ជីវិតកម្សាន្ដ

រឿន ណាត រំភើបស្រក់ទឹកភ្នែក ក្រោយឃើញអ្នកគាំទ្រមកច្រើនកុះករទៅជូនដំណើរ ហង្ស ម៉ានីតា

បានផុស

៣ years មុន

នៅ

ថ្ងៃអង្គារ ២៧ ធ្នូ ២០២២

ដោយ

ក្នុងដំណើរចេញទៅប្រកួតលើឆាកអន្តរជាតិបវរកញ្ញាតំណាងកម្ពុជាកញ្ញា ហង្ស ម៉ានីតា បានបង្ហាញអារម្មណ៍រំភើបខ្លាំងស្ទើរទប់ទឹកភ្នែកមិនបានទេ ខណៈមានការចូលរួមបង្ហាញ នៃការស្រលាញ់ពេញចិត្តនាងខ្លាំងពេលចេញទៅប្រកួតនៅលើទឹកដីសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកសម្រាប់រៀមច្បង គឺបវរកញ្ញាឯកចក្រវាលកម្ពុជាឆ្នាំ ២០១៨ កញ្ញា រឿន ណាត ក៏បានបង្ហាញអារម្មណ៍រំភើប និងអបអរចំពោះដំណើរចេញទៅប្រកួតរបស់ ហង្ស ម៉ានីតា ដូចគ្នានឹងអ្នកគាំទ្រ។ ជាក់ស្ដែងថ្វីត្បិត រឿន ណាត មិនបានទៅដោយផ្ទាល់ នាងបានផ្ញើសារលើកទឹកចិត្ត និងជូនពរបវរកញ្ញា ហង្ស ម៉ានីតា ក្នុងការបង្ហាញខ្លួនដ៏អស្ចារ្យមួយនេះ។

កញ្ញា រឿន ណាត បានលើកឡើងថា ថ្ងៃនេះបងអត់បានជូនដំណើរអូនផ្ទាល់ ដោយសារមានការរវល់នៅខេត្ត តែបងជូនពរឲ្យការធ្វើដំណើរនេះសុវត្ថិភាព ហើយចាំជួបគ្នានៅអាមេរិកណា My lovely queen Manita Hang។ ជាមួយគ្នានេះ ក្រោយឃើញរូបភាព នៃការចូលរួមជូនដំណើរយ៉ាងច្រើនកុះករ ស្រីស្អាត រឿន ណាត បាននិយាយទាំងក្ដុកក្ដួលថា OMG អ្នកធ្វើឲ្យខ្ញុំយំ អរគុណរាល់គ្នា។

តាមការកត់សម្គាល់ ក្រុមអ្នកគាំទ្ររាប់រយនាក់ បានហ៊ុមព័ទ្ធជុំវិញម្ចាស់មកុដ Miss Universe Cambodia 2022 កញ្ញា ហង្ស ម៉ានីតា ដែលបានបង្ហាញវត្តមាននៅអាកាសយានដ្ឋានអន្តរជាតិពោធិចិនតុង កាលពីរាត្រីថ្ងៃទី ២៦ ខែធ្នូ ឆ្នាំ ២០២២ ដើម្បីទៅចូលរួមការប្រកួតបវរកញ្ញាចក្រវាលលើកទី ៧១ នៅអាមេរិក នាថ្ងៃទី ១៤ ខែមករា ឆ្នាំ ២០២២ ខាងមុខ៕

អត្ថបទ ៖ ចាន់រ៉ា