លោក​ ប៊ុន​ ដារ៉ា​ អ្នកវិនិយោគ​ និងអភិរក្សស្ពានឬស្សីកោះប៉ែន​ បានឲ្យដឹងថា​ ដោយមានការណែនាំនិងចង្អុលបង្ហាញពី​ លោក​ អ៊ុន​ ចាន់ដា​ អភិបាលខេត្តកំពង់ចាម​ បានឲ្យរមណីយដ្ឋានឆ្នេរខ្សាច់កោះប៉ែន​ បង្កេីតកម្មវិធីកម្សាន្តសប្បាយៗ​ដែលហៅដាក់ឈ្មោះថា​ បុណ្យឆ្នេរខ្សាច់កោះប៉ែន​ ហេីយព្រឹត្តិការណ៍មួយនេះគឺជាលេីកដំបូងសម្រាប់រមណីយដ្ឋានមួយនេះ។

លោក​ ប៊ុន​ ដារ៉ា​ បន្ថែមទៀតថា​ កម្មវិធីបុណ្យឆ្នេរខ្សាច់កោះប៉ែននេះគឺធ្វេីឡេីង​ ដេីម្បីរំលឹកដល់ខួប១៥ឆ្នាំបង្កេីតរមណីយដ្ឋានឆ្នេរខ្សាច់កោះប៉ែន​ ដោយសម្តេចឧត្តមទេពញាណហ៊ុនណេងអតីតអភិបាលនៃគណៈអភិបាលខេត្តកំពង់ចាម និងជាអ្នកតំណាងរាស្រ្តមណ្ឌលខេត្តកំពង់ចាមបានផ្តួចផ្តើមបង្កើតទីនេះជារមណីដ្ឋានសម្រាប់ភ្ញៀវទេសចរណ៍កាលពីឆ្នាំ២០១១ និងបានបន្សលទុកជាមរតកសម្រាប់ភ្ញៀវទេសចរណ៍ និងចង់បង្កេីនកាទាក់ទាញភ្ញៀវទេសចរណ៍ឲ្យមកកម្សាន្តខេត្តកំពង់ចាមច្រេីន​។

សូមបញ្ជាក់ថា​ បុណ្យ​ឆ្នេរខ្សាច់កោះប៉ែន​នេះ​ គឺនឹងរៀបចំចាប់ពីថ្ងៃទី៧​ ដល់​ ថ្ងៃទី​១២​ ខែមីនា​ ឆ្នាំ​២០២៥​ខាងមុខនេះ​ ដោយរៀបចំនៅលេីរមណីយដ្ឋាន​កោះប៉ែន​ ហេីយមានកម្មវិធីសប្បាយកម្សាន្តជាច្រេីន​ ដូចការប្រគុំតន្ត្រី​ខ្នាតធំ, ប្រដាល់គុនខ្មែរ​,​ ការប្រកួតកីឡាបាល់ទះឆ្នេរខ្សាច់,​ការតាំងពិរពណ៍, និងមានការរាំលេងកម្សាន្តក្រោមដំណត់ទឹកជាដេីម៕

អត្ថបទ ​៖​ឡេក​ ចាន់ពេជ្រ

The post ខេត្តកំពង់ចាម​ នឹងរៀបចំព្រឹត្តិការណ៍បុណ្យឆ្នេរខ្សាច់លើកទី១ នៅរមណីយដ្ឋានឆ្នេរខ្សាច់​កោះប៉ែន appeared first on Kampuchea Thmey Daily.

លោក ស៊ាន សុគុន ប្រធានមន្ទីរទេសចរណ៍ខេត្តកំពង់ចាម នៅថ្ងៃទី៨ ខែមករា ឆ្នាំ២០២៤នេះ បានមានប្រសាសន៍ប្រាប់ឱ្យ កម្ពុជាថ្មី ដឹងថា គិតមកទល់ថ្ងៃទី៨ ខែមករា ឆ្នាំ២០២៤នេះ រមណីយដ្ឋាន​ កោះប៉ែន បានបើកដំណើរការ និងទទួលបានភ្ញៀវទេសចរយ៉ាងច្រើនកុះករ ដែលមកពីគ្រប់មជ្ឈដ្ឋាន ក្នុងប្រទេសកម្ពុជា និងភ្ញៀវទេសចរខ្លះទៀត បានអញ្ជើញមកពីបណ្ដាប្រទេសនានា បាននាំគ្នាមកទស្សនាកម្សាន្ដ ក្នុងរមណីយដ្ឋានកោះប៉ែន ផងដែរ។ លោក ស៊ាន សុគុន មានប្រសាសន៍បន្ថែមថា ភាគច្រើនភ្ញៀវទេសចរដែលអញ្ជើញមកទស្សនានៅរមណីយដ្ឋាន កោះប៉ែន គឺមកពីខេត្តឆ្ងាយៗ ក្នុងនោះមកពីខាងប៉ែកនិរតី ពាយព្យ ឦសាន និងខ្លះទៀតមកពីរាជធានីភ្នំពេញ ជាដើម។

លោកប្រធានមន្ទីរទេសចរណ៍ បន្តទៀតថា ភ្ញៀវទេសចរដែលអញ្ជើញមកកម្សាន្ដ នៅរមណីយដ្ឋានឆ្នេរខ្សាច់ កោះប៉ែន  មានការចូលរួមក្នុងការទុកដាក់សំរាម និងរក្សាអនាម័យបរិស្ថានបានយ៉ាងល្អ។ ក្រៅពីនេះ ក្នុងចំណោមភ្ញៀវទេសចរទាំងអស់នោះបាននាំគ្នាសម្ដែងការពេញចិត្ត ទទួលយកការផ្តល់សេវាសម្រាក និងពិសាចំណីអាហារប្រកបដោយអនាម័យ និងមានតម្លៃសមរម្យ។ ជាពិសេសនោះ ភ្ញៀវទេសចរ ក៏បានចូលរួមសហការក្នុងការរៀបចំសណ្តាប់ធ្នាប់ការពារសុវត្ថិភាព ដោយមានបុគ្គលិកសន្តិសុខ និងកងកម្លាំងសមត្ថកិច្ចដែលប្រចាំការនៅទីនោះបានយ៉ាងល្អជាងឆ្នាំកន្លងទៅ។

សូមជម្រាបជូនថា រមណីយដ្ឋានទេសចរណ៍ ឆ្នេរខ្សាច់កោះប៉ែន គឺជារមណីយដ្ឋានបែបធម្មជាតិ និងមានឆ្នេរទន្លេស្រស់ស្អាត ជាប់ដងទន្លេមេគង្គ ដែលមានទីតាំងស្ថិតនៅភូមិ​កោះមិត្ត​ ឃុំកោះមិត្ត ស្រុកកំពង់សៀម ខេត្តកំពង់ចាម និងមានចម្ងាយប្រហែល ៣ គីឡូម៉ែត្រពីទីរួមខេត្តកំពង់ចាម៕

អត្ថបទ ៖ សួស សិត

The post រមណីយដ្ឋាន កោះប៉ែន ទទួលបានភ្ញៀវទេសចរប្រមាណជាង៣ម៉ឺននាក់​ ក្នុងរយៈពេល៩ថ្ងៃ appeared first on Kampuchea Thmey Daily.

លោក ស៊ាន សុគុន ប្រធានមន្ទីរទេសចរណ៍ ខេត្តកំពង់ចាម បានមានប្រសាសន៍ប្រាប់កម្ពុជាថ្មីឱ្យដឹងថា មកទល់ពេលនេះ រមណីយដ្ឋានទេសចរណ៍​ «កោះប៉ែន​»​ បានរៀបចំហេដ្ឋារចនាសម្ព័ន្ធ ទាំងផ្លូវធ្វើដំណើរចូលក្នុងរមណីយដ្ឋានផ្ទាល់ សម្រាប់សម្រួលដល់ផ្លូវធ្វើដំណើររបស់ភ្ញៀវទេសចរជាតិ និងអន្ដរជាតិ ដើម្បីចូលមកទស្សនាកម្សាន្តនៅទីនេះ ដោយក្ដីសប្បាយរីករាយ ក្នុងឱកាសថ្ងៃឈប់សម្រាកពីការងារ និងថ្ងៃឆ្លងឆ្នាំថ្មីខាងមុខនេះ។ លោកប្រធានមន្ទីរ មានប្រសាសន៍បន្ថែមថា​ ចំណុចដែលធ្វើឱ្យទាក់ទាញភ្ញៀវទេសចរ មកទស្សនាកម្សាន្តនៅរមណីយដ្ឋានទេសចរណ៍ កោះប៉ែន នេះ គឺមានដូចជា ​៖ ទី១. រមណីយដ្ឋានទេសចរណ៍ កោះប៉ែន គឺជាកោះធម្មជាតិមានទឹកហូរជុំវិញកោះ អាចឱ្យភ្ញៀវនាំគ្នាមុជទឹកលេងកម្សាន្តសប្បាយ ទី២. រមណីយដ្ឋានទេសចរណ៍ កោះប៉ែន​ មានឆ្នេរទន្លេមេគង្គស្រស់ស្អាត ទី៣. រមណីយដ្ឋានទេសចរណ៍ កោះប៉ែន មានផ្លូវធ្វើដំណើរចូលក្នុងរមណីយដ្ឋាន ងាយស្រួល និងសុវត្ថិភាព និងទី៤. តម្លៃចូលរួមទស្សនាត្រឹមតែ ១ ០០០ រៀល ទៅ ២ ០០០ រៀល ក្នុងភ្ញៀវទេសចរម្នាក់ តែប៉ុណ្ណោះ។

លោក ស៊ាន សុគុន បានបញ្ជាក់ទៀតថា សម្រាប់ភ្ញៀវទេសចរបរទេសដែលមកទស្សនាកម្សាន្តនៅរមណីយដ្ឋាន កោះប៉ែន ភាគច្រើនគឺមកលេងជាលក្ខណៈឯកជន និងភ្ញៀវទេសចរខ្លះទៀត មកជាលក្ខណៈក្រុមហ៊ុនទេសចរណ៍ តាមរយៈកាប៉ាល់ ឬ កាណូតទេសចរណ៍ ជាដើម។ លោក ស៊ាន សុគុន សង្ឃឹមថា ​នាឱកាសថ្ងៃឈប់សម្រាកឆ្លងឆ្នាំខាងមុខនេះ រមណីយដ្ឋានទេសចរណ៍ កោះប៉ែន នឹងទទួលបានភ្ញៀវទេសចរជាតិ និងអន្តរជាតិ មកទស្សនាកម្សាន្តយ៉ាងច្រើនកុះករ។

ជាចុងក្រោយ លោក ស៊ាន សុគុន ក៏បានអំពាវនាដល់ប្រជាពលរដ្ឋខ្មែរទាំងអស់ សូមមកចូលរួមទស្សនាកម្សាន្ត រមណីយដ្ឋានទេសចរណ៍ទាំង ១១ ក្នុងខេត្តកំពង់ចាម ក្នុងនោះរួមមាន ៖ រមណីយដ្ឋានទេសចរណ៍ ទឹកឆា និងរមណីយដ្ឋានទេសចរណ៍ កោះប៉ែន ដែលសុទ្ធសឹងជារមណីយដ្ឋានបែបធម្មជាតិទាំងអស់ មានក្នុងខេត្តកំពង់ចាម។

សូមជម្រាបជូនថា រមណីយដ្ឋានទេសចរណ៍ ឆ្នេរខ្សាច់កោះប៉ែន គឺជារមណីយដ្ឋានបែបធម្មជាតិ និងមានឆ្នេរទន្លេស្រស់ស្អាត ជាប់ដងទន្លេមេគង្គ ដែលមានទីតាំងស្ថិតនៅភូមិ​កោះមិត្ត​ ឃុំកោះមិត្ត ស្រុកកំពង់សៀម ខេត្តកំពង់ចាម និងមានចម្ងាយប្រហែល ៣ គីឡូម៉ែត្រពីទីរួមខេត្តកំពង់ចាម៕

អត្ថបទ ៖ សួស សិត

The post កោះប៉ែន ត្រៀមបើកដំណើរការទទួលភ្ញៀវទេសចរទស្សនាកម្សាន្ត ជាផ្លូវការ​ នាសប្ដាហ៍ក្រោយ appeared first on Kampuchea Thmey Daily.