ប្រតិកម្មរបស់ថៃ កើតឡើងបន្ទាប់ពីពួកគេទំនងក្តៅក្រហាយខ្លាំង ក្រោយឃើញ Google Maps លាតត្រដាងការពិតដែលដៅទីតាំងប្រាសាទទាំងបី នៅក្នុងទឹកដីនៃប្រទេសកម្ពុជា ដោយដល់ថ្នាក់ថៃចោទ Google ទៀតថា ការដៅបែបនេះ កំពុងបង្កើតព័ស្តុងតាងបំភ្លៃការពិត ធ្វើឲ្យប្រជាជនប្រទេសទាំងពីរ យល់ច្រឡំ។

យ៉ាងណារឿងនេះបានចោទជាសំណួរថាតើ Google ពិតជាប្តូរផែនទីនៅលើកម្មវិធី​​ Maps របស់ខ្លួន តាមសំណើថៃមែនឬទេ?

ចម្លើយគឺថា Google នឹងមិនប្តូរមកប្រើផែនទីខ្នាត១:៥០ ០០០ តាមសំណើរបស់ថៃឡើយ។ នេះគឺដោយសារតែគោលការណ៍របស់ Google Maps ទាក់ទងនឹងការបង្ហាញព្រំដែន។

គោលបំណងរបស់ Google គឺបង្ហាញ «ការពិតនៅលើដី» ឲ្យបានត្រឹមត្រូវនិងរក្សាអព្យាក្រឹតតាមដែលអាចធ្វើទៅបាន។ ម្យ៉ាង Google Maps មិនមានកម្លាំងផ្លូវច្បាប់ទេ ដែលសូម្បីតែកងទ័ពថៃខ្លួនឯងនោះ ក៏បញ្ជាក់ដែរថា ការដៅព្រំដែននៅលើ Google Maps គ្មានទម្ងន់ផ្លូវច្បាប់អ្វីឡើយ។

Google ធ្វើការជាមួយស្ថាប័នផ្តល់ទិន្នន័យផ្សេងៗនិងពិគ្រោះជាមួយស្ថាប័ននានាដូចជា អង្គការសហប្រជាជាតិជាដើម ហើយកំណត់យកស្តង់ដារតាមសន្ធិសញ្ញា ដើម្បីសម្រេចពីរបៀបបង្ហាញព្រំដែន។

ដូច្នេះមានន័យថា ច្បាស់ណាស់ Google ទទួលស្គាល់តែផែនទីខ្នាត ១:២០០ ០០០ ដែលមានចែងក្នុងសន្ធិសញ្ញាបារាំង-សៀមឆ្នាំ១៩០៧ប៉ុណ្ណោះ ហើយមិនទទួលស្គាល់ផែនទីខ្នាត ១:៥០ ០០០របស់ប្រទេសថៃ ដែលផលិតដោយឯកតោភាគីដាច់ខាត៕

អត្ថបទ៖ សុខ សុវណ្ណ

ចុចអាន៖ ថៃ ត្រៀមស្នើទៅ Google ឲ្យយកតាមផែនទីរបស់ខ្លួនវិញ ទើបប្រាសាទតាមាន់ធំ ស្ថិតក្នុងដីថៃ 

The post Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ appeared first on Kampuchea Thmey Daily.

រុស្ស៊ីបានបញ្ជាឱ្យថ្នាល​បច្ចេកវិជ្ជាបរទេសដែលដំណើរការក្នុងប្រទេស​របស់​ខ្លួន​អស់រយៈពេលជាច្រើនឆ្នាំ ឲ្យ​លុបមាតិកាដែល​ខ្លួន​ចាត់ទុកថា ខុសច្បាប់ ដោយចេញការផាកពិន័យតិចតួច ប៉ុន្តែជាប់លាប់នៅពេលដែលខ្លួនមើលឃើញថាមិនគោរពតាម។ ប៉ុន្តែការផាកពិន័យកាលពីថ្ងៃអង្គារគឺជាការកើនឡើងគួរឱ្យកត់សម្គាល់លើការផាកពិន័យប្រហែល៤ម៉ឺនដុល្លារអាមេរិក។ ទោះយ៉ាងណា Google មិន​បាន​ឆ្លើយ​តប​ភ្លាមៗ​ចំពោះ​បញ្ហានេះនោះទេ។

តុលាការស្រុក Chertanovo នៅទីក្រុងមូស្គូបាននិយាយថា ការផាកពិន័យកាលពីថ្ងៃអង្គារត្រូវបានចេញសម្រាប់ការខកខានរបស់ Google ក្នុងការអនុលោមតាមការដាក់ទណ្ឌកម្មផ្នែករដ្ឋបាល។ តុលាការ​​រុស្ស៊ី​មិន​បាន​បញ្ជាក់​ថា ​បទល្មើស​រដ្ឋបាល​មួយ​ណា​ដែល​ត្រូវ​ផាក​ពិន័យ​ពាក់ព័ន្ធ​នឹង​ការ​ផាក​ពិន័យ​នោះ​ទេ។

ថ្នាលបច្ចេកវិទ្យា​ YouTube ជាមាតិកាដែលទាក់ទាញ​ជាង​គេនៅក្នុងការបង្ហោះនៅក្នុងទីក្រុងមូស្គូ។ Youtube ធ្លាប់បានទា​ក់ទាញអ្នកប្រើប្រាស់ប្រចាំថ្ងៃប្រហែល​៥០លាននាក់នៅក្នុងប្រទេសរុស្ស៊ី ប៉ុន្តែចំនួនទាំងនោះបានធ្លាក់ចុះមកនៅប្រហែល១២លាននាក់។ នេះបើយោងតាមទិន្នន័យរបស់ Google ។

អ្នករិះគន់មួយចំនួនបានចោទប្រកាន់អាជ្ញាធររុស្ស៊ីពីចេតនាបង្អាក់ល្បឿនទាញយករបស់ YouTube ដើម្បីការពារប្រជាជនរុស្ស៊ីពីការមើលមាតិកា​ របស់​ YouTube ដែលប្រឆាំងនឹងប្រធានាធិបតីរុស្ស៊ី លោក Vladimir Putin និងរដ្ឋាភិបាលរបស់គាត់។

ប៉ុន្តែ រុស្សីបានបដិសេធថា បញ្ហាទាំងនេះបណ្តាលមកពី Google បរាជ័យក្នុងការធ្វើឱ្យប្រសើរឡើងនូវកម្មវិធីរបស់ខ្លួន ដែល​ជា​ការចោទប្រកាន់ដែលជំទាស់ដោយក្រុមហ៊ុន និងអ្នកជំនាញបច្ចេកវិទ្យារបស់ Google។ លោក Putin កាលពីខែធ្នូក៏បានចោទប្រកាន់ក្រុមហ៊ុន Google ថាជាឧបករណ៍ប្រើប្រាស់ដោយរដ្ឋាភិបាលសហរដ្ឋអាមេរិកដើម្បីរកផលប្រយោជន៍នយោបាយផងដែរ៕

អត្ថបទ៖ ប៊ុន សុភាព

The post តុលាការរុស្ស៊ីពិន័យ Google ​បន្ថែម​​ទៀត​ ព្រោះតែ​ការ​​មិនបង់​​ពិន័យពីមុនៗ​​ appeared first on Kampuchea Thmey Daily.