ផ្លូវការ! ក្លិប អង្គរថាយហ្គឺរ បានពិន័យកីឡាករ មុត សត្យា ៤ ចំណុចធំ

Kosal Sem — Mon, 16 Mar 2026 07:43:36 +0000

ក្លិប អង្គរថាយហ្គឺរ បានចេញការពិន័យជាផ្លូវការលើកីឡាករ មុត សត្យា បន្ទាប់ពីបានប្រើអំពើហិង្សាដោយចេតនាលើកីឡាករ Connor Shields របស់ក្រុម ព្រះខ័នរាជស្វាយរៀង អំឡុងការប្រកួតក្រុមលំដាប់ Top 6 នៃលីគកំពូល កម្ពុជា កាលពីថ្ងៃ អាទិត្យ ទី ១៥ ខែ មីនា ឆ្នាំ ២០២៦ ម្សិលមិញ។

អំឡុងការប្រកួត ក្រុម អង្គរថាយហ្គឺរ ចាញ់ក្រុម ព្រះខ័នរាជស្វាយរៀង ០-២ ម្សិលមិញ បានមានរឿងចម្រូងចម្រាស់មួយនៅចុងការប្រកួត ដោយកីឡាករ មុត សត្យា ប្រើកែងរបស់ខ្លួនវាយទៅលើកីឡាករ Connor Shields ដោយចេតនា រហូតធ្វើឱ្យមានរបួសត្រង់ក្បាល។ ក្រោយប្រើសកម្មភាពហិង្សាបែបនេះ កីឡាករ មុត សត្យា ត្រូវបានលោកអាជ្ញាកណ្តាលផ្តល់កាតក្រហមបណ្តេញចេញពីទីលានប្រកួតភ្លាម។

យ៉ាងណាមិញ នៅថ្ងៃទី ១៦ ខែ មីនា ឆ្នាំ ២០២៦ នេះ ក្លិប អង្គរថាយហ្គឺរ បានបញ្ចេញចំណាត់ការភ្លាមៗលើកីឡាកររបស់ខ្លួន ដោយបានប្រកាសដាក់ពិន័យដូចតទៅ៖

ផ្អាកការចូលរូមការប្រកួតដែលនៅសេសសល់ទាំងអស់នៅរដូវកាលនេះ (៧ ប្រកួត)
មិនឲ្យចូលរួមហ្វឹកហាត់រហូតដល់ដាច់ខែនេះ
ត្រូវចូលរួមការងារស្ម័គ្រចិត្តក្នុងសហគមន៍ រួមទាំងការសម្អាតទីក្រុង ក្នុងអំឡុងពេលព្យួរការហ្វឹកហាត់
កាត់ប្រាក់បៀវត្សមួយផ្នែក រហូតដល់ចប់រដូវកាល

សូមបញ្ជាក់ថា នេះគ្រាន់តែជាការពិន័យរបស់ក្លិបប៉ុណ្ណោះ។ កីឡាករអាចនឹងត្រូវរងពិន័យបន្ថែមទៀតពីលីគ CPL។

ទោះបីជាយ៉ាងណា ក្លិបអង្គរថាយហ្គឺរ បានបញ្ជាក់ថា កីឡាករ មុត សន្យា បានសោកស្តាយចំពោះទង្វើរបស់ខ្លួនដែលមិនអាចគ្រប់គ្រងបាននៅលើទីលាន ហើយក្លិបនឹងធ្វើការអប់រំ និងស្តារនីតិសម្បទាកីឡាករឲ្យល្អប្រសើរឡើងវិញ។ ជាពិសេសក្លិបដែលមានជនជាតិជប៉ុនជាប្រធានអនុវត្តច្បាប់ និងគោលការណ៍យ៉ាងម៉ត់ចត់៕

អត្ថបទ៖ សេម កុសល

The post ផ្លូវការ! ក្លិប អង្គរថាយហ្គឺរ បានពិន័យកីឡាករ មុត សត្យា ៤ ចំណុចធំ appeared first on Kampuchea Thmey Daily.

កីឡាករ មុត សត្យា អាចត្រូវពិន័យបែបនេះ ចំពោះការប្រើកែងលើ Connor Shields យប់មិញ

Kosal Sem — Mon, 16 Mar 2026 03:13:55 +0000

កីឡាករ មុត សត្យា របស់ក្រុម អង្គរថាយហ្គើរ អាចនឹងត្រូវរងការពិន័យធ្ងន់ធ្ងរ បន្ទាប់ពីរូបគេប្រើអំពើហិង្សាដោយចេតនាលើកីឡាករ Connor Shields របស់ក្រុម ព្រះខ័នរាជស្វាយរៀង អំឡុងការប្រកួតក្រុម Top 6 នៃលីគកំពូល កម្ពុជា សប្តាហ៍ទី ២៣ កាលពីថ្ងៃ អាទិត្យ ទី ១៥ ខែ មីនា ឆ្នាំ ២០២៦។

នៅក្នុងការប្រកួតសប្តាហ៍ទី ២៣ នៃក្របខណ្ឌលីគកំពូល កម្ពុជា ក្រុម ព្រះខ័នរាជស្វាយរៀង បានទទួលជ័យជម្នះលើក្រុម អង្គរថាយហ្គើរ នៅពហុកីឡដ្ឋានជាតិមរតកតេជោ ក្នុងលទ្ធផល ២ ទល់នឹង ០។ ក្នុងនោះគ្រាប់បាល់ទាំង ២ គ្រាប់របស់ក្រុមម្ចាស់ផ្ទះរហស្សនាមព្រះខ័នខៀវ គឺរកបានដោយកីឡាករ Patrick Robson ទាំង ២ គ្រាប់ នៅនាទីទី ១៩ និង ៧៩។

យ៉ាងណាមិញ អំឡុងការប្រកួតដ៏ធំមួយនេះ ក៏មានរឿងចម្រូងចម្រាស់មួយនៅចុងការប្រកួតផងដែរ ដោយកីឡាករ មុត សត្យា បានប្រើកែងរបស់ខ្លួនវាយទៅលើកីឡាករ Connor Shields ដោយចេតនា រហូតធ្វើឱ្យមានរបួសត្រង់ក្បាល។ ក្រោយប្រើសកម្មភាពហិង្សាបែបនេះ កីឡាករ មុត សត្យា ត្រូវបានលោកអាជ្ញាកណ្តាលផ្តល់កាតក្រហមបណ្តេញចេញពីទីលានប្រកួតភ្លាម។

ជុំវិញករណីនេះ កីឡាករ មុត សត្យា មិនត្រឹមតែពិន័យត្រឹមតែកាតក្រហមប៉ុណ្ណេះនោះទេ គឺរូបគេអាចនឹងត្រូវរងការពិន័យបន្ថែមទៀត ទាំងចំនួនការប្រកួត និងពិន័យជាទឹកប្រាក់។ យោងតាមច្បាប់ FIFA មាត្រា ១២ ក្នុងករណីរបស់ សត្យា ប្រើកែងដោយចេតនា ធ្វើឱ្យ Connor Shields មានបញ្ហារបួសក្បាលបែបនេះ រូបគេអាចនឹងត្រូវពិន័យព្យួរការប្រកួតយ៉ាងហោចណាស់ ៣ ប្រកួត ឬច្រើនជាងនេះ។

ជាមួយគ្នានេះ កីឡាករក៏នឹងត្រូវពិន័យបន្ថែមជាទឹកប្រាក់ផងដែរ ដោយអាស្រ័យលើការកំណត់របស់លីគ។ ទោះបីជាយ៉ាងណា គិតត្រឹមពេលនេះ ការពិន័យរបស់លីគមិនទាន់ចេញជាផ្លូវការនៅឡើយទេ។ ដូច្នេះ អ្នកគាំទ្រនឹងរង់ចាំមើលបន្តទៀត ថា តើលីគនឹងពិន័យបែបណាលើកីឡាករ អង្គរថាយហ្គឺរ រូបនេះ៕

អត្ថបទ៖ សេម កុសល

The post កីឡាករ មុត សត្យា អាចត្រូវពិន័យបែបនេះ ចំពោះការប្រើកែងលើ Connor Shields យប់មិញ appeared first on Kampuchea Thmey Daily.

កីឡាករមុត សត្យា Archives - Kampuchea Thmey Daily

ផ្លូវការ! ក្លិប អង្គរថាយហ្គឺរ បានពិន័យ​កីឡាករ មុត សត្យា ៤​ ចំណុច​ធំ

កីឡាករ មុត សត្យា អាចត្រូវពិន័យបែបនេះ ចំពោះការប្រើកែងលើ Connor Shields យប់មិញ

ផ្លូវការ! ក្លិប អង្គរថាយហ្គឺរ បានពិន័យកីឡាករ មុត សត្យា ៤ ចំណុចធំ