ប្រជាជាពលរដ្ឋដែលរស់ភូមិជ្រាវ សង្កាត់ជ្រាវ ក្រុងសៀមរាប ខេត្តសៀមរាប បានលើកឡើងក្នុងវេទិកា មួយនាព្រឹកថ្ងៃទី០៥ ខែកក្កដា ថា ពេលត្រូវធ្វើដំណើរឆ្ពោះទៅទីរួមខេត្តម្តងៗ គាត់តែងតែយកផ្លូវលំមួយខ្សែនេះសម្រាប់ធ្វើដំណើរទៅមក។ ប៉ុន្តែកាធ្វើដំណើរនោះ មិនមានភាពងាយស្រួលនោះទេ ពោលគឺមានការលំបាកខ្លាំងណាស់ ព្រោះផ្លូវនេះបើរដូវប្រាំងផ្លូវមានសភាពហុយ ចំណែរដូវវស្សាវិញ គឺផ្លូវមានសភាពបែកភក់រអិលលំបាកខ្លាំង។ ពលរដ្ឋស្នើដល់ក្រុមហ៊ុន និងអាជ្ញាធរថ្នាក់ខេត្ត មេត្តាជួយពន្លឿននៃការជួសជុលផ្លូវនេះឡើងវិញ ដើម្បីឲ្យប្រជាពលរដ្ឋដែលធ្វើដំណើរទៅមក ក៏ដូចជា ដឹកកសិផលផ្សេងៗឲ្យមានការងាយស្រួល។ ប្រជាពលរដ្ឋក្នុងភូមិជ្រាវ សង្ឃឹមថា ថ្នាក់ដឹកនាំខេត្ត ក៏ដូចជារាជរដ្ឋាភិបាល នឹងធ្វើផ្លូវនេះឲ្យមានភាពប្រសើរឡើង។

ជុំវិញទុក្ខលំបាកពលរដ្ឋក្នុងការធ្វើដំណើរនេះ លោក ក្អោប រ៉ន ចៅសង្កាត់ជ្រាវ បានលើកឡើងថា ផ្លូវនេះមានការលំបាកហើយ ដោយក្រុមហ៊ុន សែន គីរី អេកូផាក ឯ.ក បានសន្យាថា នឹងជួសជុលឡើងវិញ ព្រោះក្រុមហ៊ុននេះបានប្រើប្រាស់ផ្លូនេះដើម្បីដឹកដី។ តែការសន្យារបស់ក្រុមហ៊ុនហាក់បីដូចជាស្ងាត់ឈឹង។

សូមជ្រាបថា ផ្លូវដីស លាយគ្រួសក្រហមនេះមានប្រវែង ៣២០០ម៉ែត្រ ទទឹង៨ម៉ែត្រ ស្ថិតក្នុងភូមិស្ត្រក្រុងសៀមរាប បានរងការខូចខាតជាច្រើនឆ្នាំមកហើយ ដោយក្រុមកាយយកអាចម៍ដីលក់បានប្រើប្រាស់ផ្លូវនេះ ធ្វើឲ្យខូចខាត៕

អត្ថបទ៖ ជុន កុសល

The post ពលរដ្ឋក្រុងសៀមរាប ស្នើដល់ថ្នាក់ដឹកនាំជួយពន្លឿន​ជួស​ជុល​ផ្លូវលំមួយខ្សែក្នុងសង្កាត់ជ្រាវ ដែលកំពុង​ខូចខាត​ស្ទើរទាំងស្រុង appeared first on Kampuchea Thmey Daily.

លោក ដួង សាបាន មន្ត្រីបច្ចេកទេសខណ្ឌច្បារអំពៅ បានឲ្យដឹងនៅព្រឹកថ្ងៃទី២ ខែមិថុនានេះថា ក្នុងឆ្នាំ២០២៦នេះ សម្រាប់សង្កាត់ព្រែកប្រា ខណ្ឌច្បារអំពៅ មានគម្រោងអនុវត្តផ្លូវបេតុងអាមេចំនួន៥ខ្សែ មានបណ្តោយសរុប ៦៦២៤ម៉ែត្រទទឹងមធ្យម៦ម៉ែត្រ ស្ថិតក្នុងភូមិអូរអណ្តូង១ និងភូមិព្រះពន្លា និងប្រពន្ធ័លូមូលសម្រាប់រំដោះទឹកចំនួន១ខ្សែប្រវែង​១៨៧​ម៉ែត្រ ដែលមានមុខកាត់១ម៉ែត្រ ស្ថិតក្នុងភូមិអូរអណ្តូង១។

លោក ដួង សាបាន បញ្ជាក់ទៀតថា នៅពេលដែលស្ថាបនាផ្លូវចាក់បេតុងអាមេជុំវិញផ្សារបឹងព្រលិតរួចរាល់ហើយនោះ គឺតំបន់ដែលធ្លាប់លិចលង់រាល់រដូវវស្សាអស់រយៈពេល១៥ឆ្នាំមកនោះ គឺលែងមានទៀតហើយ។ នេះគឺដោយសារការខិតខំប្រឹងប្រែងរបស់រដ្ឋបាលខណ្ឌច្បារអំពៅ។

ប្រជាពលរដ្ឋរស់នៅភូមិអូរអណ្តូង១សង្កាត់ព្រែកប្រា ដែលទទួលបានផ្លូវចាក់ក្រាលបេតុងអាមេ បានសម្ដែងក្តីត្រេកអរព្រោះលែងព្រួយបារម្មណ៍ពីការលិចលង់លំនៅដ្ឋានទៀតហើយ៕

អត្ថបទ៖ នរា

The post តំបន់ជុំវិញផ្សារបឹងព្រលិត​ ដែលធ្លាប់លិចលង់​១៥ឆ្នាំ ប្រែក្លាយជាផ្លូវបេតុងរឹងមាំបង្កភាពងាយស្រួលដល់ពលរដ្ឋ appeared first on Kampuchea Thmey Daily.

ក្នុងឱកាសចុះពិនិត្យការដ្ឋានដោយផ្ទាល់ លោកប្រធានមន្ទីរ បានណែនាំដល់ក្រុមការងារបច្ចេកទេស និងក្រុមហ៊ុនទទួលបន្ទុកសាងសង់ឱ្យយកចិត្តទុកដាក់ខ្ពស់លើការអនុវត្តតាមបទដ្ឋានបច្ចេកទេស ដើម្បីធានាគុណភាពសំណង់ផ្លូវឱ្យមានភាពរឹងមាំ ប្រើប្រាស់បានយូរអង្វែង និងឆ្លើយតបទៅនឹងតម្រូវការធ្វើដំណើររបស់ប្រជាពលរដ្ឋប្រកបដោយសុវត្ថិភាព។

លោក លីវ សំណាង បញ្ជាក់ថា ខ្សែផ្លូវនេះមានសារៈសំខាន់យ៉ាងខ្លាំង សម្រាប់បម្រើផលប្រយោជន៍ជូនប្រជាពលរដ្ឋរាប់ពាន់គ្រួសារ ដែលរស់នៅតាមបណ្តោយផ្លូវ និងតំបន់ជុំវិញ ក្នុងការធ្វើដំណើរ ការដឹកជញ្ជូន និងការប្រកបរបរប្រចាំថ្ងៃ។ ជាពិសេស គម្រោងនេះនឹងជួយសម្រួលដល់ការដឹកជញ្ជូនកសិផលពីតំបន់ជនបទទៅកាន់ទីផ្សារបានកាន់តែងាយស្រួល រហ័ស និងចំណាយថវិកាតិចជាងមុន។

លោកប្រធានមន្ទីរ ក៏បានលើកឡើងផងដែរថា ការអភិវឌ្ឍហេដ្ឋារចនាសម្ព័ន្ធផ្លូវថ្នល់នៅតំបន់ជនបទ គឺជាកត្តាស្នូលមួយ ក្នុងការជំរុញកំណើនសេដ្ឋកិច្ចមូលដ្ឋាន កាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាពលរដ្ឋ ឱ្យកាន់តែប្រសើរឡើង ស្របតាមគោលនយោបាយអភិវឌ្ឍន៍ជនបទរបស់រាជរដ្ឋាភិបាលកម្ពុជា។

សូមបញ្ជាក់ថា គម្រោងផ្លូវអភិវឌ្ឍន៍ជនបទនេះ ជាប្រភេទផ្លូវកៅស៊ូពីរជាន់ (DBST) មានប្រវែងសរុប ១២,២០០ម៉ែត្រ ឬជាង១២គីឡូម៉ែត្រ និងមានទទឹង ៦ម៉ែត្រ។ ខ្សែផ្លូវនេះ តភ្ជាប់ពីតំបន់អង្គរុន-ច្បារមន ដោយឆ្លងកាត់ឃុំចំនួន៤ ក្នុងស្រុកបាទី រួមមាន ឃុំចំបក់ ឃុំត្រពាំងក្រសាំង ឃុំក្រាំងលាវ និងឃុំកុមារាជា៕

​អត្ថបទ៖ វីរៈ

The post ផ្លូវប្រវែងជាង១២​គីឡូម៉ែត្រ តភ្ជាប់ឃុំចំនួន៤ក្នុងស្រុកបាទី កំពុងត្រូវបានជួសជុលជាផ្លូវកៅស៊ូ​DBST ដើម្បីបម្រើផលប្រយោជន៍សាធារណៈ appeared first on Kampuchea Thmey Daily.

នេះតាមការឲ្យដឹងពីលោក កៅ វិបុល មន្ត្រីនៃមន្ទីរអភិវឌ្ឍជនបទខេត្តក្រចេះ នៅថ្ងៃទី១៤ ខែឧសភា ឆ្នាំ២០២៦។ លោក កៅ វិបុល បានឲ្យដឹងបន្ថែមថា ផ្លូវមួយខ្សែរនេះ ជាផ្លូវមួយក្នុងចំណោមផ្លូវទាំង ១៤ខ្សែរ នៃគម្រោងកែលម្អការតភ្ជាប់បណ្តាញហេដ្ឋារចនាសម្ព័ន្ធផ្លូវថ្នល់កម្ពុជា “RCIP”។ នៅក្នុងខ្សែរផ្លូវនេះដែរ មានការសាងសងលូប្រអប់ ១កន្លែង លូមូលចំនួន ១១កន្លែង និងប្រភេទ យូត្រែន មានប្រវែង ២៦៩ ម៉ែត្រ ដែលធ្វើនៅតាមទីប្រជុំជន ជាពិសេសនៅចំនុចដើមទី។

លោក ឈាង វត មេឃុំដារ បានឲ្យដឹងថា ឃុំដារជាឃុំមួយដែលទទួលបានគម្រោងធ្វើផ្លូវ “RCIP” ច្រើនជាងគេរហូតដល់ ៤ខ្សែ រួមមាន៖ គម្រោងធ្វើផ្លូវពីផ្សារចិត្របុរី ទៅភូមិខ្នងពស់, ផ្លូវពីផ្សារកាប៉ូ ទៅ ភូមិម្រ៉ើម, ផ្លូវពីភូមិអញ្ចាញ ទៅ ភូមិអូរគគី និងពីភូមិអូរគគី ទៅចំនុចផ្លូវថ្មបាំង ដែលបច្ចុប្បន្ន ក្រុមការងារបាននឹងកំពុងដំណើរការចាក់ក្រាលកៅស៊ូ និងចាក់បេតុងហើយ៕

អត្ថបទ៖ ប្រុញ វិធិន

The post ផ្លូវមួយខ្សែប្រវែងជាង ៧០០០ម៉ែត្រ តភ្ជាប់ពីក្រុងក្រចេះ ឆ្ពោះទៅស្រុកចិត្របុរី សម្រេចការស្ថាបនាប្រមាណជាង៣០% appeared first on Kampuchea Thmey Daily.

បើតាមលោក ភឿន ពុទ្ធី មកដល់បច្ចុប្បន្ន ផ្លូវលំមួយនេះត្រូវបានឈូសឆាយស្ថាបនាចាក់ខ្សាច់រួចរាល់ហើយ ដែលមានប្រវែង៥០០ម៉ែត្រ ទទឹង៥ម៉ែត្រ ស្ថាបនាដោយក្រាលខ្សាច់អំបិល និងចំណាយថវិកាប្រមាណជាង៤លានរៀល ដែលបានមកពីការប្រមូលកៀរគរពីសប្បុរសជន និងប្រជាពលរដ្ឋក្នុងមូលដ្ឋាន។ គោលបំណងនៃការជួសជុលស្ថាបនាផ្លូវលំមួយខ្សែនេះឡើង គឺដោយសារលោកមើលឃើញពីការលំបាករបស់ប្រជាពលរដ្ឋ ហើយផ្លូវនេះបានខូចខាតស្ទើរតែ៦០ភាគរយទៅហើយ ខណៈប្រជាពលរដ្ឋធ្វើដំណើរតាមផ្លូវមួយខ្សែនេះច្រើន។

តាមការបញ្ជក់ពីលោក ភឿន ពុទ្ធី នៅក្នុងឆ្នាំ២០២៦នេះ ភូមិត្រពាំងត្រយឹង នឹងទទួលបានផ្លូវបេតុងថ្មីមួយខ្សែបន្ថែមទៀតដែលជាគម្រោងមូលនិធិរបស់ឃុំ មានប្រវែង​ ៣៨០ម៉ែត្រ ទទឹង៥ម៉ែត្រ ដែលតភ្ញាប់រវាងឃុំចំបក់ និងឃុំត្នោត ក្នុងស្រុកបាទី។ អនុភូមិត្រពាំងត្រយឹង បញ្ជាក់ទៀតថា គម្រោងស្ថាបនាផ្លូវបេតុងថ្មីនេះ ខាងអាជ្ញាធរក៏ដូចជាមន្ត្រីជំនាញពាក់ព័ន្ធបានចុះវាស់វែងផលប៉ពាល់រួលរាល់ហើយ ពោលគឺនៅចាំតែថ្ងៃចុះស្ថាបនានៅពេលឆាប់ៗខាងមុខនេះប៉ុណ្ណោះ។

លោក ភឿន ពុទ្ធី បញ្ជាក់បន្ថែមថា គិតត្រឹមឆ្នាំ២០២៦នេះ នៅក្នុងភូមិត្រពាំងត្រយឹង ឃុំចំបក់ ស្រុកបាទី មានផ្លូវបេតុងសរុប ៤ខ្សែ ដែលជាផ្លូវមេសំខាន់ៗក្នុងភូមិ តភ្ញាប់ពីភូមិមួយទៅភូមិមួយ និងរវាងឃុំមួយចំនួនផងដែរ។ ការមានផ្លូវបេតុងដល់មូលដ្ឋាននេះ គឺសបញ្ជាក់ពីការយកចិត្តទុកដាក់ពីប្រមុខថ្នាក់ដឹកនាំ ក៏ដូចជារាជរដ្ឋាភិបាលចូលរួមអភិវឌ្ឍន៍សេដ្ឋកិច្ចរបស់ប្រជាពលរដ្ឋ។

លោក លឹម ធូ តំណាងប្រជាពលរដ្ឋក្នុងភូមិត្រពាំងត្រយឹង ឃុំចំបក់ ស្រុកបាទី បានសម្ដែងក្ដីរីករាយក្រោយពី​អាជ្ញាធរ​យកចិត្តទុកដាក់ក្នុងការស្ថាបនាផ្លូវក្នុងភូមិដែលធ្វើឲ្យពលរដ្ឋងាយស្រួលក្នុងការធ្វើដំណើរប្រចាំថ្ងៃ ក៏ដូចជាការ​ដឹកសកិផលផ្សេងៗ។ លោក លឹម ធូ បន្ថែមថា ក្នុងភូមិត្រពាំងត្រយឹង ក៏ដូចជាក្នុងឃុំចំបក់ មកដល់បច្ចុប្បន្នឃើញមានការអភិវឌ្ឍន៍ច្រើនដែលធ្វើឲ្យប្រជាពលរដ្ឋក្នុងមូលដ្ឋានងាយស្រួលក្នុងការប្រកបអាជីវកម្មដើម្បីបង្កើនប្រាក់ចំណូលបន្ថែមផ្គត់ផ្គង់គ្រួសារចាំថ្ងៃ៕

អត្ថបទ៖ សុខុម

The post អនុភូមិត្រពាំងត្រយឹង កៀរគរប្រមូលថវិកាពីសប្បុរសជនជួសជុលផ្លូវលំមួយខ្សែដើម្បីបង្កភាពងាយស្រួលក្នុងការធ្វើដំណើររបស់ពលរដ្ឋ appeared first on Kampuchea Thmey Daily.

បើតាមការបញ្ជាក់ពី កញ្ញា ពេជ្ររចនា ជានិស្សិតនិងជាអ្នកធ្វើដំណើរឆ្លងកាត់ចំណុចនេះ បានលើកថា គាត់តែងជិះម៉ូតូ ទៅសាលារៀនរៀងរាល់ថ្ងៃ តែងជួបការលំបាក ដោយសារចំណុចផ្លូវបេតុងនេះមានជង្ហុកធំខ្លាំងពេក ដែលធ្វើអោយគាត់ ពេលជិះម៉ូតូឆ្លងចំណុចនេះ ត្រូវសម្លឹងមើលដោយប្រុងប្រយ័ត្នខ្ពស់ទើបមិន ជួបគ្រោះថ្នាក់។

លោក ហួរ ពលរដ្ឋរស់នៅក្បែរនោះ ក៏បានលើកឡើងថា កន្លែងនេះពេលយប់ឡើង មានអ្នកដំណើរបើកបរលឿនគួរសមដែរ និងពេលខ្លះមានអ្នកជិះធ្លាក់ជង្ហុកខាងលើនេះដួល ក៏មានដែរ ។ ពលរដ្ឋបន្តថា ក្រោយពេលមានអាជ្ញាធរចុះមកជួសជុលបែបនេះ លោកក៏ដូចជាពលរដ្ឋផ្សេងដទៃទៀត មានអារម្មណ៍សប្បាយចិត្តឡើងវិញ ដោយមិនចាំបាច់ កើតទុក្ខបញ្ហាផ្លូវខូចក្បែរផ្ទះពួកគាត់ទៀតនោះឡើយ ។ ជាមួយគ្នានោះ ពលរដ្ឋសូមកោតសរសើរ ចំពោះអាជ្ញាធរ លើការយកចិត្តទុកដាក់ ពីបញ្ហារបស់ប្រជាពលរដ្ឋ យកមកដោះស្រាយទាន់ពេលវេលា ដើម្បីដោះស្រាយ និងសម្រួលបន្ទុកដែលធ្លាប់ជួបកន្លងមក។

ពាក់ព័ន្ធការស្ថាបនាផ្លូវនេះដែរ ក្រុមការងារ កម្ពុជាថ្មី បានទំនាក់ទំនងជាមួយ លោកស្រី សឿង សេរី ចៅសង្កាត់ដង្កោ បានអោយដឹងថា បន្ទាប់ពីទទួលបានទទួលបាននូវព័ត៍មាន ពីពលរដ្ឋលោកស្រី បានអោយលោក លត់ ឃីម ចៅសង្កាត់រងទី១ និងចាត់អោយក្រុមការងារសង្កាត់ភូមិ ចុះជួសជុលផ្លូវបេតុងដែលខូចខាត  ប្រវែង ១២ម៉ែត្រ ទទឹង ៣,៦០ម៉ែត្រ ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ៕ អត្ថបទ ៖ រដ្ឋា

The post អាជ្ញាធរសង្កាត់ដង្កោ ចុះជួសជុលចាក់កំណាត់ផ្លូវបេតុង ឡើងវិញដែលរងការខូចខាត ប្រវែង១២ម៉ែត្រ appeared first on Kampuchea Thmey Daily.

លោក ឈាង វត មេឃុំដារ បានបញ្ជាក់ថា ផ្លូវនេះ ជាគម្រោងអភិវឌ្ឍន៍ឆ្នាំ២០២៦ ប្រើប្រាស់ថវិកាឃុំ អភិវឌ្ឍន៍ពីផ្លូវក្រួសធម្មជាតិ ទៅជាផ្លូវបេតុងអាមេ ទទឹង ៥ម៉ែត្រ កម្រាស់១,៥តឹក សម្រាប់ឆ្នាំ២០២៦នេះ ដើម្បលើកកម្ពស់គុណភាពសោភ័ណភាព ផ្ដល់ភាពងាយស្រួលដល់ពលរដ្ឋដឹកជញ្ជូនកសិផល និងធ្វើដំណើរនៅក្នុងមូលដ្ឋាន។

ជាមួយគ្នានោះ រដ្ឋបាលឃុំដារ បានជួសជុលផ្លូវលំក្រួសធម្មជាតិតភ្ជាប់ពីភូមិតាងួន ទៅភូមិម្រ៉ើម មួយខ្សែ ប្រវែង ១,៦០០ម៉ែត្រ ពីចំណុចស្ពានអូរអណ្តូង រហូតដល់ហួសស្ពានអូរទទារ ដោយនៅខ្វះពីអង់តែនទៅជាប់ព្រំប្រទល់ភូមិម្រ៉ើមប្រវែង ១០០០ម៉ែត្រ ទៀតតែប៉ុណ្ណោះ៕

អត្ថបទ៖ ប្រុញ វិធិន

The post មន្ត្រីជំនាញខេត្តក្រចេះ ចុះពិនិត្យសិក្សាផ្លូវ ២ខ្សែ ដើម្បីត្រៀមអភិវឌ្ឍន៍ជាផ្លូវបេតុងអាមេ appeared first on Kampuchea Thmey Daily.

បច្ចុប្បន្ន ក្រុមការងារចុះរបស់វែងបានដើរបាញ់គំនូសក្រហមស្ទើរគ្រប់ផ្លូវក្នុងក្រុងបាត់ដំបង ដើម្បីឲ្យប្រជាពលរដ្ឋរំកិលថយក្រោយដោយធ្វើការកាត់សំយាប រុះរើរបង ដែលស្ថិតនៅលើចិញ្ចើមផ្លូវ ត្រូវធ្វើការកាត់ចោលទាំងអស់ ដែលក្នុងនោះគេក៏ឃើញមានគ្រឿងចក្រ សម្រាប់ជួយកាយរបងថ្មណាដែលរឹងមាំ ដើម្បីងាយស្រួលដល់ម្ចាស់ដោយមិនចាំបាច់​ជួលគេឲ្យមកវាយកម្ទេចឡើយ។

ដោយយោងទៅលើការណែនាំរបស់លោក សុខ លូ អភិបាលនៃគណៈអភិបាលខេត្តបាត់ដំបង ទើបមួយរយៈនេះគេសង្កេតឃើញលោកអភិបាលក្រុង លាង វាសនា បានដឹកនាំកម្លាំងយ៉ាងសកម្មបំផុតពិសេសទៅលើកំណាត់ផ្លូវលេខ ១២១ ដែលផ្លូវមួយខ្សែនេះសំខាន់បំផុតនឹងត្រូវពង្រីកទទឹង ៣០ម៉ែត្រ ដូច្នេះហើយទើបកម្លាំងសម្រុកចុះទៅលើផ្លូវនេះដើម្បីពង្រីកមុនគេ ដោយចាប់ពីផ្លូវលេខ ៣ ទៅទល់នឹងផ្លូវលេខ ៤ ត្រង់ចំណុចខាងមុខវត្តទួលតាឯក។

ដោយឡែកផ្លូវផ្សេងៗទៀតជាច្រើនខ្សែក៏ត្រូវបានកំណត់គោលដៅឲ្យពង្រីកដូចគ្នា ដែលគេសង្កេតឃើញថា ប្រជាពលរដ្ឋកំពុងដាក់ជាងឲ្យកាត់សំយាប និងរុះរើរបងផ្ទះដែលប៉ះពាល់ ដល់ចិញ្ចើមផ្លូវសាធារណៈយ៉ាងសស្រាក់សស្រាំជាទីបំផុត ដើម្បីបង្កភាពងាយស្រួល ដល់រដ្ឋបាលខេត្តនិងមន្ទាយជំនាញក្នុងការស្ថាបនាផ្លូវជាច្រើនខ្សែទាំងនេះ ៕

អត្ថបទ៖ សោ និយមរ័ត្ន

The post ផ្លូវជាច្រើនក្នុងក្រុងបាត់ដំបង កំពុងពង្រីកទៅតាមលក្ខណៈស្តង់ដារ appeared first on Kampuchea Thmey Daily.