ការជំនុំជម្រះ Archives - Kampuchea Thmey Daily

កាត់ទោសអតីតសមាជិកបក្សសង្គ្រោះជាតិ២១នាក់ ពីបទ រួមគំនិតក្បត់

Sokhom Khon — Fri, 22 Jan 2021 02:41:42 +0000

អតីតសមាជិក នៃអតីតគណបក្សសង្គ្រោះជាតិ ចំនួន២១នាក់ ត្រូវបានបញ្ជូនមកកាន់សាលាដំបូងរាជធានីភ្នំពេញ នាព្រឹកថ្ងៃទី២២ ខែមករា ឆ្នាំ២០២១នេះ ដើម្បីបើកសវនាការកាត់ទោស ។

តុលាការបានផ្ដើមចោទប្រកាន់ក្រុមមនុស្សទាំង២១នាក់ពីបទ « រួមគំនិតក្បត់ » បទ « ញុះញង់អោយប្រព្រឹត្តបទឧក្រិដ្ឋជាអាទ៍ » បទ « ញុះញង់កុំឱ្យយោធិនស្ដាប់បង្គាប់ » តាមមាត្រា ៤៥៣ មាត្រា ៤៩៤ មាត្រា ៤៩៥ និងមាត្រា ៤៧១ នៃក្រមព្រហ្មទណ្ឌកម្ពុជា ។

អង្គសវនាការនេះ ដឹកនាំដោយលោកចៅក្រម រស់ ពិសិដ្ឋ ជាចៅក្រមជំនុំជំរះ និងលោក សេង ហៀង ជាតំណាងអយ្យការ ។ តាមការគ្រោងទុក តុលាការនិងប្រើពេលវេលាពេញមួយថ្ងៃ ដើម្បីដំណើរការសវនាការនេះ ។

សូមបញ្ជាក់ថា ក្រុមជនជាប់ចោទទាំង២១នាក់ ត្រូវបានអាជ្ញាធរមានសមត្ថកិច្ចចាប់ខ្លួនជាបន្តបន្ទាប់កាលពីពាក់កណ្ដាលឆ្នាំ២០២០ នៅក្នុងយុទ្ធនាការបង្ក្រាបចលនាបះបោរញុះញង់មួយដឹកនាំដោយលោក សម រង្ស៊ី៕

អត្ថបទ ៖ មករា

The post កាត់ទោសអតីតសមាជិកបក្សសង្គ្រោះជាតិ២១នាក់ ពីបទ រួមគំនិតក្បត់ appeared first on Kampuchea Thmey Daily.

ម្រះមានរសជាតិល្វីងមែន តែផ្ដល់ប្រយោជន៍ហួសស្មានដល់សុខភាព

Sonya — Fri, 15 Jan 2021 09:39:39 +0000

គ្នាយើងមួយចំនួនអាចនឹងមិនចូលចិត្តម្រះដោយសាររសជាតិល្វីង។ តាមពិតទៅម្រះមានប្រយោជន៍ច្រើនដល់សុខភាព ស្បែក សក់ និងភ្នែកជាដើម។ ដូចនេះការញ៉ាំម្រះអាចជួយដល់សុខភាពច្រើន។

១. ជំងឺទឹកនោមផ្អែម

ម្រះមានសារធាតុដែលមានដំណើរការដូចនឹងអ័រម៉ូនអាំងស៊ុយលីន។ សារធាតុនេះអាចបន្ថយកម្រិតជាតិស្ករក្នុងឈាមសម្រាប់ជំងឺទឹកនោមផ្អែមទាំងប្រភេទ១ និងប្រភេទ២។ យើងអាចផឹកទឹកម្រះមួយកែវរាល់ថ្ងៃ។ ប៉ុន្តែប្រសិនជាយើងមានអាការៈឈឺពោះ រាករូស និងគ្រុនក្ដៅមិនគួរបន្តផឹកទេ។

២. សុខភាពស្បែក និងសក់

ម្រះសម្បូរដោយសារធាតុប្រឆាំងអុកស៊ីតកម្ម វីតាមីន C និង A ដែលល្អសម្រាប់ស្បែក។ សារធាតុទាំងនេះប្រឆាំងនឹងភាពចាស់ មុន និងបញ្ហាស្នាមជាំ ហើយក៏អាចព្យាបាលបញ្ហាស្បែកផ្សេងៗដូចជាជំងឺស្បែក Ringworm (កើតនៅស្បែកក្បាល) ជំងឺសើស្បែក Psoriasis និងបញ្ហារមាស់។ ម្រះក៏អាចកម្ចាត់អង្គែ បញ្ហាសក់ជ្រុះ និងបញ្ហាសក់បែកចុង។

៣. សុខភាពថ្លើម

ម្រះអាចកម្ចាត់ជាតិពុលក្នុងថ្លើម និងជំរុញអង់ស៊ីមថ្លើម ហើយក៏មានប្រយោជន៍ក្នុងជួយសម្រាលអាការៈក្រោយស្រវឹងដោយកាត់បន្ថយគ្រឿងស្រវឹងស្តុកក្នុងថ្លើម។ ម៉្យាងទៀត ម្រះក៏ល្អសម្រាប់ប្លោកនោមដែរ។

៤. ការរំលាយអាហារ

ម្រះសម្បូរដោយជាតិសរសៃដែលអាចជួយដល់ការបន្ទោរបង់ និងសម្រាលការទល់លាមក។ ដូចនេះគ្នាយើងដែលមានបញ្ហាទល់លាមកគួរញ៉ាំម្រះជាប្រចាំ។

៥. សុខភាពបេះដូង

ម្រះអាចកាត់បន្ថយខ្លាញ់អាក្រក់ (LDL) និងបន្ថយហានិភ័យជំងឺគាំងបេះដូង។ ម្រះក៏រក្សាលំនឹងសម្ពាធឈាមដោយវាសម្បូរដោយប៉ូតាស្យូមដែលអាចស្រូបយកសូដ្យូមដែលលើសក្នុងរាងកាយ។ ម៉្យាងទៀត ផ្លែនេះក៏ផ្ទុកជាតិដែក និងអាស៊ីដហ្វូលិកដែលអាចកាត់បន្ថយហានិភ័យជំងឺដាច់សរសៃឈាមក្នុងខួរក្បាល និងរក្សាបេះដូងឲ្យមានសុខភាពល្អ។

៦. ជំងឺមហារីក

បន្លែនេះជួយពង្រឹងប្រព័ន្ធភាពស៊ាំ និងបង្ការការឆ្លងជំងឺផ្សេងៗ រួមទាំងអាលែកហ្សី។ ការញ៉ាំម្រះជាប្រចាំអាចកាត់បន្ថយហានិភ័យមហារីក រួមទាំងប្រឆាំងនឹងការលូតលាស់កោសិកាមហារីក និងបញ្ឈប់ការកកើតនៃដុំសាច់មហារីកដូចជាជំងឺមហារីកសុដន់ ជំងឺមហារីកពោះវៀនធំ និងជំងឺមហារីកប្រូស្តាតជាដើម។

៧. សម្រកទម្ងន់

ម្រះមានកាឡូរីទាប តែសម្បូរដោយជាតិសរសៃ។ ម្រះអាចបញ្ឈប់ការកកើត និងការលូតលាស់នៃកោសិកាផ្ទុកជាតិខ្លាញ់ដែលមាននាទីស្តុកជាតិខ្លាញ់ក្នុងរាងកាយ។ ម៉្យាងទៀត ម្រះក៏ជួយដល់ការធ្វើមេតាបូលីសឲ្យប្រសើរជាងមុន ហើយសារធាតុប្រឆាំងអុកស៊ីតកម្មក្នុងម្រះក៏ជួយកម្ចាត់ជាតិពុលក្នុងរាងកាយដែលនេះអាចជួយដល់ការគ្រប់គ្រង និងសម្រកទម្ងន់។

៨. បង្កើនថាមពល

ការញ៉ាំម្រះជាប្រចាំអាចបង្កើនថាមពលក្នុងរាងកាយ និងជួយដល់ដំណេកឲ្យកាន់តែល្អ។ ផ្លែនេះដែរនៅអាចជួយកាត់បន្ថយបញ្ហាគេងអត់លក់ (insomnia)។ ក្រៅពីនេះ ម្រះក៏ល្អសម្រាប់សុខភាពភ្នែកដោយសារសារធាតុ Beta-carotene និងវីតាមីន A។

គួរបញ្ជាក់ថា សម្រាប់ស្ត្រីមានផ្ទៃពោះ និងអ្នកប្រើប្រាស់ថ្នាំ ជាពិសេសថ្នាំបញ្ចុះសម្ពាធឈាមគួរពិគ្រោះជាមួយគ្រូពេទ្យមុននឹងញ៉ាំ ឬផឹកទឹកម្រះក្នុងកម្រិតច្រើន៕

អត្ថបទផ្ដល់សិទ្ធិដោយ Hello Krupet

ចុចអាន៖ ស្វែងយល់ពីប្រភេទស្ករ និងវិធីប្រើប្រាស់ត្រឹមត្រូវលើមុខម្ហូប

ចុចអាន៖ អាហារ ៧ មុខនេះអាចជួយឲ្យចរន្តឈាមដើរបានល្អ

The post ម្រះមានរសជាតិល្វីងមែន តែផ្ដល់ប្រយោជន៍ហួសស្មានដល់សុខភាព appeared first on Kampuchea Thmey Daily.

សាលាដំបូងរាជធានីភ្នំពេញ សម្រេចលើកពេលជំនុំជម្រះសំណុំរឿង “ឧបឃាត” អតីតមេដឹកនាំ CNRP ៩រូប

Sorn Phanith — Wed, 11 Nov 2020 06:15:53 +0000

តាមការគ្រោងទុក នៅវេលាម៉ោង៨ព្រឹក ថ្ងៃទី១១ ខែវិច្ឆិកា ឆ្នាំ២០២០ នេះ សាលាដំបូងរាជធានីភ្នំពេញ ត្រូវលើកយកសំណុំរឿង “ឧបឃាត” របស់អតីតមេដឹកនាំគណបក្សសង្គ្រោះជាតិ ចំនួន៩រូប មកបើកសវនាការ ប៉ុន្តែនៅពេលដំណើរការ ក៏បានសម្រេចលើកពេលទៅថ្ងៃក្រោយវិញ ដោយសារតែមានការស្នើសុំពីភាគីមេធាវីជនត្រូវចោទ ហើយសវនាការនេះ នឹងត្រូវធ្វើនៅថ្ងៃទី២៥ ខែវិច្ឆិកា ឆ្នាំ២០២០ខាងមុខ។

អតីតមន្ត្រីជាន់ខ្ពស់នៃអតីតគណបក្សសង្គ្រោះជាតិចំនួន៩ រូប ដែលត្រូវចូលរួមសវនាការនោះរួមមាន ទី១. លោក សម រង្ស៊ី ទី២. លោកស្រី ជូឡុង សូមូរ៉ា ទី៣. លោកស្រី មូរ សុខហួរ ទី៤. លោកអេង ឆៃអ៊ាង ទី៥. លោក នុត រំដួល ទី៦. លោក ឡុង រី ទី៧. លោក ម៉ែន សុថាវរិន្ទ្រ ទី៨. លោក អ៊ូ ច័ន្ទឫទ្ធិ ទី៩. លោក ហូរ វ៉ាន់ ហើយដីកាកោះហៅឲ្យចូលសវនាការនេះ ត្រូវបានសមត្ថកិច្ចយកទៅបិតនៅអតីតទីស្នាក់ការកណ្តាល នៃអតីតគណបក្សសង្គ្រោះជាតិ ស្ថិតនៅសង្កាត់ចាក់អង្រែលើ ខណ្ឌមានជ័យរាជធានីភ្នំពេញ កាលពីវេលាម៉ោងប្រមាណ២ និង៥០ នាទី រសៀលថ្ងៃទី២០ ខែតុលា ឆ្នាំ២០២០ រួចហើយ។

ចៅក្រមជំនុំជម្រះ នៅក្នុងសវនាការនេះរួមមាន លោក ឌុច សុខសារិន ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ, លោក សេង ប៊ុណ្ណារិទ្ធ ចៅក្រមប្រឹក្សាជំនុំជម្រះសាលាដំបូងរាជធានីភ្នំពេញ, លោក ធាម ច័ន្ទពិសិដ្ឋ ចៅក្រមប្រឹក្សាជំនុំជម្រះសាលាដំបូងរាជធានីភ្នំពេញ, លោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ជាតំណាងអយ្យការ និងលោក ឈាវ ស៊ីវុត្ថា ក្រឡាបញ្ជីសាលាដំបូងរាជធានីភ្នំពេញ៕

អត្ថបទ៖ កោះកែវ

សូមចុចអាន៖ ទោះបីមានកូវីដ១៩ តែការនាំចេញពីកម្ពុជា ទៅទីផ្សារពិភពលោក នៅតែកើនឡើង

The post សាលាដំបូងរាជធានីភ្នំពេញ សម្រេចលើកពេលជំនុំជម្រះសំណុំរឿង “ឧបឃាត” អតីតមេដឹកនាំ CNRP ៩រូប appeared first on Kampuchea Thmey Daily.

ការជំនុំជម្រះ Archives - Kampuchea Thmey Daily

កាត់ទោស​អតីត​សមាជិក​បក្ស​សង្គ្រោះ​ជាតិ​២១​នាក់​ ពីបទ រួមគំនិត​ក្បត់​

ម្រះមាន​រសជាតិល្វីងមែន តែផ្ដល់ប្រយោជន៍ហួសស្មានដល់​សុខភាព

១. ជំងឺ​ទឹកនោមផ្អែម

២. សុខភាព​ស្បែក និង​សក់

៣. សុខភាព​ថ្លើម

៤. ការ​រំលាយ​អាហារ

៥. សុខភាព​បេះដូង

៦. ជំងឺ​មហារីក

៧. សម្រក​ទម្ងន់

៨. បង្កើន​ថាមពល

សាលាដំបូង​រាជធានី​ភ្នំពេញ សម្រេច​លើក​ពេល​ជំនុំជម្រះ​សំណុំរឿង “​ឧបឃាត​” អតីត​មេដឹកនាំ CNRP ​៩​រូប​