ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ជារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ។

លោកវរសេនីយ៍ឯក ម៉ម សាវន ប្រធានការិយាល័យនគរបាលព្រហ្មទណ្ឌកម្រិតស្រាល បានអោយដឹងថា ជនសង្ស័យទាំង១២នាក់ខាងលើ បានប្រព្រឹត្តករណីចំនួន ០៣ ដោយករណីទី១ លួចមានស្ថានទម្ងន់ទោស (កាប់នឹងវាយប្លន់យកម៉ូតូ) នៅចំណុចវាលស្រែ១០០ ផ្លូវលំ សង្កាត់គោករកា ខណ្ឌព្រែកព្នៅ រាជធានីភ្នំពេញ វេលាម៉ោងប្រហែល ម៉ោង៣រសៀល  ថ្ងៃទី២២ខែមីនា ឆ្នាំ ២០២៦ ។ ករណីទី២ ហិង្សាដោយចេតនាមានស្ថានទម្ងន់ទោស(យកដាវ,មួកសុវត្ថិភាព,ដុំថ្ម កាប់ វាយ គប់ លើជនរងគ្រោះបណ្តាលអោយរងរបួស) ប្រព្តឹត្តនៅចំណុចលើផ្លូវលេខ២០១១ ភូមិខ្មែរលើ សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីថ្ងៃទី២២ ខែមីនា វេលាម៉ោង០៤ និង ៥០នាទីរសៀល ។ ករណីទី៣ បង្ហោះម៉ូតូ តាមផ្លូវសារធារណៈប្រព្រឹត្តនៅចំណុចផ្លូវកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ កាលពីថ្ងៃទី២១ ខែមីនា ឆ្នាំ២០២៦។

ប្រធានការិយាល័យបានបន្ថែមថា ជនសង្ស័យទាំង១២ នាក់ខាងលើ ភាគច្រើនទើបតែមានអាយុចាប់ពី១៦ឆ្នាំ ដល់ ១៩ឆ្នាំ តែប៉ុណ្ណោះ ។

បច្ចុប្បន្ន ជនសង្ស័យទាំង ១២នាក់ ត្រូវបានការិយាល័យនគរបាលព្រហ្មទណ្ឌកម្រិតស្រាល កសាងសំណុំរឿង ចាត់ការតាមនីតិវិធីច្បាប់។ ចំណែកបក្សពួកសេសសល់ សមត្ថកិច្ច កំពុងតាមស្រាវជ្រាវ បន្តទៀត ៕ អត្ថបទ ៖ រដ្ឋា

The post នគរបាលព្រហ្មទណ្ឌស្រាលរាជធានីភ្នំពេញ ស្រាវជ្រាវបង្រ្កាបជនសង្ស័យ១២នាក់ ពាក់ព័ន្ធករណី កាប់និងធាក់ប្លន់ appeared first on Kampuchea Thmey Daily.

បើតាមការបញ្ចាក់ពីសមត្ថកិច្ចបានឲ្យដឹងថា កាលពីវេលាម៉ោង១៣និង១០នាទី ថ្ងៃទី១៨ ខែកុម្ភៈ ឆ្នាំ២០២៦ កម្លាំងសមត្ថកិច្ចទទួលបានព័ត៌មាន មានករណីឃាតកម្មមួយបានកើតឡើង នៅចំណុចភូមិព្រៃឫស្សី ឃុំជាំសង្កែ ស្រុកភ្នំស្រួច បង្កឡើងដោយកូនប្រុសបង្កើតប្រើកាំបិតប៉័ងតោកាប់សម្លាប់ម្ដាយ។ ភ្លាមៗនោះកម្លាំងសមត្ថកិច្ចបានចុះអន្តរាគមន៍ធើ្វការឃាត់ខ្លួនជនសង្ស័យឈ្មោះ នឿន ណែត ហៅខ្នែត ភេទប្រុស អាយុ២២ ឆ្នាំ ជាកូនបង្កើតរបស់ជនរងគ្រោះ ចំណែកម្ដាយដែលត្រូវកូនកាប់បណ្ដាលឲ្យស្លាប់មានឈ្មោះយួន ផាន អាយុ ៤៧ឆ្នាំ រស់នៅផ្ទះជាមួយគ្នា ត្រូវកូនកាប់ចំសៀតផ្កាលើត្រចៀកខាងស្ដាំ ចំនួន០១កាំបិត។

ប្រភពពីពលរដ្ឋនៅជិតកន្លែងកើតហេតុបានឲ្យដឹងថា មុនពេលកើតហេតុជនសង្ស័យនៅផ្ទះតែ២នាក់ម្ដាយ ពេលនោះជនសង្ស័យកំពុងដេកលើអង្រឹង បានសុំលុយពីម្ដាយ១ពាន់រៀល ទៅទិញបារី តែម្ដាយមិនឲ្យហើយថែមទាំងស្ដីបន្ទោសរឿងមិនជួយការងារផ្ទះ។ ពេលនោះជនសង្ស័យបានខឹងរួចដើរទៅយកកាំបិតប៉័ងតោនៅលើតុ កាប់លើម្ដាយមួយកាំបិតរួចបោះកាំបិតចោលដើរមកដេកនៅក្នុងអង្រឹងនៅមុខផ្ទះធម្មតា។ ចំណែកម្ដាយជាជនរងគ្រោះបានដើរចូលទៅក្នុងផ្ទះ លុះដល់ម៉ោងប្រហែល១៤និង២០នាទី ថ្ងៃដដែល ឪពុកបានត្រឡប់មកពីកាប់អុសវិញ បានដើរចូលក្នុងផ្ទះទើបឃើញម្ដាយរបស់ខ្លួនដេកស្លាប់នៅក្នុងផ្ទះបាត់ទៅហើយ។

ក្រោយពេលកើតហេតុកម្លាំងសមត្ថកិច្ច ទទួលព័ត៌មានចុះដល់កន្លែងកើតហេតុ និងបានហៅជនសង្ស័យ មកសាកសួរនាំ ជនសង្ស័យក៏បានឆ្លើយសារភាពថា រូបខ្លួនពិតជាបានធ្វើសកម្មភាពយកកាំបិតប៉័ងតោកាប់សម្លាប់ម្ដាយប្រាកដមែន។ បច្ចុប្បន្នជនសង្ស័យត្រូវបានកម្លាំងសមត្ថកិច្ចកសាងសំណុំរឿងបញ្ជូនទៅកាន់តុលាការ ដើម្បីអនុវត្តតាមនីតិវីធីច្បាប់៕ ដោយ៖ អុឹងម៉េង

The post ខឹងសុំលុយ១ពាន់រៀលមិនបាន ទាញកាំបិតបុ័ងតោកាប់ម្ដាយស្លាប់ក្នុងថ្លុកឈាម appeared first on Kampuchea Thmey Daily.

ហេតុការណ៍នេះបង្កការភ្ញាក់ផ្អើលកាលពីនាវេលាម៉ោង១២និង៤០នាទីរំលងអធ្រាត្រឈានចូលថ្ងៃទី២៧ ខែវិច្ឆិកា ឆ្នាំ២០២៥ នៅតាមបណ្តោយផ្លូវជាតិលេខ១ ក្នុងភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល។

តាមការបញ្ជាក់ពីឪពុកជនរងគ្រោះបានអោយដឹងថា មុនកើតហេតុ កូនរបស់គាត់សុំមកលេងបាល់ជាមួយមិត្តភក្តិ ហើយបន្តចេញទៅកម្មវិធីនៅផ្ទះឪពុកធម៌ ប៉ុន្តែគាត់មិនបានដឹងថាកូនជិះម៉ូតូមកម្តុំភូមិព្រែកត្រែងនេះទេ។ លុះមកដល់វេលាម៉ោង១២យប់ក៏ស្រាប់តែមានសមត្ថកិច្ចបានទូរស័ព្ទទៅប្រាប់ថា កូនរបស់គាត់ត្រូវបានគេកាប់ដាច់ក្បាលស្លាប់ហើយ។ ភ្លាមៗ គាត់ក៏ប្រញាប់ប្រញាល់មកចំណុចកើតហេតុ និងបានយកសពទៅធ្វើបុណ្យតាមប្រពៃណី។

ប្រភពពីសមត្ថកិច្ចបានប្រាប់ថា កម្លាំងនគរបាលប៉ុស្តិ៍កំពុងល្បាតពួនស្ទាក់ការពារសន្តិសុខសុវត្ថិភាព ក្នុងមូលដ្ឋាននៅលើផ្លូវជាតិលេខ១ ស្របពេលល្បាតមកដល់ចំណុចកើតហេតុ ក៏ប្រទះឃើញមានយុវជនចំនួន០៤នាក់ កំពុងភ័យស្លន់ស្លោរ និងខ្លះស្រែកយំនៅក្បែរសាកសពយុវជន១នាក់ដាច់ក្បាល និង១នាក់ទៀតរបួសធ្ងន់ ឃើញសភាពដូច្នោះ សមត្ថកិច្ចបានសម្រេចបញ្ជូនអ្នករបួសទៅមន្ទីរពេទ្យតែម្តង។ ខណៈពេលនោះដែរ នគរបាលជំនាញ ក៏បានឃាត់ខ្លួនជនសង្ស័យទាំង ០៤នាក់យកទៅកាន់ប៉ុស្តិ៍ដើម្បីសួរនាំបន្ថែម។ សមត្ថកិច្ចបានបញ្ជាក់ថា តាមចម្លើយបឋមពីជនសង្ស័យទាំង០៤នាក់នោះ បានប្រាប់ថា «គឺកាប់ច្រលំគ្នាឯង»។

បច្ចុប្បន្ន ជនសង្ស័យទាំង០៤នាក់ ខាងលើកំពុងត្រូវបានឃាត់សួរនាំនៅប៉ុស្តិ៍នគរបាលរដ្ឋបាលសំរោងធំដើម្បីបន្តនីតិវិធី៕

អត្ថបទ៖ រដ្ឋា

The post ក្មេងស្ទាវ! យុវជនម្នាក់ដាច់ក្បាលស្លាប់ និងម្នាក់ទៀតរបួសធ្ងន់ក្នុងករណីកាប់ច្រឡំគ្នាឯង appeared first on Kampuchea Thmey Daily.

តាមការស្រាវជ្រាវ និងបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្ដាល ក្រុមជនសង្ស័យមានបក្ខពួកសរុប៥នាក់ និងត្រូវបានឃាត់ខ្លួន៤នាក់ ខណៈលោកនគរបាលផ្កាយ១ សុខ ស៊ីថា ដែលជាជនដៃដល់ មានទីលំនៅបច្ចុប្បន្នភូមិបឹងក្រចាប់ជើង ឃុំព្រែកតាមាក់ ស្រុកខ្សាច់កណ្តាល កំពុងគេចខ្លួន។

តាមការបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្ដាល កាលពីថ្ងៃទី១៧ ខែវិច្ឆិកា ឆ្នាំ២០២៥ វេលាម៉ោង០៩និង០០នាទី ក្រុមជនសង្ស័យបានធ្វើសកម្មភាពប្រើអំពើហិង្សា(កាប់ប្រហារ)លើជនរងគ្រោះពីរនាក់នៅចំណុចភូមិព្រែកតាកូវ សង្កាត់ព្រែកតាកូវ ក្រុងអរិយក្សត្រ បណ្ដាលឲ្យឈ្មោះ ជឹម ធឿន ភេទប្រុស អាយុ៦១ឆ្នាំ ជនជាតិខ្មែរ មុខរបរកសិករ រងរបួសហូរឈាមក្រោមសាច់ដុំដៃខាងឆ្វេង និងម្នាក់ទៀតឈ្មោះ ជឹម ស៊ីថា ភេទប្រុស អាយុ៥៨ឆ្នាំ ជនជាតិខ្មែរ មុខរបរកសិករ។

បន្ទាប់ពីស្រាវជ្រាវ កម្លាំងសមត្ថកិច្ចបានឃាត់ខ្លួនក្រុមបក្ខពួកជនសង្ស័យចំនួន៤នាក់ និងរកឃើញកាំបិតផ្គាក់ផ្លែដែក​ ដងឬស្សី​ ០១​ បន្សល់ទុកកន្លែងកើតហេតុ និងបញ្ជូនកសាងសំណុំរឿងដើម្បីអនុវត្តតាមនិតិវិធីច្បាប់។

តាមប្រភពមួយចំនួនលើកឡើងថា ករណីឈានដល់ការកាប់ប្រហារលើពលរដ្ឋពីសំណាក់មន្ត្រីនគរបាលផ្កាយ១នេះ កើតឡើងដោយសាររឿងទំនាស់ព្រំដី៕

អត្ថបទ៖ សុខុម

The post ស្នងការខេត្តកណ្ដាល កំពុងតាមចាប់ខ្លួនលោកផ្កាយ១ សុខ ​ស៊ីថា ពាក់ព័ន្ធករណីកាប់ប្រហារពលរដ្ឋម្នាក់របួសធ្ងន់ appeared first on Kampuchea Thmey Daily.

ជនសង្ស័យប្រុសស្រីចំនួន៣នាក់ត្រូវបានសមត្ថកិច្ចឃាត់ខ្លួន យកមកសួរនាំពាក់ព័ន្ធករណីប្រេីដាវកែឆ្នៃកាប់ទៅលេីយុវជនមួយក្រុមបណ្តាលឱ្យយុវជនម្នាក់រងរបួសធ្ងន់។ ការឃាត់ខ្លួននេះបានធ្វេីឡេីងកាលពីវេលា ម៉ោង ១៦និង៣០នាទី ល្ងាច  នៅថ្ងៃទី២៩  ខែកញ្ញា  ឆ្នាំ២០២៣ ស្ថិតនៅភូមិអង្គ សង្កាត់ចោមចៅទី៣   ខណ្ឌ ពោធិ៍សែនជ័យ រាជធានីភ្នំពេញ ។

 ក្នុងចំណោមជនសង្ស័យទាំង៣ដែលបានឃាត់ខ្លួន ជនសង្ស័យទី១ មានឈ្មោះហួត  ម៉េងហុង  ភេទប្រុសអាយុ១៨ឆ្នាំ  ជនសង្ស័យទី២ឈ្មោះនៅ  សីហា  ភេទប្រុសអាយុ១៥ឆ្នាំ  ឯជនសង្ស័យទី៣ មានឈ្មោះថា យ៉ូប៉ុន  ច័ន្ធសុធីប  ភេទស្រីអាយុ១៥ឆ្នាំ។  ជនសង្ស័យទាំងបីនាក់នេះសុទ្ធតែសិស្សសាល ដែលពួកគេស្នាក់នៅភូមិអង្គ  សង្កាត់ចោមចៅទី៣  ខណ្ឌពោធិ៍សែនជ័យ ។ ស្នាក់នៅភូមិអង្គ  សង្កាត់ចោមចៅទី៣  ខណ្ឌពោធិ៍សែនជ័យ ។ចំណែកជនរងគ្រោះឈ្មោះសុខេន  សៀកម៉ីង  ភេទប្រុសអាយុ១៧ឆ្នាំ  មុខរបរសិស្ស  ស្នាក់នៅភូមិត្នាតពង  សង្កាត់បឹងធំ  ខណ្ឌកំបូល។

បើតាមប្រភពព័ត៌មានបានឱ្យដឹងថា កាលពីវេលាម៉ោង១៤និង៣០នាទី រសៀល ថ្ងៃទី២៣  ខែកញ្ញា  ឆ្នាំ២០២៣  ជនរងគ្រោះដែលឈ្មោះសុខេន  សៀកម៉ីង  ព្រមទាំងបក្សពួកចំនួន១៥នាក់  បានធ្វើដំណើរចេញពីខណ្ឌកំបូល មករកគ្នីគ្នាម្ខាងទៀតដែលទាក់ទងជាមួយប្អូនស្រីខ្លួន ដេីម្បីចរចាគ្នាបញ្ចប់រឿងដែលឈ្មោះគ្នានៅក្នុងសាលាកំបូល។

លុះជនរងគ្រោះ សុខេន  សៀកម៉ីង   និងបក្សពួកមកដល់ចំណុចកេីតហេតុ ភូមិ អង្គ សង្កាត់ ចោមចៅ ទី ៣ខណ្ឌ ពោធិ៍ សែនជ័យ ស្រាប់តែមានជនសង្ស័យមួយក្រុមមានគ្នាប្រហែល៩នាក់ ប្រដាប់ដោយដាវកែឆ្នៃ២ដេីមកាំបិតប៉័ងតោ១បានដើរសំដៅមកកាប់លេីជនរងគ្រោះបណ្តាលឱ្យរងរបួសត្រូវកដៃខាងឆ្វេង និងស្មាខាងក្រោយ ផ្នែកខាងឆ្វេង  រួចនាំគ្នាជិះម៉ូតូគេចខ្លួនបាត់អស់។

បើយោងតាមរបាយការណ៍ពីសមត្ថកិច្ចបានឱ្យដឹងថា ក្រោយមានករណីជនសង្ស័យមួយក្រុមកាប់ជនរងគ្រោះបណ្ដាលឱ្យរង របួស សមត្ថកិច្ចជំនាញបាន ដឹកនាំកម្លាំងនគរបាលផ្នែក សហការជាមួយប៉ុស្តិ៍ ចុះតាមដានស្រាវជ្រាវរក ជន សង្ស័យយកមកសាកសួរតាមនីតិវិធីច្បាប់។  លុះមកដល់វេលា ម៉ោង ១៦និង៣០នាទីល្ងាច  នាថ្ងៃទី ២៩  ខែកញ្ញា  ឆ្នាំ២០២៣ កម្លាំងនគរបាល នៃអធិការខណ្ឌ បានចាប់ឃាត់ខ្លួនជនសង្ស័យចំនួន៣នាក់ដូចមានរៀបរាប់ឈ្មោះខាងលើ។

បច្ចុប្បន្នជនសង្ស័យត្រូវបានកម្លាំងនគរបាលខណ្ឌ កំពុងសាកសួរ ដេីម្បីកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់៕

អត្ថបទដោយ៖ សុខា

The post ឃាត់ខ្លួនជនសង្ស័យ៣នាក់ សុទ្ធតែជាសិស្សសាលា ពាក់ព័ន្ធករណីកាប់យុវជនម្នាក់ឱ្យរបួសធ្ងន់ appeared first on Kampuchea Thmey Daily.