាំត្រូវបានធ្វើតេស្តវិជ្ជមានជំងឺកូវីដក្លាយពូជប្រភេទថ្មីនេះកាលពីថ្ងៃអាទិត្យ ។

ក្រុមមន្រ្តីបាននិយាយថា ស្ត្រីនោះបានវិលត្រឡប់មកប្រទេសជប៉ុនពីប្រទេសអង់គ្លេសនៅថ្ងៃទី ១៣ ខែធ្នូ ហើយបានធ្វើតេស្តអវិជ្ជមានវីរុសនេះនៅឯកន្លែងធ្វើចត្តាឡីស័ករបស់អាកាសយានដ្ឋាន ។ ទោះយ៉ាងណាក្រោយមកស្រ្តីរូបនោះចាប់ផ្តើមក្តៅខ្លួន ហើយត្រូវបានអនុញ្ញាតឲ្យចូលមន្ទីរពេទ្យនៅទីក្រុងតូក្យូកាលពីថ្ងៃអង្គារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងនិយាយថា ចាប់តាំងពីមកដល់ប្រទេសជប៉ុនស្ត្រីរូបនេះបានផ្តាច់ខ្លួនធ្វើចត្តាឡីស័កនៅឯកន្លែងស្នាក់នៅមួយកន្លែងដោយមិនប្រើមធ្យោបាយធ្វើដំណើរសាធារណៈ និងមិនមានទំនាក់ទំនងជិតស្និទ្ធជាមួយនរណាម្នាក់ឡើយ ។

ទន្ទឹមនោះក្រសួងបាននិយាយកាលពីថ្ងៃសុក្រថា អ្នកដំណើរចំនួន ៥ នាក់មកពីប្រទេសអង់គ្លេសបានធ្វើតេស្តវិជ្ជមានចំពោះជំងឺកូវីដក្លាយពូជប្រភេទថ្មីក្នុងអំឡុងពេលធ្វើចត្តាឡីស័កនៅព្រលានយន្តហោះ ខណៈជំងឺកូវីដក្លាយពូជប្រភេទថ្មីនេះត្រូវបានគេជឿជាក់ថាមានការរីករាលដាលយ៉ាងឆាប់រហ័សជាងជំងឺកូវីដធម្មតា ។

ស្របពេលជាមួយគ្នានេះ ក្រុមមន្រ្តីបាននិយាយកាលពីថ្ងៃសៅរ៍ថា អ្នករស់នៅទីក្រុងតូក្យូដែលទើបត្រឡប់មកពីអង់គ្លេស និងសមាជិកគ្រួសាររបស់គាត់ក៏ត្រូវបានបញ្ជាក់ថាបានឆ្លងជំងឺកូវីដក្លាយពូជប្រភេទថ្មីនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជប៉ុនរកឃើញអ្នកឆ្លងវីរុសកូរ៉ូណាក្លាយពូជប្រភេទថ្មី ៥ករណី

ចុចអាន ៖ ចិនផ្អាកដឹកជញ្ជូនវ៉ាក់សាំងកូវីដទៅទួរគី ក្រោយមានករណីឆ្លងនៅការិយាល័យគយក្រុងប៉េកាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម