មុននេះ កាសែត New York Times បានរាយការណ៍ថា វ៉ាក់សាំងចាក់តែម្តងចំនួន១៥លានដូស ត្រូវបានបំផ្លាញចោលនៅឯរោងចក្រផលិត Baltimore ដែលគ្រប់គ្រងដោយក្រុមហ៊ុន Emergent BioSolutions បន្ទាប់ពីកម្មករបានធ្វើឲ្យមានកំហុសជាមួយគ្រឿងផ្សំវ៉ាក់សាំង។

កាសែតនេះបានរាយការណ៍ថា ឧប្បត្តិហេតុនេះបានរារាំងនិយតករសហព័ន្ធ ពីការអនុម័តខ្សែសង្វាក់ផលិតកម្មរបស់រោងចក្រ។

នៅក្នុងសេចក្តីថ្លែងការណ៍មួយកាលពីយប់ថ្ងៃពុធ ក្រុមហ៊ុន Johnson & Johnson បាននិយាយថា កំហុសនេះត្រូវបានរកឃើញនៅក្នុងដំណើរការត្រួតពិនិត្យគុណភាព ហើយវ៉ាក់សាំងទាំងនោះ មិនបានឈានដល់ដំណាក់កាលបំពេញ និងបញ្ចប់នៃដំណើរការផលិតរបស់យើងឡើយ។

ក្រុមហ៊ុននិយាយថា “គុណភាពនិងសុវត្ថិភាពនៅតែជាអាទិភាពរបស់យើង។ ដូច្នេះនៅពេលយើងបន្តធ្វើការជាមួយរដ្ឋបាលចំណីអាហារនិងឪសថ ក្រុមហ៊ុន Johnson & Johnson នឹងផ្តល់អ្នកជំនាញបន្ថែមក្នុងការផលិត ប្រតិបត្ដិការបច្ចេកទេសនិងគុណភាពដើម្បីត្រួតពិនិត្យ ដឹកនាំនិងគាំទ្រលើរាល់ការផលិតវ៉ាក់សាំងកូវីដរបស់ក្រុមហ៊ុន Johnson & Johnson”។

ក្រុមហ៊ុនគូសបញ្ជាក់ថា ជំហានទាំងនេះនឹងធ្វើឲ្យក្រុមហ៊ុន អាចរក្សាការផ្គត់ផ្គង់វ៉ាក់សាំងចំនួន២៤លានដូសបន្ថែមទៀតនៅត្រឹមចុងខែមេសា និង១០០លានដូសនឹងត្រូវបញ្ជូនទៅសហរដ្ឋអាមេរិកនៅត្រឹមចុងខែឧសភា៕

ប្រែសម្រួលដោយ៖ Vann Vann

ប្រភព៖ Market Watch

ចុចអាន៖ វ៉ាក់សាំង BioNTech-Pfizer មានប្រសិទ្ធភាព ១០០ភាគរយ ចំពោះក្មេងអាយុពី១២ដល់១៥ឆ្នាំ

The post វ៉ាក់សាំងកូវីដ Johnson & Johnson ១៥លានដូស ត្រូវបំផ្លាញចោលដោយសារ មិនត្រូវតាមស្តង់ដារគុណភាព appeared first on Kampuchea Thmey Daily.

វ៉ាក់សាំងចាក់តែមួយលើក ដែលត្រូវបានបង្កើតឡើងដោយសាខាឱសថ Janssen របស់ក្រុមហ៊ុន Johnson & Johnson គឺមានប្រសិទ្ធភាព៦៦ភាគរយជាទូទៅក្នុងការការពារជំងឺកូវីដ១៩កម្រិតធ្ងន់ធ្ងរ, ២៨ថ្ងៃបន្ទាប់ពីការចាក់វ៉ាក់សាំង។

ក្រុមហ៊ុននេះនិយាយថា វ៉ាក់សាំងរបស់ខ្លួនមានប្រសិទ្ធភាព៧២ភាគរយក្នុងការការពារជំងឺកូវីដនៅសហរដ្ឋអាមេរិកប៉ុន្តែអត្រាទាបជាងនេះគឺ ៦៦ភាគរយត្រូវបានគេសង្កេតឃើញទូទាំងពិភពលោកក្នុងការសាកល្បងទ្រង់ទ្រាយធំដែលធ្វើឡើងនៅទូទាំងទ្វីបចំនួន៣ និងប្រឆាំងជាមួយវីរុសបម្លែងខ្លួនផ្សេងៗ។

ចក្រភពអង់គ្លេសបានធានាទិញវ៉ាក់សាំងនេះចំនួន៣០លានដូសដើម្បីចាក់ ប្រសិនបើមានការយល់ព្រមពីនិយតករ ហើយកំពុងពិចារណាទិញរាប់លានដូសទៀត។

ឆ្លើយតបទៅនឹងព័ត៌មានអំពីការសាកល្បងជោគជ័យនៃវ៉ាក់សាំងរបស់ Johnson & Johnson, រដ្ឋមន្ត្រីក្រសួងសុខាភិបាលអង់គ្លេសលោក Matt Hancock បានបង្ហោះ Twitter ថា “នេះគឺជាដំណឹងល្អបន្ថែមទៀតពី Janssen លើវ៉ាក់សាំង។ ប្រសិនបើថ្នាំនេះត្រូវបានអនុម័តមែននោះ វាអាចជួយជំរុញកម្មវិធីចាក់វ៉ាក់សាំងរបស់យើងបានយ៉ាងខ្លាំង ជាពិសេសវ៉ាក់សាំងដែលចាក់តែមួយដូស”។

លោកបន្តថា “នៅពេលទិន្នន័យពេញលេញត្រូវបានបញ្ជូនទៅភ្នាក់ងារថ្នាំនិងសុខភាព ពួកគេនឹងពិចារណាលើភ័ស្តុតាងដើម្បីកំណត់ថាតើវ៉ាក់សាំងនេះត្រូវតាមស្តង់ដារសុវត្ថិភាព ប្រសិទ្ធភាពនិងគុណភាពដែរឬក៏អត់”៕

ប្រែសម្រួលដោយ៖ Vann Vann

ប្រភព៖ Mirror

ចុចអាន៖ EU អនុញ្ញាតឲ្យប្រើប្រាស់វ៉ាក់សាំងកូវីដរបស់ក្រុមហ៊ុន AstraZeneca

The post ដំណឹងល្អមួយទៀត! វ៉ាក់សាំងកូវីដចាក់តែមួយដូសរបស់ Johnson & Johnson បង្ហាញប្រសិទ្ធភាព៦៦ភាគរយ appeared first on Kampuchea Thmey Daily.