កង់ Archives - Kampuchea Thmey Daily

ចំណូលនាំចេញកង់សម្រេចបានជាង $៦០០ លាន កើនជាង ៤០%

deth leng — Mon, 02 Feb 2026 04:55:49 +0000

កម្ពុជារកចំណូលបានប្រមាណ ៦០៩ លានដុល្លារ ពីការនាំចេញកង់ និងកង់អគ្គិសនីនៅក្នុងឆ្នាំ ២០២៥ កើនឡើង ៤២,៧៣% ធៀបនឹងឆ្នាំ ២០២៤ ដែលឆ្លុះបញ្ចាំងពីការរក្សាបានទីផ្សារនាំចេញសំខាន់ៗរបស់កម្ពុជា ព្រមទាំងធានានូវការផ្គត់ផ្គង់ និងរក្សាបាននូវជំនឿចិត្តពីអ្នកបញ្ជាទិញ។ នេះបើយោងតាមរបាយការណ៍របស់ក្រសួងពាណិជ្ជកម្ម។

ទីផ្សារសំខាន់ៗសម្រាប់ផលិតផលកង់របស់កម្ពុជា គឺសហរដ្ឋអាមេរិក អាល្លឺម៉ង់ អង់គ្លេស ជប៉ុន ចិន បណ្តាប្រទេសអាស៊ាន បែលហ្ស៊ិក ហូឡង់ អូទ្រីស ស៊ុយអែត ដាណឺម៉ាក អូស្ត្រាលី ឆេក អ៊ីតាលី កូឡុំប៊ី កូរ៉េខាងត្បូង អេស្ប៉ាញ ស្លូវេនី និងកាណាដា។

ឧស្សាហកម្មផលិតកង់គឺជាផលិតផលនាំចេញដ៏មានសក្តានុពលរបស់ប្រទេសកម្ពុជា ទៅកាន់បណ្តាប្រទេសសហភាពអឺរ៉ុប ក្នុងរយៈពេលប៉ុន្មានឆ្នាំមកនេះ។

លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម-សេដ្ឋកិច្ច ប្រាប់កម្ពុជាថ្មីថា ការនាំចេញរបស់កម្ពុជាមានកំណើន ក្នុងនោះវិស័យឧស្សាហកម្មមានការកើនឡើង ដូចជាវិស័យកាត់ដេរ ជាពិសេសវិស័យកម្មន្តសាល ការនាំចេញកង់ គ្រឿងបង្គុំអគ្គិសនី និងអេឡិចត្រូនិកជាដើម។

បច្ចុប្បន្ននេះ មានក្រុមហ៊ុនចំនួន៥បានដំឡើងកង់សម្រាប់ការនាំចេញ។ ក្រុមហ៊ុនទាំងនោះរួមមាន ក្រុមហ៊ុន Evergrand Bicycle (Cambodia); ក្រុមហ៊ុន Speedtech Industrial Co Ltd; ក្រុមហ៊ុន Smart Tech (Cambodia) Co Ltd; ក្រុមហ៊ុន A and J (Cambodia) Co Ltd; និង ក្រុមហ៊ុន XDS Bicycle (Cambodia) Co Ltd៕

អត្ថបទ៖ ឡេង ដេត

The post ចំណូលនាំចេញកង់សម្រេចបានជាង $៦០០ លាន កើនជាង ៤០% appeared first on Kampuchea Thmey Daily.

កម្ពុជារកចំណូលបានជាង ៥៤០ លានដុល្លារ ពីការនាំចេញកង់ កើនជាង ៤០%

deth leng — Fri, 26 Dec 2025 02:32:56 +0000

កម្ពុជារកចំណូលបានប្រមាណជាង ៥៤១ លានដុល្លារ ពីការនាំចេញកង់ និងកង់អគ្គិសនីទៅកាន់ទីផ្សារអន្តរជាតិ ក្នុងរយៈពេល ១១ ខែ ឆ្នាំ ២០២៥ កើនឡើងជិត ៤៤% ធៀបនឹងរយៈពេលដូចគ្នានៅឆ្នាំ ២០២៤។ នេះបើយោងតាមរបាយការណ៍របស់ក្រសួងពាណិជ្ជកម្ម។

នៅមុនឆ្នាំ២០២០ ប្រទេសចិន ជាអ្នកនាំចេញកង់ច្រើនជាងគេទៅទីផ្សារអឺរ៉ុប ហើយចិនតៃប៉ិ គឺជាប់លំដាប់លេខ២។ ប៉ុន្តែ គិតចាប់ពីឆ្នាំ២០២០មក គឺកម្ពុជា ក្លាយជាប្រទេសទី១ ដែលនាំចេញកង់ច្រើនជាងគេទៅកាន់ទីផ្សារអឺរ៉ុប ស្មើនឹង ២៤%នៃការនាំចូលសរុបរបស់សហគមន៍អឺរ៉ុប ខណៈប្រទេសចិន មានត្រឹម ១៧% និងចិនតៃប៉ិ ១១%។

អត្ថបទ៖ ឡេង ដេត

The post កម្ពុជារកចំណូលបានជាង ៥៤០ លានដុល្លារ ពីការនាំចេញកង់ កើនជាង ៤០% appeared first on Kampuchea Thmey Daily.

ក្រុងហាណូយដាក់ដំណើរការកង់អគ្គិសនី៥០០០គ្រឿងសម្រាប់សាធារណជន

Minea Neu — Fri, 19 Dec 2025 05:02:12 +0000

អាជ្ញាធរក្រុងហាណូយបានដាក់ឱ្យដំណើរការកង់អគ្គិសនីចំនួន ៥០០០គ្រឿងជាសាធារណៈ ដើម្បីកាត់បន្ថយការបំពុលខ្យល់ និងលើកកម្ពស់ឱ្យមានបរិស្ថានបៃតងនៅកណ្តាលទីក្រុង ខណៈដែលទីក្រុងនេះបានរឹតបន្តឹងមិនឱ្យយានយន្តដែលប្រើសាំងនិងម៉ាស៊ូត បើកបរចូលឡើយ។ យោង VN Express។

ស្រ្តីម្នាក់ជិះកង់អគ្គិសនី។ Pinterest

ក្រុមប្រឹក្សាក្រុងហាណូយបានឱ្យដឹងកាលពីខែមុនថា គ្រប់យានយន្តដែលប្រើប្រាស់សាំង និងម៉ាស៊ូតមិនអនុញ្ញាតឱ្យបើកបរលើផ្លូវក្រវាត់កណ្តាលទីក្រុងនោះឡើយ។

ចាប់ពីថ្ងៃទី០១ខែកក្កដា ឆ្នាំ ២០២៦ ទីក្រុងហាណូយនឹងអនុវត្តឱ្យមានការបំភាយឧស្ម័នទាបបំផុតដែលអាចធ្វើទៅបាន ដោយផ្អែកលើការសាកល្បងមូលដ្ឋានក្នុងតំបន់ដែលបានជ្រើសរើសនៅខាងក្នុងផ្លូវក្រវាត់ក្រុងទី១ ក្នុងគោលបំណងកាត់បន្ថយការបំភាយឧស្ម័ន និងធ្វើឱ្យមានភាពប្រសើរឡើងនូវគុណភាពខ្យល់។

លើសពីនេះនៅប៉ុន្មានខែមុន ហាណូយបានក្លាយជាក្រុងដែលបំភាយឧស្ម័នច្រើនលំដាប់ពិភពលោក នៅបណ្តាក្រុងទាំងអស់របស់ប្រទេសវៀតណាម។ នៅតំបន់ក្នុងទីក្រុងជាច្រើន សន្ទស្សន៍គុណភាពខ្យល់ (AQI) ជាទូទៅមានកម្រិតចាប់ពី ២០០ ដល់៣០០ ហើយជួនកាលកើនឡើងប្រហែលដល់៣៥០ ដែលត្រូវបានចាត់ថ្នាក់ថា៖«គ្រោះថ្នាក់»។

ក្រុមប្រឹក្សាប្រជាជនកក្រុងហាណូយក៏បានចេញវិធានការ បង្កាកុំឱ្យប្រជាជនចេញក្រៅច្រើន បើមិនមានករណីចាំបាច់ ជាពិសេសនៅពេលដែលក្រសួងប្រកាសពីកម្រិតខ្ពស់នៃការបំពុលខ្យល់។

សាស្ត្រាចារ្យបណ្ឌិត លោក Hoang Anh Le មកពីសាកលវិទ្យាល័យវិទ្យាសាស្ត្រ នៃសាកលវិទ្យាល័យជាតិវៀតណាមទីក្រុងហាណូយ បានកត់សម្គាល់ថាការដឹកជញ្ជូនគឺជាប្រភពបំភាយឧស្ម័នដ៏សំខាន់នៅក្នុងក្រុង។

លោកបានបន្តថា ការដាក់ពង្រាយកង់អគ្គិសនីសាធារណៈទ្រង់ទ្រាយធំនឹងជួយកាត់បន្ថយការបំភាយឧស្ម័នកាបូនិ អាសូតអុកស៊ីត ស្ពាន់ធ័រឌីអុកស៊ីត [CO២, NOx, SO២] និងភាគល្អិតគីមី [PM២.៥]។ ប្រសិនបើ ១០ទៅ១៥ភាគរយ នៃអ្នករស់នៅផ្លូវក្រវាត់ក្រុងទី១ ទទួលយកសេវាកម្មនេះ គុណភាពខ្យល់អាចប្រសើរឡើងគួរឱ្យកត់សម្គាល់ក្នុងប៉ុន្មានឆ្នាំខាងមុខ។

ចំណែកអ្នកជំនាញយល់ឃើញថា ប្រសិនបើរក្សានិងពង្រីក ខណៈពេលដែលត្រូវរួមបញ្ចូលជាមួយនឹងមធ្យោបាយដឹកជញ្ជូនសាធារណៈផ្សេងទៀត កង់អគ្គិសនីសាធារណៈអាចក្លាយជាមូលដ្ឋានគ្រឹះនៃយុទ្ធសាស្ត្រកាត់បន្ថយការបំភាយឧស្ម័នរបស់ទីក្រុងហាណូយដល់ឆ្នាំ២០៣០ ដែលនឹងរួមចំណែកដល់ទីក្រុងកាន់តែមានភាពបៃតង ទាន់សម័យ និងនិរន្តរភាព៕

អត្ថបទ៖ ណឺ មិនា

កង់អគ្គិសនីដែលអាជ្ញាធរក្រុងហាណូយដាក់បម្រើសាធារណជនចំនួន៥០០០គ្រឿង។ VN Express

The post ក្រុងហាណូយដាក់ដំណើរការកង់អគ្គិសនី៥០០០គ្រឿងសម្រាប់សាធារណជន appeared first on Kampuchea Thmey Daily.

កម្ពុជារកចំណូលបានជាង ៥០០ លានដុល្លារ ពីការនាំចេញកង់

deth leng — Tue, 18 Nov 2025 06:39:52 +0000

កម្ពុជារកចំណូលបានប្រមាណជាង ៥០២ លានដុល្លារ ពីការនាំចេញកង់ និងកង់អគ្គិសនីទៅកាន់ទីផ្សារអន្តរជាតិ ក្នុងរយៈពេល ១០ ខែ ឆ្នាំ ២០២៥ កើនឡើង ៤៧,៦៦% ធៀបនឹងរយៈពេលដូចគ្នានៅឆ្នាំ ២០២៤។ នេះបើយោងតាមរបាយការណ៍របស់ក្រសួងពាណិជ្ជកម្ម។

មន្ត្រីជាន់ខ្ពស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) បានលើកឡើងថា ឧស្សាហកម្មផលិតកង់គឺជាផលិតផលនាំចេញដ៏មានសក្តានុពលរបស់ប្រទេសកម្ពុជា ទៅកាន់បណ្តាប្រទេសសហភាពអឺរ៉ុប ក្នុងរយៈពេលប៉ុន្មានឆ្នាំមកនេះ។

អត្ថបទ៖ ឡេង ដេត

The post កម្ពុជារកចំណូលបានជាង ៥០០ លានដុល្លារ ពីការនាំចេញកង់ appeared first on Kampuchea Thmey Daily.

កម្ពុជារកចំណូលបានជាង ៤៤៨ លានដុល្លារ ពីការនាំចេញកង់

deth leng — Tue, 28 Oct 2025 04:00:00 +0000

កម្ពុជារកចំណូលបានប្រមាណជាង ៤៤៨ លានដុល្លារ ពីការនាំចេញកង់ និងកង់អគ្គិសនីទៅកាន់ទីផ្សារបរទេស ក្នុងរយៈពេល ៩ ខែ ឆ្នាំ ២០២៥ កើនឡើង ៤៣,៨២% ធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍អគ្គនាយដ្ឋានគយ និងរដ្ឋាករកម្ពុជា។

អត្ថបទ៖ ឡេង ដេត

The post កម្ពុជារកចំណូលបានជាង ៤៤៨ លានដុល្លារ ពីការនាំចេញកង់ appeared first on Kampuchea Thmey Daily.

កម្ពុជារកចំណូលជាង ៤០០ លានដុល្លារពីការនាំចេញកង់នៅក្នុងរយៈពេល៨ខែ

May Kunmakara — Wed, 01 Oct 2025 02:49:43 +0000

កម្ពុជារកចំណូលបានប្រមាណ ៤០៨,៥ លានដុល្លារពីការនាំចេញកង់ និងកង់អគ្គិសនីទៅកាន់ទីផ្សារបរទេសក្នុងរយៈពេល៨ខែ ឆ្នាំ២០២៥ កើនឡើងជិត ៤៦ ភាគរយ ពីជិត ២៧៩លានដុល្លារ ធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍អគ្គនាយដ្ឋានគយ និងរដ្ឋាករកម្ពុជា។

មន្រ្តីនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ធ្លាប់បានលើកឡើងកន្លងមកថា ឧស្សាហកម្មផលិតកង់គឺជាផលិតផលនាំចេញដ៏មានសក្តានុពលរបស់ប្រទេសកម្ពុជា ទៅកាន់បណ្តាប្រទេសសហភាពអឺរ៉ុប ក្នុងរយៈពេលប៉ុន្មានឆ្នាំមកនេះ។ នៅមុនឆ្នាំ២០២០ ប្រទេសចិន ជាអ្នកនាំចេញកង់ច្រើនជាងគេទៅទីផ្សារអឺរ៉ុប ហើយចិនតៃប៉ិ គឺជាប់លំដាប់លេខ២។ ប៉ុន្តែ គិតចាប់ពីឆ្នាំ២០២០មក គឺកម្ពុជា ក្លាយជាប្រទេសទី១ ដែលនាំចេញកង់ច្រើនជាងគេទៅកាន់ទីផ្សារអឺរ៉ុប ស្មើនឹង ២៤%នៃការនាំចូលសរុបរបស់សហគមន៍អឺរ៉ុប ខណៈប្រទេសចិន មានត្រឹម ១៧% និងចិនតៃប៉ិ ១១%។

លោក ហុង វណ្ណៈ អ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជា បានលើកឡើងថា ផលិតផលកង់របស់កម្ពុជាគឺជាផលិតផលដ៏មានសក្តានុពលមួយ ជាពិសេសទៅកាន់ទីផ្សារអឺរ៉ុប។ លោកបានថ្លែងថា៖«ដោយសារការផលិតកង់នៅស្រុកយើងគឺយើងផលិតកង់ដែលមានគុណភាពនិងមានតម្លៃថ្លៃគួរសម ដែលជំរុញឱ្យមានតម្រូវការខ្លាំងនៅទីផ្សារអឺរ៉ុបដែលពេញនិយមលើការប្រើប្រាស់កង់»។

កាលពីខែមេសា ឆ្នាំ២០២៤ ក្រុមហ៊ុន Lingrich Bicycle (Cambodia) Co., Ltd ត្រូវបានក្រុមប្រឹក្សាអភិវឌ្ឍន៍កម្ពុជា អនុម័តលើគម្រោងបង្កើតរោងចក្រផលិតកង់ កង់អគ្គិសនី និងគ្រឿងបន្លាស់កង់ ជាមួយទុនវិនិយោគ៧.២ លានដុល្លារអាមេរិក ដែលមានទីតាំងនៅតំបន់សេដ្ឋកិច្ចពិសេស តាយសេងបាវិត ខេត្តស្វាយរៀង៕

The post កម្ពុជារកចំណូលជាង ៤០០ លានដុល្លារពីការនាំចេញកង់នៅក្នុងរយៈពេល៨ខែ appeared first on Kampuchea Thmey Daily.

កម្ពុជារកចំណូលជាង ២៤៨ លានដុល្លារពីការនាំចេញកង់នៅក្នុងរយៈពេល៥ខែ

May Kunmakara — Thu, 19 Jun 2025 02:42:23 +0000

កម្ពុជារកចំណូលបានប្រមាណ ២៤៨,៧ លានដុល្លារពីការនាំចេញកង់ និងកង់អគ្គិសនីទៅកាន់ទីផ្សារបរទេសក្នុងរយៈពេល៥ខែ ឆ្នាំ២០២៥ កើនឡើងជិត ៤៧ ភាគរយ ពីជាង ១៦៩លានដុល្លារ ធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍អគ្គនាយដ្ឋានគយ និងរដ្ឋាករកម្ពុជា។

The post កម្ពុជារកចំណូលជាង ២៤៨ លានដុល្លារពីការនាំចេញកង់នៅក្នុងរយៈពេល៥ខែ appeared first on Kampuchea Thmey Daily.

កម្ពុជារកចំណូលបានជាង៤២៦លានដុល្លារពីការនាំចេញកង់ក្នុងឆ្នាំ២០២៤

May Kunmakara — Mon, 27 Jan 2025 02:46:32 +0000

ការនាំចេញកង់ និងកង់អគ្គិសនីរបស់កម្ពុជាទៅកាន់ទីផ្សារបរទេសកាលពីឆ្នាំ២០២៤ សម្រេចបានទឹកប្រាក់ ៤២៦,៨៩លានដុល្លារ ថយចុះជិត ១៣ ភាគរយ ពីជាង ៤៨៩លានដុល្លារកាលពីឆ្នាំ២០២៣។ នេះបើយោងតាមរបាយការណ៍អគ្គនាយដ្ឋានគយ និងរដ្ឋាករកម្ពុជា។

លោក ហុង វណ្ណៈ អ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជា បានលើកឡើងថា ផលិតផលកង់របស់កម្ពុជាគឺជាផលិតផលដ៏មានសក្តានុពលមួយ ជាពិសេសទៅកាន់ទីផ្សារអឺរ៉ុប។ ប៉ុន្តែលោកបានថ្លែងថា ការនាំចេញកង់នេះបានធ្លាក់ចុះអោយសារកត្តាខាងក្រៅចាប់តាំងពីឆ្នាំ២០២៣មកម្ល៉េះ។

លោកបានថ្លែងថា៖«ដោយសារការផលិតកង់នៅស្រុកយើងគឺយើងផលិតកង់ដែលមានគុណភាពនិងមានតម្លៃថ្លៃគួរសម។ ដូច្នេះនេះពេលដែលការធ្លាក់ចុះនៃសេដ្ឋកិច្ចសកលនិងក្នុងតំបន់ វាពិតណាស់នឹងធ្វើឱ្យប៉ះពាល់ដល់ការនាំចេញកង់របស់យើងផងដែរ»។

បច្ចុប្បន្ននេះ មានក្រុមហ៊ុនចំនួន៥បានដំឡើងកង់សម្រាប់ការនាំចេញ។ ក្រុមហ៊ុនទាំងនោះរួមមាន ក្រុមហ៊ុនEvergrand Bicycle (Cambodia) ក្រុមហ៊ុន Speedtech Industrial Co Ltd ក្រុមហ៊ុន Smart Tech (Cambodia) Co Ltd ក្រុមហ៊ុន A and J (Cambodia) Co Ltd និង ក្រុមហ៊ុន XDS Bicycle (Cambodia) Co Ltd។

ក្រុមហ៊ុន Lingrich Bicycle (Cambodia) Co., Ltd ត្រូវបានក្រុមប្រឹក្សាអភិវឌ្ឍន៍កម្ពុជា អនុម័តលើគម្រោងបង្កើតរោងចក្រផលិតកង់ កង់អគ្គិសនី និងគ្រឿងបន្លាស់កង់ ជាមួយទុនវិនិយោគ៧.២ លានដុល្លារអាមេរិក ដែលមានទីតាំងនៅតំបន់សេដ្ឋកិច្ចពិសេស តាយសេងបាវិត ខេត្តស្វាយរៀង៕

The post កម្ពុជារកចំណូលបានជាង៤២៦លានដុល្លារពីការនាំចេញកង់ក្នុងឆ្នាំ២០២៤ appeared first on Kampuchea Thmey Daily.

កង់ Archives - Kampuchea Thmey Daily

​ចំណូល​នាំចេញកង់សម្រេចបានជាង $៦០០ ​លាន កើនជាង ៤០%​

​កម្ពុជា​រកចំណូល​បានជាង​ ៥៤០ លានដុល្លារ ពី​ការ​នាំ​ចេញកង់ កើនជាង ៤០%

ក្រុងហាណូយ​ដាក់​​ដំណើរ​ការ​កង់​អគ្គិសនី៥០០០​គ្រឿង​​សម្រាប់​សាធារណជន​​

​កម្ពុជា​រកចំណូលបានជាង ៥០០ លានដុល្លារ ពី​ការ​នាំ​ចេញកង់​

​កម្ពុជា​រកចំណូលបានជាង ​៤៤៨ ​លានដុល្លារ ​ពី​ការ​នាំ​ចេញកង់​

កម្ពុជារកចំណូលជាង​ ៤០០ លានដុល្លារពីការនាំចេញកង់នៅក្នុងរយៈពេល៨ខែ

កម្ពុជារកចំណូលជាង​ ២៤៨ លានដុល្លារពីការនាំចេញកង់នៅក្នុងរយៈពេល៥ខែ

កម្ពុជារកចំណូលបានជាង៤២៦លានដុល្លារពីការនាំចេញកង់ក្នុងឆ្នាំ២០២៤

ចំណូលនាំចេញកង់សម្រេចបានជាង $៦០០ លាន កើនជាង ៤០%

កម្ពុជារកចំណូលបានជាង ៥៤០ លានដុល្លារ ពីការនាំចេញកង់ កើនជាង ៤០%

ក្រុងហាណូយដាក់ដំណើរការកង់អគ្គិសនី៥០០០គ្រឿងសម្រាប់សាធារណជន

កម្ពុជារកចំណូលបានជាង ៥០០ លានដុល្លារ ពីការនាំចេញកង់

កម្ពុជារកចំណូលបានជាង ៤៤៨ លានដុល្លារ ពីការនាំចេញកង់

កម្ពុជារកចំណូលជាង ៤០០ លានដុល្លារពីការនាំចេញកង់នៅក្នុងរយៈពេល៨ខែ

កម្ពុជារកចំណូលជាង ២៤៨ លានដុល្លារពីការនាំចេញកង់នៅក្នុងរយៈពេល៥ខែ