តាមការចុះផ្សាយរបស់ RT, ការផ្ទុះបានកើតឡើងនៅម៉ោង៧:៣០នាទីព្រឹក (ម៉ោងនៅបារាំង) ប៉ុន្តែព័ត៌មានបឋមបានឲ្យដឹងថា មិនមាននរណាម្នាក់បាត់បង់ជីវិតនោះទេ។

ពាក់ព័ន្ធហេតុការណ៍នេះអគ្គកុងស៊ុលរុស្ស៊ីលោក Stanislav Oranskiy និយាយថា មានការផ្ទុះនៅក្នុងបរិវេណស្ថានកុងស៊ុលមែន ខណៈក្រុមមន្ត្រីបារាំងនិយាយថា ពួកគេឃើញមានការគប់គ្រាប់បែកសាំងចំនួន២គ្រាប់ ចូលទៅក្នុងបរិវេណនោះដែរ។

ទោះបីជាយ៉ាងណាក៏ដោយ ភ្លាមៗនេះ មិនទាន់មានការផ្សព្វផ្សាយព័ត៌មានលម្អិតឡើយ ខណៈរុស្ស៊ីបានបើកការស៊ើបអង្កេតរួចហើយ ហើយបានដាក់ការសង្ស័យថា នេះជាស្នាដៃរបស់អ៊ុយក្រែន៕

អត្ថបទ៖ សុខ សុវណ្ណ

ចុចអាន៖ ពូទីន៖ កងទ័ពរុស្ស៊ីប្រយុទ្ធនៅសមរភូមិជាមួយអ៊ុយក្រែន គឺដើម្បី យុត្តិធម៌

The post មានការផ្ទុះនៅស្ថានកុងស៊ុលរុស្ស៊ី ក្នុងប្រទេសបារាំង appeared first on Kampuchea Thmey Daily.

ពិធីប្រកាសតែងតាំងជាផ្លូវការនេះបានប្រព្រឹត្តទៅនៅក្នុង Hyatt Regency ក្រោមវត្តមានលោកជំទាវ Orna Sagiv ឯកអគ្គរដ្ឋទូតអ៉ីស្រាអែលប្រចាំកម្ពុជា តំណាងក្រសួងការបរទេស និងសហប្រតិបត្តិការអន្តរជាតិនៃកម្ពុជា និងភ្ញៀវកិត្តិយសសំខាន់ៗជាច្រើនទៀត។

ក្នុងនាមជាអគ្គកុងស៊ុលកិត្តិយស អ្នកឧកញ៉ា សួរ វីរៈ បានលើកឡើងពីការផ្ដោតលើកិច្ចពង្រឹងទំនាក់ទំនងទ្វេភាគីរវាងអ៉ីស្រាអែល និងកម្ពុជា លើកកម្ពស់ការយល់ដឹងគ្នាទៅវិញទៅមក និងស្វែងរក ឱកាសសម្រាប់កិច្ចសហប្រតិបត្តិការលើវិស័យពាណិជ្ជកម្ម វប្បធម៌ និងបច្ចេកវិទ្យា។ល។ អ្នកឧកញ៉ា សួរ វីរៈ បន្តទៀតថា ចំពោះការទទួលភារកិច្ចនេះ អ្នកឧកញ៉ានឹងធ្វើការយ៉ាងជិតស្និទ្ធជាមួយស្ថានទូតអ៉ីស្រាអែល រាជរដ្ឋាភិបាលកម្ពុជា និងសភាពាណិជ្ជកម្មកម្ពុជា-អ៉ីស្រាអែល ដើម្បីសម្រេចកិច្ចការដែលប្រទេសទាំងពីរបានកំណត់ និងពង្រឹងចំណងមិត្តភាពរវាងប្រទេសទាំងពីរ ឱ្យសម្រេចនូវគោលបំណងរួមគ្នា។

អ្នកឧកញ៉ា បានថ្លែងថា៖ «ខ្ញុំសូមថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលនៃប្រទេសអ៉ីស្រាអែល ដោយមានលោកជំទាវឯកអគ្គរដ្ឋទូត Orna Sagiv ជាតំណាង និងរាជរដ្ឋាភិបាលនៃព្រះរាជាណាចក្រកម្ពុជា ដែលបានផ្តល់ការជឿជាក់ និងមានទំនុកចិត្តលើខ្ញុំ។ ខ្ញុំសូមទទួលយកមុខតំណែងនេះ ហើយខ្ញុំប្តេជ្ញាចិត្តយ៉ាងមុតមាំថា នឹងបំពេញភារកិច្ចឱ្យបានល្អបំផុត ដើម្បីជាចំណែកចូលរួមកសាងភាពរុងរឿងរួមគ្នា ការច្នៃប្រឌិត និងភាពជាដៃគូយូរអង្វែងរវាងប្រទេសទាំងពីរ»។

អ្នកឧកញ៉ា សួរ វីរៈ បញ្ជាក់ថា ក្រៅពីមានតួនាទីជាអគ្គកុងស៊ុលកិត្តិយស អ្នកឧកញ៉ាក៏មានតួនាទីសំខាន់ទៀត គឺការពង្រឹងទំនាក់ទំនងរវាងប្រទេសទាំងពីរ តាមរយៈការស្វែងយល់ពីគ្នាទៅវិញទៅមករវាងប្រជាជនកម្ពុជា និងអ៉ីស្រាអែល ដោយមិនមែនត្រឹមតែទំនាក់ទំនងបែបកាទូតរវាងប្រទេស និងប្រទេសនោះទេ ពោល គឺឈានដល់ទំនាក់ទំនងឯកជនដែលផ្តល់ផលវិជ្ជមានចំពោះប្រជាជនទាំងពីរ។

ពិធីនេះបានបញ្ចប់ដោយភ្លេងជាតិនៃប្រទេសទាំងពីរ និងការសាទរពី លោកជំទាវឯកអគ្គរដ្ឋទូត និងភ្ញៀវកិត្តិយសជាតិ និងអន្តរជាតិ៕

The post អ្នកឧកញ៉ា សួរ វីរៈ ក្លាយជា កុងស៊ុលកិត្តិយសទី១ នៃរដ្ឋអ៊ីស្រាអែលប្រចាំកម្ពុជា appeared first on Kampuchea Thmey Daily.