ទន្ទឹមគ្នានៃការចេញបទ “កាឌិនហយ” នេះដែរ ក៏មានការចែករំលែកនិងមានការចាប់អារម្មណ៍ពីសំណាក់អ្នកគាំទ្រទៅលើខ្លឹមសារបទចម្រៀងរបស់អ្នកនាង សុគន្ធ និសា ដែលច្រៀងរួមគ្នាជាមួយតារាកំប្លែង រ៉ូលីន ខណៈមានមតិមួយចំនួនសរសើរថារស់ជាត់ប្លែក កំប្លែងលាយលំជាមួយភាពសប្បាយផងដែរ។

ទោះបីយ៉ាងណាក្នុងនោះដែរក៏មានមតិខ្លះទៀតបាន បញ្ចេញការរិះគន់មិនពេញចិត្តទៅបទ”កាឌិនហយ” របស់អ្នកនាង សុគន្ធ និសា ថាមានអត្ថន័យមិនសមរម្យធ្វើឱ្យខូចតម្លៃសិល្ប:ខ្មែរ ព្រោះខ្លឹមសារខ្លះអសីលធម៌បំផុតមិនគួរយកមកប្រើនៅក្នុងបទនេះឡើយ។ ជាមួយការរិះគន់ខាងលើមកដល់ពេលនេះ គេមិនទាន់ឃើញអ្នកនាង សុគន្ធ និសា ចេញមុខឆ្លើយតបនៅឡើយទេ ខណ:អ្នកនិពន្ធ សោម ដូរ៉េ ជាអ្នកចេញមកពន្យល់។

លោក សោម ដូរ៉េ ដែលជាអ្នកនិពន្ធបទចម្រៀងខាង លើនេះបានចេញមកពន្យល់ថាខ្ញុំបាទសោមដូរ៉េសូមធ្វើការឆ្លើយតបទៅកាន់អ្នករិះគន់បទ “កាឌិនហយ”។ លោកថាមុននឹងលោកនិពន្ធបទនេះ គឺបានឆ្លងកាត់ការត្រួតពិនិត្យត្រឹមត្រូវជាពិសេសសុំយោបន់ពីរៀមច្បង និងសាស្រ្តាចារ្យនៅក្រសួងត្រឹមត្រូវដូចច្នេះទើបលោកច្បាប់ខ្លួនឯងថាគួរធ្វើអ្វីដូចដែលបងប្អូនបានដឹ ងហើយថាស្នាដៃរបស់លោកដែលបានចេញទៅនីមួយៗ គឺប្លែកហើយថ្មីហេតុនេះរាល់ការនិពន្ធលោកមិនធ្វេសប្រហែសទេ។

លោក សោម ដូរ៉េ បានបន្តថារាល់ការនិពន្ធបទចម្រៀងនីមួយៗលោកតែងតែសូមការព្រឹក្សាយោបន់ពីថ្នាក់ លើឬអ្នកជំនាញដើម្បីចៀសវាងនូវកំហុសឆ្លងហើយពាក្យដែលប្រើនៅក្នុងបទចម្រៀងមួយបទនេះគឺ” កាឌិនហយ”ជាពាក្យដែលប្រជាប្រិយដែលភាសាក្រៀមដូចជាពាក្យ កាទ្រិត កាចុប កាតុប កាច្រឹប ដែលជាពាក្យទាំងនេះគេប្រើទៅលើមនុស្សស្រីនៅពេលដែលខឹងឬលេងសើចគឺគេញោះគ្នា បញ្ចើចបញ្ចើរគ្នាលេង ឬចំអន់គ្នាតែប៉ុណ្ណោះ។

លោក ដូរ៉េ បញ្ជាក់បន្ថែមថាលោកនៅតែអះអាងថា “កាឌិនហយ” នេះមិនមែនជាពាក្យអាក្រក់ឬអក់សីលធម៌ឡើយគ្រាន់តែវាអាចប្លែកច្រចៀកសម្រាប់មនុស្សដែលមានវ័យចាប់ពី២០ឆ្នាំចុះក្រោម តែសម្រាប់អ្នកដែលមានវ័យចាប់ពី២០ឡើងលើច្បាស់ជាយល់ហើ យថាមានអត្ថន័យយ៉ាងណា។ចំណែកពាក្យព្រះកន្ធីងក៏មិនមែនជាពាក្យអាក្រក់ឬមានន័យមិនល្អនោះដែរ ៕ ដោយ: ចាន់រ៉ា

The post អ្នកនិពន្ធចេញមកពន្យល់ ក្រោយបទថ្មី សុគន្ធ និសា និង រ៉ូលីន រងការរិះគន់លើអត្ថន័យ appeared first on Kampuchea Thmey Daily.

កាលពីឆ្នាំមុន តារាទាំងពីរនេះក៏ធ្លាប់បង្កើតភាពកក្រើកម្តងរួចមកហើយ តាមរយៈបទ «ចាក់ក្រឡេកទយ» ដែលទទួលបានអ្នកទស្សនារហូតដល់ ១០លានដង បង្កើតជាកំណត់ត្រាដ៏គួរឱ្យចាប់អារម្មណ៍មួយផងដែរ។

យ៉ាងណា មិនចាញ់បទឆ្នាំមុនឡើយ ស្នាដៃថ្មី ដែលជាការចាប់ដៃគូជាថ្មីរវាងតារាចម្រៀងល្បី សុគន្ធ នីសា និងតារាពហុជំនាញ រ៉ូលីន បានបង្ហាញស្ទីលប្លែក ស្រស់ស្រាយ និងពោរពេញដោយអារម្មណ៍កំប្លុកកំប្លែង ធ្វើឱ្យទស្សនិកជនពេញចិត្ត និងបង្ហាញក្តីរីយរាយតាមចម្រៀងដែរ។ លើសពីនេះ អ្វីដែលគួរឱ្យចាប់អារម្មណ៍ ត្រឹមតែបង្ហើប Trailer បទ «កាឌិនហយ» ក៏ទទួលបានការទស្សនាជាង ២.៣លានដង ក្នុងរយៈពេលត្រឹម ២០ម៉ោងប៉ុណ្ណោះ បង្ហាញពីកម្លាំងគាំទ្រខ្លាំងពីទស្សនិកជន។

ក្នុងឱកាសនេះផងដែរ សោម ដូរ៉េ អ្នកនិពន្ធទំនុកច្រៀង និង លាង ស៊ាងលីន បានផ្ញើសារទៅកាន់ទស្សនិកជន ដោយសុំអភ័យទោសជាមុន ប្រសិនបើមានចំណុចណាមួយមិនគាប់ចិត្ត។ លោក សោម ដូរ៉េ បានបញ្ជាក់ថា នេះជាសហការលើកទី២របស់លោកជាមួយតារាទាំងពីរ ហើយលោកក៏សង្ឃឹមថា បទនេះនឹងនាំមកនូវសំណើច ស្នាមញញឹម និងអារម្មណ៍រីករាយដល់អ្នកស្តាប់ទាំងអស់។

ជាមួយគ្នានេះ លោកក៏បានបង្ហាញចិត្តទូលាយក្នុងការទទួលយកមតិយោបល់ និងការរិះគន់គ្រប់ទិស ដើម្បីអភិវឌ្ឍស្នាដៃឱ្យកាន់តែល្អប្រសើរឡើងបន្តទៀត។

ជារួម បទ «កាឌិនហយ» មិនត្រឹមតែជាបទចម្រៀងសម្រាប់កម្សាន្តទេ ប៉ុន្តែថែមទាំងជាការបញ្ចូលពណ៌សប្បាយរីករាយ និងស្មារតីបុណ្យចូលឆ្នាំ ដែលធ្វើឱ្យទស្សនិកជនមានអារម្មណ៍រីករាយ និងស្រលាញ់កាន់តែខ្លាំងឡើង៕

The post ចម្រៀងរួមគ្នា នីសា-រ៉ូលីន បទ«កាឌិនហយ» កាន់តែអង្រួនបេះដូងអ្នកគាំទ្រ ក្រោយចេញ Full MV appeared first on Kampuchea Thmey Daily.