វគ្គផ្ដាច់ព្រ័ត្រនេះ បានធ្វើឡើងក្រោមអធិបតីភាពរបស់ឯកឧត្តម ហ៊ុន ម៉ានី ប្រធានគណៈកម្មការទី៧ នៃរដ្ឋសភា និងជាប្រធានសហភាពសហព័ន្ធយុវជនកម្ពុជា លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ឯកឧត្តម ឌី វិជ្ជា ប្រធានសហភាពសហព័ន្ធយុវជនកម្ពុជាខេត្តស្វាយរៀង ព្រមទាំងភ្ញៀវកិត្តិយសជាច្រើនរូបទៀត។

ក្រោយពីការយកចិត្តទុកដាក់ផ្ដល់ពិន្ទុដ៏សុក្រឹតពីសំណាក់គណៈកម្មការមេប្រយោគ គឺលទ្ធផលបានរកឃើញជ័យលាភីទាំង ៣ក្រុម គឺ ជ័យលាភីលេខ១ បានទៅលើក្រុមយុវជនមន្ទីរវប្បធម៌ និងវិចិត្រសិល្បៈ រាជធានីភ្នំពេញ ទទួលបានទឹកប្រាក់ចំនួន ១២លានរៀល ,ជ័យលាភីលេខ២ បានទៅលើក្រុមមន្ទីរវប្បធម៌ និងវិចិត្រសិល្បៈខេត្តសៀមរាប ទទួលបានទឹកប្រាក់ចំនួន ៨លានរៀល និងជ័យលាភីលេខ៣ បានទៅលើក្រុមខ្ញុំស្រឡាញ់វប្បធម៌នៃ ស.ស.យ.ក ខេត្តកំពង់ស្ពឺ ទទួលបានទឹកប្រាក់ចំនួន ៤រៀល។

ទន្ទឹមនេះ នៅក្នុងកម្មវិធីបិទ ក៏មានផ្ទាំងសិល្បៈទស្សនីយភាពនានា ដើម្បីជាការចូលរួមអបអរសាទរជាមួយកម្មវិធីល្ខោនខ្មែរ រដូវកាលទី១ និងដើម្បីញ៉ាំងឲ្យកម្មវិធី​ក្នុងវគ្គផ្ដាច់ព្រ័ត្រនេះកាន់តែអធិកអធម និងឱឡារិកផងដែរ។ ទស្សនីយភាពទាំងនេះ រួមមាន៖ របាំកូរសមុទ្រទឹកដោះ សម្ដែងដោយនាដកានៃក្រសួងវប្បធម៌ និងវិចិត្រសិល្បៈ និងការសម្ដែងពិសេស ល្ខោនខោល និងល្ខោនស្បែកធំ នៃសមាគមសិល្បៈសុវណ្ណភូមិ រឿងរាមកេរ្តិ៍។

សូមបញ្ជាក់ដែរថា កម្មវិធីល្ខោនខ្មែរ រដូវកាលទី១ បានបែងចែកជា ៩ដំណាក់កាល ដូចជា៖ ១.ដំណាក់កាលផ្សព្វផ្សាយកម្មវិធីល្ខោនខ្មែរ និងកិច្ចសម្ភាសន៍ពិសេសណៈកម្មការទាំង៤ ២.ការដាក់ពាក្យចូលរួមប្រកួត បិទទទួលពាក្យ និងវីដេអូប្រកួត ៣.វគ្គជម្រើសដោយគណៈកម្មការ ៤.វគ្គតម្រង់ទិស ៥.ល្ខោនខ្មែរ វគ្គទី១ និងជំនួបជាមួយគណៈកម្មការ (ការចាប់គ្រូបង្វឹក) ៦.ល្ខោនខ្មែរ វគ្គទី២ ការប្រកួតកូនក្រុមរបស់គណៈកម្មការទាំង៤រូប ៧.ការប្រកួតវគ្គពាក់កណ្តាលផ្តាច់ព្រ័ត្រ ៨.វគ្គវេទិការបស់ខ្ញុំ ការបោះឆ្នោតរបស់ទស្សនិកជនតាមរយៈវីដេអូរបស់ក្រុមប្រកួតលើទំព័រហ្វេសប៊ុកផ្លូវការសហភាពសហព័ន្ធយុវជនកម្ពុជាខេត្តស្វាយរៀង ដែលពិន្ទុពីទស្សនិកជនទទួលបាន៤០% និង៦០%ទៀតពីគណៈកម្មការ និងដំណាក់កាលទី៩.វគ្គផ្តាច់ព្រ័ត្រ។

ចាប់តាំងពីវគ្គដំបូងបង្អស់ រហូតដល់ពេលនេះ រាល់ការវិនិច្ឆ័យក្រុមបេក្ខភាពប្រឡងនីមួយៗ ត្រូវបានវាយតម្លៃយ៉ាងសុក្រឹត ដោយគណៈកម្មការមេប្រយោគទាំង ៤រូប ដែលសុទ្ធដឹងជាវីរៈសិល្បករពោរពេញដោយបទពិសោធន៍ និងជំនាញឯកទេសយូរឆ្នាំក្នុងវិស្ស័យសិល្បៈបុរាណខ្មែរ រួមមាន៖ លោកសាស្ដ្រាចារ្យ ព្រឿង ឈៀង លោកស្រីព្រឹទ្ធាចារ្យ ប៉ែន សុខហួន លោកស្រីសាស្ដ្រាចារ្យ សុទ្ធ សុម៉ាលី និងលោកស្រីសាស្ត្រាចារ្យ សំ សត្យា។

កម្មវិធីល្ខោនខ្មែរ រដូវកាលទី១នេះ បានរៀបចំឡើងក្នុងគោលបំណងចូលរួមលើកស្ទួយ ថែរក្សា ការពារសិល្បៈ ទំនៀមទម្លាប់ប្រពៃណី វប្បធម៌ដែលជាអត្តសញ្ញណជាតិ លើកកម្ពស់ និងផ្សព្វផ្សាយអំពីល្ខោនបុរាណចម្រុះរបស់ខ្មែរទៅកាន់ប្រជាពលរដ្ឋ ជាពិសេសយុវជនជំនាន់ក្រោយ និងបរទេសបានស្គាល់ឲ្យកាន់តែច្រើន៕

The post កម្មវិធីល្ខោនខ្មែរវគ្គផ្ដាច់ព្រ័ត្ររកឃើញម្ចាស់ជ័យលាភីហើយ ក្នុងរដូវកាលទី១ appeared first on Kampuchea Thmey Daily.

ក្នុងនោះកូនក្រុមរបស់លោកជំទាវសាស្ត្រាចារ្យ សុទ្ធ សុម៉ាលី មាន (១). ក្រុមពន្លកថ្មីនៃវប្បធម៌ (២).ក្រុម ល្ខោនបុរាណស្រីវត្តកៀនស្វាយក្រៅ និង (៣). ក្រុម យុវជនមន្ទីវប្បធម៌ និងវិចិត្រសិល្បៈរាជធានីភ្នំពេញ រីឯកូនក្រុមរបស់លោកស្រីសាស្ត្រាចារ្យ សំ សត្យា មាន (១). ក្រុម មន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ (២). ក្រុម រស្មីនៃវប្បធម៌ (៣). ក្រុម ក្រឹស្ណរៈ ចំណែកឯកូនក្រុមរបស់ឯកឧត្តមសាស្ត្រាចារ្យ ព្រឿង ឈៀង មាន (១). ក្រុម មន្ទីវប្បធម៌ និងវិចិត្រសិល្បៈខេត្តសៀមរាប (២).ក្រុម សិល្បៈបុរាណយុវជនល្ខោនខោល និងរបាំបុរាណជំនាន់ថ្មី (៣). ក្រុម ស្រលាញ់វប្បធម៌នៃ ស.ស.យ.ក ខេត្តកំពង់ស្ពឺ និងចុងក្រោយ កូនក្រុមរបស់លោកស្រីព្រឹទ្ធាចារ្យ ប៉ែន សុខហួន មាន (១). ក្រុម នារីអង្គរ (២). ក្រុម វិទ្យាស្ថានគរុកោសល្យរាជធានីភ្នំពេញ (៣). ក្រុម ក្លឹបបណ្ដុះបណ្ដាលសិល្បៈវប្បធម៌ខ្មែរអង្គរខេត្តសៀមរាប។
សូមបញ្ជាក់ផងដែរថា នៅវគ្គបន្ទាប់ កូនក្រុមរួមគ្រូ នឹងធ្វើការប្រកួតជាមួយគ្នាទៅវិញទៅមក ពោលគឺមិនប្រកួតឆ្លងក្រុមដែលមានគ្រូបង្វឹកផ្សេងៗនោះឡើយ។ មិនតែប៉ុណ្ណោះ គ្រូបង្វឹកទាំងអស់នឹងធ្វើការវាយតម្លៃទៅតាមការបញ្ចេញសមត្ថភាពជាក់ស្ដែង ហើយក្នុងនោះគ្រូបង្វឹកនីមួយៗនឹងសម្រេចចិត្តរើសបេក្ខជនតែ ២ ក្រុមប៉ុណ្ណោះ រីឯ ១ក្រុមទៀតនឹងត្រូវចាកចេញពីកម្មវិធី។

កម្មវិធីល្ខោនខ្មែរ រដូវកាលទី១ មានចាក់បញ្ចាំងនៅលើកញ្ចក់ទូរទស្សន៍ BTV រៀងរាល់ថ្ងៃសៅរ៍ វេលាម៉ោង ៦ ល្ងាចតទៅ។ ហើយក៏មានការចាក់ផ្សាយលើទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕

The post រកឃើញហើយ កូនក្រុមទាំង៣ របស់គ្រូបង្វឹកនីមួយៗនៃកម្មវិធីល្ខោនខ្មែរ រដូវកាលទី១ appeared first on Kampuchea Thmey Daily.

​ក្នុងដំណាក់កាល​នេះ គណៈកម្មការ​បានធ្វើកា​រ​ត្រួតពិនិត្យ​នូវ​រាល់​វីដេអូ​សម្ដែង​របស់​បេក្ខជន​ក្រុម​នីមួយៗ ហើយ​មានតែ​ក្រុម​ដែល​បំពេញ​លក្ខណៈ​ត្រឹមត្រូវ ស្របតាម​គោលការណ៍ និង​លក្ខន្តិកៈ​របស់​កម្មវិធី​ប៉ុណ្ណោះ ទើប​អាច​ឈានទៅ​វគ្គ​បន្ទាប់​បាន​។

​នា​ដំណាក់កាល​តម្រង់ទិស ឯកឧត្តម​សាស្ត្រាចារ្យ ព្រឿង ឈៀង បាន​មានប្រសាសន៍ថា​ល្ខោន​មួយ​ដែល​ល្អគន់ ត្រូវមាន​គុណសម្បត្តិ ​៣ ​យ៉ាង ទី​ ១ គឺ​អ្នក​សម្ដែង​ត្រូវមាន​នាដកម្ម (​ដាក់​មនោសញ្ចេតនា លេង​ទឹកមុខ ខឹង សប្បាយ​) ទី​ ២ គឺ​អ្នក​ច្រៀង​ត្រូវ​បញ្ចូល​មនោសញ្ចេតនា ទៅតាម​សាច់រឿង​ឈុត​ឆាក​និង​ទី​ ៣ អ្នកភ្លេង​ក៏ត្រូវ​ចូល​តួ​ទៅតាម​នោះដែរ ឧទាហរណ៍​ពេល​ដល់​ឈុត​កម្សត់ ភ្លេង​ត្រូវ​កម្សត់​តាម​នោះ មិនមែន​កន្ត្រាក់​ឡើយ​។

​ទាក់ទិន​ទៅនឹង​ផ្នែក​មនោសញ្ចេតនា​នេះ​ដដែល លោកស្រី​ព្រឹទ្ធាចារ្យ ប៉ែន សុខ​ហួន ក៏មាន​អនុសាសន៍​បន្ថែម​ផងដែរ​ថា​៖ “​បើតាម​ប្រសាសន៍​របស់លោក​យាយ ជា សាមី ល្ខោន​ក្បាច់បុរាណ គឺ​មនោសញ្ចេតនា ត្រូវ​លេង​ជាមួយ​ក្បាច់ បានន័យថា​យំសើច តាមរយៈ​កាយវិការ​ក្បាច់​នីមួយៗ មិន​ដូច​បាសាក់ យីកេ​ឡើយ​។ ហើយ​ក្បាច់​នោះ​ទៀតសោត​ត្រូវឱ្យ​ច្បាស់លាស់ និង​មាន​ទម្ងន់ ឧទាហរណ៍​ថា​ពេល​ចង្អុល​លក្ខណៈ​ខឹង ត្រូវ​ចង្អុល​ឱ្យ​ធ្ងន់ ឱ្យចំ​។​”

​ចំណែកឯ​លោកស្រី​សាស្ត្រាចារ្យ សំ សត្យា បាន​សង្កត់ធ្ងន់ថា ការ​រាំ ត្រូវដាក់​មនោសញ្ចេតនា​ទៅតាម​តួអង្គ ឧទាហរណ៍​តួ​នាង​សីតា​ពេល​ឃើញ​យក្ស និង​ឃើញ​មនុស្ស ភ័យ​ខុសគ្នា​។

​ការដាក់​មនោសញ្ចេតនា គឺ​ដើរតួ​សំខាន់​ក្នុងការ​រាំ ដើម្បីឱ្យ​ល្ខោន ឬ​របាំ​នោះ មាន​ភាពរស់រវើក ទាក់ភ្នែក​អ្នកមើល​ឱ្យចូល​អារម្មណ៍​តាម​។ ជា​ចុងក្រោយ ព្រឹទ្ធាចារ្យ​សិល្បៈ​ទាំង ​៣ ​រូប បាន​កោតសរសើរ​នូវ​ទឹកចិត្ត​ស្រឡាញ់ និង​អភិរក្ស​វប្បធម៌ សិល្បៈ​បុរាណ របស់​បេក្ខជន​ទាំងអស់ ដែលជា​អ្នក​បន្តវេន ជា​ធនធាន និង​ជា​គ្រាប់ពេជ្រ​កំពុង​ច្នៃ​។

​ឆ្លៀត​ក្នុងឱកាស​នោះ​ផងដែរ ក៏មាន​បទ​បង្ហាញ​ស្ដីពី​បច្ចេកទេស​ថត និង​ផ្សព្វផ្សាយ ដោយ​លោក ឆ​យ ធារ៉ា ជា​សមាជិក​នៃ​លេខាធិការដ្ឋាន​សស​យក ខេត្តស្វាយរៀង ដែល​លោក​បាន​ណែនាំ​អំពី​វិធី ​៨​ យ៉ាង ដើម្បី​ទទួលបាន​វីដេអូ​ប្រកបដោយ​គុណភាព​វិជ្ជាជីវៈ ក៏ដូចជា​ណែនាំ​ពី​កម្មវិធី​កាត់ត​វីដេអូ​ក្នុង​ទូរ​សព្ទ​ផងដែរ​។​

​សូមបញ្ជាក់​ផងដែរ​ថា ដំណាក់កាល​បន្ទាប់​នៃ​កម្មវិធី​ល្ខោន​ខ្មែរ គឺជា​ការ​ជម្រុះ​បេក្ខជន ដោយ​វាយតម្លៃ​លើ​វីដេអូ​សម្ដែង​របស់​ក្រុម​នីមួយៗ ហើយ​មានតែ ១២ ​ក្រុម​ប៉ុណ្ណោះ ទើប​អាច​ឆ្ពោះទៅ​វគ្គ​ក្រោយ​បាន​៕

​

The post ព្រឹទ្ធាចារ្យសិល្បៈ ៣ រូប សង្កត់ធ្ងន់ដូចគ្នាអំពី “មនោសញ្ចេតនា” ក្នុងពេលសម្ដែង appeared first on Kampuchea Thmey Daily.

​នៅ​រដូវ​កាល​ទី​ ១ ​នេះ នឹង​ប្រព្រឹត្តទៅ​ក្រោម​វិញ្ញាសា “​ទម្រង់​របាំ​ក្បាច់បុរាណ​ខ្មែរ​” ដែល​នឹងចូលរួម​វាយតម្លៃ​យ៉ាង​សុក្រឹត​ពី​សំណាក់​គណៈកម្មការ​ចំនួន​បួនរូប ជា​ព្រឹទ្ធាចារ្យ​ចាស់ទុំ​ផ្នែក​សិល្បៈ​បុរាណ រួមមាន​៖ (១). ឯកឧត្តម​សាស្ត្រាចារ្យ ព្រឿង ឈៀង (២). លោកស្រី​ព្រឹទ្ធាចារ្យ ប៉ែន សុខ​ហួន (៣). លោកជំទាវ​សាស្ត្រាចារ្យ សុទ្ធ សុ​ម៉ាលី និង (៤). លោកស្រី​សាស្ត្រាចារ្យ សំ សត្យា​។ លោក​ទាំង​បួន​មិន​ត្រឹមតែ​ជា​គណៈមេប្រយោគ​ដាក់ពិន្ទុ​ទេ ថែមទាំង​ជា​គ្រូបង្វឹក​ដោយផ្ទាល់​ទៅដល់​បេក្ខជន​ប្រកួត​ផងដែរ​។​

​សូមបញ្ជាក់​ផងដែរ​ថា សម្រាប់​សាធារណជន​មិន​ថា​សិល្បករ​អាជីព​ក្ដី មិន​អាជីព​ក្ដី​ដែល​ចង់​បញ្ចេញ​សមត្ថភាព និង​ចូលរួម​លើកស្ទួយ​វិស័យ​វប្បធម៌​ខ្មែរ​យើង សូមមេត្តា​ប្រញាប់​ដាក់ពាក្យ ដែល​លក្ខន្តិកៈ​ងាយស្រួល​ណាស់ គឺ​គ្រាន់តែ​បំពេញ​ពាក្យ​ចូលរួម​ប្រកួត ភ្ជាប់​ជាមួយ​ថវិកា​ត្រឹមតែ ១០.០០០​រៀល និង​វីដេអូ​សម្ដែង​ទម្រង់​របាំ​ក្បាច់បុរាណ​ខ្មែរ​ណាមួយ យ៉ាងតិច ៥ នាទី រួច​ផ្ញើ​មកកាន់​ទំព័រ​ហ្វេ​ស​ប៊ុ​ក​របស់​សហភាព​សហព័ន្ធ​ជនកម្ពុជា ខេត្តស្វាយរៀង ឬ​តេ​លេ​ក្រាម​លេខ 099 914 121 ដែលមាន​ឈ្មោះថា «​ល្ខោន​ខ្មែរ UYFC SVR»​។

​សូមកុំ​ឱ្យ​ឱកាស​នេះ​ផុត​កំណត់ដោយ​អសារ​បង់​។ ចំពោះ​ជយលាភី​លេខ​១ នឹង​ទទួលបាន​រង្វាន់​លើកទឹកចិត្ត​ជា​ទឹកប្រាក់ ១២ លាន​រៀល​។ ជយលាភី​លេខ​ ២ ទទួលបាន​ទឹកប្រាក់ ៨ លាន​រៀល និង​ជ័យលាភី​លេខ​ ៣ ទទួលបាន​ទឹកប្រាក់ ៤ លាន​រៀល​។​

“​មិន​ត្រឹមតែ​ជាការ​ចូលរួម​ប្រកួត តែ​យើង​ទាំង​គ្នា ចូលរួម​គាំទ្រ អភិរក្ស និង​លើកស្ទួយ​សិល្បៈ​បុរាណ​ខ្មែរ​”​។​

​សម្រាប់​ព័ត៌មាន​លម្អិត លោកអ្នក​អាចទាក់ទង​មក​លេខ​ទូរ​សព្ទ 099 914 121​។​

​

The post រួសរាន់ឡើង! សល់តែ ២ ថ្ងៃប៉ុណ្ណោះ នឹងឈប់ទទួលពាក្យកម្មវិធីល្ខោនខ្មែរ រដូវកាលទី ១ appeared first on Kampuchea Thmey Daily.

​បេក្ខជន​ក្រុម​នឹង​បាន​ជួប​ជាមួយ​គណៈកម្មការ​ទាំង​បួន​រូប សុទ្ធសឹង​ជា​កំពូល​សិល្បករ សិល្បការិនី​របាំ​បុរាណ និង​ជា​ព្រឹទ្ធាចារ្យ​មានបទពិសោធន៍​យូរ​ឆ្នាំ​លើ​វិស័យនេះ រួមមាន​៖ (១). ឯកឧត្តម​សាស្ត្រាចារ្យ ព្រឿង ឈៀង (២). លោកស្រី​ព្រឹទ្ធាចារ្យ ប៉ែន សុខ​ហួន (៣). លោកជំទាវ​សាស្ត្រាចារ្យ សុទ្ធ សុ​ម៉ាលី និង (៤). លោកស្រី​សាស្ត្រាចារ្យ សំ សត្យា​។ លោក​ទាំង​បួន​មិន​ត្រឹមតែ​ជា​គណៈមេប្រយោគ ដាក់ពិន្ទុ​យ៉ាង​សុក្រឹត​នោះទេ ថែមទាំង​ជា​គ្រូបង្វឹក​ដោយផ្ទាល់​ទៅដល់​បេក្ខជន​ប្រកួត​ផងដែរ ដែល​នេះ​ជា​ឱកាស​ដ៏​វិសេសវិសាល​មួយ​សម្រាប់​បេក្ខជន​ប្រឡង ក្នុងការ​ដកស្រង់​បទពិសោធន៍ និង​ចំណេះ​ជំនាញ​ពី​ព្រឹទ្ធាចារ្យ​សិល្បៈ​ទាំង​បួនរូប​។​

​សូមបញ្ជាក់​ផងដែរ​ថា សម្រាប់​បេក្ខជន​ទូទាំង ២៥ រាជធានី​-​ខេត្ត ដែលមាន​ចំណាប់អារម្មណ៍​ចូល​ប្រកួត លក្ខន្តិកៈ​ងាយស្រួល​ណាស់ ដោយ​គ្រាន់តែ​បំពេញ​ពាក្យ​ចូលរួម​ប្រកួត ភ្ជាប់​ជាមួយ​ថវិកា​ត្រឹមតែ ១០.០០០​ រៀល និង​វីដេអូ​សម្ដែង​ទម្រង់​របាំ​ក្បាច់បុរាណ​ខ្មែរ​ណាមួយ យ៉ាងតិច ៥ នាទី រួច​ផ្ញើ​មកកាន់​ទំព័រ​ហ្វេ​ស​ប៊ុ​ក​របស់​សហភាព​សហព័ន្ធ​ជនកម្ពុជា ខេត្តស្វាយរៀង ឬ​តេ​លេ​ក្រាម​លេខ 099 914 121 ដែលមាន​ឈ្មោះថា «​ល្ខោន​ខ្មែរ UYFC SVR»​។ ការទទួល​ពាក្យ​ចូលរួម​ប្រកួត និង​វីដេអូ ចាប់ពី​ថ្ងៃទី ២៥ ខែកក្កដា តទៅ រហូតដល់​ថ្ងៃទី​ ០៨ ខែកញ្ញា ឆ្នាំ​ ២០២២​។

​ជយលាភី​លេខ​ ១ នៅ​វគ្គ​ផ្ដាច់ព្រ័ត្រ​នៃ​កម្មវិធី នឹង​ទទួលបាន​រង្វាន់​លើកទឹកចិត្ត​ជា​ទឹកប្រាក់ ១២ លាន​រៀល​។ ជយលាភី​លេខ​ ២ ទទួលបាន​ទឹកប្រាក់ ៨ លាន​រៀល និង​ជយលាភី​លេខ​ ៣ ទទួលបាន​ទឹកប្រាក់ ៤ លាន​រៀល​។​

“​មិន​ត្រឹមតែ​ជាការ​ចូលរួម​ប្រកួត តែ​យើង​ទាំង​គ្នា ចូលរួម​គាំទ្រ អភិរក្ស និង​លើកស្ទួយ​សិល្បៈ​បុរាណ​ខ្មែរ​”​។​

​សម្រាប់​ព័ត៌មាន​លម្អិត និង​ចម្ងល់​ផ្សេងៗ លោកអ្នក​អាចទាក់ទង​មក​លេខ​ទូរ​សព្ទ 099 914 121​៕​

The post ឱកាសកម្រ! កម្មវិធីល្ខោនខ្មែរ រដូវកាលទី ១ ប្រកាសបើកទទួលពាក្យចូលរួមប្រកួតហើយ appeared first on Kampuchea Thmey Daily.