កញ្ញា ហង្ស ម៉ានីតា Archives - Kampuchea Thmey Daily

ងិន ម៉ារ៉ាឌី ទម្លាយសារសុំទោសរបស់ ហង្ស ម៉ានីតា

អ៊ិន ពិសី — Wed, 18 Jan 2023 02:59:22 +0000

បវរកញ្ញាដែលជារៀមច្បង គឺ កញ្ញា ងិន ម៉ារ៉ាឌី បានបញ្ចេញសារសុំទោសរបស់បវរកញ្ញា ហង្ស ម៉ានីតា ដែលទើបតែចូលរួមប្រឡងសម្រស់នៅលើឆាកអន្តរជាតិកាលពីប៉ុន្មានថ្ងៃកន្លងទៅនេះ ដោយមិនអាចទទួលបានលទ្ធផលចូលទៅក្នុង Top16។

ជាការពិតណាស់មហាជន និងអ្នកគាំទ្រ ក៏បានបង្ហាញការចូលរួមសោកស្ដាយគ្រប់គ្នា ខណៈបវរកញ្ញាកម្ពុជា កញ្ញា ហង្ស ម៉ានីតា ពុំអាចចូលទៅក្នុង Top16 នៃការប្រកួត Miss Universe2022 លើកទី ៧១ លើទឹកដីសហរដ្ឋអាមេរិក។ ប៉ុន្តែនាងនៅតែទទួលបានការលើកទឹកចិត្តពីអ្នកគាំទ្រជាច្រើន។ ចំណែកកញ្ញា ងិន ម៉ារ៉ាឌី ដែលជារៀមច្បងក៏បង្ហាញការលើកទឹកចិត្ត និងគាំទ្រនាងផងដែរ ទោះបីមិនបានលទ្ធផលល្អក្ដី។

កញ្ញា ងិន ម៉ារ៉ាឌី ក្រៅពីការលើកទឹកចិត្ត ក្នុងនោះនាងក៏បានទម្លាយសារសុំទោសពីសំណាក់កញ្ញា ហង្ស ម៉ានីតា ដោយនាងសរសេរភ្ជាប់ខ្លឹមសារថា នឹកឃើញកាលខ្លួនឯងប្រឡងយល់អារម្មណ៍ហ្នឹងច្បាស់។

Manita ធ្វើបានល្អបំផុតហើយ ម៉ានីតា ឈ្នះក្នុងបេះដូងពួកយើងទាំងអស់គ្នា,all Cambodian really proud of you . You did great my queen។

ជាមួយគ្នានេះដែរ មានអ្នកគាំទ្រមួយចំនួនបានលើកឡើងដោយស្នើឲ្យមានការរៀបចំឈ្មោះកញ្ញា ហង្ស ម៉ានីតា ក្នុងការចេញទៅប្រកួតនាឆ្នាំក្រោយទៀតផងដែរ។ មតិបានលើកឡើងថា ចង់ឲ្យ ២០២៣ មិនបាច់រៀបចំការប្រកួត miss universe ហើយចង់ឲ្យបញ្ជូន ម៉ានីតា ទៅមួយឆ្នាំទៀត តែមិនអាច។ សមត្ថភាពប្រហែល Manita ហើយមិនបានចូល Top ទៀត ប្រហែលត្រូវឲ្យទេវតាទៅប្រកួតម្ដងទេ យ៉ាងណាវិញក៏ស្រលាញ់ queen Manita forever។

គួរបញ្ជាក់ដែរថា ថ្វីត្បិត ហង្ស ម៉ានីតា មិនអាចចូលទៅក្នុង Top16 នៃការប្រកួត Miss Universe2022 ក៏ពិតមែន តែសម្រាប់នាងនៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាដែលនាងបាននាំយកឈុតតំណាងជាតិទៅបង្ហាញលើឆាកអន្តរជាតិ ដើម្បីឲ្យពិភពលោកបានស្គាល់កាន់តែច្បាស់នូវអរិយធម៌វប្បធម៌ពីបុព្វកាលរបស់ដូនតាយើងបានបន្សល់ទុក៕

អត្ថបទ ៖ ចាន់រ៉ា

The post ងិន ម៉ារ៉ាឌី ទម្លាយសារសុំទោសរបស់ ហង្ស ម៉ានីតា appeared first on Kampuchea Thmey Daily.

ហង្ស ម៉ានីតា នៅតែជាបវរកញ្ញាតំណាងឲ្យកម្ពុជាដែលល្អផ្តាច់ ទោះបីមិនអាចចូលទៅក្នុងTop16

Sokhom Khon — Mon, 16 Jan 2023 03:58:52 +0000

ប្រាកដណាស់មហាជន និងអ្នកគាំទ្របានបង្ហាញការចូលរួមសោកស្តាយគ្រប់គ្នា ខណ:ដែលបវរកញ្ញាកម្ពុជា កញ្ញា ហង្ស ម៉ានីតា ពុំអាចចូលទៅក្នុងTop16 នៃការប្រកួត Miss Universe 2022 លើកទី71នៅលើទឹកដីសហរដ្ឋអាមេរិក។

ថ្វីត្បិតតែយ៉ាងនេះក៏ពិតមែន សម្រាប់កញ្ញា ហង្ស ម៉ានីតា នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាដែលនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ពីបុព្វកាលរបស់ដូនតាយើងបានបន្សល់ទុក ។

ដោយឡែកសម្រាប់អ្នកគាំទ្រមួយចំនួនទៀតនៅតែបន្តការលើកទឹកចិត្តនិងយល់ឃើញថា កញ្ញា ហង្ស ម៉ានីតា គឺនៅតែជា Miss តំណាងឲ្យកម្ពុជាដែលល្អផ្តាច់ ទោះបីមិនអាចចូលទៅក្នុងTop16។ នៅលើផេកឈ្មោះ Valentino Anthony បានលើកឡើងថា វាជា “ចក្រវាឡ”Beauty and Brain។ ១.សម្រស់និងរូបរាង ម៉ានីតា ស្អាតពីធម្មជាតិប្រៀបបាននឹងគំនូរ១ផ្ទាំងដែលវិចិត្រករជ្រើសយកត្រេមុខ ច្រមុះ មាត់ ភ្នែក ដែលស្អាតខ្លាំងមករួមបញ្ចូលគ្នារួចគូរ។២.ចំណេះដឹង ម៉ានីតា ខ្ពស់ខ្លាំង បញ្ចប់ពីសាលាក៏ខ្លាំងACCA និងនិយាយ៣ភាសាស្ទាត់ជំនាញ។៣.អក្បកិរិយាល្អ ថ្លៃថ្នូរ សមជាអ្នកដឹកនាំ ការទូត អ្នក ប្រើសំឡេងទៅកាន់ចក្រវាឡ ។លទ្ធផលយ៉ាងណាក៏ ម៉ានីតានៅតែជាMissតំណាងឲ្យកម្ពុជាដែលល្អផ្តាច់ពោលគឺមានគ្រប់យ៉ាងចំណេះដឹងភាសាសីលធ៌ម សមត្ថភាព សម្រស់ ភាពជាអ្នកដឹកនាំ ការទូត ។

សូមបញ្ជាក់ថា បវរកញ្ញាតំណាងកម្ពុជាកញ្ញា ហង្ស ម៉ានីតា មិនមានឱកាសឈានចូលTop16នោះទេ ប៉ុន្តែ ម៉ានីតា នៅតែទទួលបានការគាំទ្រ និងលើកទឹកចិត្តខ្លាំង ខណ:នាងបានខំប្រឹងអស់ពីសមត្ថភាពនិងធ្វើបានយ៉ាងល្អក្នុងវគ្គប្រកួតផ្ដាច់ព្រ័ត្រផងដែរ ៕

អត្ថបទ៖ ចាន់រ៉ា

The post ហង្ស ម៉ានីតា នៅតែជាបវរកញ្ញាតំណាងឲ្យកម្ពុជាដែលល្អផ្តាច់ ទោះបីមិនអាចចូលទៅក្នុងTop16 appeared first on Kampuchea Thmey Daily.

ហង្ស ម៉ានីតា សុំការលើកទឹកចិត្ត និងគាំទ្រពីមហាជន ដើម្បីនាំយកជ័យជម្នះវិលត្រឡប់មកមាតុភូមិវិញ

Sorn Phanith — Sat, 31 Dec 2022 09:07:00 +0000

កញ្ញាហង្ស ម៉ានីតា ដែលជាម្ចាស់មកុដ Miss Universe Cambodia 2022 កាលពីរាត្រីថ្ងៃទី ២៦ ខែធ្នូ ឆ្នាំ ២០២២ បានចាកចេញពីប្រទេសកំណើត ដើម្បីទៅចូលរួមការប្រកួតកញ្ញាចក្រវាឡលើកទី ៧១ នៅសហរដ្ឋអាមេរិក នាថ្ងៃទី ១៤ ខែមករា ឆ្នាំ ២០២២ ខាងមុខនេះ។

ក្នុងដំណើរចេញទៅប្រកួតលើឆាកអន្តរជាតិនេះបវរកញ្ញាតំណាងកម្ពុជាកញ្ញា ហង្ស ម៉ានីតា បានបង្ហា ញអារម្មណ៍រំភើបខ្លាំងស្ទើរទប់ទឹកភ្នែកមិនបាន ខណៈត្រូវបានក្រុមអ្នកគាំទ្ររាប់រយនាក់ព័ទ្ធជុំវិញខ្លួនជាមួយការបង្ហាញការស្រលាញ់ពេញចិត្តនាងខ្លាំង នៅពេលដែលនាងបង្ហាញខ្លួននៅអាកាសយានដ្ឋានអន្ដរជាតិពោចិនតុង។

យ៉ាងណាមិញបើតាមការបញ្ជាក់ឲ្យដឹងពីសំណាក់កញ្ញា ហង្ស ម៉ានីតា បាននិយាយដោយខ្លីថា ពេលនេះនាងបានធ្វើដំណើរទៅទីនោះហើយ។ នាងលើកឡើងថា”មកដល់ហើយDallase”។ដោយឡែកកាលពីប៉ុន្មានថ្ងៃមុននេះ ម៉ានីតា ក៏បានលើកឡើងដែរថា ដល់ពេលដែលខ្ញុំមានមោទកភាពតំណាងឲ្យប្រទេសកម្ពុជា ចូលរួមការប្រកួតលើឆាកអន្តរជាតិ ដែលដំណើរនេះមិនមែនជារបស់ខ្ញុំតែម្នាក់ គឺសម្រាប់អ្នកគ្រប់គ្នាដែលមានឈាមជ័រ និងបេះដូងជាខ្មែរ។

កញ្ញា ហង្ស ម៉ានីតា បន្តទៀតថា នាងខ្ញុំពិតជាមានកិត្តិយសណាស់ ដែលបានតំណាងឲ្យប្រជាជនខ្មែរប្រមាណ ១៧ លាននាក់ ចូលរួមការប្រកួតលំដាប់អន្តរជាតិ Miss Universe 2022 ហើយខ្ញុំសង្ឃឹមថា អ្នកគ្រប់គ្នានឹងលើកទឹកចិត្តហើយគាំទ្រខ្ញុំនាំយកជ័យជម្នះវិលត្រឡប់មកមាតុភូមិវិញ។ជួបគ្នាវិញឆាប់ៗនេះ នាងខ្ញុំតៀមខ្លួនរួចរាល់សម្រាប់ការប្រកួតដ៏មានន័យនៃ Miss Universe។

ជាមួយគ្នានោះ កញ្ញា ហង្ស ម៉ានីតា បានសំណូមពរឲ្យមហាជនជួយ Vote ឲ្យនាងផងព្រោះខាង Miss Universe គេបានបើកឲ្យ Vote ហើយដោយគ្រាន់តែបងប្អូនដោនឡូតអេបរបស់ Miss Universe និងចុចលើប្រទេសដែលយើងពេញចិត្តនោះរួចរាល់ដែលការ Vote នោះគឺ Free៕

អត្ថបទ៖ ចាន់រ៉ា

The post ហង្ស ម៉ានីតា សុំការលើកទឹកចិត្ត និងគាំទ្រពីមហាជន ដើម្បីនាំយកជ័យជម្នះវិលត្រឡប់មកមាតុភូមិវិញ appeared first on Kampuchea Thmey Daily.

រឿន ណាត រំភើបស្រក់ទឹកភ្នែក ក្រោយឃើញអ្នកគាំទ្រមកច្រើនកុះករទៅជូនដំណើរ ហង្ស ម៉ានីតា

អ៊ិន ពិសី — Tue, 27 Dec 2022 08:36:30 +0000

ក្នុងដំណើរចេញទៅប្រកួតលើឆាកអន្តរជាតិបវរកញ្ញាតំណាងកម្ពុជាកញ្ញា ហង្ស ម៉ានីតា បានបង្ហាញអារម្មណ៍រំភើបខ្លាំងស្ទើរទប់ទឹកភ្នែកមិនបានទេ ខណៈមានការចូលរួមបង្ហាញ នៃការស្រលាញ់ពេញចិត្តនាងខ្លាំងពេលចេញទៅប្រកួតនៅលើទឹកដីសហរដ្ឋអាមេរិក។

ដោយឡែកសម្រាប់រៀមច្បង គឺបវរកញ្ញាឯកចក្រវាលកម្ពុជាឆ្នាំ ២០១៨ កញ្ញា រឿន ណាត ក៏បានបង្ហាញអារម្មណ៍រំភើប និងអបអរចំពោះដំណើរចេញទៅប្រកួតរបស់ ហង្ស ម៉ានីតា ដូចគ្នានឹងអ្នកគាំទ្រ។ ជាក់ស្ដែងថ្វីត្បិត រឿន ណាត មិនបានទៅដោយផ្ទាល់ នាងបានផ្ញើសារលើកទឹកចិត្ត និងជូនពរបវរកញ្ញា ហង្ស ម៉ានីតា ក្នុងការបង្ហាញខ្លួនដ៏អស្ចារ្យមួយនេះ។

កញ្ញា រឿន ណាត បានលើកឡើងថា ថ្ងៃនេះបងអត់បានជូនដំណើរអូនផ្ទាល់ ដោយសារមានការរវល់នៅខេត្ត តែបងជូនពរឲ្យការធ្វើដំណើរនេះសុវត្ថិភាព ហើយចាំជួបគ្នានៅអាមេរិកណា My lovely queen Manita Hang។ ជាមួយគ្នានេះ ក្រោយឃើញរូបភាព នៃការចូលរួមជូនដំណើរយ៉ាងច្រើនកុះករ ស្រីស្អាត រឿន ណាត បាននិយាយទាំងក្ដុកក្ដួលថា OMG អ្នកធ្វើឲ្យខ្ញុំយំ អរគុណរាល់គ្នា។

តាមការកត់សម្គាល់ ក្រុមអ្នកគាំទ្ររាប់រយនាក់ បានហ៊ុមព័ទ្ធជុំវិញម្ចាស់មកុដ Miss Universe Cambodia 2022 កញ្ញា ហង្ស ម៉ានីតា ដែលបានបង្ហាញវត្តមាននៅអាកាសយានដ្ឋានអន្តរជាតិពោធិចិនតុង កាលពីរាត្រីថ្ងៃទី ២៦ ខែធ្នូ ឆ្នាំ ២០២២ ដើម្បីទៅចូលរួមការប្រកួតបវរកញ្ញាចក្រវាលលើកទី ៧១ នៅអាមេរិក នាថ្ងៃទី ១៤ ខែមករា ឆ្នាំ ២០២២ ខាងមុខ៕

អត្ថបទ ៖ ចាន់រ៉ា

The post រឿន ណាត រំភើបស្រក់ទឹកភ្នែក ក្រោយឃើញអ្នកគាំទ្រមកច្រើនកុះករទៅជូនដំណើរ ហង្ស ម៉ានីតា appeared first on Kampuchea Thmey Daily.