ការកោះហៅ Archives - Kampuchea Thmey Daily

សាលាដំបូងរាជធានីភ្នំពេញ ចេញដីកាកោះហៅចុងចម្លើយក្នុងសំណុំរឿងលេខ២០២៨ ចូលសវនាការនៅថ្ងៃទី១៦ ឧសភា

Sorn Phanith — Mon, 29 Apr 2024 03:11:00 +0000

The post សាលាដំបូងរាជធានីភ្នំពេញ ចេញដីកាកោះហៅចុងចម្លើយក្នុងសំណុំរឿងលេខ២០២៨ ចូលសវនាការនៅថ្ងៃទី១៦ ឧសភា appeared first on Kampuchea Thmey Daily.

នាយកដ្ឋាននគរបាលព្រហ្មទណ្ឌ កោះហៅ លោក កឹម ជាតិ ឲ្យចូលខ្លួនបំភ្លឺនៅថ្ងៃទី២៨ ធ្នូ ខាងមុខនេះ

Sokhom Khon — Mon, 18 Dec 2023 07:21:18 +0000

នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលនគរបាលជាតិ កាលពីថ្ងៃទី១៥ ខែធ្នូ ឆ្នាំ២០២៣ បានចេញលិខិតកោះហៅលោក កឹម ជាតិ ឲ្យចូលខ្លួនបំភ្លឺលើសំណុំរឿងបណ្ដឹងរបស់ក្រុមហ៊ុន ឈីវទីម៉ិច គ្រុប នៅថ្ងទី២៨ ខែធ្នូ ឆ្នាំ២០២៣ខាងមុខនេះ។

លោក កឹម ជាតិ អតីតអនុរដ្ឋលេខាធិការក្រសួងមហាផ្ទៃ និងជាអនុប្រធានគណ:កម្មាធិការប្រយុទ្ធប្រឆាំងនឹងផលិតផលក្លែងក្លាយ ត្រូវបានលោក អ៊ូច សុតត្រា មេធាវីតំណាងឲ្យក្រុមហ៊ុន ឈីវ ទីម៉ិច គ្រុប ដាក់ពាក្យបណ្ដឹងទៅអគ្គាធិការដ្ឋាន ក្រសួងមហាផ្ទៃកាលពីថ្ងៃទី៦ ខែតុលា ឆ្នាំ២០២៣ លើករណីទាមទារប្រាក់ចំនួន $100,000 (ដប់ម៉ឺន ដុល្លារអាមេរិក) ជាថ្នូរនឹងការបើកអោយដំណើរការអាជីវកម្មធម្មតាវិញ។

កាលពីថ្ងទី១៤ ខែធ្នូ ឆ្នាំ២០២៣ លោក កឹម ជាតិ ត្រូវបានព្រះមហាក្សត្រ នៃកម្ពុជា ចេញព្រះរាជក្រឹត្យបញ្ចប់មុខតំណែងពីរដ្ឋលេខាធិការក្រសួងមហាផ្ទៃ និងជាអនុប្រធានគណ:កម្មាធិការប្រយុទ្ធប្រឆាំងនឹងផលិតផលក្លែងក្លាយ ក្រោយពីបែកធ្លាយរឿងទាមទារប្រាក់ពីក្រុមហ៊ុនស្រាប្រមាណ១០ម៉ឺនដុល្លារ៕

អត្ថបទ៖ សុខុម

The post នាយកដ្ឋាននគរបាលព្រហ្មទណ្ឌ កោះហៅ លោក កឹម ជាតិ ឲ្យចូលខ្លួនបំភ្លឺនៅថ្ងៃទី២៨ ធ្នូ ខាងមុខនេះ appeared first on Kampuchea Thmey Daily.

កោះហៅឧត្ដមសេនីយ៍នគរបាលម្នាក់ រឿងរត់ការចូលក្របខ័ណ្ឌនគរបាលជាតិមិនសម្រេច

អ៊ិន ពិសី — Thu, 23 Feb 2023 00:27:45 +0000

លោកឧត្ដមសេនីយ៍ត្រីនគរបាលម្នាក់ ត្រូវបានអយ្យការអមសាលាដំបូងរាជធានីភ្នំពេញ ចេញដីកាកោះហៅជាលើកទី ២ ឲ្យចូលខ្លួនបំភ្លឺនៅវេលាព្រឹកថ្ងៃទី ២៨ ខែកុម្ភៈ ឆ្នាំ ២០២៣ ខាងមុខនេះ ពាក់ព័ន្ធនឹងបណ្ដឹងចោទប្រកាន់ពីបទឆបោកប្រាក់ចំនួន ២៦.៥០០ ដុល្លារ ជាថ្នូរថ្លៃរត់ការចូលក្របខ័ណ្ឌនគរបាលជាតិ។ នេះបើយោងតាមដីកាកោះហៅលើកទី ២ របស់លោក សេង ម៉េងស្រ៊ុន ព្រះរាជអាជ្ញារងអមសាលាដំបូងរាជធានីភ្នំពេញ។

មន្ត្រីនគរបាលដែលតុលាការកោះហៅត្រូវបានគេស្គាល់ឈ្មោះ កែវ រ័ត្នមុនី ភេទប្រុស កើតនៅឆ្នាំ ១៩៨២ មានឋានន្តរសក្ដិថ្នាក់ឧត្ដមសេនីយ៍ត្រី ជាអនុប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋាន អន្តោប្រវេសន៍ក្រសួងមហាផ្ទៃ មានអាសយដ្ឋានផ្ទះលេខ ១០C,១២E0E1 ផ្លូវលេខ ២៧១ សង្កាត់ទឹកល្អក់ទី ៣ ខណ្ឌទួលគោក រាជធានីភ្នំពេញ។

ដីកាកោះជាលើកទី ២ របស់អយ្យការអមសាលាដំបូងរាជធានីភ្នំពេញ បញ្ជាក់ថា យើង សេង ម៉េងស្រ៊ុន តំណាងអយ្យការអមសាលាដំបូងរាជធានីភ្នំពេញអញ្ជើញឈ្មោះ កែវ រ័ត្នមុនី ភេទប្រុស កើតនៅឆ្នាំ ១៩៨២ មានអាសយដ្ឋានផ្ទះលេខ ១០C,១២E0E1 ផ្លូវលេខ ២៧១ សង្កាត់ទឹកល្អក់ទី ៣ ខណ្ឌទួលគោក រាជធានីភ្នំពេញ ឲ្យចូលមកកាន់អយ្យការអមសាលាដំបូងរាជធានីភ្នំពេញ នៅថ្ងៃទី ២៨ ខែកុម្ភៈ ឆ្នាំ ២០២៣ វេលាម៉ោង ៩ ព្រឹក ដើម្បីបំភ្លឺពីដំណើររឿងពាក់ព័ន្ធបណ្ដឹងពីបទឆបោក។

កាលពីកំឡុង ឆ្នាំ ២០២១ លោកឧត្ដមសេនីយ៍ត្រី ដែលមានតួនាទីជាអនុប្រធាននាយកដ្ឋាន ស៊ើបអង្កេត និងអនុវត្តនីតិវិធី(ន៧) នៃអគ្គនាយកដ្ឋាន អន្តោប្រវេសន៍ក្រសួងមហាផ្ទៃ បានអះអាងថា ខ្លួន មានសិទ្ធិសម្រេចរើសក្របខ័ណ្ឌ នគរបាលជាតិ ហើយនឹងបានលួងលោម និងបញ្ចុះបញ្ចូល បុរសម្នាក់ ដែលជាអ្នកស្គាល់គ្នា ឲ្យចូលក្របខ័ណ្ឌនគរបាលជាតិ។ នៅក្នុងនោះតម្រូវឲ្យប្រគល់ប្រាក់ចំនួន ២៦.៥០០ ដុល្លារ តាម ABA ជាថ្នូរថ្លៃរត់ការចូលក្របខ័ណ្ឌនគរបាលជាតិ។

ប្រភពបានឲ្យដឹងទៀតថា បន្ទាប់ពីទទួលបានប្រាក់ហើយ លោកឧត្ដមសេនីយ៍រូបនោះ រត់ការមិនបានសម្រេច ហើយចេះតែគេចវេះនិយាយដោះសារហូតមក មិនត្រឹមតែប៉ុណ្ណោះ បានទារប្រាក់បន្ថែមចំនួន ៥ ពាន់ដុល្លារទៀត ដើម្បីកែអាយុ តែសាមីខ្លួនមិនព្រម។ បន្ទាប់ពីរត់ការមិនបានសម្រេច លោកឧត្ដមសេនីយ៍ បានគេចវេះ និងបិទទូរស័ព្ទមិនព្រមទទួលពីម្ចាស់ប្រាក់ ទើបដឹងច្បាស់ចែសថា លោកឧត្ដមសេនីយ៍ ឆបោកសោះ ហើយសាមីខ្លួន ក៏បានដាក់ពាក្យបណ្ដឹងចូលតាមផេកហ្វេសបុករបស់សម្ដេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ ដើម្បីស្នើសុំឲ្យលុបឈ្មោះចេញពីក្របខ័ណ្ឌនគរបាលជាតិ និងទាមទារប្រាក់ចំនួន ២៦.៥០០ ដុល្លារ ត្រឡប់មកវិញ និងទាមទារសំណងជំងឺចិត្តចំនួន ២០០ លានរៀល ព្រមទាំងប្ដឹងចូលទៅសាលាដំបូងរាជធានីភ្នំពេញ ហើយត្រូវបានអយ្យការអមសាលាដំបូងរាជធានីភ្នំពេញ កោះហៅឲ្យចូលខ្លួនបំភ្លឺលើកទី ១ នៅថ្ងៃទី ០២ ខែកុម្ភៈ ឆ្នាំ ២០២៣ និងលើកទី ២ ឲ្យចូលខ្លួនបំភ្លឺនៅថ្ងៃទី ២៨ ខែកុម្ភៈ ឆ្នាំ ២០២៣ ខាងមុខនេះ៕

អត្ថបទ ៖ មករា

The post កោះហៅឧត្ដមសេនីយ៍នគរបាលម្នាក់ រឿងរត់ការចូលក្របខ័ណ្ឌនគរបាលជាតិមិនសម្រេច appeared first on Kampuchea Thmey Daily.

នៅ ស៊ីនឿន រត់រកលោក ហេង ឡុង ជួយរកយុត្តិធម៌ក្រោយ ត្រូវបានតុលាការសម្រេចឃុំខ្លួន

Sorn Phanith — Wed, 30 Dec 2020 09:53:07 +0000

តារាចម្រៀងលោក នៅ ស៊ីនឿន បន្ទាប់ពីត្រូវបានតុលាការ សម្រេចឲ្យឃុំខ្លួនតាមដីកាបង្គាប់របស់សាលាដំបូងរាជធានីភ្នំពេញ ក្រោមការចោទប្រកាន់ ពីបទគំរាមកំហែងនិងធ្វើឲ្យខូចខាតរួមទាំងប្រើអំពើហិង្សាទៅលើអ្នកកាន់កាប់អចលវត្ថុដោយសុចរិតនោះ ពេលនេះបានរត់មករកការជួយអន្តរាគមន៍ពីលោក ហេង ឡុង ដើម្បីរកយុត្តិធម៌លើករណីនេះ។

បើយោងតាមការបញ្ជាក់ឲ្យដឹងពីសំណាក់លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានលើកឡើងថា កាលពីថ្ងៃទី២៨ ខែធ្នូ ឆ្នាំ២០២០ តារាចម្រៀងផលិតកម្មរស្មីហង្សមាសលោក នៅ ស៊ីនឿន ត្រូវបានតុលាការសម្រេចឃុំខ្លួន នៅមណ្ឌលអប់រំកែប្រែទី១តាមដីកាបង្គាប់ឲ្យឃុំខ្លួនរបស់សាលាដំបូងរាជធានីភ្នំពេញក្រោមការចោទប្រកាន់ពីបទ«គំរាមកំហែងថា នឹងធ្វើឲ្យខូចខាតនិងប្រើអំពើហិង្សាទៅលើអ្នកកាន់កាប់អចលវត្ថុដោយសុចរិត» ។

លោក ហេង ឡុង បានបន្តថា ករណីនេះប្រព្រឹត្តនៅចំណុចផ្ទះលេខៈ ១៧២៩ ផ្លូវលំ ភូមិព្រែកតាឡុងទី២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ កាលពីឆ្នាំ២០១៩។ លោកនិយាយទៀតថា នៅថ្ងៃទី២៩ ខែធ្នូ ឆ្នាំ២០២០ ដោយទទួលបាន ការសម្របសម្រួលទើបសាលាដំបូងរាជធានីភ្នំពេញ ក៏បានចេញដីកាសម្រេចអនុញ្ញាតឲ្យនៅក្រៅឃុំបណ្ដោះអាសន្ន ដោយសំអាងហេតុ៨ចំណុច។ ប្រភពបន្តថា មកដល់ថ្ងៃទី៣០ ខែធ្នូ ឆ្នាំ២០២០នេះ លោក នៅ ស៊ីនឿន ក៏បានមកជួបពិភាក្សាជាមួយខ្ញុំបាទ ហេង ឡុង ក្នុងនាមជាប្រធានសមាគមមិត្តសិល្បៈស្ម័គ្រចិត្តជួយសង្គម ដើម្បីស្វែងរកការពឹងពាក់មេធាវីស្ម័គ្រចិត្តរបស់សមាគម ក្នុងការការពារសិទ្ធិ និង ជួយរកយុត្តិធម៌ជូនគាត់តាមផ្លូវច្បាប់។

បើតាមសម្រង់សម្តីរបស់លោក នៅ ស៊ីនឿន ដែលបានបញ្ជាក់ទៅកាន់លោក ហេង ឡុង បានលើកឡើងថា ទីតាំងដែលលោកបានចូលរស់នៅតាំងពីឆ្នាំ២០០៩ ប៉ុន្តែឆ្នាំ២០១៣ ទើបលោកបានដាក់ពាក្យស្នើសុំកាន់កាប់ប្រើប្រាស់ដីធ្លីពីអាជ្ញាធរ។លោក ហេង ឡុង បន្ថែមថាករណីនេះ យើងខ្ញុំកំពុងពិភាក្សានិងពិគ្រោះយោបល់ជាមួយមេធាវីនិងក្រុមការងារផ្នែកច្បាប់ ដើម្បីការពារ និងជួយរកយុត្តិធម៌តាមផ្លូវច្បាប់៕

អត្ថបទ៖ ចាន់រ៉ា

សូមចុចអាន៖ អូនជាគ្រូពេទ្យ ស្នាដៃថ្មីពីលោក ម៉ម សំនៀង ច្រៀងលើកទឹកចិត្តគ្រូពេទ្យកម្ពុជាប្រយុទ្ធប្រឆាំងកូវីដ-១៩

The post នៅ ស៊ីនឿន រត់រកលោក ហេង ឡុង ជួយរកយុត្តិធម៌ក្រោយ ត្រូវបានតុលាការសម្រេចឃុំខ្លួន appeared first on Kampuchea Thmey Daily.

កោះហៅបុគ្គលម្នាក់ ប្រើប្រាស់ឯកសណ្ឋាននគរបាលជាតិ នៅក្នុងពិធីឡើងគ្រូ និងបំពេញបារមី

Sokhom Khon — Tue, 29 Dec 2020 09:18:55 +0000

ស្ត្រីឈ្មោះ ចិក ស្រីយ៉ាន់ ដែលពាក់ឯកសណ្ឋាននគរបាលជាតិ ក្នុងពិធីឡើងគ្រូ និងបំពេញបារមី ដែលធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូរបស់កងកម្លាំងនគរបាលជាតិ ត្រូវបានកម្លាំងនគរបាលប៉ុស្ដិ៍ឃុំខ្នាត ស្រុកពួក ខេត្ដសៀមរាប កោះហៅមកបំភ្លឺ។

យោងតាមការចេញផ្សាយរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្ដសៀមរាបបានចេញផ្សាយថា ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្ដសៀមរាប ឱ្យដឹងថា នៅថ្ងៃទី២៥ ខែធ្នូ ឆ្នាំ២០២០ វេលាម៉ោង០៩នឹង១០នាទីព្រឹក កម្លាំងប៉ុស្ដិ៍នគរបាលរដ្ឋបាលឃុំខ្នាត នៃអធិការដ្ឋាននគរបាលស្រុកពួក បានកោះហៅឈ្មោះ ចិក ស្រីយ៉ាន់ ភេទស្រី អាយុ៤២ឆ្នាំ រស់នៅភូមិអំពិលពាម ឃុំខ្នាត ស្រុកពួក ខេត្ដសៀមរាប មកបំភ្លឺពាក់ព័ន្ធនឹងករណី ប្រើប្រាស់ឯកសណ្ឋាននគរបាលជាតិ នៅក្នុងពិធីឡើងគ្រូ និងបំពេញបារមី កាលពីថ្ងៃទី០៩-១០ ខែធ្នូ ឆ្នាំ២០២០ នៅចំណុចភូមិចំបក់ហែ ឃុំពួក ស្រុកពួក ខេត្ដសៀមរាប។

ក្រោយពីសាកសួរ ឈ្មោះ ចិក ស្រីយ៉ាន់ បានបំភ្លឺប្រាប់សមត្ថកិច្ចយើងថា នៅក្នុងអំឡុងឆ្នាំ២០១២ ខ្លួនបានទៅទិញឯកសណ្ឋាននគរបាលជាតិ ពណ៌ទឹកដោះគោ (ដៃខ្លី) ចំនួន០១កំផ្លេ ពីផ្សារលើធំថ្មី ក្រុងសៀមរាប ក្នុងតម្លៃ៥០០០០រៀល និងកាត់ឯកសណ្ឋានពេទ្យ ចំនួន០១កំផ្លេ នៅចំណុចផ្សារពួក ក្នុងតម្លៃ៦០០០០រៀល ដើម្បីយកមកថ្វាយគ្រូ (ដាក់លើអាសនៈ) ។ លុះនៅថ្ងៃទី០៩-១០ ខែធ្នូ ឆ្នាំ២០២០ ដោយឈ្មោះ រី ភេទស្រី អាយុ៤៥ឆ្នាំ រស់នៅភូមិចំបក់ហែ ឃុំពួក ស្រុកពួក ខេត្ដសៀមរាប ដែលត្រូវជាកូនសិស្សរបស់ខ្លួន បានប្រារព្ធធ្វើពិធីបួងសួង និងបំពេញបារមី ដោយមានអញ្ជើញក្រុមភ្លេងមកលេងថ្វាយ ហើយក៏បានអញ្ជើញខ្លួន និងកូនសិស្សរបស់ខ្លួនសរុបមានគ្នាចំនួន១០នាក់ ឲ្យមកចូលរួមក្នុងពិធីបួងសួងនោះផងដែរ។

ក្នុងពិធីបួងសួង និងបំពេញបារមីនោះដែរ ខ្លួនបានស្លៀកពាក់ឯកសណ្ឋានមន្ដ្រីនគរបាលជាតិរាំថ្វាយចំនួន០២លើក គឺលើកទី១ នៅថ្ងៃទី០៩ ខែធ្នូ ឆ្នាំ២០២០ ចាប់ពីវេលាម៉ោង១៨:០០នាទី ដល់វេលាម៉ោង២២:០០នាទី និង លើកទី២ នៅថ្ងៃទី១០ ខែធ្នូ ឆ្នាំ២០២០ ចាប់ពីវេលាម៉ោង១២:០០នាទី ដល់វេលាម៉ោង១៩:០០នាទី ទើបចប់។

ក្រោយពីសាកសួរត្រូវបានបញ្ចប់ កម្លាំងសមត្ថកិច្ចយើងបានដកហូតឯកសណ្ឋាននគរបាលជាតិ និងធ្វើការអប់រំណែនាំ ឲ្យបញ្ឈប់សកម្មភាព ប្រើប្រាស់ឯកសណ្ឋាននគរបាលជាតិ ឬឯកសណ្ឋានរបស់ស្ថាប័នណាមួយ យកមកស្លៀកពាក់រាំក្នុងពិធីឡើងគ្រូ ឬបួងសួងបំពេញបារមីតទៅទៀត។ អាស្រ័យហេតុនេះ សូមសាធារណៈជនទាំងអស់ ដែលនិយមតាមដាន និងប្រើប្រាស់បណ្ដាញទំនាក់ទំនងសង្គមហ្វេសបុក មេត្ដាជ្រាប ៕

អត្ថបទ ៖ សុខុម

The post កោះហៅបុគ្គលម្នាក់ ប្រើប្រាស់ឯកសណ្ឋាននគរបាលជាតិ នៅក្នុងពិធីឡើងគ្រូ និងបំពេញបារមី appeared first on Kampuchea Thmey Daily.

កោះហៅសម រង្ស៊ី និងបក្ខពួកប្រមាណជិត៥០នាក់ ដើម្បីចូលរួមសវនាការ ក្នុងសំណុំរឿងរួមគំនិតក្បត់

Sorn Phanith — Tue, 03 Nov 2020 09:19:32 +0000

នៅវេលាម៉ោង២ និង៤០ នាទីរសៀល ថ្ងៃទី០៣ ខែវិច្ឆិកានេះ សមត្ថកិច្ច បានយកដីកាកោះហៅ ទណ្ឌិត សម រង្ស៊ី និងបក្សពួកប្រមាណជិត៥០ នាក់ ទៅបិទនៅអតីតទីស្នាក់ការ អតីតគណបក្សសង្គ្រោះជាតិ នៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដើម្បីចូលរួមសវនាការ នៅថ្ងៃទី២៦ ខែវិច្ឆិកាខាងមុខ នៅក្នុងសំណុំរឿង រួមគំនិតក្បត់ និងញុះញង់ឲ្យមានភាពវឹកវរដល់សន្តិសុខសង្គម។

មេដឹកនាំសំខាន់ៗ ដែលកោះហៅនៅក្នុងសំណុំរឿងនេះ មានដូចជា លោក សម រង្ស៊ី, លោក លី រតនរស្មី, លោក មោញ សារ៉ាត់, លោកអ៊ូ ច័ន្ទឫទ្ធិ, លោក ម៉ែន សុថាវរិន្ទ្រ, អ្នកស្រី យក់ នាង, លោក ឡុង រី , លោកស្រី មូរ សុខហួរ, លោក អេង ឆៃអ៊ាង, លោក អ៊ុំ សំអាន, លោក អ៊ីសា ឧស្មាន, លោក តុ វ៉ាន់ចាន់ និងលោក ហូរ វ៉ាន់ ជាដើម សរុប៤៧ រូប។

សមាសភាពចៅក្រមជំនុំជម្រះនៅថ្ងៃទី២៦ ខែវិច្ឆិកា ឆ្នាំ២០២០ រួមមាន៖ លោក រស់ ពិសិដ្ឋ ប្រធានក្រុមប្រឹក្សាជំនុំជម្រះ, លោក កើត សាំង ចៅក្រមប្រឹក្សាជំនុំជម្រះ, លោក អឹម វណ្ណៈ ចៅក្រមប្រឹក្សាជំនុំជម្រះ។

សូមជម្រាបថា លោកសម រង្ស៊ី ធ្លាប់ត្រូវបានតុលាការចោទប្រកាន់ពីបទរួម គំនិតក្បត់ និងញុះញង់ឲ្យប្រព្រឹត្តបទឧក្រិដ្ឋជាអាទិ៍ប្រព្រឹត្តនៅប្រទេសកម្ពុជា និងទីកន្លែងផ្សេងៗទៀត កាលពីថ្ងៃទី២០ ទី២១ ទី២២, ២៥, ២៦ នៅថ្ងៃទី២៧ ខែមករា ឆ្នាំ២០១៩ និងកាលពីអំឡុងខែមិថុនា ឆ្នាំ២០១៩ តាមបញ្ញត្តិមាត្រា ៤៥៣ មាត្រា៤៩៤ និងមាត្រា៤៩៥ នៃក្រមព្រហ្មទណ្ឌនៃព្រះរាជាណាចក្រកម្ពុជានៃក្រមព្រហ្មទណ្ឌនៃព្រះរាជាណាចក្រកម្ពុជា៕

អត្ថបទ៖ កោះកែវ

សូមចុចអាន៖ កាត់ទោសអតីតឧកញ៉ា ហូរ ចំរើន ថ្ងៃ០៦វិច្ឆិការឿង « រំលោភលើទំនុកចិត្ត »

The post កោះហៅសម រង្ស៊ី និងបក្ខពួកប្រមាណជិត៥០នាក់ ដើម្បីចូលរួមសវនាការ ក្នុងសំណុំរឿងរួមគំនិតក្បត់ appeared first on Kampuchea Thmey Daily.